ಬೊಂಡೊಲ್

ಬೊಂಡೊಲ್

ಬೊಂಡೊಲ್ ಮಾರ್ಗದ ಬರಿಟ್, ಖಾಲಿ ಜಾಗೊಡು, ಬೊಕ್ಕ ಕೆಲವು ಸರ್ತಿ ತಾರೆದ ಮುದೆಲ್ ಡ್ ತೋಜಿ ಬರ್ಪಿನ ದಯ್ಯಿ. ಉಂದು ಸೊಲನೇಶಿಯೆ ಕುಟುಂಬೊಗು ಸೇರ್ದಿನ ದೈಯಿ. ಉದೆತ್ತ ವೈಜ್ಞಾನಿಕ ಪುದರ್ ಪೈಸೇಲಿಯ ಪೆರುವಿಯಾನಾ. ಉಂದೆಕ್ಕ್ ಕೆಲವು ಕಡೆಟ್ ಅಜ್ಜನಕಾಯಿ, ಕೆಲವೆರ್ ಅಟ್ಟ್ ಮುಡ್ಕು ಪಂಡ್‌ದ್ಲಾ ಲೆಪ್ಪುವೆರ್. ಉಂದೆಕ್ಕ್ ಇಂಗ್ಲೀಷ್‌ಡ್ ನೇಟಿವ್ ಗೂಸ್‌ಬೆರಿ, ಫಾರೆಸ್ಟ್ ಕೇಪ್ ಗೂಸ್‌ಬೆರಿ ಪಂದ್ ಲೆಪ್ಪುವೆರ್.

ಬುಲೆಪಿನ ದೇಶೊಲು

ಈ ದಯ್ಯಿ ಭಾರತ,ಮಲೇಶಿಯ, ಆಸ್ಟ್ರೇಲಿಯಾ ಬೊಕ್ಕ ಬಲೂಚಿಸ್ತಾನೊಡು ಬುಲೆಪುಂಡು.

ದಯ್ಯಿತ ವಿವರಣೆ

ಈ ದಯ್ಯಿ ೨೦-೫೦ಸೆಂ.ಮೀ ಮಲ್ಲ ಇಪ್ಪುಂಡು. ಉಂದೆಕ್ಕ್ ನೇರಳೆ(ತಿಳಿನೇರಳೆ) ಕಂದು ಮಿಶ್ರ ಬಣ್ಣದ ಕಾಂಡ ,ಬೊಲ್ದು ಬಣ್ಣದ ಪೂ ಬೊಕ್ಕ ಪಚ್ಚೆ ಬಣ್ಣೊದ ಇರೆ ಉಪ್ಪುಂಡು. ಉಂದೆತ್ತ ಕಾಯಿದ ಪಿದಯಿದ ಚೊಲಿ ಪುಗ್ಗೆದ ಲೆಕ್ಕ ತೋಜುಂಡು. ಅಯ್ತ ಉಲಾಯಿ ಗೋಲಿಯಾಕಾರದ ಕಾಯಿ, ಚೆರ್ರಿ ಪಂರ್ದ್ ದ ಲೆಕ್ಕ ತೋಜುಂಡು. ಫಿನೋಲಿಕ್ಸ್, ಆಲ್ಕಲೋಯಿಡ್, ಸ್ಟೀರೋಯಿಡ್, ಫ್ಲೇವನೋಯಿಡ್, ಪನ್ಪಿನ ರಾಸಾಯನಿಕೊಲು ಉಂದೆಟ್ಟ್ ಉಂಡು. ಉಂದೆತ್ತ ಪಂರ್ದ್, ಬೇರ್, ಇರೆ ವಿಷಕಾರಿ ಅತ್ತ್ ಂಡಲಾ ಪಂರ್ದ್ ದ ಸುತ್ತ ಉಪ್ಪುನ ಚೋಲಿಡ್ ವಿಷತ್ತ ಅಂಶ ಉಂಡು. ಉಂದ್ ಉಲಾಯಿದ ಪಂರ್ದ್ ದ ರಕ್ಷಣೆ ಗ್ ಉಪ್ಪುನ.

ಉಪಯೋಗೊಲು

ಇಡೀ ದಯ್ಯಿ ನ್ ಸಾಂಪ್ರದಾಯಿಕ ಚಿಕಿತ್ತ್ಸಾ ಪದ್ಧತಿದ್ ಉಪಯೋಗಿಸಾವೆರ್. ತರೆಬೇನೆ, ಕೆಬಿ ಬೇನೆ, ಗಂಟ್ ಬೇನೆ ಇಂಚಿನೆಟ್ಟ್ ಪೂರಾ ಉಂದೆನ್ ಉಪಯೋಗಿಸಾವೆರ್. ಈ ಪಂರ್ದ್ ತಿನರೆಲಾ ಬಾರೀ ರುಚಿ ಉಪ್ಪುಂಡು.

ಬೊಂಡೊಲ್ - ಚಿತ್ರ ಸಂಪುಟೊ

• 
• 
• 
• 
• 
• 
•