ಪಂಡರೀಬಾಯಿ

ಪಂಡರೀಬಾಯಿ (೧೯೩೦ - ೨೯ ಜನವರಿ ೨೦೦೩) ಆರ್ ದಕ್ಷಿಣ ಭಾರತೊದ ಪುದರ್ ಪೋಯಿನ ಚಿತ್ರನಟಿ. ಇಂಬೆರ್ ಹೆಚ್ಚಾದ್ 1950,1960,1970ದ ದಶಕೊಡು ಕನ್ನಡ ಚಿತ್ರರಂಗೊಡು ಕೆಲಸ ಮಂದಿನಾರ್. ಮೆರೆನ್ ಕನ್ನಡ ಚಿತ್ರರಂಗೊದ ಸುರುತ ಯಶಸ್ವಿ ನಾಯಕಿ ಪಂದ್ ಪರಿಗಣಿಸಲಾತುಂಡು. ರಾಜಕುಮಾರ್, ಎಂಜಿ ರಾಮಚಂದ್ರನ್, ಶಿವಾಜಿ ಗಣೇಶನ್ ಅಂಚಿನ ಮಲ್ಲ ಮಲ್ಲ ದಿಗ್ಗಜೆರೊಟ್ಟು ಮೇರ್ ನಾಯಕಿಯಾದ್ ಬೊಕ್ಕ ಅಮ್ಮಾಆದುಲಾ ನಟಣೆ ಮಂದೆರ್ ರಾಜಕುಮಾರ್ ಅರೆನ ಸುರುತ ಚಿತ್ರೊ ಬೇಡರ ಕಣ್ಣಪ್ಪ ಬೊಕ್ಕ ಶಿವಾಜಿ ಅರೆನ ಸುರುತ ಚಿತ್ರ ಪರಾಶಕ್ತಿ ಡ್ಲ ಪಂಡರೀಬಾಯಿ ನಾಯಕಿಯಾದು ಇತ್ತೆರ್. ಕನ್ನಡ, ತಮಿಳು, ತೆಲುಗು ಬೊಕ್ಕ ಹಿಂದಿಡು ಸರಿ ಸುಮಾರು 1000 ಚಲನಚಿತ್ರೊಲೆಡ್ ನಟಿಸುದೇರ್. ಪಂಡರೀಬಾಯಿ ಅರೆಗ್ ತಮಿಳುನಾಡು ಸರ್ಕಾರೊ ಕಲೈಮಾಮಣಿ ಮನ್ಪಿನ ಗೌರವೊನು ಸಂದಾಯ ಮಂದುಂಡು. ಇಂಬೆರ್ ಸರಿ ಸುಮಾರು 60 ವರ್ಷಗಳೊ ಕಾಲ ಚಿತ್ರರಂಗೊಡ್ ಸೇವೆ ಸಲ್ಲಿಸಾದೆರ್.

ವೃತ್ತಿ ಜೀವನ

1943 ಡ್ ವಾಣಿ ಪನ್ಪಿನ ಕನ್ನಡ ಚಿತ್ರದೊ ಮೂಲಕ ಪಂಡರೀಬಾಯಿ ಚಿತ್ರರಂಗೊನ್ ಪ್ರವೇಶ ಮಂತೆರ್. ಇಂಬೆರ್ ನಾಯಕಿಯಾದ್ ನಟಿಸಿನ ಸುರುತ ಚಿತ್ರ 1953 ಟ್ ತೆರೆಗ್ ಬತ್ತಿನ ಹೊನ್ನಪ್ಪ ಭಾಗವತರ್ ನಾಯಕತ್ವದ ಗುಣಸಾಗರಿ ಪನ್ಪಿನ ಚಿತ್ರ. ಆಂಡಾ ಅರೆನ ವೃತ್ತಿ ಜೀವನೊಗ್ ತಿರುವು ಕೊರ್ತಿನ ಚಿತ್ರ 1954 ಡ್ ತೆರೆಕ್ ಬತ್ತೀನ ಎಚ್.ಎಲ್.ಎನ್.ಸಿಂಹ ನಿರ್ದೇಶೊನ ಮಂದಿನ ಬೇಡರ ಕಣ್ಣಪ್ಪ. ಕನ್ನಡದ ಮೇರು ನಟೆ ಡಾ.ರಾಜ್ ಕುಮಾರ್ ಅರೆನ ಸುರುತ ಚಿತ್ರವಾಯಿನ ಬೇಡರ ಕಣ್ಣಪ್ಪ ಚಿತ್ರೊಡು ಪಂಡರೀಬಾಯಿ ರಾಜ್ ಕುಮಾರ್‌ಗ್ ನಾಯಕಿಯಾದ್ ನಟನೆ ಮಂದೇರ್ . ಪಂಡರೀಬಾಯಿ ಅವೇತೋ ಚಿತ್ರೊಲೆಡ್ ರಾಜ್‌ಕುಮಾರ್ ನೊಟ್ಟುಗ್ ನಾಯಕಿಯಾದ್ ನಟನೆ ಮಂತ್ ಇತ್ತೆರ್. ಶ್ರೀಕೃಷ್ಣ ಚೈತನ್ಯ ಸಭಾ ಪನ್ಪಿನ ರಂಗಭೂಮಿ ಬಳಗೊನು ಕಟ್ಟುದಿನ ಪಂಡರೀಬಾಯಿ ಊರೂರು ತಿರ್ಗುದು ನಾಟಕೊಲೆನ್ ಪ್ರದರ್ಶನ ಮಂತೊಂದು ಇತ್ತೆರ್ . ರಾಯರ ಸೊಸೆ ಅನುರಾಧಾ ಕನ್ನಡ ಸಿನಿಮಾಲೆನ್ ಪಾಂಡುರಂಗ ಪ್ರೊಡಕ್ಷನ್ಸ್ ಬ್ಯಾನರ್ ದ ಅಡಿಟ್ ಮೆರೇ ಸ್ವತಃ ನಿರ್ಮಿಸಾದಿತ್ತೆರ್. ತಮಿಳು ಚಿತ್ರರಂಗೊನ್ ಪ್ರವೇಶ ಮಂದಿನ ಪಂಡರೀಬಾಯಿ, ತಮಿಳು ದ ಅರೆನ ಸಮಕಾಲೀನ ನಟೊನಕಲೊಟ್ಟುಗು ನಟಿಸಾದು ಇತ್ತೆರ್. ತಮಿಳುದ ಮೇರು ನಟ ಶಿವಾಜಿ ಗಣೇಶನ್ ಅರೆನ ಸುರುತ ಚಿತ್ರೊಡುಲ ಪಂಡರೀಬಾಯಿಯೇ ನಾಯಕಿಯಾದು ಇತ್ತೆರ್.

ಪಿ.ಹೆಚ್.ರಾಮ ರಾವ್ ಅರೆನ್ ಮದುಮೆ ಆದಿತ್ತೇರ್ ಪಂಡರೀಬಾಯಿ.ಕನ್ನಡ, ತಮಿಳು, ತುಳು, ಕೊಂಕಣಿ, ತೆಲುಗು ಬೊಕ್ಕ ಹಿಂದಿ ಭಾಷೆಲೆನುಲ ಸೇರಾದ್ ಆಜಿ ಭಾಷೆದೊ ಚಿತ್ರೊಲೆಡು ಪಂಡರೀಬಾಯಿ ಅಭಿನಯ ಮಂದೆರ್. ಹಿಂದಿಡು ವೈಜಯಂತಿ ಮಾಲಾ ರೆನ್ ಚಿತ್ರರಂಗಕ್ ಪರಿಚಯ ಮಂದಿನ ಬಾಹರ್ ಪನ್ಪಿನ ಚಿತ್ರೊಡುಲ ಪಂಡರೀಬಾಯಿ ನಟಿಸಾದಿತ್ತೆರ್.ಚಿತ್ರರಂಗೊಡು ಅಮ್ಮಾನಾದ್ ಅವೇತೋ ಚಿತ್ರೊಲೆಡ್ ಅಭಿನಯ ಮಂದಿನ ಇಂಬೆರ್ ಮನೆತನ ಪನ್ಪಿನ ಕನ್ನಡ ದೈನಂದಿನ ಧಾರಾವಾಹಿ ಡ್ಲಾ ನಟಿಸಾದ್ ಇತ್ತೆರ್.

ನಿಧನ

1994 ಡ್ ನಡೆತಿನ ರಸ್ತೆ ಅಪಘಾತೊಡು ಪಂಡರೀಬಾಯಿ ಅರೆನ ದತ್ತಗೈ ಕಳೆಯೊಂಡೆರ್. ಪಾಂಡುರಂಗನ ಭಕ್ತೆ ಆಯಿನ ಪಂಡರೀಬಾಯಿ ಚೆನ್ನೈಡ್ ಪಾಂಡುರಂಗಗ್ ದೇಗುಲನ್ ಕಟ್ಟಿಸಾದೇರ್. ಕೊನೆಗಾಲೊಡು ಅನಾರೋಗ್ಯಡ್ ದ್ ಬಳಲಿನ ಪಂಡರೀಬಾಯಿ ಅರೆನ 73ನೇ ವಯಸ್ಸುಡು (ಜನವರಿ ೨೯, ೨೦೦೩) ಚೆನ್ನೈಡ್ ತೀರ್ ಪೊಯೆರ್.

ಪಂಡರೀಬಾಯಿ ಅಭಿನಯ ಮಂದಿನ ಪ್ರಮುಖ ಕನ್ನಡ ಚಿತ್ರೊಲು

ಅನುರಾಗ ಅರಳಿತು ಅನುಗ್ರಹ ಅನುರಾಧ ಅನ್ನಪೂರ್ಣ ಅಪರಾಜಿತ ಅಬ್ಬಾ ಆ ಹುಡುಗಿ ಅಮ್ಮ ಅರುಣರಾಗ ಆಸೆಯ ಬಲೆ ಎಲ್ಲೆಲ್ಲೂ ನಾನೆ ಒಂಟಿಧ್ವನಿ ಒಡಹುಟ್ಟಿದವರು ಓಹಿಲೇಶ್ವರ ಕರುಣಾಮಯಿ ಕೆರಳಿದ ಸಿಂಹ ಕೆರಳಿದ ಹೆಣ್ಣು ಗೆಜ್ಜೆ ಪೂಜೆ ಗುಣಸಾಗರಿ ಚಂದ್ರಕಲಾ ಚಿನ್ನ ಚಿರಬಾಂಧವ್ಯ ಜೀವಕ್ಕೆ ಜೀವ ಜೀವನ ಚೈತ್ರ ಜೇನುಗೂಡು ತೇಜಸ್ವಿನಿ ದಾದಾ ನಮ್ಮ ಮಕ್ಕಳು ನಮ್ಮ ಮನೆ ನವಜೀವನ ಪಾರ್ವತಿ ಕಲ್ಯಾಣ ಪುಣ್ಯ ಪುರುಷ ಪ್ರತಿಜ್ಞೆ ಬಂಗಾರದ ಹೂವು ಬಾಂಧವ್ಯ ಬಾಳ ಪಂಜರ ಬಾಳು ಜೇನು ಬೆಳ್ಳಿಮೋಡ ಬೇಡರ ಕಣ್ಣಪ್ಪ ಬ್ರಹ್ಮ ವಿಷ್ಣು ಮಹೇಶ್ವರ ಭಕ್ತ ಕುಂಬಾರ ಭಕ್ತ ಮಲ್ಲಿಕಾರ್ಜುನ ಭಕ್ತ ವಿಜಯ ಮಣಿಕಂಠನ ಮಹಿಮೆ ಮನಶ್ಶಾಂತಿ ಮಹಡಿ ಮನೆ ಮಹಾಸತಿ ಅನುಸೂಯ ಮುಗಿಯದ ಕಥೆ ಮುರಿಯದ ಮನೆ ಮೂರು ಮುತ್ತುಗಳು ಯಾರು ಹೊಣೆ ರಾಜ ವಿಕ್ರಮ ರಾಯರ ಸೊಸೆ ರೇಣುಕಾ ಮಹಾತ್ಮೆ ವಸಂತ ಪೂರ್ಣಿಮ ವಾಣಿ ವಿಜಯಖಡ್ಗ ಶ್ರೀ ಪುರಂದರದಾಸರು ಶ್ರೀರಾಮಾಂಜನೇಯ ಯುದ್ಧ ಶ್ರೀ ವೆಂಕಟೇಶ್ವರ ಮಹಿಮೆ ಶ್ರುತಿ ಸೇರಿದಾಗ ಸಂತಸಕ್ಕು ಸಂಧ್ಯಾರಾಗ ಸಂಸಾರ ನೌಕೆ ಸತಿ ನಳಾಯಿನಿ ಸತ್ಯ ಹರಿಶ್ಚಂದ್ರ ಸೋದರಿ ಹರಿಭಕ್ತ ಹೆಣ್ಣೇ ನಿನಗೇನು ಬಂಧನ ಹೇಮರೆಡ್ಡಿ ಮಲ್ಲಮ್ಮ ಹೃದಯ ಸಂಗಮ

ಸಂದುದಿನ ಪ್ರಶಸ್ತಿಲು

• ಪೌರಾಣಿಕ ನಟಿನ್ ಗೌರವಿಸಾರೆ ಕರ್ನಾಟಕ ರಾಜ್ಯದ 10ನೇ ತರಗತಿದ ಕನ್ನಡ ಭಾಷೆಯ ಪಠ್ಯಪುಸ್ತಕಡ್ "ಗುಣಸಾಗರಿ ಪಂಡರಿ ಬಾಯಿ" ಪನ್ಪಿನ ಪಾಠೊನು ಸೇರಿಸಲಾತುಂಡು.
• 2001 - ಜೀವಮಾನ ಸಾಧನೆಗಾದ್ ಫಿಲ್ಮ್ ಫೇರ್ ಪ್ರಶಸ್ತಿ.
• 1968-69 - "ನಮ್ಮ ಮಕ್ಕಳು", "ಬೆಳ್ಳಿ ಮೋಡ" ಚಿತ್ರದ ಅಭಿನಯಕ್ಕಾದ್ ಕರ್ನಾಟಕ ಸರ್ಕಾರದ ರಾಜ್ಯ ಪ್ರಶಸ್ತಿ.
• 1994-95 - ಸಿನಿಮಾ ರಂಗೊದ ಶ್ರೇಷ್ಠ ಸಾಧನೆಗಾದ್ ಪ್ರತಿಷ್ಠಿತ ಡಾ.ರಾಜ್ ಕುಮಾರ್ ಪ್ರಶಸ್ತಿ.
• 1968-69 - ಅತ್ಯುತ್ತಮ ಪೋಷಕ ನಟಿಗಾದ್ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ - ನಮ್ಮ ಮಕ್ಕಳು
• 1965ಡ್ ಸತ್ಯ ಹರಿಶ್ಚಂದ್ರ ಚಿತ್ರೊದ ಚಂದ್ರಮತಿ ಪಾತ್ರದ ನಟನೆಗಾದ್ ರಾಷ್ಟ್ರೀಯ ಶ್ರೇಷ್ಠ ನಟಿ ಪ್ರಶಸ್ತಿನ್ ಅದಗದ ಪ್ರಧಾನಿ ಇಂದಿರಾಗಾಂಧಿಡ ಪಡೆಯೆರ್.
• 1965- ತಮಿಳುನಾಡು ಸರ್ಕಾರೊಡ್ದು ಕಲೈಮಾಮಣಿ ಪ್ರಶಸ್ತಿ[೯] ಮಾನ್ಯ ಆಯೆರ್.

ಅಂಚಾ, ಪಂಡರೀಬಾಯಿ ಚಿತ್ರರಂಗೊದ ಬಾನೊಡು ಮಿನುಗುನ ಬೊಳ್ಳಿ ಲೆಕ್ಕ ಚಿತ್ರ ಪ್ರೆಮಿಲುನ ಭಾನೊಡು ಎಪೋಲ ಮಿ೦ಚೊ೦ದು ಉಲ್ಲೆರ್.