ಬಂಗುಡೆ

ವಿಕಿಪೀಡಿಯರ್ದ್
ಬಂಗುಡೆ ಮೀನ್- ಕುಡಲ ಪರ ಬಂದರದ ಧಕ್ಕೆಡ್
ಬಂಗುಡೆ

ಬಂಗುಡೆ ಉಂದೊಂಜಿ ಸಮುದ್ರೊಡು ಉಪ್ಪಿನ ಮೀನ್[೧]. ಉಂದೆಕ್ ಕನ್ನಡೊಡ್ ಬಂಗುಡೆ, ಇಂಗ್ಲಿಷ್ಡ್ ಮ್ಯಾಕೆರಲ್ ಪಂದ್ ಪನ್ಪೆರ್. ಉಂದು ಸಮುದ್ರದ ನೀರ್‌ಡ್ ಇಪ್ಪುಂಡು. ಉಂದು ಮಸ್ತ್ ಬುಲೆಪುಜಿ ಇಂದ್ ಅಭಿಪ್ರಾಯ. ಹೆಚ್ಚ ಪಂಡ ಉಂದು ೮ ಇಂಚ್ ಉದ್ದ ಬುಲೆವುಂಡು. ಬಂಗುಡೆ ನೀರ್‌ಡ್ ಭಾರಿ ರಭಸಡ್ ಬಲಿಪುಂಡು/ಮೀಂದುಂಡು. ಉಂದೆತ ಮೈ ಒಂತೆ ನೀಲಿ ಪಚ್ಚೆ ಬೊಕ್ಕ ಹೆಚ್ಚು ಬೊಲ್ದು ಬಣ್ಣದೊಟ್ಟು ರೈಸುಂಡು.

ಪುದರುಲು[ಸಂಪೊಲಿಪುಲೆ]

  • ತುಳು,ಕನ್ನಡ: ಬಂಗುಡೆ, ಬಂಗ್ಡೆ
  • ಮರಾಠಿ,ಕೊಂಕಣಿ: ಬಾಂಗ್ಡಾ
  • ಮಲಯಾಳಂ/ಬ್ಯಾರಿ ಭಾಷೆ: ಅಯಿಲ.
  • ತಮಿಳು:ಕುಮುಲ; ಕನಾಂಗೆಲುತಿ
  • ಇಂಗ್ಲೀಷ್: Indian Mackerel
  • ವೈಜ್ಞಾನಿಕ ಪುದರ್:Rastrelliger kanagurta

ಬಂಗುಡೆದ ವಿದೊಕ್ಕುಲು[ಸಂಪೊಲಿಪುಲೆ]

ಬಂಗುಡೆ ಮೀನ್ದ ವಿವಿಧ 21 ಬಗೆಕುಲು ಪ್ರಪಂಚದ ಬೇತೆ ಬೇತೆ ಭಾಗೊಲೆಡ್ ತೋಜಿದ್ ಬರ್ಪಾ. ಮತ್ಸ್ಯ ವಿಜ್ಞಾನಿಲೆನ ಪ್ರಕಾರ ಪ್ರಪಂಚದ ಬಂಗುಡೆಲು ಸ್ಕೊಂಬ್ರಿಡೆ (Scombridae) ಕುಟುಮೊದ ಸದಸ್ಯೆರಾದಿತ್ತ್'ದ್, ಮುಖ್ಯವಾದ್ ರಡ್ಡ್ ವೈಜ್ಞಾನಿಕ ಪ್ರಜಾತಿ (genus)ಲೆಗ್ ಸೇರ್ದಾ. ರಾಶ್ಟ್ರೆಲ್ಲಿಗೆರ್ (Rastrelliger ) ಬೊಕ ಸ್ಕೊಂಬರ್ ( Scomber) ಇನ್ಪಿನ ರಡ್ಡ್ ಪ್ರಜಾತಿಲು. ನಂಮ ದೇಶೊಡು ತಿಕ್ಕುನ ಬಂಗುಡೆಗ್ "ಇಂಡಿಯನ್ ಮೆಕರೆಲ್" Indian Mackeral ಇನ್ಪಿನ ಪುದರುಂಡು. ಉಂದೆತ ವೈಜ್ಞಾನಿಕ ಪುದರ್ ರಾಶ್ಟ್ರೆಲ್ಲಿಗೆರ್ ಕನಾಗುರ್ತ.(Rastrelliger kanagurta).

ನಮ ಕರಾವಳಿದ ಕಡಲುಡು ತಿಕ್ಕುನ ಬಂಗುಡೆ ಬೊಕ ಬಂಗುಡೆದಂಚಿನ ಸುರುವಾಯಿನ್ ವ್ಯತ್ಯಾಸ ಗುರುತು ಮಲ್ಪುವೆರ್[೨].

  • ಬಂಗುಡೆ
  • ನುರುವಾಯಿ ಬಂಗುಡೆ

ಬಂಗುಡೆಡ್ ಆಹಾರಾಂಶೊಲು[ಸಂಪೊಲಿಪುಲೆ]

ಬಂಗುಡೆ ಮೀನ್‌ಡ್ ಸರಾಸರಿ 13% ಮೇದಸ್ (Fat), 18% ಪ್ರೋಟೀನ್ ಅತ್ತಾಂದೆ ಜೀವಸತ್ವೊಲು ಎ ಬೊಕ ಡಿ ಅಂಚನೆ ಖನಿಜೊ ಸತ್ವೊಲು ಕೇಲ್ಸಿಯಂ, ರಂಜಕ, ಪೊಟಾಸಿಯಂ, ಸೋಡಿಯಂ, ಮೆಗ್ನೇಶಿಯಂ ಕರ್ಬೊ ಬೊಕ ಸತು ತಿಕ್ಕುಂಡು. ಸುಮಾರ್ 63% ದಾತ್ ನೀರ್ಲಾ ಉಪ್ಪುಂಡು.

ಬಂಗುಡೆಡ್ ಮಲ್ಪು ಅಟಿಲ್[ಸಂಪೊಲಿಪುಲೆ]

  1. ಬಂಗುಡೆ ಗಸಿ
  2. ಬಂಗುಡೆ ಸಾರ್
  3. ಬಂಗುಡೆ ಪುಳಿ ಮುಂಚಿ
  4. ಬಂಗುಡೆ ಕೈತಿನ
  5. ಬಂಗುಡೆ ತವ
  6. ಬಂಗುಡೆ ನೆಕೆಡ್ ಪ್ರೈ
  7. ಫಿಸ್ ಬಿರಿಯಾನಿ
  8. ನುಂಗೆಲ್ ಬಂಗುಡೆ ಸಾರ್

ಉಂದೆನ್ಲಾ ತೂಲೆ[ಸಂಪೊಲಿಪುಲೆ]

ಉಲ್ಲೇಕೊಲು[ಸಂಪೊಲಿಪುಲೆ]

  1. "Mackerel recipes". BBC Good Food (in ಇಂಗ್ಲಿಷ್). Retrieved 3 October 2023.
  2. "ಬಂಗುಡೆ ಮೀನು ಎಷ್ಟು ರುಚಿಯಿದೆಯೋ, ಆರೋಗ್ಯಕ್ಕೆ ಅಷ್ಟೇ ಒಳ್ಳೆಯದು..." Vijay Karnataka (in ಕನ್ನಡ). Retrieved 3 October 2023.
"https://tcy.wikipedia.org/w/index.php?title=ಬಂಗುಡೆ&oldid=160947"ಡ್ದ್ ದೆತ್ತೊಂದುಂಡು