ಬಾಸೆಲ್ ಮಿಶನ್ ಪ್ರೆಸ್

ಬಾಸೆಲ್ ಮಿಶನ್ ಪ್ರೆಸ್
ಕಾರ್ಖಾನೆ	Printing press
ತಾಪನೆ	1841; 185 years ago in Balmatta, Mangalore, India
ತಾಪನೆ ಮಲ್ತಿನಕುಲು	Gottfried Hartmann Weigle
ಉತ್ಪಾದನೆ	Newspaper; Dictionary; Religious Books;

ಬಾಸೆಲ್ ಮಿಶನ್ ಪ್ರೆಸ್ (Basel Mission Press) ತುಳು ನಾಡ್ ದ ಸುರುತ್ತ ಪ್ರೆಸ್.^[೧]

ಇತಿಹಾಸೊ

ಉಂದು ಕುಡ್ದದ ಬಲ್ಮಠೊಡು ಉಂಡು. ೧೮೪೧ಟ್ಟ್ ಉಂದು ಸುರು ಆಂಡ್. ೧೮೩೬ಟ್ಟ್ ತುಳುನಾಡ್‌ದ ಕುಡ್ಲಡ್ ಸುರುತ್ತ ಶಾಲೆ ಆನಗ ಶಾಲೆಗ್ ಬೋಡಾಯಿ ಬೂಕುಲೆನ್ ಮದ್ರಾಸ್ ಇಜ್ಜಾಂಡ, ಬೊಂಬಾಯಿಡ್ ಅಚ್ಚಿ ಮಲ್ತ್ ಕನವೊಂದಿತ್ತೆರ್. ಅಪಗ ಕಲ್ಲ್ ದ ಅಚ್ಚಿ ಮಾತ್ರ ಬಳಕೆಡ್ ಇತ್ತ್ಂಡ್. ಮುಲ್ಪ ಅಚ್ಚಿದ ಮೊಳೆಕ್ಕುಲು ಇಜ್ಜಾಂದಿನೆಡ್ದ್ ಕಡಬದಂಚಿನ ಮಂಜೊಲು ಬಣ್ಣದ ಕಲ್ಲ್ ಲೆನ್ ಕರ್ನೂಲುಡ್ದ್ ಕನತ್ ದ್ ಐಟ್ ಬರೆದ್ ಅಚ್ಚಿ ಮಲ್ತೊಂದಿತ್ತೆರ್. ೧೮೩೪ಟ್ಟ್ ಭಾರತೊಗು ಬತ್ತಿ ಬಾಸೆಲ್ ಮಿಶನರಿನಕುಲು ೧೮೪೧ ಟ್ಟ್ ಬಾಸೆಲ್ ಮಿಶನ್ ಪ್ರೆಸ್ ನ್ ಸ್ಥಾಪನೆ ಮಲ್ತೆರ್.೧೮೪೧-೧೮೫೩ ಮುಟ್ಟಲಾ ಕಲ್ಲ್ ದ ಅಚ್ಚಿಡೇ ಬೂಕುಲು ಅಚ್ಚಿ ಆವೊಂದಿತ್ತ್ಂಡ್.

ಕಲ್ಲಚ್ಚ್ ಡ್ ಅಚ್ಚಿ ಆಯಿ ಪುಸ್ತಕೊಲು

೧೮೪೧ ಟ್ಟ್ ತುಳುಟ್ಟು ಬೈಬಲ್ ದ ಒಂಜಿ ಪುಸ್ತಕ ಮತ್ತಾಯಿ ಬರೆತಿ ಸುವಾರ್ತೆ
ಶಾಲೆಲೆಡ್ ಬೋಡಾಯಿ ಬೂಕುಲು,
ಕ್ರೈಸ್ಥ ಧರ್ಮದ ಬೂಕುಲು,
೧೮೪೩ಟ್ಟ್ ಕನ್ನಡದ ಸುರುತ್ತ ಪತ್ರಿಕೆ ಮಂಗಳೂರು ಸಮಾಚಾರ,
೧೮೪೭೮ ತುಳುತ್ತ ಮಾಮಲ್ಲ ಗ್ರಂಥ ಪೊಸ ಒಡಂಬಡಿಕೆ.(ಬೈಬಲ್)
ದಾಸ ಸಾಹಿತ್ಯೊಲಾಯಿ, ದಾಸರ ಪದಗಳು, ಚೆನ್ನ ಬಸವ ಪುರಾಣ, ಬಸವ ಪುರಾಣ, ಕನಕದಾಸರ ಹರಿಭಕ್ತಿಸಾರ, ಬುಕ್ಕೊ ರಾವಣ ದಿಗ್ವಿಜಯ(ಯಕ್ಷಗಾನ)
ಸುರುತ್ತ ಕನ್ನಡ ಗಾದೆಗಳು,ಸಂಪಾದಕೆರ್: ಹೆರ್ಮನ್ ಮೋಗ್ಲಿಂಗ್

೧೮೫೩ಡ್ದ್ ಬುಕ್ಕೊ ಅಚ್ಚಿ ಮೊಳೆತ್ತ ಬಳಕೆ ಬತ್ತ್ ದ್ ಪೊಸ ದೇಕಿಡ್ ಅಚ್ಚಿ ಅವೆರೆ ಸುರು ಆಂಡ್. ಇತ್ತೆಲಾ ಈ ಪ್ರೆಸ್ ನಡತೊಂದಿತ್ತ್‌ದ್ ಇತ್ತೆ ಈ ಪ್ರೆಸ್ ಗ್ ಬಲ್ಮಠ ಇನ್ಸ್ಡ್ಯೂಟ್ ಆಫ್ ಪ್ರಿಂಟಿಂಗ್ ಟೆಕ್ನಾಲಜಿ ಪನ್ಪಿ ಪುದರ್ ಡ್ ಉಂಡು.

== ಲೆಟರ್ ಪ್ರೆಸ್ ಆಯಿಬೊಕ್ಕ ಪ್ರಿಂಟ್ ಪುದರ್ ಪೋಯಿ ಪುಸ್ತಕೊಲು

ಸತ್ಯ ವೇದವು, ೧೮೬೫
ಕನ್ನಡ ಗಾದೆಗಳು, ಹೆರ್ಮನ್ ಮೋಗ್ಲಿಂಗ್
ಕನ್ಡಡ ಇಂಗ್ಲಿಷ್ ನಿಘಂಟು, ಫರ್ಡಿನಾಂದ್ ಕಿಟೆಲ್, ೧೮೯೪
ಕಥಾಮಾಲೆ, ಫರ್ಡಿನಾಂಡ್ ಕಿಟೆಲ್,
ಶಬ್ಡಮಣಿದರ್ಪಣ, ಫರ್ಡಿನಾಂದ್ ಕಿಟೆಲ್,
ರಾಜೇಂದ್ರನಾಮೆ, ಹೆರ್ಮನ್ ಮೋಗ್ಲಿಂಗ್(ಒತ್ತಕ್ಷರವಿಲ್ಲದ ಪುಸ್ತಕ)

ಅಚ್ಚಿ ಆಯಿ ಬಾಸೆಲು

ಈ ಪ್ರೆಸ್ ಡ್ ತುಳು, ಕನ್ನಡ, ಮಲಯಾಲಂ, ಕೊಡವ, ಬಡಗ, ಇಂಗ್ಲಿಷ್, ಕೊಂಕಣಿ, ಜರ್ಮನ್, ಇಂಚಿತ್ರಿ ಮಸ್ತ ಭಾಸೆಲೆ ಪುಸ್ತಕೊಲು ಪ್ರಕಟ ಆವೊಂದಿತ್ತ್ಂಡ್

ತುಳು ಭಾಷೆಯಲ್ಲಿ ಮುದ್ರಣಗೊಂಡು ಹೆಸರು ಪಡೆದ ಕೃತಿಗಳು

ಪಾಡ್ದನೊಳು, ಅಗಸ್ಟ್ ಮೆನ್ನರ್
ತುಳು - ಇಂಗ್ಲಿಷ್ ನಿಘಂಟು, ಅಗಸ್ಟ್ ಮೆನ್ನರ್, ೧೮೮೬
ಇಂಗ್ಲಿಷ್- ತುಳು ನಿಘಂಟು, ಅಗಸ್ಟ್ ಮೆನ್ನರ್, ೧೮೮೮
ತುಳು ವ್ಯಾಕರಣ, ಜಾನ್ ಜೇಮ್ಸ್ ಬ್ರಿಗೆಲ್, ೧೮೭೨

ಉಲ್ಲೆಕೊಲು

↑ "175 glorious years for Basel Mission Press". The Hindu (in Indian English). 2016-12-05. ISSN 0971-751X. Retrieved 2021-09-13.

[1] "175 glorious years for Basel Mission Press". The Hindu (in Indian English). 2016-12-05. ISSN 0971-751X. Retrieved 2021-09-13.

[೧]