ಫ್ಲಾರೆನ್ಸ್ ನೈಟಿಂಗೇಲ್

ಫ್ಲಾರೆನ್ಸ್ ನೈಟಿಂಗೇಲ್

ಫ್ಲಾರೆನ್ಸ್ ನೈಟಿಂಗೇಲ್

ಫ್ಲೋರೆನ್ಸ್ ನೈಟಿಂಗೇಲ್ (೧೨ ಮೇ ೧೮೨೦ - ೧೩ ಆಗಸ್ಟ್ ೧೯೧೦) ಒರಿ ಇಂಗ್ಲಿಷ್ ಸಾಮಾಜಿಕ ಸುಧಾರಕೆರ್, ಅಂಕಿಅಂಶ ತಜ್ಞೆರ್ ಬೊಕ್ಕ ಆಧುನಿಕ ನರ್ಸಿಂಗ್ ದ ಸ್ಥಾಪಕೆರ್. ಕ್ರಿಮಿಯನ್ ಯುದ್ಧೊಡು ನರ್ಸ್ ಲೆನ ವ್ಯವಸ್ಥಾಪಕೆರ್ ಬೊಕ್ಕ ತರಬೇತುದಾರೆರಾದ್ ಸೇವೆ ಮಲ್ಪುನಗ ನೈಟಿಂಗೇಲ್ ಪ್ರಾಮುಖ್ಯತೆಗ್ ಬತ್ತೆರ್. ಉಂದೆಟ್ ಆರ್ ಕಾನ್ಸ್ಟಾಂಟಿನೋಪಲ್ ಡ್ ಗಾಯೊ ಆಯಿನ ಸೈನಿಕೆರೆನ ಆರೈಕೆನ್ ಏರ್ಪಾಡ್ ಮಲ್ತೆರ್. ಆರ್ ನೈರ್ಮಲ್ಯ ಬೊಕ್ಕ ಜೀವನ ಮಾನದಂಡೊಲೆನ್ ಸುಧಾರಣೆ ಮಲ್ಪುನ ಮೂಲಕ ಸಾವುದ ಪ್ರಮಾಣೊನು ಗಮನಾರ್ಹವಾದ್ ಕಮ್ಮಿ ಮಲ್ತೆರ್. ನೈಟಿಂಗೇಲ್ ನರ್ಸಿಂಗ್ ಗ್ ಒಂಜಿ ಎಡ್ಡೆ ಪುದರ್ ಕೊರ್ದು ವಿಕ್ಟೋರಿಯನ್ ಸಂಸ್ಕೃತಿದ ಒಂಜಿ ಐಕಾನ್ ಆಯೆರ್, ವಿಶೇಷವಾದ್ ರಾತ್ರೆಡ್ ಗಾಯೊ ಆಯಿನ ಸೈನಿಕೆರೆನ ಸುತ್ತುಲೆನ್ ಮಲ್ಪುನ "ದಿ ಲೇಡಿ ವಿತ್ ದ ಲ್ಯಾಂಪ್" ನ ಪಾತ್ರೊಡು.

ಸುರುತ ಜೀವನ

ಫ್ಲೋರೆನ್ಸ್ ನೈಟಿಂಗೇಲ್ ೧೨ ಮೇ ೧೮೨೦ಡ್ ಫ್ಲೋರೆನ್ಸ್, ಟಸ್ಕನಿಡ್ ಉಪ್ಪುನ ವಿಲ್ಲಾ ಕೊಲೊಂಬಿಯಾಡ್ ಒಂಜಿ ಶ್ರೀಮಂತ ಬೊಕ್ಕ ಎಡ್ಡೆ ಸಂಪರ್ಕೊಡುಪ್ಪುನ ಬ್ರಿಟಿಷ್ ಕುಟುಂಬೊಡು ಪುಟ್ಟುವೆರ್, ಬೊಕ್ಕ ಅರೆಗ್ ಅರೆನ ಪುಟ್ಟುನ ನಗರೊದ ಪುದರ್ ದೀಯೆರ್. ಫ್ಲೋರೆನ್ಸ್ ನ ಮಲ್ಲ ಅಕ್ಕ ಫ್ರಾನ್ಸಿಸ್ ಪಾರ್ಥೆನೋಪ್ ಗ್ ಲಾ ಅಲೆನ ಪುಟ್ಟುನ ಜಾಗೆದ ಪುದರ್ ಡ್ ಪುದರ್ ದೀಯೆರ್, ಪಾರ್ಥೆನೋಪ್, ಇತ್ತೆ ನೇಪಲ್ಸ್ ನಗರೊದ ಭಾಗವಾದ್ ಉಪ್ಪುನ ಒಂಜಿ ಗ್ರೀಕ್ ವಸಾಹತು. ಕುಟುಂಬ 1821ಡ್ ಇಂಗ್ಲೆಂಡ್ ಗ್ ಪಿರ ಬತ್ತ್ಂಡ್, ನೈಟಿಂಗೇಲ್ ನ್ ಎಂಬ್ಲೆ, ಹ್ಯಾಂಪ್ಶೈರ್ ಬೊಕ್ಕ ಲೀ ಹರ್ಸ್ಟ್, ಡರ್ಬಿಶೈರ್ ಡ್ ಕುಟುಂಬದ ಇಲ್ಲಡ್ ಬುಲೆಪಾಯೆರ್. ಫ್ಲೋರೆನ್ಸ್ ತನ್ನ ಕುಟುಂಬದ ರಡ್ಡ್ ಕಡೆಟ್ ಒಂಜಿ ಉದಾರವಾದಿ-ಮಾನವೀಯ ದೃಷ್ಟಿಕೋನೊನು ಆನುವಂಶಿಕವಾದ್ ಪಡೆಯೆರ್. ಅಲೆನ ಅಪ್ಪೆ ಅಮ್ಮೆರ್ ವಿಲಿಯಂ ಎಡ್ವರ್ಡ್ ನೈಟಿಂಗೇಲ್, ಪುಟ್ಟುನ ವಿಲಿಯಂ ಎಡ್ವರ್ಡ್ ಶೋರ್ (೧೭೯೪-೧೮೭೪) ಬೊಕ್ಕ ಫ್ರಾನ್ಸಿಸ್ ("ಫ್ಯಾನಿ") ನೈಟಿಂಗೇಲ್ (ನೀ ಸ್ಮಿತ್; ೧೭೮೮-೧೮೮೦). ವಿಲಿಯಂನ ಅಮ್ಮೆ ಮೇರಿ (ನೀ ಇವಾನ್ಸ್) ಪೀಟರ್ ನೈಟಿಂಗೇಲ್ ನ ಸೋದರ ಮಗೆ ಆದಿತ್ತೆರ್, ಅರೆನ ಇಚ್ಛಾಪತ್ರೊದ ಪ್ರಕಾರ ವಿಲಿಯಂ ಅರೆನ ಎಸ್ಟೇಟ್ ನ್ ಆನುವಂಶಿಕವಾದ್ ಪಡೆಯೆರ್, ಬೊಕ್ಕ ಲೀಸ್ಟ್ ಪುದರ್ ನ್ ಸ್ವೀಕಾರ ಮಲ್ತೆರ್. ರ್ಫ್ಯಾನಿನ ಅಪ್ಪೆ (ಫ್ಲೋರೆನ್ಸ್ ನ ಅಪ್ಪೆನ ಅಜ್ಜ) ಅಬೊಲಿಶನಿಸ್ಟ್ ಬೊಕ್ಕ ಯುನಿಟೇರಿಯನ್ ವಿಲಿಯಂ ಸ್ಮಿತ್ ಆದಿತ್ತೆರ್. ನೈಟಿಂಗೇಲ್ ನ ಅಪ್ಪೆ ಅಲೆಗ್ ಶಿಕ್ಷಣ ಕೊರ್ತೆರ್.

ದೀಪೊಡು ಒಟ್ಟುಗು ಉಪ್ಪುನ ಪೊಣ್ಣು

ಕ್ರಿಮಿಯನ್ ಯುದ್ಧದ ಪೊರ್ತುಡು, ನೈಟಿಂಗೇಲ್ ದಿ ಟೈಮ್ಸ್ ಡ್ ಒಂಜಿ ವರದಿಡ್ ಒಂಜಿ ನುಡಿಗಟ್ಟುಡ್ದ್ "ದಿ ಲೇಡಿ ವಿತ್ ದಿ ಲ್ಯಾಂಪ್" ಪನ್ಪಿನ ಅಡ್ಡನಾಮೊನು ಪಡೆಯೆರ್.ಗಾಯೊ ಆಯಿನಕ್ಲೆಗ್ ಚಿಕಿತ್ಸೆ ಕೊರ್ಪಿನ ಮರ್ದ್ ನ್ ದೆತೊನುನ ಲಾಕ್ಡ್ ಸ್ಟೋರೇಜ್ ನ್ ತುಂಡುಮಲ್ಪೆರೆ ಸುತ್ತಿಗೆನ್ ಬಳಕೆ ಮಲ್ತಿನ ಬುಕ್ಕೊ ಸೈನಿಕೆರ್ ನೈಟಿಂಗೇಲ್ ಗ್ "ಸುತ್ತಿಗೆದ ಪೊಣ್ಣು" ಪನ್ಪಿನ ಅಡ್ಡನಾಮ ಕೊರ್ತೆರ್. ಆಂಡಲಾ, ರಸೆಲ್ ಈ ನಡವಳಿಕೆನ್ ಲೇಡಿಲೈಕ್ ಅತ್ತ್ ಪಂದ್ ತೆರಿನೆರ್, ಬೊಕ್ಕ ಒಂಜಿ ಪರ್ಯಾಯೊನು ಕಂಡು ಕನತೆರ್, ಉಂದೆರ್ದ್ "ದಿ ಲೇಡಿ ವಿತ್ ದ ಲ್ಯಾಂಪ್" ಗ್ ಕಾರಣ ಆಂಡ್.

ವೃತ್ತಿಜೀವನ

ಕ್ರೈಮಿಯಾಡ್ ೨೯ ನವೆಂಬರ್ ೧೮೫೫ಡ್, ಯುದ್ಧೊಡು ನೈಟಿಂಗೇಲ್ ನ ಕೆಲಸೊಗು ಮಾನ್ಯತೆ ಕೊರ್ಪಿನ ಸಾರ್ವಜನಿಕ ಸಭೆಟ್ ದಾದಿಯೆರೆನ ತರಬೇತಿಗ್ ನೈಟಿಂಗೇಲ್ ಫಂಡ್ ನ್ ಸ್ಥಾಪನೆ ಮಲ್ತೆರ್. ಉದಾರವಾದ್ ದಾನೊಲೆನ ಒಂಜಿ ಪ್ರವಾಹ ಉಂಡು. ಸಿಡ್ನಿ ಹರ್ಬರ್ಟ್ ನಿಧಿದ ಗೌರವ ಕಾರ್ಯದರ್ಶಿಯಾದ್ ಸೇವೆ ಮಲ್ತೆರ್ ಬೊಕ್ಕ ಡ್ಯೂಕ್ ಆಫ್ ಕೇಂಬ್ರಿಡ್ಜ್ ಅಧ್ಯಕ್ಷೆರಾದ್ ಇತ್ತೆರ್. ೧೮೫೬ಡ್ ಬರೆತಿನ ಪತ್ರೊಲೆಡ್ ಆರ್ ಒಟ್ಟೋಮನ್ ಸಾಮ್ರಾಜ್ಯೊಡು ಸ್ಪಾಲೆನ್ ವರ್ಣನೆ ಮಲ್ತೆರ್, ಆರೋಗ್ಯ ಪರಿಸ್ಥಿತಿಲೆನ್, ದೈಹಿಕ ವಿವರಣೆಲೆನ್, ಆಹಾರದ ಮಾಹಿತಿನ್, ಬೊಕ್ಕ ಅಲ್ಪ ನಿರ್ದೇಶನ ಮಲ್ತಿನ ರೋಗಿಲೆನ ಇತರ ಪ್ರಮುಖ ವಿವರೊಲೆನ್ ವಿವರಿಸಯೆರ್. ಅಲ್ಪದ ಚಿಕಿತ್ಸೆ ಸ್ವಿಟ್ಜರ್ಲೆಂಡ್ ಡ್ದ್ ಮಸ್ತ್ ಕಮ್ಮಿ ಖರ್ಚು ಪಂಡ್ದ್ ಆರ್ ಗಮನಿಸಯೆರ್.

ನರ್ಸಿಂಗ್ ಜೀವನ

ಆಧುನಿಕ ನರ್ಸಿಂಗ್ ವೃತ್ತಿನ್ ಸ್ಥಾಪನೆ ಮಲ್ಪುನಗ ನೈಟಿಂಗೇಲ್ ನ ಶಾಶ್ವತ ಕೊಡುಗೆ ಆದುಂಡು. ಅರೆಗ್ ಕರುಣೆ, ರೋಗಿಲೆನ ಆರೈಕೆಗ್ ಬದ್ಧತೆ ಬೊಕ್ಕ ಶ್ರದ್ಧೆದ ಬೊಕ್ಕ ಚಿಂತನೆದ ಆಸ್ಪತ್ರೆ ಆಡಳಿತದ ಒಂಜಿ ಉದಾರ್ಮೆನ್ ದೀತೆರ್. ಸುರುತ ಅಧಿಕೃತ ದಾದಿಯೆರೆನ ತರಬೇತಿ ಕಾರ್ಯಕ್ರಮ, ಅರೆನ ನೈಟಿಂಗೇಲ್ ಸ್ಕೂಲ್ ಫಾರ್ ನರ್ಸೆಸ್, 1860ಡ್ ಸುರು ಆಂಡ್ ಬೊಕ್ಕ ಇತ್ತೆ ಲಂಡನ್ ದ ಕಿಂಗ್ಸ್ ಕಾಲೇಜ್ ಡ್ ಫ್ಲೋರೆನ್ಸ್ ನೈಟಿಂಗೇಲ್ ಫ್ಯಾಕಲ್ಟಿ ಆಫ್ ನರ್ಸಿಂಗ್ ಅಂಡ್ ಮಿಡ್ವೈಫರಿ ಪಂಡ್ದ್ ಲೆಪ್ಪುವೆರ್.

ಮರಣ

ಫ್ಲೋರೆನ್ಸ್ ನೈಟಿಂಗೇಲ್ 1910 ಆಗಸ್ಟ್ 13 ತಾರೀಕ್ ಗ್ ಲಂಡನ್ ದ ಮೇಫೇರ್ ಡ್ 10 ಸೌತ್ ಸ್ಟ್ರೀಟ್ ಡ್ ಉಪ್ಪುನ ತನ್ನ ಕೋಣೆಡ್ 90 ವರ್ಸೊದ ಪ್ರಾಯೊಡು ಶಾಂತಿಯುತವಾದ್ ತೀರ್ ಪೋಯೆರ್.ವೆಸ್ಟ್ ಮಿನ್ಸ್ಟರ್ ಪಾರ್ಕ್ ಡ್ ಸೈಂಟ್ ಮಾರ್ಗರೆಟ್ ಚರ್ಚ್ ಯಾರ್ಡ್ ಡ್ ಸಮಾಧಿ ಮಲ್ತೆರ್ ಒಂಜಿ ಸ್ಮಾರಕೊಡು ಅಲೆನ ಆದಿ ಅಕ್ಷರೊಲು ಬೊಕ್ಕ ಪುಟ್ಟು ಬೊಕ್ಕ ಸಾವುದ ದಿನಾಂಕೊಲು ಉಪ್ಪುಂಡು.ನೈಟಿಂಗೇಲ್ ಗ್ ಒಂಜಿ ಸ್ಮಾರಕೊನು ಫ್ರಾನ್ಸಿಸ್ ವಿಲಿಯಂ ಸರ್ಗಂಟ್ 1913ಡ್ ಕ್ಯಾರಾರಾ ಅಮೃತಶಿಲೆಡ್ ಮಲ್ತೆರ್ ಬೊಕ್ಕ ಇಟಲಿದ ಫ್ಲೋರೆನ್ಸ್ ಡ್ ಸಾಂತಾ ಕ್ರೋಸ್ ಬೆಸಿಲಿಕಾದ ಮಠೊಡು ದೀಯೆರ್.

ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026