ಬಳಕೆದಾರೆ:Yakshitha/ಕಲ್ಪುನ ಕಳ/100

ತುಳು ನಾಟಕರಂಗ

ಕ್ರಿ.ಶ. 1993 ಡ್ ಕುಡ್ಲದ ಮಾಧವ ತಿಂಗಳರಾಯೆರ್ ಬರೆದ್ ಪ್ರದರ್ಸನ ಮಲ್ತಿನ 'ಜನಮರ್ಲ್' ತುಲುತ್ತ ಸುರುತ ನಾಟಕ ಪಂಡ್‍ದ್ ಇನಿಮುಟ್ಟದ ಸಂಸೋದನೆಲು ಪಂತ್ಂಡ್. ತುಳುನಾಡ್‍ಡ್ ಪ್ರದರ್ಸನೊಗ್ ಪಂಡ್‍ದ್ ಬತ್ತಿನಪರವೂರುದ ವೃತ್ತಿ ನಾಟಕ ತಂಡೊಲೆನ ನಾಟಕೊಲೆನ್ ತುಲುವೆರ್ ತೂದು , ಅಪ್ಪೆಬಾಸೆ ಆಯಿನ ತುಲುಟ್ಟ್ ಲಾ ನಾಟಕ ಪ್ರದರ್ಸನೊನ್ ಮಲ್ಪೊಲಿ ಪನ್ಪಿನವೆನ್ ಕಂಪೆನಿ ನಾಟಕೊಲು ತೋಜಾದ್ ಕೊರುಂಡು. ಮನೋರಂಜನೆ ಕೊರ್ರೆಗ್ಂದೇ ಸುರು ಆಯಿನ ಈ ನಾಟಕ ತಂಡೊಲು ಬೊಕ್ಕ ನೀತಿಪಾಟ, ಗಾಂದಿ ತತ್ವಪ್ರಚಾರೊದಂಚಿನ ವಿಸಯೊಲೆದ ಮಿತ್ತ್ ನಾಟಕ ಪ್ರದರ್ಸನ ಮಲ್ತೊಂದಿತ್ತೆರ್. ಕುಡ್ಲ, ಉಡುಪಿ, ಸುರತ್ಕಲ್, ಹಿರಿಯಡ್ಕ, ಬಂಟ್ವಾಳ, ವಿಟ್ಲ, ಪುತ್ತೂರು ಇಂಚಿನ ಜಾಗೆಲೆಡ್ ನಾಟಕೊಲು ಪುಟ್ಟರೆ ಸುರು ಆಂಡ್.
ಕೆಮ್ತೂರು ದೊಡ್ಡಣ್ಣ ಶೆಟ್ಟಿ, ಸಿತಾನದಿ ಗಣಪಯ್ಯ ಶೆಟ್ಟಿ, ದೂಮಪ್ಪ ಮಾಸ್ತರ್ ಇಂಚ ಸುಮಾರ್ ಜನ ತುಲು ಜಾನಪ್ ಬದ್ಕ್ ನ್ ತೋಜಾದ್ ಕೊರ್ಪಿನ ವಿಸಯೊಲೆದ ಮಿತ್ತ್ ಕಿರು ನಾಟಕೊಲೆನ್ ರಚನೆ ಮಲ್ತೆರ್. ಗ್ರಾಮೀನ ಜನಪದ ಬಾಸೆ, ಗಾದೆ, ಕುಸಾಲ್, ನುಡಿಗಟ್ಟ್ ಲೆನ್ ಪತೊಂದ್ ಸಂಬಾಸನೆಲ್ ನ್ ಬರೆಯೆರ್. ಹಳ್ಳಿದ ಜನಕುಲೆಗ್ ಉಂದು ಇಸ್ಟ ಆವರೆ ಸುರುವಾದ್ ಪ್ರೇಕ್ಷಕವರ್ಗೊಲ್ ಜಾಸ್ತಿ ಆವೊಂದು ಬತ್ತ್ಂಡ್. ಉಡುಪಿ ಬಾಗೊಡ್ ಕೆಮ್ತೂರೆರೆನ ಕುಡ್ಲದ ಬಾಗೊಡ್ ರಾಮ ಕಿರೋಡಿಯನ್ ನಾಟಕ ತಂಡೊಲೆನ್ ಕಟ್ಟಿಯೆರ್.