ನಾರಳ

ವಿಕಿಪೀಡಿಯರ್ದ್

ನಾರಳ ಪನ್ಪಿನ ಒಂಜಿ ಊರುದ ಪುದರ್. ಕುಡ್ಲಡ್ದ್ ಬೆದ್ರಗ್ ಪೋಪಿನ ಸಾದಿದ ನಡುಟ್ ಗಂಜಿಮಠ ಪನ್ಪಿನ ಊರು ಉಂಡು, ಅಲ್ತ್‌ಡ್ದ್ ಮೂಜಿ ಕಿ.ಮೀ ಉಲಾಯಿ ಪೋಂಡ ನಾರಳ ತಿಕ್ಕುಂಡು.

ಪುದರ್ ಎಂಚ ಬತ್ತಂಡ್[ಸಂಪೊಲಿಪುಲೆ]

ಊರುಡು ಜಿಂಜ ತಾರೆದ ಮರ ಉಂಡು. ತಾರಾಯಿದ ಬುಲೆ ಜಾಸ್ತಿ ಉಂಡು. ತಾರಾಯಿಗ್ ಸಂಸ್ಕೃತ ಬಾಸೆಡ್ ನಾರಿಕೇಳ ಪನ್ಪೆರ್. ಅಂಚ ನಾರಿಕೇಳ ಬುಳೆಯುನ ಊರು ನಾರಳ ಆಂಡ್.

ಇತಿಹಾಸ ಬೊಕ್ಕ ಧಾರ್ಮಿಕ ನಂಬಿಕೆ[ಸಂಪೊಲಿಪುಲೆ]

[ಸರಿಯಾಯಿನ ಉಲ್ಲೇಕೊ ಬೋಡು]

ಅಂಚನೆ ಮೂಲ್ಪ ಒಂಜಿ ಮಠ ಉಂಡು ಆ ಮಠತ ಆರಾಧ್ಯ ದೈವ ಭೂತರಾಜೆರ್ ಅರೆನ್ಲಾ ನಾರಳತ್ತಾಯ ಪಂದ್ ಲೆಪ್ಪುವೆರ್. ಉಂದು ಮಠ ಉಡುಪಿ ಸೋದೆ ಮಠತ್ತ ಶಾಖೆ ಆತ್ತ್ಂಡ್. ಈ ಊರುದ ಉತ್ತರೊಡು ಗುಡ್ಡೆದ ನಡುಟ್ಟು 10 ಮೀ ಎತ್ತರೊರ್ದು ನೀರ್ ಜಪ್ಪುನ ಜಲಪಾತ ಉಂಡು. ಈ ಜಲಪಾತಗ್ ಶುಕ್ರವಾರ ಬೊಕ್ಕ ಅಂಗಾರೆ ಗಂಧರ್ವೆರ್ ಮೀಯರೆ ಬರ್ಪೆರ್ ಪನ್ಪಿನ ನಂಬಿಕೆ ಉಂಡು. ಈ ಜಲಪಾತ ದ ತಿರ್ತ್ ಸಿರಿಕ್ಲೆ ಗುಂಡಿ ಪಂದ್ ಉಂಡು ಮುಲ್ಪ ಅಶ್ವಥ ಮರ, ನಾಗರ ಬೆತ್ತದ ಮರ, ನೆಲ್ಲಿ ಮರ ಉಂಡು. ಅಂಚೆನೆ ಬ್ರಹ್ಮ ದೇವರ‍್ನ ಗುಡಿಲಾ ಉಂಡು. ಈ ಇಡೀ ಊರುನು ರಕ್ಷಣೆ ಮಲ್ಪುನ ಜವಬ್ದಾರಿ ಭೂತರಾಜ ದೇವರ‍್ನ. ನೆತ್ತ ಬಗೆಟ್ ಒಂಜಿ ಕಥೆ ಉಂಡು. ದುಂಬು ಮುಲ್ಪ ಕೃಷ್ಣ ದೇವರ‍್ನ ಅರ್ಚಕೆರಾಯಿನ ಶ್ರೀ ನಾರಾಯಣ ಭಟ್ಟರು ವಾದಿರಾಜ ಸ್ವಾಮಿಲೆಗ್ ಅಪಹಾಸ್ಯ ಮಲ್ತೆರ್ ಪಂದ್ ಅಯಿತ್ತ ಫಲವಾದ್ ಶಾಪಗ್ರಸ್ಥರಾಯೆರ್ ಶಾಪ ವಿಮೋಚನೆಗ್ ವಾದಿರಾಜೆರ್ ಈ ಊರುದ ರಕ್ಷಕನಾದ್ ಭೂತರಾಜೆ ಆದ್ ಪೂಜೆ ಪಡೆಯೊನು ಪಂದ್ ಆಶೀರ್ವದ ಮಲ್ಪುವೆರ್. ಅಂಚೆನೆ ಪಂಜಿ ಒಂಜಿ ಇತ್ತೆ ಇಪ್ಪುನ ನಾರಳ ಪ್ರದೇಶಗ್ ಸುತ್ತು ಬತ್ತ್ದ್ ಮಠತ್ತ ಕೆರೆಕ್ಕ್ ಲಾಗಿದ್ ವರಾಹ ರೂಪಿ ಆತ್ತ್ಂಡ್. ಶಿಲಾ ರೂಪ ಆದ್ ಗೋಚರಿಸುಂಡು ಈ ಊರುಗು ಇತ್ನ ಮುಟ್ಟ ಒವ್ವೆ ಕಲ್ವೆರ್ ಬೈದಿಜೆರ್.

ಉಲ್ಲೇಕೊಲು[ಸಂಪೊಲಿಪುಲೆ]

"https://tcy.wikipedia.org/w/index.php?title=ನಾರಳ&oldid=155671"ಡ್ದ್ ದೆತ್ತೊಂದುಂಡು