ಬಾರೆದ ಇರೆ
ಬಾರೆ ಪಂಡ ಅವ್ವ್ಪೊಂಜಿ ರೀತಿದ ದಯಿ. ಮಸ್ತ್ ಉಪಯೋಗ ಆಪಿನಂಚಿನ ದಯಿ ಬಾರೆದ ಪರ್ಂದ್ ಪ್ರಪಂಚದ ಸುರುತಾ ಕೃಷಿ ಪರ್ಂದ್ ಪಂದ್ ಪನ್ಪೆರ್. ಬಾರೆನ್ ಪರ್ಂದ್‌ಗ್ ಬೋಡಾದ್ ಬುಳೆಪೆರ್ ಜಾಸ್ತಿ ಪೌಷ್ಠಿಕಾಂಶ ಬೊಕ್ಕ ಚೀಪೆ ಇತ್ತಿನ ಕಾರಣ ಜನ ಪ್ರಾಚೀನ ಕಾಲೊಡ್ದೆ ಬಾರೆದ ಪರ್ಂದ್ ತಿನ್ಪೆರ್. ಬಾರೆದ ಪರ್ಂದ್‌ಡ್ ಕಾರ್ಬೋಹೈಡ್ರೇಟ್‌, ಪೊಟ್ಯಾಸಿಯಮ್, ವಿಟಮಿನ್ ಬಿ 6, ವಿಟಮಿನ್ ಸಿ ಮಾತ ಜಾಸ್ತಿ ಉಂಡು[೧], ಬಾರೆದ ಇರೆಲ ಬೇತೆ ಬೇತೆ ರೀತಿದ ಉಪಯೋಗ ಆಪುಂಡು
ಬಾರೆದ ಬುಳೆಚ್ಚಿಲ್
[ಸಂಪೊಲಿಪುಲೆ]ಬಾರೆ ಸಾಮಾನ್ಯವಾದ್ ಒಂಜಿಚೂರು ಮಲ್ಲ ದಯಿ. ಪೂ ಆಪಿನ ದಯಿ, ಬಾರೆ 2 ಡ್ಡ್ 8 ಮೀಟರ್ ಎತ್ತರೊಗು ಬಳಪುಂಡು. ಉಂದೆನ್ ಬುಳೆಪುನಕುಲು ಅಯಿತ ಪಿಳ್ಳೆಡ್ದ್ ದಯಿ ಮಲ್ಪುವೆರ್. ಬಾರೆದ ಸಸ್ಯಶಾಸ್ತ್ರೀಯ ಹೆಸರು ಮೂಸಾ ಎಸ್ಪಿ
ಬಾರೆದ ಇರೆ
[ಸಂಪೊಲಿಪುಲೆ]ಮಲ್ಲ ಬಾರೆಡ್ ಸಾಮಾನ್ಯವಾದ್ ೧೦ ಡ್ಡ್ ೧೫ ಉದ್ದದ ಇರೆಕ್ಕ್‌ಲ ಉಪ್ಪುಂಡು. ಇರೆಕುಲು ಅಂಡಾಕಾರೊಡು ಇಪ್ಪುಂಡು ೬ಡ್ಡ್ ೨೦ ಇಂಚಿದಾತ್ ಅಗಲ ಇತ್ತ್‌ದ್ 3 ಮೀಟರ್ ಉದ್ದ ಉಪ್ಪುಂಡು. ಬಾರೆಡ್ ಪೂಂಬೆ ಪಂಡ ಬಾರೆದ ಪೂ ಉಪ್ಪುಂಡು ಬಾರೆಗ್ ಪ್ರತಿದಿನ 7 ರ್ದ್ 8 ಗಂಟೆಲೆನ ನೇರ ಸೂರ್ಯನ ಬೊಲ್ಪು ಬೂರೊಡು[೨]. ಬಾರೆಗ್ ಅರೆಗಾಲೊಡು ಪ್ರತಿದಿನ ನೀರ್ ಪಾಡೊಡು, ಅಂಚನೆ ಬೋಡಾಯಿನ ಪೊರ್ತುಡು ಸರಿಯಾದ್ ಗೊಬ್ಬರ ಪಾಡೊಡು
ಬಾರೆದ ಇರೆತ್ತ ಉಪಯೋಗೊಲು
[ಸಂಪೊಲಿಪುಲೆ]- ಬಾರೆದ ಮಾತ ಭಾಗೊಡುಲ ಮರ್ದ್‌ದ ಅಂಶೊ ಉಂಡು
- ಬಾರೆದ ಇರೆನ್ ವನಸ್ಸ್ ಮಲ್ಪೆರೆ ಉಪಯೋಗ ಮಲ್ಪೊಲಿ.
- ವನಸ್ಸ್ ಕಟ್ಟೆರೆ ಬಾರೆದ ಇರೆ ಬಾಡದ್ ಕಟ್ಟುವೆರ್. ಅಡ್ಯೆ ಮಲ್ಪೆರೆ
- ದೇವೆರ್ ನ ಮಾತಾ ಕಾರ್ಯಕ್ರಮಗ್ಲ ಬಾರೆದ ಇರೆ ಬೋಡಾಪುಂಡು.
- ಭೂತ, ಕೋಲದ ಗಂಧ ಪ್ರಸಾದ ಪುರಾ ಬಾರೆದ ಇರೆಟೆ ಕೊರ್ಪುನ ಕ್ರಮ
- ಸೈತಿನಕ್ಲೆನ್ ಇಡೀ ಬಾರೆದ ಇರೆಟ್ ಜೆಪ್ಪವೆರ್.
- ಬಾರೆದ ಇರೆತ ಪತ್ರೊಡೆಲ ಮಲ್ಪುವೆರ್
- ಬಾರೆದ ಇರೆಟ್ ಚಿತ್ರೋಲ ಮಲ್ಪುವೆರ್.
- ಬಾರೆದ ಇರೆಟ್ ಪೊಟ್ಟು ಗಟ್ಟಿ ಸೀಪೆ ಗಟ್ಟಿ ಮಲ್ಪುವೆರ್
- ಮೀನ್ ಮಸಾಲೆ ಪಾಡ್ದ್ ಬಾರೆದ ಇರೆಟ್ ಕಟ್ಟ್‌ದ್ ಕಾಯಿಪುವೆರ್.
ಬಾರೆದ ಇರೆತ ಬಗೆಟ್ ಗಾದೆಲು
[ಸಂಪೊಲಿಪುಲೆ]- ಮಲ್ತಿ ಪಾಪ ಬಾರೆದ ಇರೆಟ್ಟ್ ಮಾಜುವಾ
- ಒಂಜಿ ಬಾರೆದ ಇರೆನ್ ಇಲ್ಲದುಲಯಿ ಕೊನೊರೆ ಬಲ್ಲಿ, ಒಂಜಿ ತುಂಡಾಂದಲಾ ಜತೆಟುಪ್ಪೊದು
- ಇರೆತ್ತ ಕೊಡಿಟ್ಟ್ ಉಪ್ಪಡ್ ಹಾಸಿಗೆದ ಕೊಡಿಟ್ಟ್ ಬುಡೆದಿ
