ಪೀಟರ್ ಸ್ಮಾರಕ ದೇವಾಲಯ ವಾಮಂಜೂರು
ದೇವಾಲಯ ಸ್ಥಾಪನೆದ ಉದ್ಧೇಶ
[ಸಂಪೊಲಿಪುಲೆ]ಕುಡ್ಲಡ್ದ್ ಸುಮಾರ್ 10 ಕಿ.ಮಿ. ದೂರೊಡು ಕುಡುಪು ದೇವಸ್ಥಾನ ಕಡತ್‍ದ್ ಮೂಡಬಿದ್ರೆಗ್‍ ಪೋಪಿ ಸಾದಿಡ್‍ ಈ ದೇವಾಲಯ ತಿಕ್ಕುಂಡು. ೧೮೩೪ಡ್ದ್ ಬೊಕ್ಕ ಕುಡ್ಲಡ್‍ ಬಾಸೆಲ್‍ ಮಿಶನರಿಳೆಡ್ದ್ ಪ್ರೊಟೆಸ್ಟಂಟ್ ಕ್ರೈಸ್ತೆರೆ ಸಭೆ ಅರಂಭ ಆಂಡ್. ಸಭೆ ಮಲ್ಲೆ ಮಲ್ಲೆ ಅಯಿಲೆಕ್ಕನೇ ಜನೊಕ್ಕುಲು ಕುಡ್ಲದ ಬೇತೆ ಬೇತೆ ಕಡೆಕ್ಕ್‍ಲೆಡ್‍ ವಾಸ ಮಲ್ಪೆರೆ ಸುರು ಮಲ್ತಿನೆಡ್ದ್‍ ಕ್ರೈಸ್ತೆರ್ ಇತ್ತಿನಲ್ಪ ಬೇತೆ ಬೇತೆ ಸಭೆಕ್ಕುಲು ಸ್ಥಾಪನೆ ಅಂಡ್. ಇಂಚ ಕುಡ್ಲ ಪರಿಸರೊಡು ೧೮೪೫ಟ್ಟ್ ಬೊಲ್ಮ, ೧೮೬೫ ಜಪ್ಪು, ೧೮೮೩ ಕುದ್ರೋಳಿ, ೧೯೫೭ ಮಡಿಕೇರಿಗುಡ್ಡೆ, ೧೯೫೭ ಗೋರಿಗುಡ್ಡೆ, ೧೯೮೦ ತೊಕ್ಕೊಟ್ಟು, ೧೯೯೦ ಕೋಡಿಕಲ್, ಇಂಚ ೧೨ ಸಭೆಕ್ಕುಲು ಸ್ಥಾಪನೆ ಆಂಡ್. ಬಲ್ಮಠ, ಕುದ್ರೋಳಿ, ಜಪ್ಪು, ಮಡಿಕೇರಿಗುಡ್ಡೆ, ಗೋರಿಗುಡ್ಡೆ ಈ ಸಭೆಕ್ಕುಲೆ ಸದಸ್ಯೆರಾದಿತ್ತಿ ಕ್ರೈಸ್ತೆರ್ ವಾವಂಜೂರುಡು ಇಲ್ಲ್ ಮಲ್ತೊಂದು ಕುಲ್ಯರೆ ಸುರು ಮಲ್ತೆರ್.ಮೂಲು ವಾಸ ಮಲ್ತೊಂದಿತ್ತಿನಕುಲು ಐತಾರದ ಆರಾಧನೆಗ್‍ ದೂರದ ಕುಡ್ಲಗ್‍ ಪೋವೊಡಿತ್ತ್ಂಡ್. ಕ್ರೈಸ್ತೆರ್ ೪೦ ಕುಟುಂಬೊಡ್ದು ಹೆಚ್ಚ್ ವಾಸ ಮಲ್ಪುನಲ್ಪ ಒಂಜಿ ದೇವಾಲಯ ಕಟ್ಟ್ ದ್ ಆರಾಧನೆ ಮಲ್ಪುನ ಕ್ರಮ ಉಂಡು. ಅಂಚಾದ್ ವಾಮಂಜೂರು ಒಂಜಿ ಸಭೆ ಆಂಡ್.ಆಂಚಾದ್‍ ೨೦೦೩ಟ್ಟ್ ಒಂಜಿ ಬಾಡಿಗೆದ ಕಟ್ಟೊಣೊಡು ಐತಾರದ ಆರಾಧನೆ ಸುರು ಅಂಡ್. ಸಭೆಕ್ಕ್ ಬರ್ಪಿ ಜನೊಕ್ಕುಲೆ ಸಂಖ್ಯೆ ಹೆಚ್ಚ ಆಯಿನೆಡ್ದ್ ಬಾಡಿಗೆದ ಕಟ್ಟೋಣ ಇಯಾವಂದೆ ಬೇತೆ ಸ್ವಂತ ಜಾಗೆ ತೂವೆರೆ ಪ್ರಯತ್ನ ನಡತ್ಂಡ್. ವಾಮಂಜೂರು ಪೇಂಟೆಡ್ದ್‍ ಒಂತೆ ದುಂಬು ಉಪ್ಪು ಬಿ.ಎಸ್‍.ಎನ್.ಎಲ್‍. ಕಛೇರಿದ ಪಿರವುಡು ಒಂಜಿ ಜಾಗೆ ದೆತೊಂದು ೨೦೧೧ಟ್ಟ್ ಪೊಸ ಕಟ್ಟೊಡ ಆದ್ ಆಲ್ಪನೇ ಆರಾಧನೆ ನಡಪೆರೆ ಸುರು ಆದ್ ನಡತೊಂದುಂಡು.
ಈ ಸಭೆತ್ತ ವ್ಯಾಪ್ತಿಡ್ ಉಪ್ಪು ಪ್ರದೇಶೊಲು
[ಸಂಪೊಲಿಪುಲೆ]ವಾಮಂಜೂರು ಪೀಟರ್ ಸ್ಮಾರಕ ದೇವಾಲಯದ ವ್ಯಾಪ್ತಿಡ್ ಕುಡುಪು, ಪಚ್ಚನಾಡಿ, ಮೂಡುಶೆಡ್ಡೆ, ಪಡುಶೆಡ್ಡೆ, ತೊಯಿಪಕಲ್‍, ಸಂತೋಷನಗರ, ನಿರಾಲ, ನೀರ್ ಮಾರ್ಗ. ಈ ಪ್ರದೇಶೋಲೆಡ್ ಸುಮಾರ್ ೬೦ಡ್ದು ಹೆಚ್ಷ ಕ್ರೈಸ್ತೆರ್ ಮುಲ್ಪ ವಾಸ ಮಲ್ತೊಂದು ಆರಾಧನೆಗಾದ ಈ ದೇವಾಲಯೊಗು ಬರೊಂದುಲ್ಲೆರ್
ದೇವಾಲಯೊಡು ಉಪ್ಪು ಇತರ ಅಂಗ ಸಂಸ್ಥೆಲು
[ಸಂಪೊಲಿಪುಲೆ]- ಐತಾರ ಶಾಲೆ( ಜೋಕುಲೆಗಾದ್)
- ಜವನೆರೆ ಕೂಟ
- ಪೊಂಜೋವುಲೆ ಕೂಟ
- ಸಂಗೀತ ಮಂಡಳಿ.
ದೇವಾಲಯೊಡು ಧರ್ಮಗುರುಕ್ಕುಲಾದ್ ಸೇವೆ ಮಲ್ತಿನಕುಲು
[ಸಂಪೊಲಿಪುಲೆ]- ರೆವೆ. ಸುಗುಣ ಜತ್ತನ್ನ
- ರೆವೆ.ಆಸ್ಮಂಡ್ ನೆವಿಲ್ ಶಿರಿ
- ರೆವೆ. ವಿನ್ ಫ್ರೆಡ್ ಅಮ್ಮನ್ನ
- ರೆವೆ. ಆಡ್ರಿಯನ್ ದೀಪಕ್
- ರೆವೆ. ಡಾ. ಐವಲಿನ್ ಅಮ್ಮನ್ನ
- ರೆವೆ. ಡಾನಿಯೇಲ್ ಕೌಂಡಿನ್ಯ
- ರೆವೆ. ಸೆಬೆಸ್ಟಿನ್ ಜತ್ತನ್ನ
- ರೆವೆ. ಪ್ರಭುರಾಜ್ ಏಂ.
- ರೆವೆ. ಗಾಬ್ರಿಯೇಲ್ ರೋನಿತ್
- ರೆವೆ. ಮೋಹನ್ ಕುಮಾರ್
ವಿಶೇಷತೆ
[ಸಂಪೊಲಿಪುಲೆ]ಉಂದು ಪ್ರೊಟೆಸ್ಟಂಟ್ ಕ್ರೈಸ್ತೆರ್ ಅರಾಧನೆ ಮಲ್ಪು ದೇವಾಲಯ. ಪ್ರತಿ ಐತಾರ ಕಾಂಡೆ 8.30 ಘಂಟೆಗ್‍ ಆರಾಧನೆ ನಡಪುಂಡು.
ವರ್ಷಲಾ ನಡಪು ತುಳುನಾಡ್ದ ಕಾರ್ಯಕ್ರಮ
[ಸಂಪೊಲಿಪುಲೆ]ಪ್ರತಿ ವರ್ಷ ಕ್ರೈಸ್ತ ಕೆಲೆಂಡರ್ ಉಪ್ಪು ಪೊಸವರ್ಷ, ಗುಡ್ ಫ್ರೈಡೆ, ಯೇಸು ಕ್ರಿಸ್ತೆರ್ ಲಕ್ಕಿ ಪರ್ಭ, ಬುಲೆತ್ತ ಪರ್ಭ, ಕ್ರಿಸ್ಮಸ್, ಪರವರ್ಷ ಪನ್ಪಿ ಬರ್ಬಲಾ ಸಭೆತ್ತ ವರ್ಷದ ಪರ್ಬಲಾ ನಡಪುಂಡು. ಅವ್ವತ್ತಂದೆ. ವರ್ಷಲಾ ಸಭೆತ್ತ ಜನೊಕ್ಲ ಮರಿಯಲೊಡೊಂಜಿ ದಿನ, ಬಿತ್ತ್ ಲ್ ಡ್ ಒಂಜಿದಿನ, ತೋಟೊಡು ಒಂಜಿ ದಿನ, ಮರಿಯಲದ ಅಟಿಲ್ದ ಮ್ಮತ್ತ್, ಇಂಚ ಬೇತೆ ಬೇತೆ ಕಾರ್ಯಕ್ರಮೊಕ್ಕುಲು ನಡಪುಂಡು