ನ್ಯೂ ಝಿಲೆಂಡ್

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ
ನ್ಯೂಜಿಲೆ೦ಡ್‍ನ್ ತೋಜಾವುನ ನಕ್ಷೆ

ನ್ಯೂಜಿಲೆ೦ಡ್ ತೆನ್ಕಾಯಿ ಭೂಗೋಡು ಇಪ್ಪುನ೦ಚಿನ ಒ೦ಜಿ ದೀಪೊ ದೇಸೊ. ನ್ಯೂಜಿಲೆಂಡ್ ನೈರುತ್ಯೊ ಶಾಂತ ಮಹಾಸಾಗರೊದ ಒಂದು ದೀಪೊ ಸಮೂಹೊ ದೇಸೊ. ನ್ಯೂಜಿಲೆಂಡ್ ಮುಕ್ಯೊ ಆದ್ ಬಡೆಕ್ಕಾಯಿ ದೀಪೊ ಅತ್ತಂಡ ತೆ ಇಕ-ಅ-ಮೌಇ ಮತ್ತು ತೆನ್ಕಾಯಿ ದೀಪೊ ಅತ್ತಂಡ ಟೆ ವೈಪೊನಮು Waipounamu ಪನ್ಪುನ ರಡ್ಡ್ ಮಲ್ಲ ದೀಪೊಲೆನ್ ಬುಕ್ಕೊ ಬೇತೆ ಮಸ್ತ್ ಎಲ್ಯ ದೀಪೊಲೆನ್ ಸೇರ್‌ದುಂಡು. ಆಸ್ಟ್ರೇಲಿಯೊದ ಆಗ್ನೇಯೊಗು ಟಾಸ್ಮನ್ ಸಮುದ್ರದಂಚಿ ೨೦೦೦ ಕಿ.ಮೀ. ದೂರೊಡು ಇಪ್ಪುನ ನ್ಯೂಜಿಲೆಂಡ್‌ದ ಬಡೆಕ್ಕಾಯಿಗ್ ನೆರೆಕರೆತ ದೇಸೊಲಾಯಿನ ನ್ಯೂ ಕ್ಯಾಲೆಡೋನಿಯ, ಫಿಜಿ ಬುಕ್ಕೊ ಟೋಂಗಾ. ಉಂದು ನರಮಾನಿಲು ನಿಲೆಯಾಪುನ ಕಡೇತ ನೆಲ ಜಾಗೆ. ತನ್ನೊ ಪ್ರತ್ಯೇಕತೆದ ಸಮಯೊಡು ಈ ದೇಸೊಡು ಪ್ರಾಣಿ, ಶಿಲೀಂಧ್ರೊ ಬುಕ್ಕೊ ಸಸ್ಯೊ ಜೀವನೊದ ಒಂಜಿ ವಿಸಿಸ್ಟೊ ಜೀವೊ ವಿದೊಲೆನ್ ಹೆಚ್ಚಿ ಮಲ್ತ್‌ಂಡ್. ದೇಸೊದ ಮಸ್ತ್ ಲಕ್ಷಣೊ ಬುಕ್ಕೊ ದೂಂಚಿ ಆಯಿನ ಗುಡ್ಡೆಲ್ ಪರ್ವತೊಲು, ತೆನ್ಕಾಯಿ ಆಲ್ಪ್ಸ್, ನೆಲ ಬುಕ್ಕೊ ಜ್ವಾಲಾಮುಖಿ ಸ್ಫೋಟೊಲೆನ ಚಲನೆಡ್ದ್ ನೆಲತ ಮಿತ್ತಬಾಗೊ ಉಬ್ಬಿಯರ ಕಾರಣೊ ಆತಂಡ್. ವೆಲ್ಲಿಂಗ್ಟನ್ ನ್ಯೂಜಿಲ್ಯಾಂಡ್‌ದ ರಾಜದಾನಿ. ಅಂಚನೆ ಆಕ್ಲೆಂಡ್ ನ್ಯೂಜಿಲ್ಯಾಂಡ್‍ಡೇ ದಿಂಜ ಜನಸಂಖ್ಯೆ ಇಪ್ಪುನ ನಗರೊ.

ಉಂದು ಆಸ್ಟ್ರೇಲಿಯಾ ದೇಸೊದ ಕೈತಲ್‌ದ ದೇಸೊ.