ಪಿಸ್ತೂಲ್

ಪಿಸ್ತೂಲ್ ಒಂಜಿ ನಮೂನೆದ ಕೈ ಬೆಡಿ.^[೧] ಗನ್ ಬ್ಯಾರೆಲ್‌ನ್ ಒಂಜಿ ಅವಿಭಾಜ್ಯ ಚೇಂಬರ್‌ಡ್ದ್ ಗುರುತಿಸವೊಲಿ. "ಪಿಸ್ತೂಲ್" ಪನ್ಪಿನ ಶಬ್ದ ಮದ್ಯೊ ಪ್ರೆಂಚ್ ಪಿಸ್ತೂಲೆಟ್ /pistolet (c. 1550)ಡ್ದ್ ಬತ್ತ್ಂಡ್. ಇಂದೆತ ಅರ್ತೊ ಒಂಜಿ ಎಲ್ಯ ಬೆಡಿ ಅತ್ತ್ಂಡ ಬೀಸತ್ತಿದ ಲೆಕೊಂದ್‌ನ ಸೊತ್ತು. ಬುಕ್ಕೊ ಯುರೋಪ್‌ಡ್ ಸುರುತ ಕೈಬೆಡಿಕ್ಲೆನ್ ತಯಾರ್ ಮಲ್ಪ್‌ನವು ಇಂಗ್ಲಿಸೆರೆಡ್ c. 1570 ಸುರುಕು ತೋಜಿದ್ ಬತ್ತ್ಂಡ್. ಅಕ್ಲೆನ ಪಾತೆರೊಡು, "ಪಿಸ್ತೂಲ್" ಪನ್ಪುನ ಶಬ್ದೊನು ಒವ್ವೇ ರೀತಿದ ಕೈಬೆಡಿಕ್ ವರ್ಣನೆ ಮಲ್ಪೆರೆ ಒಂಜಿ ಸಾಮಾನ್ಯೊ ಪದೊ ಆದ್ ಬಳಕೆ ಮಲ್ತೆರ್. ಇಂದೆಟ್ ರಿವಾಲ್ವರ್‌ಲು (ಒಂಜಿ ಬ್ಯಾರೆಲ್ ಬುಕ್ಕೊ ಒಂಜಿ ಬೇತೆನೆ ಸಿಲಿಂಡರ್‌ನ್ ಇತ್ತ್ಂಡ್. ಇಂದೆಟ್ ದಿಂಜ ಕೋಣೆಲುಇಪ್ಪುಂಡು.) ಬುಕ್ಕೊ ಕಿಸೆ ಬೆಡಿ ಇತ್ತ್ಂಡ್. (ಅಪಾಪಗ ದೆಪ್ಪಿಯರ ಬಹು-ಬ್ಯಾರೆಲ್ ಇಪ್ಪುಂಡು). ಪಿಸ್ತೂಲ್ 16ನೇ ಶತಮಾನೊಡು ಪುಟ್ಟುಂಡ್. ಸುರುಟ್ ಕೈಬೆಡಿಲೆನ್ ಯೂರೋಪ್‍ಟ್ 16ನೇ ಶತಮಾನೊಡು ತಯಾರ್ ಮಲ್ತೆರ್. ಇತ್ತೆ ಸಾಮಾನ್ಯ ಬಗೆತ್ತ ಪಿಸ್ತೂಲ್ ಪಂಡ್ಂಡ ಒರ ಗುಂಡು ಪಾಡುನೆ ಬುಕ್ಕೊ ಸ್ವಯಂಚಾಲಿತ ಪಿಸ್ತೂಲ್. ಕಾನೂನ್‍ಡ್ತಾದ್ ಸ್ವಯಂಚಾಲಿತ ಪಿಸ್ತೂಲ್‍ಲ್ ಕಡಿಮೆ ಆತಂಡ್.

ಇತ್ತೆದ ಕಾಲೊಡು ಬಳಕೆ ಆಪುನ ಸಾಮಾನ್ಯ ಪಿಸ್ತೂಲ್ ಪಂಡ ಅರೆ-ಸ್ವಯಂಚಾಲಿತ ಪಿಸ್ತೂಲ್.^[೨] ಪಿರಾಕ್‌ದ ಸಿಂಗಲ್-ಶಾಟ್ ಬುಕ್ಕೊ ಲೀವರ್-ಆಕ್ಷನ್ ಪಿಸ್ತೂಲ್‌ಲೆನ್ ಇತ್ತೆ ಅಪರೂಪೊಡು ತೂವೊಲಿ. ಮುಕ್ಯವಾದ್ ಬೋಂಟೆ ಬುಕ್ಕೊ ಐತಿಹಾಸಿಕ ಪುನರಾವರ್ತನೆಗ್ ಬಳಕೆ ಮಲ್ಪುವೆರ್. ಪೂರ್ತಿ-ಸ್ವಯಂಚಾಲಿತ ಯಂತ್ರ ಪಿಸ್ತೂಲ್‌ಲು ನಾಗರಿಕೆರೆ ಬಳಕೆಡ್ ಬೋಡಿತ್ತ್‌ನಾತ್ ಉಂಡು. ದಾಯೆ ಪಂಡ ಅಯಿನ್ ಸಾಮಾನ್ಯವಾದ್ ಕಳಪೆ ರಿಕಾಯಿಲ್-ನಿಯಂತ್ರಣೊ (ಒಂಜಿ ಬಟ್ಸ್ಟಾಕ್ದ ಕೊರತೆಡ್ದ್) ಬುಕ್ಕೊ ಕಟ್ಟ‍್‌ನಿಟ್ಟ್‌ದ ಕಾನೂನುಲು ಬುಕ್ಕೊ ನಿಯಮೊಲು ಬೆಡಿತ ತಯಾರಿಕೆ ಬುಕ್ಕೊ ಮಾರಾಟೊನು ನಿಯಂತ್ರಣೊ ಮಲ್ಪುಂಡು. (ಅಲ್ಪ ಅವು ಯಂತ್ರಗನ್ ಲೆನ್ ಸಮಾನವಾದ್ ಲೆಕ್ಕೊಗು ದೆತೊನುಂಡು).

ಪದಶಾಸ್ತ್ರೊ

ತಾಂತ್ರಿಕವಾದ್ ಪನ್ಪುಂಡ, "ಪಿಸ್ತೂಲ್" ಪನ್ಪುನ ಪದೊ ಹೈಪರ್ನಿಮ್ದ ^{[ಉಲ್ಲೇಕೊ ಬೋಡು]} ಉಲ್ಲೇಕೊಡು ಕೈಬೆಡಿ ಪಂಡ್‌ದ್ ಸೂಚಿಸವುಂಡು. ಇತ್ತೆ ಒಂಜಿ ನಿರ್ದಿಸ್ಟೊ ಪದೊ ಆದ್, ಮಾಂತ ಬೆಡಿಕ್ಲೆನ ಅನ್ವಯಿಸವುನ ಪದೊ ಆದ್ ಉಂಡು. ಅಂಚ ಪಂಡ, ಬಾಸೆದ ಬಳಕೆಡ್ ಉಂದು ಒಂಜಿ ಕೈಬೆಡಿನ್ ವರ್ಣನೆ ಮಲ್ಪೆರೆ ನಿರ್ದಿಸ್ಟವಾದ್ ಬಳಕೆ ಆಪುಂಡು. ಇಂದೆತ ಬ್ಯಾರೆಲ್ ಉಲಾಯಿ ಒಂಜಿ ಚೇಂಬರ್ ಉಂಡು.^[೩] ವೆಬ್ಸ್ಟರ್ಸ್ ಡಿಕ್ಷನರಿ ಇಂದೆನ್ "ಒಂಜಿ ಕೈಬೆಡಿ, ಇಂದೆತ ಕೋಣೆ ಬ್ಯಾರೆಲ್‍ಗ್ ಸೇರ್‌ದುಂಡು" ಪಂಡ್ದ್ ವ್ಯಾಕ್ಯಾನಿಸವುಂಡು.^[೪]

ಕ್ರಿಯೆ

ಒಂಜಿ-ಶಾಟ್

ಒರ ಗುಂಡು ಪಾಡುನ ಕೈಬೆಡಿಲೆನ್ ಮುಖ್ಯವಾದ್ ಮಸ್ಕಿಟ್ ಆಯುಧೊಲೆನ ಕಾಲೊಟ್ ತೂಯೆರೆ ತಿಕ್ಕುಂಡ್. ಆ ಕಾಲೊಟ್ ಪಿಸ್ತೂಲೆಗ್ ಸೀಸದೊ ಗುಂಡುನ್ ಪಾಡ್‍ದ್ ಅಯಿನ್ ಪೊತ್ತಾವೊಂದ್ ಇತ್ತೆರ್. ಬುಕ್ಕೊ ತಂತ್ರಜ್ಞಾನ ಎಡ್ಡೆ ಆವೊಂದಿತ್ತಿ ಲೆಕ್ಕೊ, ಒರ ಗುಂಡು ಪಾಡುನೆ ಪಿಸ್ತೂಲ್‍ಲಾ ಎಡ್ಡೆ ಆಂಡ್. ಪೊಸ ಪೊಸ ನಮೂನೆದ ಪಿಸ್ತೂಲೆನ್ ತಯಾರ್ ಮಲ್ತೆರ್. ಇನಿಲಾ ಪಿಸ್ತೂಲೆನ್ ತಯಾರ್ ಮಲ್ಪುವೆರ್.^[೫]

ಇಂಚಲಾ ತೂಲೆ

ಉಲ್ಲೇಕೊ

↑ "Firearms - Guides - Importation & Verification of Firearms - Gun Control Act Definition - Pistol | Bureau of Alcohol, Tobacco, Firearms and Explosives". www.atf.gov (in ಇಂಗ್ಲಿಷ್).
↑ George Nonte's COMBAT HANDGUNS, edited by Edward Ezell. Stackpole Books, 1980, 2nd printing 1981. ISBN-10 0811704092
↑ "British Dictionary definitions for pistol". Dictionary.com. Retrieved 19 January 2015.
↑ "Pistol – Definition". Free Merriam-Webster Dictionary. Retrieved 19 January 2015.
↑ Hampton, Mark (10 March 2017). "Single Shot Savvy". American Handgunner. Retrieved 15 March 2021.

[1] "Firearms - Guides - Importation & Verification of Firearms - Gun Control Act Definition - Pistol | Bureau of Alcohol, Tobacco, Firearms and Explosives". www.atf.gov (in ಇಂಗ್ಲಿಷ್).

[2] George Nonte's COMBAT HANDGUNS, edited by Edward Ezell. Stackpole Books, 1980, 2nd printing 1981. ISBN-10 0811704092

[3] "British Dictionary definitions for pistol". Dictionary.com. Retrieved 19 January 2015.

[4] "Pistol – Definition". Free Merriam-Webster Dictionary. Retrieved 19 January 2015.

[5] Hampton, Mark (10 March 2017). "Single Shot Savvy". American Handgunner. Retrieved 15 March 2021.

[೧]

[೨]

[೩]

[೪]

[೫]