ನೀತು

ಪೀಠಿಕೆ

ನೀತು ಉತ್ತರ ಕರ್ನಾಟಕೊಡು ಪುಟ್ಟಿನಾರ್ ಸದ್ಯೊಗು ಬೆಂಗಳೂರುಡು ತನ್ನ ಕೆಲಸ ಕಾರ್ಯ ಮಲ್ತೊಂದುಲ್ಲೆರ್ .ಮೆರೆಗ್ ಭಾರತದ ಸುರುತ ಮಂಗಳಮುಖಿ ಟ್ಯಾಟೊ ಆರ‍್ಟಿಸ್ಟ್ ಪನ್ಪಿ ಬಿರ್ದ್ ತಿಕ್ಕ್ಂದ್ಂಡ್. ಎಲ್ಯ ಪ್ರಾಯೊಡೆ ಮಸ್ತ್ ಕಷ್ಟದ ಜೀವನ ಮಲ್ತಿನ ನೀತು ಇತ್ತೆ ಇಡಿ ಭಾರತೊಡೇ ತನ್ನನ್ ಪೊಲಬು ಆಪಿ ಲೆಕ್ಕ ಮಲ್ತೊಂದೆರ್. ಮಂಗಳಮುಖಿನಕುಲೆಗ್ ಸಮಾಜೊಡು ಅವಕಾಶೊಲು ತಿಕ್ಕುನೆ ಕಡಿಮೆ ಪನ್ಪಿನ ಪಾತೆರೊನು ಸುಳ್ಳು ಮಲ್ತ್ ತೋಜಾದೆರ್ .

ವಿದ್ಯಾಬ್ಯಾಸ ಬೊಕ್ಕ ವೃತ್ತಿ

ಒಂಜನೆ ತರಗತಿಡ್ದ್ ಪತ್ತನೇ ತರಗತಿ ಮುಟ್ಟ ಮೋಡಲ್ ಹೈ ಸ್ಕೂಲ್. ದ್ವಿತಿಯ ಪಿಯೂಸಿ ವಿಜಯ ರಥ ಮಂದಿರ ಗದಗ. ಬಿ.ವಿ.ಎ ಏನಿಮೇಶನ್ ಡಿಪ್ಲೊಮೊ ಮೆರೆ ಟ್ಯಾಟೂ ಶಾಪ್‌ಗ್ ಸುರು ಮಲ್ತ್‌ದ್ ೭ ವರ್ಷ ಆವೊಂದು ಬತ್ತ್ಂಡ್. ಉಂದೆತೊಟ್ಟುಗು ಬ್ಯೂಟಿ ಪಾರ್ಲರ್ಲ ಮೆರ್ ನಡಪಾವೊಂದುಲ್ಲೆರ್. ಅರೆನ ಅಪ್ಪೆಗ್ ಅಟಿಲ್‌ಡ್ ಮಸ್ತ್ ಆಸಕ್ತಿಯಿತ್ತ್ಂಡ್‌ಗೆ ಅಂಚ ರೆಸ್ಟೊರೆಂಟ್ ಮಲ್ತ್‌ದ್ ಸುಮಾರು ೪೦ಡ್ದ್ ಜಾಸ್ತಿ ಕುಟುಂಬೊಗು ಉದ್ಯೋಗಾವಕಾಶ ಮಲ್ತ್ ಕೊರ್ತೆರ್ .

ಜೀವನ

ಮೆರ್ ಗದಗಡ್ ಪುಟ್ಟುದು ಬೆಂಗಳೂರುಡು ನೆಲೆ ಆಯೆರ್.ಮೆರೆನ ಜೀವನ ಶೈಲಿದ ಬಗೆ ಬೇತೆನೆ ಯಾನ್ ಪಂಡ್‌ದ್ ಎನ್ನಿಯಂದೆ ತನ್ನಕುಲೆಗ್ ಬೋಡಾದ್ ಬದುಕಿನಾರ್ . ಭಾರತದ ಸುರುತ ಮಂಗಳ ಮುಖಿ ಟ್ಯಾಟೋ ಆರ‍್ಟಿಸ್ಟ್ ಪನ್ಪಿನ ಪೆರ್ಮೆ. ತನ್ನ ಎಲ್ಯ ಪ್ರಾಯೊಡು ಪೂ ಕಟ್ಟ್‌ದ್, ಉಪ್ಪಡ್ ಪ್ಯಾಕಿಂಗ್ ಮಲ್ತ್‌ದ್ ತನ್ನ ವಿದ್ಯಾಬ್ಯಾಸ ಮಲ್ತೆರ್. ಅರೆಗ್ ಎಲ್ಯ ಪ್ರಾಯೊಡು ಯಾನ್ ಆಣ್ ಅತ್ತ್ ಪೊಣ್ಣು ಪಂದ್ ಗೊತ್ತಾನಗ ಸಮಾಜದಂಚಿ ತೂದು ತನ್ನ ಭಾವನೆಲೆನ್ ಮುಚ್ಚಿದೀಯರ ತೂಂಡಲ ತನ್ನ ದೈಹಿಕ ಪ್ರತಿಕ್ರಿಯೆಲೆನ್ ಮುಚ್ಚಿದೀಯೆರೆ ಕಷ್ಟ ಆಂಡ್. ತನ್ನ ಎಲ್ಯ ಪ್ರಾಯೊಡು ಚಿತ್ರಕಲೆಟ್ ಮಸ್ತ್ ಆಸಕ್ತಿ ಇತ್ತಿನೆಡ್ದಾವರ ಮೆರೆನ ಜೀವನೊಗು ಸಹಾಯ ಆಂಡ್. ಟ್ಯಾಟೂ ಕಲಾವಿದೆ 'ನೀತು ಒರ್ತಿ ಟ್ಯಾಟೂ(Tatoo) ಕಲಾವಿದೆ ತಾನ್ ಪಾಡಿನ ಟ್ಯಾಟುಡ್ದಾವರ ಜನ ಕಡೆ ಮುಟ್ಟ ನೆನೆಪು ದೀಪೆರ್ ಪನ್ಪಿನ ಅರೆನ ಅಭಿಪ್ರಾಯ. ಈ ಐಡೆಂಟಿಟಿ ತಿಕ್ಕಿ ಬೊಕ್ಕ ಜನ ಜೆಂಡರ್(Gender) ತೂಪುಜೆರ್ ಟ್ಯಾಲೆಂಟ್ ತೂಪೆರ್ ಪನ್ಪಿನ ನೀತುಗು ತಾನೊರ್ತಿ ಟ್ಯಾಟೂ ಕಲಾವಿದೆ ಪನ್ಪಿನ ಬಗ್ಗೆ ಪೆರ್ಮೆ. ವಿಷ್ಯುವಲ್ ಆರ್ಟ್ಸ್(Visual arts) ಡ್ ಪದವಿ ಪಡೆಯಿನ ನೀತು ಮಾಡೆಲಿಂಗ್, ಹೊಟೇಲ್ ಉದ್ಯಮೊಡ್ಲ ಬಿರ್ಸೆದಿ ಪನ್ಪಾವೊಂದೆರ್

ಸಾದನೆ

ಫಸ್ಟ್ ಟ್ರಾಸ್ಸ್ ಟ್ಯಾಟೊ ಆರ‍್ಟಿಸ್ಟ್ ಇನ್ ದಿ ವಲ್ಡ್, ಮಿಸ್ ಟ್ರಾಸ್ಸ್ ಬಂಗಾರದ ಪದಕ ೨೦೧೭, ಮಿಸ್ ಟ್ರಾಸ್ಸ್ ಕ್ವೀನ್, ೨೦೧೯ ಟಾಲೆಂಟ್ ಮಿಸ್ ಬೊಕ್ಕ ಮಿಸ್ಟರ್ ಬೆಂಗಳೂರುಡು ಪ್ರಥಮ ಸ್ಥಾನ. ಮೆರ್ ಸುಮಾರ್ ಫ್ಯಾಷನ್ ಶೋಲೆಡ್ ಭಾಗವಹಿಸದ್ ಮಿಸ್ ಟ್ರಾನ್ಸ್ ವಲ್ಡ್ ೨೦೧೭, ಮಿಸ್ ಟ್ರೇನ್ಸ್ ಕ್ವೀನ್ ಇಂಡಿಯಾ ಟೇಲೆಂಟೆಡ್ ೨೦೧೮, ಮಿಸ್ ಆಂಡ್ ಮಿಸ್ಟರ್ ಬೆಂಗಳೂರು, ಟೆಸ್ಕೊ ರ‍್ವೀಸ್ ಅಚೀವರ್ ಪ್ರಶಸ್ತಿ ಇಂಚ ಮಸ್ತ್ ಬಿರುದು ಪಡೆತೆರ್ . ಉಂದೆತೊಟ್ಟುಗು ಅರೆನ ಸಾಧನೆಗ್ ಬೊಕ್ಕ ಅರೆನ ಸಮಾಜ ಸೇವೆಲೆನ್ ಪೊಲಬು ಮಲ್ತ್‌ದ್ ಕೊಪ್ಪಳಡ್ ಅಚೀವ್ ಮೆಂಟ್ ಅವರ‍್ಡ್ ತಿಕ್ಕ್‌ದ್ಂಡ್. ಮಂಗಳ ಮುಖಿಯೆರೆನ ಬಗ್ಗೆ ಸಂಶೋದನೆ ಮಲ್ತಿನ ಪುಗರ್ತೆ ಮೆರೆಗ್ ಸಂದುಂಡು.