ಪ್ರಮೋದಾ ಕೆ ಸುವರ್ಣ

ಪ್ರಮೋದಾ ಕೆ ಸುವರ್ಣ ಒರ್ತಿ ತುಳು ಸಾಹಿತಿ. ಸುರುತ ತುಳು ಶಿಶು ಸಾಹಿತಿ ಪನ್ಪಿನ ಪುಗರ್ತೆ ಪಡೆಯಿನಾರ್

ಪುಟ್ಟು ಬೊಕ್ಕ ಜೀವನ

ಮೆರ್ ೧೫-೯-೧೯೩೫ ಇಸವಿಡ್ ಕೆ ನಾರಾಯಣ ಬಾಬು ಬೊಕ್ಕ ರಾಧಾಬಾಯಿ ದಂಪತಿಲೆನ ೮ ಜನೊ ಜೋಕುಲೆಡ್ ಮೂಜಿನೆದಾರಾದ್ ಕೊರಜ್ಜಿ ಮನೆತನೊಡು ಪುಟ್ಟಿಯೆರ್. ನಾರಾಯಣ ಬಾಬು ಕಲಾ ಪೋಷಕೆರಾದಿತ್ತಿನಾರ್. ಅಪ್ಪೆ ರಾಧಾಬಾಯಿ ಜನಪದೊ ಗಾಯಕಿ . ಪ್ರಮೋದಾ ಕೆ ಸುವರ್ಣ ಸುರುತ ತುಳು ಶಿಶು ಸಾಹಿತಿ ಪನ್ಪಿನ ಪುಗರ್ತೆ ಪಡೆಯಿನಾರ್. ಪ್ರಮೋದಾ ಕೆ ಸುವರ್ಣೆರ್ ತನ್ನ ಪ್ರಾಥಮಿಕ ಅಂಚನೆ ಪ್ರೌಢ ಶಿಕ್ಷಣೊನು ಕುಡ್ಲದ ಸರಕಾರಿ ಶಾಲೆಡ್ ಮಲ್ತೆರ್. ಮೆಟ್ರಿಕ್ ಪರೀಕ್ಷೆಡ್ ಎಡ್ಡೆ ಮಾರ್ಕ್ ಪಡೆದ್ ಪ್ರೌಢ ಶಿಕ್ಷಣೊ ಮುಗಿತೆರ್. ಪ್ರತಿಭಾವಂತೆ ಆದಿತ್ತಿನ ಪ್ರಮೋದಾ ಕೆ ಸುವರ್ಣೆರ್ ಎಲ್ಯೊ ಪ್ರಾಯೊಡೆ ಸಾಹಿತ್ಯೊಡು ಆಸಕ್ತಿ ಇತ್ತದ್ ಸಾಹಿತ್ಯ ಲೋಕೊಡು ತೆಗುರೊಂದುಪ್ಪುನಗ ಅರೆನ ಅಪ್ಪೆ ಅಮ್ಮೆ ಅರೆನ ವಿದ್ಯಾಭಾದಸೊನು ಅಡೆಗೆ ಉಂತಾದ್ ಪ್ರಮೋದಾ ಕೆ ಸುವರ್ಣಗ್ ೧೯೫೪ ಡ್ ಅರೆಗ್ ಎಡ್ಡೆ ಗುಣೊತ ಆಣನ್ ತೂದು ಮದಿಮೆ ಮಲ್ಪುವೆರ್.

ಸಾಂಸರಿಕ ಜೀವನೊ

೧೯೫೪ ಡ್ ಕಮಲಾಕ್ಷ ಜೆ ಸುವರ್ಣೆರೆನೊಟ್ಟುಗು ಮದಿಮೆ ಆಯಿ ಬೊಕ್ಕ ಸಂಸಾರ ಜವಾದ್ಬಾರಿನ್ ತುಂಬೊಂದು ದೂರದ ಊರಾಯಿನ ಮುಂಬಯಿಗ್ ಪೋದು ನೆಲೆ ಆಪೆರ್. ಪೊರ್ಲ ಜೀವನೊಡು ಬರವು ಕಲ್ಪುನ ಆಸೆ ತೆಗುರುಂಡು ಹಿಂದುಸ್ತಾನಿ ಸಂಗೀತೊಡು ಪದವಿ ಶಿಕ್ಷಣೊ ಪಡೆಪೆರ್. ೨೪ ವರ್ಷದ ದಾಂಪತ್ಯ ಜೀವನೊಡುಪ್ಪುನಗ ಕಮಲಾಕ್ಷ ಸುವರ್ಣೆರ್ ಅಕಾಲಿಕವಾದ್ ದೇವೆರೆ ಪಾದ ಸೇರುವೆರ್ . ಕಂಡನಿನ ಮರಣೊಡ್ದಾತ್ರ ಕಂಗಾಲಾಯಿನ ಪ್ರಮೋದಾ ನಾಲ್ ಜೋಕುಲೆನ ಜವಾಬ್ದಾರಿನ್ ತುಂಬೊಂದು ಪಿರ ಕುಡ್ಲಗ್ ಬತ್ತ್‌ದ್ ಅಪ್ಪೆ ಇಲ್ಲ್ ಸೇರುವೆರ್. ನಾಲ್ ಜೋಕುಲೆನ ಜವಾಬ್ದಾರಿನ್ ತುಂಬೊಂದಿನ ಪ್ರಮೋದಾ ಕೆ .ಸುವರ್ಣ ಎಂ.ವಿ ಶೆಟ್ಟಿ ಆಸ್ಪತ್ರೆಡ್ ಬೇಲೆಗ್ ಸೇರುವೆರ್. ಎಲ್ಯ ಪ್ರಾಯೋಡೆ ಎಡ್ಡೆ ವಾಗ್ಮಿಯಾದಿತ್ತಿನ ಪ್ರಮೋದಾ ಕೆ ಸುವರ್ಣ ಕಾರ್ಯಕ್ರಮೊಗು ಭಾಷಾಣಗಾರ್ತಿಯಾದ್ , ನಿರ್ವಾಹಕಿಯಾದ್ ಪೋವೊಂದಿತ್ತೆರ್. ಆ ಪೊರ್ತುಡು ಅರೆನ ಸಾಹಿತ್ಯ ಆಸಕ್ತಿಗ್ ಬೆರಿತಾಂಗಾದ್ ಉಂತಿನ ತುಳು ಸಂಘಟನೆ ಆಯಿನ ತುಳುಕೂಟ(ರಿ)ಕುಡ್ಲದ ಮುಖಾಂತರ ಪೂಮಾಲೆ ಪನ್ಪಿನ ಕವನ ಸಂಕಲನ ತುಳು ಸಾಹಿತ್ಯ ಲೋಕೊಗು ಲೋಕಾರ್ಪಣೆ ಆಪುಂಡು. ರಡ್ಡನೆ ಕವನ ಸಂಕಲನ ಪದರಂಗಿತ ,ಮೂಜನೆ ಕವನ ಸಂಕಲನ "ತಾಟಿ ತೆಂಬರೆ" ಉಂದು ೫೦ ಶಿಶು ಗೀತೆಲು ಇತ್ತಿನ ಕವನ ಸಂಕಲನವಾದುಂಡು . ಪ್ರಮೋದಾ ಕೆ ಸುವರ್ಣೆರೆನ ನಾಲನೆದ ಕೃತಿ "ಕತೆ ಆಯೆರ್ ಪೊಣ್ಣುಲೈವೆರ್" ಉಂದೆಡ್ದ್ ಬೊಕ್ಕ ಮೆರೆಗ್ ಪಾರ್ಶ್ವವಾಯು ರೋಗ ಬತ್ತ್‌ದ್ ಜ್ಞಾನ ಶಕ್ತಿದ ಕೊರತೆಡ್ದಾತ್ರ ಬರೆಪುನ ಕಮ್ಮಿ ಆಪುಂಡು.ಮೆರೆನ ಈ ಕೃತಿನ್ ಮೆರೆನ ಸುರುತ ಮಗಳ್ ಕ್ಷಮಾ ಇಂಗ್ಲೀಷ್‌ಗ್ ಅನುವಾದ ಮಲ್ತೆರ್ .

ಮಾನಾದಿಗೆಲು

• ೨೦೦೯ಡು ಧರ್ಮಸ್ಥಳಡು ನಡತಿನ ವಿಶ್ವ ತುಳು ಸಮ್ಮೇಳನೊಡು"ಕಲಾ ಶ್ರೀ" ಪ್ರಶಸ್ತಿ
• ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಡ್ದ್
• ರಾಣಿ ಅಬ್ಬಕ್ಕ ಪುರಸ್ಕಾರ (೨೦೦೬)