ವಿಷಯಕ್ಕೆ ಹೋಗು

ನೇಪಾಳೊದ ಆಕಾಸೊದ ಗುಹೆಲು

ಕೊಂಡಿ ಸೆರಾಲೆ
ವಿಕಿಪೀಡಿಯರ್ದ್, ಒಂಜಿ ಸೊತಂತ್ರ ವಿಶ್ವಕೋಶ
ನೇಪಾಳೊದ ಆಕಾಸೊದ ಗುಹೆಲು
ಗುರು ರಿಂಪೋಚೆ ಬಾಲ್ಮೋ ಡ್ ಒಳಪದರೊನು ದೆತ್ತ್ ಮಂದಿನ ಗುಹೆಲು
ಗುರು ರಿಂಪೋಚೆ ಬಾಲ್ಮೋ ಡ್ ಒಳಪದರೊನು ದೆತ್ತ್ ಮಂದಿನ ಗುಹೆಲು
Coordinates: 28°55′48″N 83°54′36″E / 28.93000°N 83.91000°E / 28.93000; 83.91000

ನೇಪಾಳೊದ ಆಕಾಸೊದ ಗುಹೆಲು ಅಥವಾ ಮುಸ್ಟಾಂಗ್ ಗುಹೆಕುಲು ನೇಪಾಳೊದ ಮುಸ್ಟಾಂಗ್ ಜಿಲ್ಲೆದ ಕಣಿತ ಬರಿಟ್ ಗರ್ದಿನ ಸುಮಾರು 10,000 ಮಾನವ ನಿರ್ಮಿತ ಗುಹೆಲುದ ಸಂಗ್ರಹೊ.[೧] ಪುರಾತತ್ತ್ವ ಶಾಸ್ತ್ರಜ್ಞೆರ್ ಬೊಕ್ಕ ಸಂಶೋಧಕೆರ್ನ ಕೆಲವು ಗುಂಪುಲು ಈ ಜೋಡಾದ್ ದೀತಿನ ಗುಹೆಲೆನ್ ಅನ್ವೇಷಣೆ ಮಲ್ತೆರ್ ಬೊಕ್ಕ ಕನಿಷ್ಠ 2,000-3,000 ವರ್ಸೊದ ಪಿರಾಕ್ ದ ಭಾಗಶಃ ಮಮ್ಮಿ ಮಲ್ತಿನ ಮಾನವ ದೇಹೊಲೆನ್ ಬೊಕ್ಕ ಅಸ್ಥಿಪಂಜರೊಲೆನ್ ಕಂಡು ಕನತೆರ್.[೨] ಸಂರಕ್ಷಕೆರ್ ಬೊಕ್ಕ ಪುರಾತತ್ತ್ವಜ್ಞೆರ್ ಈ ಗುಹೆಲೆನ್ ಅನ್ವೇಷಣೆ ಮಲ್ಪುನಗ 12ನೆಡ್ದ್ 14ನೆ ಶತಮಾನೊಗು ಪಿರವುದ ಅಮೂಲ್ಯವಾಯಿನ ಬೌದ್ಧ ಚಿತ್ರಕಲೆಲು, ಶಿಲ್ಪೊಲು, ಹಸ್ತಪ್ರತಿಲು ಬೊಕ್ಕ ಅಸಂಖ್ಯಾತ ಕಲಾಕೃತಿಲೆನ್ ಕಂಡು ಕನತ್ ಂಡ್.[೩][೪] ಈ ಗುಹೆಲು ಮೇಲ್ ಮುಸ್ತಾಂಗ್ ಡ್ ಕಾಳಿ ಗಂಡಕಿ ನದಿತ್ತ ಬರಿಟ್ ಕಡಿಮೆ ಕಣಿವೆದ ಗೋಡೆಲೆಡ್ ಉಂಡು. ಸಂಶೋಧನಾ ಗುಂಪುಲು ಈ ಗುಹೆಲೆನ್ ತನಿಖೆ ಮಲ್ಪೆರೆ ಸುರು ಮಲ್ತೊಂದುಲ್ಲೆರ್, ಆಂಡ ಗುಹೆಲೆನ್ ಏರ್ ಕಟ್ಟ್ ದ್ ದಾಯೆ ಕಟ್ಟ್ ದ್ ಂಡ್ ಪನ್ಪಿನೆನ್ ಇತ್ತೆಲಾ ಏರೆಗ್ಲಾ ಅರ್ಥ ಆಪುಜಿ. ಈ ಜಾಗೆನ್ ೧೯೯೬ಡ್ದ್ ಯುನೆಸ್ಕೋದ ವಿಶ್ವ ಪರಂಪರೆದ ಜಾಗೆ ಪಂಡ್ದ್ ಪಟ್ಟಿ ಮಲ್ತೆರ್.[೫]

ಇತಿಹಾಸ

[ಸಂಪೊಲಿಪುಲೆ]

ಮುಸ್ತಾಂಗ್ ದುಂಬು ಉತ್ತರ ನೇಪಾಳೊಡು ಲೋ ರಾಜ್ಯ ಆದಿತ್ತ್ಂಡ್, ಅಯಿತ ರಾಜಧಾನಿ ಲೋ ಮಂಥಾಂಗ್ ಆದಿತ್ತ್ಂಡ್. ೧೮ನೆ ಶತಮಾನದ ಕಡೆಟ್ ಈ ರಾಜ್ಯೊನು ನೇಪಾಳೊ ಸ್ವಾಧೀನ ಮಲ್ತ್ ಂಡ್. ಅಪ್ಪರ್ ಮುಸ್ತಾಂಗ್ 1992 ಮುಟ್ಟ ಒಂಜಿ ನಿರ್ಬಂಧಿತ ಡಿಮಿಲಿಟರೈಸ್ಡ್ ವಲಯ ಆದಿತ್ತ್ಂಡ್, ಉಂದು ಪಿದಯಿದ ಲೋಕೊಡ್ದ್ ಸಾಪೇಕ್ಷವಾದ್ ಪ್ರತ್ಯೇಕವಾದ್ ಉಪ್ಪುನೆರ್ದಾತ್ರ ಜಗತ್ತ್ ಡ್ ಅತ್ಯಂತ ರಕ್ಷಣೆ ಪಡೆಯಿನ ಪ್ರದೇಶೊಲೆಡ್ ಒಂಜಿ ಆತ್ಂಡ್, ಬಹುತೇಕ ಜನಸಂಖ್ಯೆ ಇತ್ತೆಲಾ ಸಾಂಪ್ರದಾಯಿಕ ಟಿಬೆಟಿಯನ್ ಭಾಷೆಲೆನ್ ಪಾತೆರುನಕುಲು.[೬] ನೇಪಾಳ ಒಂಜಿ ಒಕ್ಕೂಟ ಪ್ರಜಾಪ್ರಭುತ್ವ ಗಣರಾಜ್ಯ ಆಯಿ ಬೊಕ್ಕ, ನೇಪಾಳ ಸರ್ಕಾರದ ಆದೇಶೊಡು ಅಕ್ಟೋಬರ್ ೭, ೨೦೦೮ಡ್ ಮುಸ್ತಾಂಗ್ ಡ್ ರಾಜಪ್ರಭುತ್ವ ಅಸ್ತಿತ್ವೊಡು ಇಜ್ಜಿ.[೭]

ಆಕಾಸೊ ಗುಹೆಲು
ಚುಸಾಂಗ್ ದ ಆಕಾಸೊ ಗುಹೆಲು
ಲೋ ಮಂಥಂಗ್ ದ ಚೋಸರ್ ಗ್ರಾಮೊಡು ಉಪ್ಪುನ ಆಕಾಸ ಗುಹೆಲು
ಟೆಟಾಂಗ್ ಡು ಉಪ್ಪುನ ಗುಹೆಲು

ಮುಸ್ತಾಂಗ್ ನರಮಾನಿಯನ ಅವಶೇಷೊಲು

[ಸಂಪೊಲಿಪುಲೆ]

೧೯೯೦ ದಶಕದ ಮಧ್ಯೊಡು, ನೇಪಾಳ ಬೊಕ್ಕ ಕೊಲೊನ್ ವಿಶ್ವವಿದ್ಯಾಲಯೊಲೆನ ಪುರಾತತ್ತ್ವಜ್ಞೆರ್ ಸಂಗ್ರಹ ಮಲ್ತಿನ ಗುಹೆಲೆನ್ ಅನ್ವೇಷಣೆ ಮಲ್ಪೆರೆ ಸುರು ಮಲ್ತೆರ್ ಬೊಕ್ಕ ಕನಿಷ್ಠ ೨,೦೦೦ ವರ್ಸೊದ ಪಿರಾಕ್ ದ ಕೆಲವು ಡಜನ್ ಭಾಗಶಃ ಮಮ್ಮಿ ಮಲ್ತಿನ ಮಾನವ ದೇಹೊಲೆನ್ ಕಂಡು ಕನತೆರ್.[೨] 2010ಡ್, ಪರ್ವತಾರೋಹಿಲು ಬೊಕ್ಕ ಪುರಾತತ್ತ್ವಜ್ಞೆರೆನ ಒಂಜಿ ತಂಡ ಸಾಮ್ಜೊಂಗ್ ದ ಸುತ್ತಮುತ್ತ ಉಪ್ಪುನ ರಡ್ಡ್ ಮಲ್ಲ ಗುಹೆಲೆಡ್ 27 ಮಾನವ ಅವಶೇಷೊಲೆನ್ ಕಂಡು ಕನತ್ಂಡ್. ಬೌದ್ಧ ಧರ್ಮ ಮುಸ್ತಾಂಗ್ ಗ್ ಬರ್ಪಿನ ದುಂಬು 3ನೇ ಶತಮಾನೊಡ್ದ್ 8ನೇ ಶತಮಾನೊಗು ತುಲನಾತ್ಮಕವಾದ್ ಉಪ್ಪುನ ಸ್ಕೆಲೆಟನ್ಸ್ ಮೂಳೆಲೆಡ್ ಕಟ್ ಗುರುತುಲೆನ್ ದೀದ್ ಇತ್ತ್ಂಡ್. ಈ ಸಮಾಧಿ ಆಚರಣೆ ಬೊನ್-ಬೌದ್ಧ ಧರ್ಮದ ಆಕಾಶ ಸಮಾಧಿಗ್ ಸಂಬಂಧ ಪಟ್ಟಿನವು ಪಂದ್ ವಿಜ್ಞಾನಿಲು ನಂಬುವೆರ್.[೮] ಇನಿಕ್ಲಾ, ಮುಸ್ತಾಂಗ್ ದ ಒರಿ ನಾಗರಿಕೆರ್ ಸೈತಿನಗ, ಶರೀರೊನು ಎಲ್ಯ ಎಲ್ಯ ತುಂಡುಲೆಗ್ ಕಡ್ತ್ ದ್, ಮೂಳೆಲೆನ್ ಸೇರಾದ್, ರಣಹದ್ದುಲೆಗ್ ಬೇಗ ಬೇಗ ಕೊನೊಪಿಲೆಕ್ಕ ಮಂತು ದೀಪೆರ್. ಮುಸ್ತಾಂಗ್ ಡ್ ಜೋಮ್ಸೊಮ್ ನಿಲ್ದಾಣೊಡ್ದ್ ಸುಮಾರ್ 15 ನಿಮಿಷೊದ ನಡಿಗೆದ ದೂರೊಡು ಉಪ್ಪುನ ಮುಸ್ತಾಂಗ್ ಇಕೋ ಮ್ಯೂಸಿಯಂ ಗುಹೆಲೆಡ್ ತೋಜಿದ್ ಬತ್ತಿನ ಮಣಿಲು, ಮೂಳೆಲು ಬೊಕ್ಕ ಪೆಂಡೆಂಟ್ ಲೆನ ಸಂಗ್ರಹೊನು ಪ್ರದರ್ಶಿಸವುಂಡು.[೯]

ಧಾರ್ಮಿಕ ಕಲಾಕೃತಿಲು

[ಸಂಪೊಲಿಪುಲೆ]

೨೦೦೭ಡ್, ಯುಎಸ್ಎ, ಇಟಲಿ ಬೊಕ್ಕ ನೇಪಾಳ ದೇಶೊಲೆನ ಸಂಶೋಧಕೆರ್ ೧೩ನೆ ಶತಮಾನೊದ ಮುಸ್ತಾಂಗ್ ಗುಹೆಲೆಡ್ ಲೋ ಮಂಥಾಂಗ್ ದ ಸಮೀಪೊಡು ಪ್ರಾಚೀನ ಬೌದ್ಧ ಅಲಂಕಾರಿಕ ಕಲೆ ಬೊಕ್ಕ ಚಿತ್ರಕಲೆನ್, ಹಸ್ತಪ್ರತಿಲೆನ್ ಬೊಕ್ಕ ಕುಂಬಾರಿಕೆನ್ ಕಂಡು ಕನತೆರ್.[೧೦] 2008ಡ್ ರಡ್ಡನೆ ದಂಡಯಾತ್ರೆಡ್ 600 ವರ್ಸೊದ ಪಿರಾಕ್ ದ ಕೆಲವು ನರಮಾನಿಯನ ಅಸ್ಥಿಪಂಜರೊಲೆನ್ ತೂಯೆರ್. ಬೊಕ್ಕ ಮೌಲ್ಯದ ಹಸ್ತಪ್ರತಿಲೆನ ಪುನರ್ಮುದ್ರಣೊಲೆನ್ ಜಪ್ತಿ ಮಲ್ತೆರ್, ಅವುಲು ಕೆಲವು ಇಲ್ಲುಮಿನೇಷನ್ಸ್ ಪನ್ಪಿನ ಎಲ್ಯ ಚಿತ್ರೊಲೆನ್ ಒಳಗೊಂಡಿತ್ತುಂಡ್, ಅವು ಬೌದ್ಧ ಧರ್ಮ ಬೊಕ್ಕ 'ಬೊನ್ ಬರವುಲೆನ ಮಿಶ್ರಣೊನು ಒಳಗೊಂಡಿತ್ತುಂಡ್.[೧೧]

ಬಳಕೆ

[ಸಂಪೊಲಿಪುಲೆ]

ಮೇಲ್ ಮುಸ್ತಾಂಗ್ ಡ್ ಗುಹೆದ ಬಳಕೆನ್ ವಿಜ್ಞಾನಿಲು ಮೂಜಿ ಅವಧಿಲೆಡ್ ವಿಂಗಡಿಸಯೆರ್. ಬಿ.ಸಿ. 1,000 ವರ್ಸೊಗು ದುಂಬು, ಗುಹೆಲೆನ್ ಸಮಾಧಿ ಕೋಣೆಲೆನ ರೂಪೊಡು ಬಳಕೆ ಮಲ್ತೊಂದಿತ್ತೆರ್. ೧೦ನೆ ಶತಮಾನೊಡು, ಈ ಪ್ರದೇಶೊಡು ಆಗಾಗ್ಗೆ ಸ್ಪರ್ಧೆ ನಡತ್ಂಡ್ ಪಂದ್ ನಂಬುನವು, ಬೊಕ್ಕ ಫಲಿತಾಂಶವಾದ್, ಅನುಕೂಲೊಡ್ದ್ ಸುರಕ್ಷತೆನ್ ಆದ್ಯತೆ ಕೊರ್ದು, ಕುಟುಮೊಲು ಗುಹೆಲೆಗ್ ಪೋದು ಅವೆನ್ ಜೀವನ ಸ್ಥಳೊಲೆಗ್ ಪರಿವರ್ತಿಸಯೆರ್. ೧೪೦೦ ದಶಕೊಡು, ಗುಹೆಲು ಧ್ಯಾನ ಕೋಣೆಲೆನ ರೂಪೊಡು ಸೇವೆ ಮಲ್ತೊಂದಿತ್ತೆ.[೧೨]

ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ Finkel, Michael. "Sky Caves of Nepal". National Geographic. Archived from the original on September 20, 2012. Retrieved 27 August 2013.
  2. ↑ ೨.೦ ೨.೧ BBC. "The ancient mysteries of Mustang's caves". BBC. Retrieved 29 December 2016.
  3. ↑ Sharma, Gopal. "Explorers find ancient caves and paintings in Nepal". Reuters. Archived from the original on March 5, 2016. Retrieved 3 January 2017.
  4. ↑ Rahman, Maseeh. "Shepherd leads experts to ancient Buddha cave paintings". The Guardian. Retrieved 3 January 2017.
  5. ↑ "Cave architecture of Muktinath Valley of Mustang". UNESCO World Heritage Centre.
  6. ↑ Kaushik. "The mysterious caves of Mustang, Nepal". Amusing Planet. Retrieved 29 December 2016.
  7. ↑ Xinhua News Agency. "Nepali deputy PM asks district "king" to step down". China View News. Archived from the original on March 4, 2009. Retrieved 3 January 2017.
  8. ↑ Rongmei, Precious. "Sky caves of Nepal's Mustang have secrets you need to know about". The Times of India. Retrieved 2024-01-13.
  9. ↑ "ABC Travel Guide: Museums of Nepal".
  10. ↑ ಉಲ್ಲೇಕೊ ದೋಸೊ: Invalid <ref> tag; no text was provided for refs named REU2007-03
  11. ↑ Owen, James. ""Shangri-La" caves yield treasures, skeletons". National Geographic. Archived from the original on November 19, 2009. Retrieved 3 January 2017.
  12. ↑ Milligan, Mark (2020-09-05). "The Mysterious Sky Caves of Nepal". HeritageDaily - Archaeology News (in ಅಮೆರಿಕನ್ ಇಂಗ್ಲಿಷ್). Retrieved 2024-01-14.

ಬಾಹ್ಯ ಕೊಂಡಿಲು

[ಸಂಪೊಲಿಪುಲೆ]
"https://tcy.wikipedia.org/w/index.php?title=ನೇಪಾಳೊದ_ಆಕಾಸೊದ_ಗುಹೆಲು&oldid=193469"ಡ್ದ್ ದೆತ್ತೊಂದುಂಡು