ಬಾಕಿಮಾರ್

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ

ಬಾಕಿಮಾರ್ ಪಂಡ ಬೆನ್ನಿದ ಕಂಡೊದ ಒಂಜಿ ವರ್ಗೊ. ಸಾಮಾನ್ಯವಾದ್ ಬೂಡು, ಗುತ್ತುದ ಇಲ್ಲ್, ಬರ್ಕೆ, ಪರಾರಿ ಇಂಚಿತ್ತಿನ ಪ್ರತಿಷ್ಠಿತ ಮನೆತನೊದ ಇಲ್ಲ್‌ದ ಎದುರು ಉಪ್ಪುನ ಪ್ರಧಾನ ಕಂಡೊನು ಬಾಕಿಮಾರ್ ಪನ್ಪೆರ್.

ಪದೊತ ಅರ್ಥ[ಸಂಪೊಲಿಪುಲೆ]

'ಮಾರ್' ಪಂಡ ಕಂಡ ಪನ್ಪಿನ ಅರ್ತೊ. ಬಾಕಿಲ್‌ಡ್ ಉಪ್ಪುನ ಮಾರ್, ಬಾಕಿಲ್‌ಡ್ದ್ ತಿರ್ತ್ ಉಪ್ಪುನ ಮಾರ್.. ಈ ಅರ್ತೊಡು ಬಾಕಿಮಾರ್ ಪನ್ಪಿನ ಪುದರ್ ಬೈದ್‌ಂಡ್ ಪನ್ಪೆರ್ ವಿದ್ವಾಂಸೆರ್.

ವಿಶೇಷತೆ[ಸಂಪೊಲಿಪುಲೆ]

ಬಾಕಿತಿಮಾರ್, ಬಾಕಿಮಾರ್[೧], ಬಾಕ್ಯಾರ್ ಇಂಚಿತ್ತಿನ ಪುದರ್‌ಡ್‌ಲಾ ಲೆಪ್ಪುವೆರ್. ಒಟ್ಟಾರೆ ಪನ್ಪುಂಡ ಇಲ್ಲದ ಎದುರುದ ಪ್ರಧಾನ ಕಂಡೊನೇ ಈ ಬಾಕಿಮಾರ್. ಕಲ್ಲಿಮಾರ್, ಮಾಲೆಮಾರ್, ಮೂಲೆಮಾರ್, ಮಿತ್ತಮಾರ್, ತಿರ್ತಮಾರ್, ಕಟ್ಟೆಮಾರ್, ಕಡೆಮಾರ್, ಕೊಡಿಮಾರ್ ಈ ರೀತಿದ ಪುದರ್‌ದ ಊರುಲು ಉಲ್ಲ. ಮುಲ್ಪ ಬರ್ಪಿನ ಮಾರ್ ಪಂಡ ಕಂಡ. ಬೇತೆ ಬೇತೆ ರೀತಿದ ಕಂಡೊಲೆನ್ ಇಂಚ ಲೆತ್ತೆರ್. ಅವ್ವೇ ಪುದರ್ ಕ್ರಮೇಣ ಆ ಭಾಗೊಗೇ ಬತ್ತ್‌ಂಡ್.

ಕಂಡತ ಬಗೆಕುಲು[ಸಂಪೊಲಿಪುಲೆ]

  • ನೀರ ಕಂಡ
  • ಪಟ್ಲ ಕಂಡ
  • ಮಜಲ್ ಕಂಡ
  • ಬೊಟ್ಟು ಕಂಡ
  • ಕುಮೇರಿ ಕಂಡ

ಇಂಚ ಬೇತೆ ಬೇತೆ ಬಗೆತ ಕಂಡೊಲು ಉಲ್ಲ. ಈ ಮಾತಾ ಕಂಡೊಲೆಡ್ಲಾ ಪ್ರಧಾನ ಕಂಡ ಪಂಡ ಬಾಕಿಮಾರ್.

ಉಲ್ಲೇಕ[ಸಂಪೊಲಿಪುಲೆ]

  1. https://web.archive.org/web/20160322135534/http://vijaykarnataka.indiatimes.com/home/languages/tulu/tulu-parampared/articleshow/46851456.cms