ಬಳಕೆದಾರೆ:ಪ್ರೀತಿ ಸುಧೀರ್/ಎನ್ನ ಕಲ್ಪುನ ಕಳ
ಗೋಲಂಬೂರು /ಗೋಲ್ಮುಡ(ಗೋಲ್‍ಲಂಬುಡ)ದ ದಯಿ ಪಂಡ ಒಂಜಿ ಕಳ್ಳಿ ಜಾತಿಗ್ ಸೇರಿನ ದಯಿ. ಸುಮಾರ್ 20ft ದಾತ್ ಮಲ್ಲ ಆಪಿನ ದಯಿ. ತುಲುನಾಡ್ಡು ಬೇಲಿಡು ಕಂಡದ ಬರೀಟ್ ತೂಯರೇ ತಿಕ್ಕುಂಡು.
ಬೇತೆ ಪುದರ್[ಸಂಪೊಲಿಪುಲೆ]
ಉಂದೆನ್ ಕನ್ನಡೊಡು ಜತ್ರೋಪ, ಇಂಗ್ಲಿಷ್ಡು ಜತ್ರೋಪ ಕುರ್ಕ್ಯಾಸ್ (jatropa curcas)ಪನ್ಪೆರ್ . ಕೆಲವು ದೇಶಡು ಉಂದೆನ್ ವಾಣಿಜ್ಯ ಬುಲೆ ಆದೂ ಬುಲೆವೊಂದು ಉಲ್ಲೆರ್.
ತೂವರೆ[ಸಂಪೊಲಿಪುಲೆ]
ಇರೆತ ಮುದೆಲ್ದ ದಂಟ್ ನ್ ಒಂತೆ ತುಂಡು ಮಲ್ತ್ಂಡಾ ಐಟ್ ಸುನೆ ಬರ್ಪುಂಡು. ಕೆಪುಲ್ದ ಪೂತ ಎಸಲ್ ದೆತ್ತ್ ಒಂಟೆನ್ ಸುನೆಕ್ ಮುರ್ಕಾದ್ ಉರಿತ್ತ್ಂಡಾ ಸುನೆ ಗುಳ್ಳೆ ಗುಳ್ಳೆ ಆದ್ ರಾಪುಂಡು. ಇರೆತ ಕಡ್ಡಿಡು ಕೂಲಿ ದೆಕ್ಕರೆ ಆಪುಂಡು.
ಗಲಸುನು[ಸಂಪೊಲಿಪುಲೆ]
ಕಾಯಿ ಪಚ್ಚೆ ರಂಗ್‌ರ್ದ್ ಮಂಜೊಲ್ ರಂಗ್‌ಗ್ ಬದಲ್ ಆನಗ ಬಿತ್ ಬುಲೇದು ಇಪ್ಪುಂಡು. ಬಿತ್ತ್‌ಡ್ ಎಣ್ಣೆ ದೆಪ್ಪುವೆರ್. ಕಾಯಿ ಬುಲೆಯಿ ಬೊಕ್ಕ ಅವೆನ್ ಪೊತ್ತಾಂಡಾ ಕ್ಯಾಂಡೆಲ್ ಲೆಕ ಪೋತ್ತುಂಡು. ದಾಯೆ ಪಂಡಾ ನೆಟ್ ಡಿಸೀಲ್ ದ ಅಂಸ ಉಂಡು. ಉಂದೆತ ಎಣ್ಣೆ ಕಚ್ಚ ತೈಲ (crude oil ) ಕೆಲವು ಜಾಗೇಡು ವಾಹನೋಗು ಉಪಯೋಗ ಆಪುಂಡು. ಜೆಟ್ ಫ್ಯುಯೆಲ್ (ಜೆಟ್ ವಿಮಾನಗು ) ಆದೂ ಗಲಸುವೆರ್. ಎಣ್ಣೆ ದೆತ್ತಿ ಬೊಕ್ಕ ಒರಿವುನ ಕೊಜಂಟಿ ಪಸುಕ್ಲು ತಿನ್ಪಿನ ತೆನಾಸ್ (animal feed ) ಗ್ ಪೋಪುಂಡು. ಎಣ್ಣೆಡು ಸಾಬೂನ್, ಕ್ಯಾಂಡೆಲ್ ತಯಾರ್ ಮಲ್ಪುವೆರ್. ಮರತಾ ಕೆತ್ತೆ ಮೀನ್ಗು ಕಡು ಪ್ಯಾಡ್ನಗ ಗುದ್ದುದು ಪಡುವೆರ್. ಇರೆನು ಮುದ್ಪುನಗ ಬರ್ಪಿನ ಸೊನೆಟ್ ಪುರು ಜೋಕುಲೆನ ನಾಲಯಿ ದ ಅಗ್ರ ದೆಪ್ಪರೆ ಆಪುಂಡು.. ನುಂಗಿನ ಮರತಾ ಗೆಲ್ಲ್ ಅಡಿಪಿಲ್ಲಾಗೂ ಕನಕ್ ಆಪುಂಡು. ದೈವದ ಕಲಟ್ ತೂಪುಂಡಾ ಕಾನದ ಕಟದೆರ್ ಗೋಲಂಬೂರ್ ದ ದಂಟೆಡ್‌ ಪಾದೆಗ್ ಹಾಕ್ ದ್ ನೀರ್ ಬರ್ಪಾದಿನ ಕಥೆ ಬರ್ಪುಂಡು. ಒಟ್ಟಾರೆ ಮಸ್ತ್ ಉಪಯೋಗಗು ಬರ್ಪುನ ಗೊಲಂಬುರುದ ದೈ ಇತ್ತೆ ಅಪರೂಪ ಆತುನ್ದು. ಮರಿಯಲಡು ಒಂಜಿ ಗೆಲ್ ನಡುಂಡ ಜೀವ ಪುಟ್ಟುಂಡು.