ಪೊನ್ನಯ್ಯ ಮಣಿಕವಾಸಗಂ

ಪೊನ್ನಯ್ಯ ಮಣಿಕವಾಸಗಂ
ಸಯಿತಿನಿ	12 ಏಪ್ರಿಲ್ 2023 ವಾವುನಿಯಾ, ಉತ್ತರ ಪ್ರಾಂತ್ಯ, ಶ್ರೀಲಂಕಾ
ದೇಶ	ಶ್ರೀಲಂಕಾನ್
ವೃತ್ತಿ(s)	ಸುದ್ದಿ ವರದಿಗಾರೆರ್, ಪತ್ರಕರ್ತೆರ್, ಸಂಪಾದಕೆರ್ ಬೊಕ್ಕ ಪ್ರಸಾರಕೆರ್
Years active	1983-2023
ಪ್ರಶಸ್ತಿ	ಪತ್ರಿಕೋದ್ಯಮೊಡು ಜೀವಮಾನೊದ ಸಾಧನೆ ಪ್ರಶಸ್ತಿ

ಪೊನ್ನಯ್ಯ ಮಾಣಿಕವಾಸಗಂ ಒರಿ ಶ್ರೀಲಂಕಾದ ಸುದ್ದಿ ವರದಿಗಾರೆರ್, ಪತ್ರಕರ್ತೆ, ಸಂಪಾದಕೆರ್ ಬೊಕ್ಕ ಪ್ರಸಾರಕೆರ್. ಒರಿ ಸುದ್ದಿ ವರದಿಗಾರೆರ್ ಆದ್ ತನ್ನ ವೃತ್ತಿಜೀವನೊಡು, ಆರ್ ಮುಖ್ಯವಾದ್ ಶ್ರೀಲಂಕಾದ ನಾಗರಿಕ ಯುದ್ಧೊನು ತನ್ನ ಕಾರ್ಯಸೂಚಿಡ್ ವರದಿ ಮಲ್ತೆರ್. ವೀರಕೇಸರಿ ಬೊಕ್ಕ ಬಿಬಿಸಿ ತಮಿಳುದೊಟ್ಟುಗು ಇತ್ತಿನ ಸಮ್ಮಂದೊಡು ಆರ್ ಪುದರ್ ಪೋಯಿನಿ.

ವೃತ್ತಿಜೀವನ

1980ದ ದಶಕೊಡು ವೀರಕೇಸರಿಡ್ ವರದಿಗಾರೆ ಆದ್ ವೃತ್ತಿಜೀವನ ಸುರು ಮಲ್ತೆರ್ ಬೊಕ್ಕ ವೀರಕೇಸರಿದ ವಾವುನಿಯ ಜಿಲ್ಲಾ ವರದಿಗಾರೆರಾದ್ ಸೇವೆ ಸಲ್ಲಿಸಾಯೆರ್. ಶ್ರೀಲಂಕಾದ ಪ್ರದೇಶೊನು ಪ್ರಸಾರೊ ಮಲ್ಪುನ ಬಿಬಿಸಿ ಬೊಕ್ಕ ರಾಯಿಟರ್ಸ್ ದಂಚಿನ ಅಂತರರಾಷ್ಟ್ರೀಯ ಸುದ್ದಿ ಚಾನೆಲ್ ಲೆಗ್ ಸ್ಟ್ರಿಂಗರ್ ಆದ್ ಬೇಲೆ ಮಲ್ಪೆರೆ ಸುರು ಮಲ್ತೆರ್ 2016ಟ್ ಅಮಾನತು ಆಯಿನ ಮುಟ್ಟ ಸುಮಾರ್ 25 ವರ್ಸೊ ಬಿಬಿಸಿ ತಮಿಳು ರೇಡಿಯೋ ಸೇವೆದ ಭಾಗವಾದ್ ಇತ್ತೆರ್. ಏಷ್ಯಾ ಕಾಲಿಂಗ್ (ಇಂಡೋನೇಷ್ಯಾ) ಬೊಕ್ಕ ಫ್ರೀ ಸ್ಪೀಚ್ ರೇಡಿಯೋಗ್ ಅಯಿತ ಶ್ರೀಲಂಕಾ ವರದಿಗಾರೆ ಆದ್ ಕತೆಕುಲೆನ್ ವರದಿ ಮಲ್ತೆರ್. ಶ್ರೀಲಂಕಾ ತಮಿಳು ಮಾಧ್ಯಮ ಒಕ್ಕೂಟ ಬೊಕ್ಕ ವನ್ನಿ ಪತ್ರಕರ್ತರ ಸಂಘದ ಅಧ್ಯಕ್ಷರಾದ್ ಒಂತೆ ಸಮಯ ಸೇವೆ ಮಲ್ತೆರ್. ಶ್ರೀಲಂಕಾದ ನಾಗರಿಕ ಯುದ್ಧೊದ ಬಗ್ಗೆ ಕೇಂದ್ರೀಕರಿಸವುನ ಸೂಕ್ಷ್ಮ ವಿಷಯೊಲೆನ್ ವರದಿ ಮಲ್ತಿನ ಕಾರಣೊಗು ಸರ್ಕಾರೊಡ್ದ್ ತಕ್ಷಣದ ಬೆದರಿಕೆಲೆನ್ ಎದುರಿಸೊಡಾಪುಂಡು. ನಾಗರಿಕ ಯುದ್ಧೊದ ಬಗ್ಗೆ ವರದಿ ಮಲ್ತಿನ ಕಾರಣೊಗು ಆರ್ ಕೆಲವು ಸಂದರ್ಭೊಡು ಆರೋಪೊಲೆನ್ ಎದುರಿಸಯೆರ್, ಅತ್ಯಂತ ಗಮನಾರ್ಹವಾದ್ 1990ಡ್ ಆರ್ ಸುಮಾರ್ ಮೂಜಿ ತಿಂಗೊಲು ಪೊಲೀಸ್ ಕಸ್ಟಡಿಡ್ ಇತ್ತೆರ್.. 2001ಡ್, ಪ್ರಮುಖ ಎಲ್ ಟಿ ಟಿ ಇ ಕೇಡರ್ ಆಂಟನ್ ಬಲಾಸಿಂಗಮ್ ನ್ ಸಂದರ್ಶನ ಮಲ್ತಿನೆಕ್ ಆರ್ ಮರಣದಂಡನೆನ್ ಪಡೆಯೆರ್ ಬೊಕ್ಕ ಆ ಸಂದರ್ಶನೊನು ಬಿಬಿಸಿ ತಮಿಳು ಪ್ರಸಾರ ಮಲ್ತ್ಂಡ್. 2013ಡ್, ಕೊಲಂಬೊದ ಮ್ಯಾಗಜಿನ್ ಜೈಲ್ ಡ್ ಕೆಲವು ತಮಿಳು ಕೈದಿಲೆನೊಟ್ಟುಗು ಆರ್ ಮಲ್ತಿನ ದೂರವಾಣಿ ಸಂಭಾಷಣೆಲೆನ್ ಟಿಐಡಿ ಅಧಿಕಾರಿಲು ಕಂಡು ಕನತ್ ದ್ ಭಯೋತ್ಪಾದನೆ ತನಿಖಾ ಇಲಾಖೆ ಆರೆನ್ ವಿಚಾರಣೆಗ್ ಲೆಪ್ಪುವೆರ್. ಯುದ್ಧದ ಎತ್ತರೊಡು ಜಾಫ್ನಾ ತಮಿಳುಲು ಎದುರಿಸಾಯಿನ ದುರಂತೊಲು ಬೊಕ್ಕ ದುಃಖದ ಪರಿಸ್ಥಿತಿಲೆನ್ ಕೇಂದ್ರೀಕರಿಸವುನ Memories and events are waves of thoughts crashing into the chest ಪಂಡ ``ನೆನಪುಲು ಬೊಕ್ಕ ಘಟನೆಲು ಎದೆತ ಮಿತ್ತ್ ಗುದ್ದುನ ಆಲೋಚನೆಲೆನ ಅಲೆಲು ಪನ್ಪಿನ ಪುಸ್ತಕೊನು ಪ್ರಕಟ ಮಲ್ತೆರ್.

ಪ್ರಶಸ್ತಿಲು

ಆರ್ ಪತ್ರಿಕೋದ್ಯಮೊಗು ಈಶಾನ್ಯ ಪ್ರಾಂತೀಯ ಗವರ್ನರ್ ಪ್ರಶಸ್ತಿನ್ ಗೆಂದಿಯೆರ್. ಡಿಸೆಂಬರ್ 2022ಡ್, ಆರ್ ಆಯೋಜಿಸಾಯಿನ ಪತ್ರಿಕೋದ್ಯಮ ಪ್ರಶಸ್ತಿಲೆನ 23ನೇ ಆವೃತ್ತಿಡ್ ಸಾಂಸ್ಕೃತಿಕ ವ್ಯವಹಾರೊಲೆನ ಸಚಿವಾಲಯೊಡ್ದ್ ಶ್ರೀಲಂಕಾದ ಪತ್ರಿಕಾ ಸಂಸ್ಥೆದ ಸಹಯೋಗೊಡು ಶ್ರೀಲಂಕಾದ ಸಂಪಾದಕೆರೆನ ಸಂಘ ಜೀವನಪೂರ್ತಿ ಸಾಧನೆದ ಪ್ರಶಸ್ತಿನ್ ಗೆಂದಿಯೆರ್ .

ಸಾವು

ಏಪ್ರಿಲ್ 12, 2023ಡ್ 76 ವರ್ಸೊದ ಪ್ರಾಯೊಡು ವಾವುನಿಯೊಡು ಉಪ್ಪುನ ಅರೆನ ನಿವಾಸೊಡು ತೀರ್ ಪೋಯೆರ್.