ಪಚ್ಚೆ
| ಪಚ್ಚೆ | |
|---|---|
       ಗಡಿಯಾರೊ ತಿರ್ಗುನ ದಿಕ್ಕ್ಡ್, ಮಿತ್ತ್ ಎಡಡ್ದ್: ಸ್ಪ್ಯಾನಿಷ್ ಬಂಗಾರ್ ಬುಕ್ಕೊ ಪಚ್ಚೆ ಪೆಂಡೆಂಟ್; ಫ್ರಂಟೆಡ್ ಮ್ಯಾಕಾ; ಆರ್ನೋಲ್ಫಿನಿ ಭಾವಚಿತ್ರೊ ಜಾನ್ ವ್ಯಾನ್ ಐಕ್; ಒಂಜಿ ಬಿಲಿಯರ್ಡ್ಸ್ ಟೇಬಲ್; ಫ್ರಾನ್ಸ್ಡ್ ಹಳ್ಳಿ ಪ್ರದೇಸೊ; ಯು.ಎಸ್.ದ ಒಂಜಿ ಪದವಿ ವರ್ಗ ಮೆರೈನ್ಸ್; ಲಿಂಬೆ ಪರ್ಂದ್ | |
| ವರ್ಣಪಟಲೊದ ಸಂಗಟನೆಲು | |
| ತರಂಗಾಂತರೊ | 495–570 nm |
| ಪುನರಾವರ್ತನೆ | ≈575–525 THz |
 Color coordinates | |
| ಹೆಕ್ಸ್ ಟ್ರಿಪ್ಲೆಟ್ | #00FF00 |
| CMYKH (c, m, y, k) | (100, 0, 100, 0) |
| ಮೂಲೊ | X11 |
| H: Normalized to [0–100] (hundred) | |
ಪಚ್ಚೆ ಬಣ್ಣೊಲೆಡ್ ಸಿಯಾನ್ ಬುಕ್ಕೊ ಮಂಜಲ್ ಬಣ್ಣೊದ ನಡುಟು ಇಪ್ಪುನ ಬಣ್ಣ. ಉಂದು ಸುಮಾರ್ 495 – 570 nmಡ್ ಗಟ್ಟಿ ತರಂಗಾಂತರೊನು ಪಡೆಯಿನ ಬೊಲ್ಪುಡ್ದ್ ಉದಿಪನ ಆಪುಂಡು. ಚಿತ್ರಕಲೆ ಬುಕ್ಕೊ ಬಣ್ಣೊದ ಮುದ್ರಣೊಡು ಬಳಕೆ ಆಪುನ ಕಲೆಪುನ ಬಣ್ಣೊದ ವ್ಯವಸ್ತೆಲೆಡ್, ಉಂದು ಮಂಜಲ್ ಬುಕ್ಕೊ ಸಯಾನ್ ಬಣ್ಣೊಲೆನ ಸಂಯೋಜನೆಡ್ ಸ್ರಿಸ್ಟಿ ಆಪುಂಡು. ಕೆಂಪು ಪಚ್ಚೆ ನೀಲಿ(RGB) ಬಣ್ಣೊದ ಮಾದರಿಡ್, ಟೆಲಿವಿಷನ್ ಬುಕ್ಕೊ ಕಂಪ್ಯೂಟರ್ ಪರದೆಲೆಡ್ ಬಳಕೆ ಆಪುಂಡು. ಉಂದು ಕೆಂಪು ಬುಕ್ಕೊ ನೀಲಿ ಬಣ್ಣೊಲೆನೊಟ್ಟುಗು ಸೇರ್ಪಾವುನ ಮೂಲೊ ಬಣ್ಣೊಲೆಡ್ ಒಂಜಿ. ಇಂದೆನ್ ಬೇತೆ ಬೇತೆ ಬಣ್ಣೊಲೆನ್ ತಯಾರ್ ಮಲ್ಪಿಯರ ಬೇತೆ ಬೇತೆ ಸಂಯೋಜನೆಲೆಡ್ ಮಿಸ್ರೊ ಮಲ್ಪುವೆರ್. ಪರಿಸರೊಡ್ ಪಚ್ಚೆ ಬಣ್ಣೊಗು ಮಸ್ತ್ ಕೊಡುಗೆ ಕೊರ್ಪುನವು ಕ್ಲೋರೊಫಿಲ್ ಸಸ್ಯೊಲು ದೀಪಸಂಶ್ಲೇಷಣೆ ಮಲ್ಪುನ ಬುಕ್ಕೊ ಸೂರ್ಯನ ಬೊಲ್ಪುನು ರಾಸಾಯನಿಕ ಶಕ್ತಿಗ್ ಪರಿವರ್ತನೆ ಮಲ್ಪುನ ರಾಸಾಯನಿಕೊ. ಮಸ್ತ್ ಜೀವಿಲು ಅಡೆಂಗುನ ರೂಪೊಡು ಅಯಿತ ಪಚ್ಚೆ ಬಣ್ಣೊನು ದೆತೊನುನ ನಿಲೆಟ್ ಅಕ್ಲೆನ ಪಚ್ಚೆ ಪರಿಸರೊಗು ಸೇರ್ದಿತ್ತ್ಂಡ್. ಕೆಲವು ಕನಿಜೊಲು ಪಚ್ಚೆ ಬಣ್ಣೊನು ಗಳಸ್ದಿಪ್ಪುಂಡು. ಉಂದು ಕ್ರೋಮಿಯಂ ಅಂಶೊಡ್ದ್ ಪಚ್ಚೆ ಬಣ್ಣೊಡು ಇಪ್ಪುಂಡು.
ಆಧುನಿಕ ಯುರೋಪ್ದ ಸುರುತ ಕಾಲೊಡು, ಪಚ್ಚೆ ಬಣ್ಣೊ ಸಾಮಾನ್ಯವಾದ್ ಸಂಪೊತ್ತ್, ವ್ಯಾಪಾರಿಲು, ಬ್ಯಾಂಕರ್ಲು ಮಲ್ಲಕ್ಲೆಗ್ ಸಮ್ಮಂದೊ ಪಟ್ಟ್ನವು. ಆಂಡ ಕೆಂಪು ಬಣ್ಣೊನು ಶ್ರೀಮಂತೆರೆಗ್ ಮೀಸಲಾತಿನವು. ಈ ಕಾರಣೊಗು, ಲಿಯೊನಾರ್ಡೊ ಡಾವಿನ್ಸಿನ ಮೋನಾಲಿಸಾದ ವೇಷಭೂಷಣ ಬುಕ್ಕೊ ಬ್ರಿಟಿಷ್ ಹೌಸ್ ಆಫ್ ಕಾಮನ್ಸ್ಡ್ ಪಚ್ಚೆ ಬಣ್ಣೊಡು ಇಪ್ಪುಂಡು. ಆಂಡ ಹೌಸ್ ಆಫ್ ಲಾರ್ಡ್ಸ್ಡ್ ಇಪ್ಪುನವು ಕೆಂಪು ಬಣ್ಣೊಡು ಇಪ್ಪುಂಡು. ಐರ್ಲೆಂಡ್ ಬುಕ್ಕೊ ಗೇಲಿಕ್ ಸಂಸ್ಕೃತಿದ ಬಣ್ಣೊ ಆದ್ ಇಂದೆಕ್ ಒಂಜಿ ಮಲ್ಲ ಐತಿಹಾಸಿಕ ಸಂಪ್ರದಾಯೊ ಉಂಡು. ಉಂದು ಇಸ್ಲಾಂ ಧರ್ಮೊದ ಐತಿಹಾಸಿಕ ಬಣ್ಣೊ, ಸ್ವರ್ಗೊದ ಪಚ್ಚೆ ಸಸ್ಯವರ್ಗೊನು ಪ್ರತಿನಿಧಿಸವುಂಡು. ಉಂದು ಮುಹಮ್ಮದ್ನ ಬ್ಯಾನರ್ದ ಬಣ್ಣೊ ಆದಿತ್ತ್ಂಡ್. ಬುಕ್ಕೊ ಉಂದು ಸುಮಾರ್ ಮಾತಾ ಇಸ್ಲಾಮಿಕ್ ದೇಶೊಲೆನ ದ್ವಜೊಲೆಡ್ ತೋಜುಂಡು.
ವ್ಯಾಕರಣ ಬುಕ್ಕೊ ಬಾಸೆದ ವ್ಯಾಕ್ಯಾನೊ
[ಸಂಪೊಲಿಪುಲೆ]
ಪಚ್ಚೆ ಪನ್ಪುನ ಸಬ್ದೊ ಮದ್ಯೊ ಇಂಗ್ಲಿಸ್ ಬುಕ್ಕೊ ಪಿರಾಕ್ದ ಇಂಗ್ಲಿಸ್ ಸಬ್ದೊ grene ಡ್ದ್ ಬತ್ತ್ಂಡ್. ಉಂದು ಜರ್ಮನ್ ಸಬ್ದೊ grün ದ ಲೆಕನೆ, ಗ್ರಾಸ್ ಬುಕ್ಕೊ ಗ್ರೋ ಪನ್ಪುನ ಸಬ್ದೊಲೆನ ಮೂಲೊಡು ಉಂಡು.[೧] ಉಂದು ಒಂಜಿ ಸಾಮಾನ್ಯ ಜರ್ಮನಿಕ್ *gronja - ಡ್ದ್ ಬತ್ತ್ನವು, ಉಂದು ಓಲ್ಡ್ ನಾರ್ಸ್ grænn, ಓಲ್ಡ್ ಹೈ ಜರ್ಮನ್ ಗ್ರೂನಿ (ಆಂಡ ಪೂರ್ವ ಜರ್ಮನಿಕ್ಡ್ ಅನಾಟೆಸ್ಟ್) ಡ್ ಲಾ ತೋಜುಂಡು. ಅಕೇರಿಯಾದ್ ಒಂಜಿ PIE ಮೂಲೊಡ್ದ್ *ghre- "ಬುಳೆಯೆರೆ", ಬುಕ್ಕೊ ಪಂತಿದೊಟ್ಟುಗು ಮೂಲ-ಸಮ್ಮಂದೊಡು ಬುಲೆಪುಂಡು.[೨] ಪಿರಾಕ್ದ ಇಂಗ್ಲಿಸ್ಡ್ ಬಣ್ಣೊದ ಪದೊ ಆದ್ ಈ ಪದೊತ ಸುರುತ ದಾಕಲಾತಿದ ಬಳಕೆ ಸುಮಾರ್. ಕ್ರಿ.ಶ.೭೦೦ಗ್ ಆತ್ಂಡ್.[೩]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Webster's New World Dictionary of the American Language, The World Publishing Company, New York, 1964.
- ↑ Harper, Douglas (November 2001). "Online Etymology Dictionary". Retrieved November 22, 2007.
- ↑ Maerz and Paul (1930). A Dictionary of Color New York: McGraw-Hill p. 196