ನೀತು ಘಂಘಾಸ್
ನೀತು ಘಂಘಾಸ್ ಒರ್ತಿ ಭಾರತದ ಪ್ರಖ್ಯಾತ ಬಾಕ್ಸರ್ ಆದುಲ್ಲೆರ್[೧]
ಪುಟ್ಟು ಬೊಕ್ಕ ಬಾಲ್ಯ[ಸಂಪೊಲಿಪುಲೆ]
ನೀತು ಘಂಘಾಸ್ ಹರಿಯಾಣದ ಭಿವಾನಿ ಜಿಲ್ಲೆದ ಧನನಾ ಗ್ರಾಮೊಡು 19 ಅಕ್ಟೋಬರ್ 2000 ನೇ ಇಸವಿಡ್ ಪುಟ್ಟಿನಾರ್. ಆರೆನ ಅಮ್ಮೆರ್ ಜೈ ಭಗವಾನ್ ಚಂಡೀಗಢದ ಹರಿಯಾಣ ರಾಜ್ಯಸಭೆಟ್ ಉದ್ಯೋಗಿಯಾದಿತ್ತೆರ್. ಅಪ್ಪೆನ ಪುದರ್ ಮುಖೇಶ್ ದೇವಿ. ನೀತುಗು ಅಕ್ಷಿತ್ ಕುಮಾರ್ ಪನ್ಪಿ ಸಹೋದರೆ ಉಲ್ಲೆರ್.ನೀತು ಘಂಘಾಸ್ ತನ್ನ 12 ನೇ ವರ್ಸೊ ಪ್ರಾಯೊಡು ತರಬೇತಿನ್ ಸುರು ಮಲ್ತೆರ್. ಆಂಡ ಸುರುತ ರಡ್ಡ್ ವರ್ಷ ಒವ್ವೆ ಯಶಸ್ಸು ತಿಕ್ಕಂದಿನ ಕಾರಣ ನಿರಾಶೆ ಆಯಿನ ನೀತು ಘಂಘಾಸ್ ಕ್ರೀಡೆನ್ ಬುಡ್ಪಿನ ನಿರ್ಧಾರ ಮಲ್ಪುವೆರ್. ಆಂಡ ನೀತುನ ಅಮ್ಮೆರ್ ತನ್ನ ಮಗಳ್ ಬಾಕ್ಸರ್ ಆಪಿನ ಕನನ್ ನಿಜ ಮಲ್ಪೆರೆ ತನ್ನ ಕೆಲಸೊಡ್ದು ಮೂಜಿ ವರ್ಷದ ರಜೆ ಪಾಡ್ದ್ ತನ್ನ ಒಂಜಿ ಎಲ್ಯ ಕೃಷಿ ಭೂಮಿಡ್ ಚೂರು ಕೃಷಿ ಮಲ್ತೊಂದು. ಆರೆ ಖುದ್ದ್ ಉಂತುದ್ ನೀತುನ ತರಬೇತಿ ಬೊಕ್ಕ ತೆನಸ್ಸ್‌ದ ಬಗ್ಗೆ ತೂವೊಂದಿತ್ತೆರ್.ನೀತು ತನ್ನ ಅಮ್ಮೆರೆನ ಸ್ಕೂಟರ್‌’ಡ್ ಪ್ರತಿದಿನ 40 ಕಿ.ಮೀ ದೂರ ತರಬೇತಿಗಾದ್ ಪೋವೊಂದಿತ್ತೆರ್ ಅವ್ವೆ ಸಮಯೊಡು ಖ್ಯಾತ ಭಿವಾನಿ ಬಾಕ್ಸಿಂಗ್ ಕ್ಲಬ್‌ದ ಸಂಸ್ಥಾಪಕ ವಿಜೇಂದರ್ ಸಿಂಗ್ ಅರೆನ ಮಾರ್ಗದರ್ಶಕೆರೆಡ್ ಒರಿ ಖ್ಯಾತ ತರಬೇತುದಾರ ಜಗದೀಶ್ ಸಿಂಗ್ ನೀತು ಘಂಘಾಸ್‌ನ್ ಗೊಬ್ಬುದ ಬಗ್ಗೆನ್ ತೂಪೆರ್ ಕಡೆಕ್ ಶ್ರೀ ಗುರು ಗೋಬಿಂದ್ ಸಿಂಗ್ ಕಾಲೇಜ್‌ದ ಬಿಎ ವಿದ್ಯಾರ್ಥಿನಿಯಾದಿತ್ತಿನ ನೀತು, ಭಿವಾನಿ ಬಾಕ್ಸಿಂಗ್ ಕ್ಲಬ್‌’ಗ್ ಸೇರುವೆರ್.
ಸಾಧನೆ ಬೊಕ್ಕ ಪ್ರಶಸ್ತಿ[ಸಂಪೊಲಿಪುಲೆ]
- 2017ಡ್ ಬಲ್ಗೇರಿಯಾಡ್ ನಡತಿನ ಬಾಲ್ಕನ್ ಯೂತ್ ಇಂಟರ್ನ್ಯಾಷನಲ್ ಬಾಕ್ಸಿಂಗ್ ಚಾಂಪಿಯನ್ಶಿಪ್’ಡ್ ಬಂಗಾರ್ದ ಪದಕ
- 2017 ಡ್ ಗುವಾಹಟಿಡ್ ನಡತಿನ ಮಹಿಳಾ ಯುವ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್ನಡ್ ಬಂಗಾರ್ದ ಪದಕ
- 2018 ಡ್ ಥೈಲ್ಯಾಂಡ್’ಡ್ ನಡತಿನ ಏಷ್ಯನ್ ಯೂತ್ ಚಾಂಪಿಯನ್ಶಿಪ್’ಡ್ ಬಂಗಾರ್ದ ಪದಕ
- 2018 ಡ್ ಸೆರ್ಬಿಯಾದ ಗೋಲ್ಡನ್ ಗ್ಲೋವ್’ಡ್ ನಡತಿನ ವೊಜ್ವೊಡಿನಾ ಯೂತ್ ಮೆನ್ & ವುಮೆನ್ ಬಾಕ್ಸಿಂಗ್ ಟೂರ್ನಮೆಂಟ್’ಡ್ ಬಂಗಾರ್ದ ಪದಕ
- 2018ಡ್ ಹಂಗೇರಿಡ್ ನಡತಿನ ಯುವ ಮಹಿಳಾ ವಿಶ್ವ ಚಾಂಪಿಯನ್ಶಿಪ್’ಡ್ ಬಂಗಾರ್ದ ಪದಕ
- 2022ಡ್ ಬಲ್ಗೇರಿಯಾಡ್ ನಡತಿನ ಸ್ಟ್ರಾಂಡ್ಜಾ ಮೆಮೋರಿಯಲ್ ಬಾಕ್ಸಿಂಗ್ ಪಂದ್ಯಾಟೊಡು ಬಂಗಾರ್ದ ಪದಕ
- 2022ಡ್ ಇಂಗ್ಲೆಂಡ್’ದ XXII ಕಾಮನ್‌ವೆಲ್ತ್ ಗೇಮ್ಸ್’ಡ್ ಬಂಗಾರ್ದ ಪದಕ
- 2023ಡ್ ನವದೆಹಲಿಡ್ ನಡತಿನ IBA ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಶಿಪ್’ಡ್ ಬಂಗಾರ್ದ ಪದಕ
ಉಲ್ಲೇಕೊ[ಸಂಪೊಲಿಪುಲೆ]
- ↑ "Archive copy". Archived from the original on 2023-03-30. Retrieved 2023-03-30.
{{cite web}}: CS1 maint: archived copy as title (link)