ಭೂವಿಜ್ಞಾನ

ಬೂವಿಜ್ಞಾನೊ ಪಂಡ ನೈಸರ್ಗಿಕ ವಿಜ್ಞಾನೊದ ಒಂಜಿ ಗೆಲ್ಲ್. ಉಂದು ಬೂಮಿ ಬುಕ್ಕೊ ಬೇತೆ ಖಗೋಳಶಾಸ್ತ್ರೀಯ ದೇಹೊಲು, ಅವು ರಚನೆ ಆಯಿನ ಕಲ್ಲುಲು, ಬುಕ್ಕೊ ಅವು ಕಾಲೊಗು ಅನುಗುಣವಾದ್ ಬದಲಾವಣೆ ಪ್ರಕ್ರಿಯೆ ಆದುಂಡು. ಬೂಮಿದ ವೈಜ್ಞಾನಿಕ ಅದ್ಯಯನೊಗು ಬೂವಿಜ್ಙಾನ ಇಂದ್ ಪಣ್ಪೆರ್. ಬೂವಿಜ್ಙಾನ ಪನ್ಪುನ ಶಬ್ದೊಗು ಇಂಗ್ಲಿಸ್‌ಡ್ ಜಿಯಾಲಜಿ ಪಂಡ್‌ದ್ ಪುದರ್. ಇಂಗ್ಲಿಸ್‌ಡ್ ಅರ್ತ ಸಾಯನ್ಸ್ (ಬೂಮಿದ ವಿಜ್ಙಾನ) ಪನ್ಪುನ ಬೂವಿಜ್ಙಾನೊಗು ನಿಕಟವಾದ್ ಸಂಬಂದಿಸಾಯಿನ ವಿಸಯಲಾ ಉಂಡು.

ಬೂವಿಜ್ಙಾನದ ವಿಸಯೊಡು ಬೂಮಿದ ಬೌತಿಕ ರಚನೆ, ಬೂಮಿಡ್ ಇಪ್ಪುನ ಸಕಲ ಕನಿಜ-ಶಿಲಾ ವಸ್ತುಲು, ಬೂಮಿದ ಆದ್ ಪೋಯಿನ ಚರಿತ್ರೆ, ಆದ್ ಪೋಯಿನ ಜೀವವಿಶೇಷೊಲು, ಜೀವ ವಿಕಾಸ- ವಿನಾಶ, ಬೂಮಿದ ಉಲಾಯಿ ಆದಿಪ್ಪುನ ಬುಕ್ಕೊ ಆವೊಂದು ಇಪ್ಪುನ ನೈಸರ್ಗಿಕ ಪ್ರಕ್ರಿಯೆಲು, ಪ್ರಾಚೀನ ಹವಾಗುಣ, ಪರ್ಯಾವರಣ, ಅಂತರ್ಜಲ ಸಂಪತ್ತು ಇಂಚ ಮಾತಾ ಬಗೆ ಬಗೆತ ವೈಜ್ಞಾನಿಕ ವಿಸಯೊಲು ಸೇರುವಾ. ವಿಶೇಷ ಪನ್ನಗ ಬೂಮಿದ ಪಿದಾಯಿ ಉಂದೇ ಬಗೆತ ಅದ್ಯಯನು ಮಲ್ಪುನೆಕ್ಕ್‌ಲಾ ಬೂವಿಜ್ಙಾನ ಪನ್ಪುನ ಪದೊನು ಬಳಕೆ ಮಲ್ಪುವೆರ್. ಉದಾರ್ಮೆಗ್: ಚಂದ್ರನ ಬೂವಿಜ್ಞಾನೊ, ಮಂಗಳನ ಬೂವಿಜ್ಙಾನ ಇಂಚ ಮಾತಾ ಬಳಕೆ ಉಂಡು.

ಬೂವಿಜ್ಙಾನೊನು ಅದ್ಯಯನ ಮಲ್ಪುನ ವಿಜ್ಞಾನಿಲೆಗ್ 'ಬೂವಿಜ್ಞಾನಿಲುಂದ್ ಪಣ್ಪೆರ್.

ಭೂವಿಜ್ಞಾನದ ಪ್ರಮುಖ ವಿಭಾಗೊಲು

• ಸಾಮಾನ್ಯ ಭೂವಿಜ್ಞಾನ (ಜನರಲ್ ಜಿಯಾಲಾಜಿ)
• ಭೂ ಸ್ವರೂಪವಿಜ್ಞಾನ (ಜಿಯೊ ಮಾರ್ಫೋಲಾಜಿ)
• ರಾಚನಿಕ ಶಾಸ್ತ್ರ (ಸ್ಟ್ರಕ್ಚರಲ್ ಜಿಯಾಲಾಜಿ)
• ಸ್ಪಟಿಕಶಾಸ್ತ್ರ (ಕ್ರಿಸ್ಟಲೋಗ್ರಾಫಿ)
• .ಶಿಲಾ ವಿಜ್ಞಾನ (ಪೆಟ್ರೊಲಾಜಿ)
• ಖನಿಜವಿಜ್ಞಾನ (ಮಿನರಾಲಾಜಿ)
• ಅದುರುಶಿಲಾವಿಜ್ಙಾನ (ಓರ್ ಪೆಟ್ರೊಲಾಜಿ).
• ಪ್ರಾಚೀನಜೀವವಿಜ್ಞಾನ (ಪೇಲಿಯಂಟೋಲಾಜಿ)
• ಪ್ರಾಚೀನ ಹವಾಗುಣವಿಜ್ಙಾನ (ಪೇಲಿಯೋ ಕ್ಲೈಮೇಟೋಲಾಜಿ)
• ಸ್ತರಮಾನವಿಜ್ಞಾನ (ಸ್ಟ್ರಾಟಿಗ್ರಾಫಿ)
• ಭೂಕಂಪ ವಿಜ್ಞಾನ (ಸೀಸ್ಮೋಲಾಜಿ).
• ಭೂಕಾಲಗಣನಾ ವಿಜ್ಙಾನ (ಜಿಯೊಕ್ರೊನಾಲಾಜಿ)
• ಸಾಗರ ಭೂವಿಜ್ಞಾನ (ಮರೈನ್ ಜಿಯಾಲಾಜಿ)
• ಸಾಗರಶಾಸ್ತ್ರ (ಓಷನೋಗ್ರಾಫಿ).
• ಜಲಭೂವಿಜ್ಙಾನ (ಹೈಡ್ರೊಜಿಯೊಲಾಜಿ)
• ಅಂತರ್ಜಲ (ಗ್ರೌಂಡ್ ವಾಟರ್) ಇತ್ಯಾದಿ

ಅನ್ವಯಿಕ ಭೂವಿಜ್ಞಾನ ಕ್ಷೇತ್ರೊಲು

• ಆರ್ಥಿಕ ಭೂವಿಜ್ಞಾನ (ಎಕೊನಾಮಿಕ್ ಜಿಯೊಲಾಜಿ)
• ಗಣಿ ಭೂವಿಜ್ಞಾನ (ಮೈನಿಂಗ್ ಜಿಯಾಲಾಜಿ)
• ಪೆಟ್ರೊಲಿಯಂ/ಕಲ್ಲೆಣ್ಣೆ ಭೂವಿಜ್ಞಾನ (ಪೆಟ್ರೊಲಿಯಂ ಜಿಯಾಲಾಜಿ)
• ಇಂಜಿನಿಯರಿಂಗ್ ಭೂವಿಜ್ಞಾನ (ಇಂಜಿನಿಯರಿಂಗ್ ಜಿಯಾಲಾಜಿ).
• ಜಲವಿಜ್ಙಾನ (ಹೈಡ್ರೋಲಾಜಿ).
• ಪರಿಸರ ಭೂವಿಜ್ಞಾನ (ಎನ್ವಿರೊಮೆಂಟಲ್ ಜಿಯಾಲಾಜಿ)
• ರಾಸಾಯನಿಕ ಭೂವಿಜ್ಞಾನ (=ಜಿಯೊಕೆಮಿಸ್ಟ್ರಿ)ಇತ್ಯಾದಿ.