ಬಳಕೆದಾರೆ:Mahaveer Indra/ಕಲ್ಪುನ ಕಳ2

ರಾಷ್ಟ್ರೀಯ ಬಾಹ್ಯಾಕಾಶ ದಿನ
ರಾಷ್ಟ್ರೀಯ ಬಾಹ್ಯಾಕಾಶ ದಿನತ್ತ ಚಿಹ್ನೆ
ಪುದರ್	ರಾಷ್ಟ್ರೀಯ ಬಾಹ್ಯಾಕಾಶ ದಿನ
ಆಚರಿಸವೆರ್	ಭಾರತ
ಬಗೆ	ದೇಸೊರ್ಮೆ
Significance	ಚಂದ್ರಯಾನ-೩ ಚಂದ್ರನ ಮಿತ್ ಜತ್ತಿನ ನೆಂಪುಗು
ತಾರಿಕ್	೨೩ನೇ ಅಗೋಸ್ತು
First time	೨೩ನೇ ಅಗೋಸ್ತು ೨೦೨೪
Related to	www.isro.gov.in/NSPD2024/

ರಾಷ್ಟ್ರೀಯ ಬಾಹ್ಯಾಕಾಶ ದಿನೊನು ನಮ ದೇಸೊಡು ಅಗೋಸ್ತು ೨೩ನೇ ತಾರೀಕ್‌ಗ್ ಆಚರಿಸಾವೆರ್. ನಮ ದೇಸೊದ ಚಂದ್ರಯಾನ-೩ದ ವಿಕ್ರಮ್ ಲ್ಯಾಂಡರ್ ಬುಕ್ಕ ಪ್ರಜ್ಞಾನ್ ರೋವರ್, ೨೦೨೩ನೇ ಇಸವಿ ಅಗೋಸ್ತು ೨೩ನೇ ತಾರೀಕ್‌ಡ್ ಚಂದ್ರನ ತೆಂಕಾಯಿ ಬಾಗೊಡು ಜತ್ತ್ಂಡ್. ಈ ಸಾದನೆ ಮಲ್ತಿನ ಲೋಕೊದ ಸುರುತ ದೇಸೊ ಭಾರತ. ಐತ ನೆಂಪುಗಾದ್ ಪ್ರತೀವರ್ಸೊ ಅಗೋಸ್ತು ೨೩ನೇ ತಾರೀಕ್‌ಗ್ ರಾಷ್ಟ್ರೀಯ ಬಾಹ್ಯಾಕಾಶ ದಿನೊ ಪಂದ್ ದೇಸೊರ್ಮೆ ಆಚರಿಸಾವೊಡು ಪಂದ್ ನಮ ದೇಸೊದ ಪ್ರಧಾನಿಲಾಯಿನ ಶ್ರೀ ನರೇಂದ್ರ ಮೋದಿ ಘೋಷಣೆ ಮಲ್ತೆರ್.

ಇತಿಹಾಸೊ

ನಮ ದೇಸೊದ ಇಸ್ರೋ ಸಂಸ್ಥೆ ಚಂದ್ರನ ನಿಲಟ್ ವೈಜ್ಞಾನಿಕ ಸಂಶೋದನೆಲೆನ್ ಮಲ್ಪರ ಚಂದ್ರಯಾನ ಪುದರ್‌ದ ಸರಣಿನ್ ಉಂಡು ಮಲ್ತ್ಂಡ್. ಸುರುತ ಯೋಜನೆ (ಚಂದ್ರಯಾನ-೧) ೨೦೦೮ನೇ ಇಸವಿದ ಅಕ್ಟೋಬರ್ ೨೨ನೇ ತಾರೀಕ್‌ದಾನಿ ಸುರು ಆಂಡ್. ಆಂಡ ಚಂದ್ರನ ನಿಲಟ್ ಜತ್ತಿನ ಯಂತ್ರೊದ ಉಲಯಿಡ್ ಉಷ್ಣತೆ ವರನೆ ಏರಿಂಡ್. ಅತ್ತಂದೆ, ಇಸ್ರೋದೊಟ್ಟುಗು ಈ ಯಂತ್ರೊದ ಸಂಪರ್ಕ ತತ್ ಪೋಂಡು.

ಮಲ್ತಿನ ಚಂದ್ರಯಾನ-೩ದ ವಿಕ್ರಮ್ ಲ್ಯಾಂಡರ್ ಬುಕ್ಕ ಪ್ರಜ್ಞಾನ್ ರೋವರ್, ೨೦೨೩ನೇ ಇಸವಿ ಅಗೋಸ್ತು ೨೩ನೇ ತಾರೀಕ್‌ಡ್ ಚಂದ್ರನ ತೆಂಕಾಯಿ ಬಾಗೊಡು ಜತ್ತ್ಂಡ್. ಇಂಚ, ಚಂದ್ರನ ಮಿತ್ ಜತ್ತಿನ ಜಗತ್‌ದ ೪ನೇ ದೇಸೊ ಭಾರತೊ. ಆಂಡ, ಚಂದ್ರನ ತೆಂಕಾಯಿ ಬಾಗೊಡು ಜತ್ತಿನ ಲೋಕೊದ ಸುರುತ ದೇಸೊ ಭಾರತ ಪುಗರ್ತೆ ಪಡೇಂಡ್.