ಮದ್ರೆಂಗಿ

ಮದ್ರೆಂಗಿ
	ಲಾಸೋನಿಯಾ ಇನರ್ಮಿಸ್
Scientific classification
Kingdom:	ಸಸ್ಯೊಲು
(unranked):	ಮುಚ್ಚಿನ ಬಿತ್ತ್‌ಲು
(unranked):	ಇರೆ ಬಿತ್ತ್‌ಲು
(unranked):	ಪೂ ಬುಡ್ಪುನ ದೈ
Order:	ಮಿರ್ಟೇಲ್ಸ್
Family:	ಲಿಥ್ರೇಸಿ
Genus:	ಲಾಸೋನಿಯಾ
Species:	L. inermis
Binomial name
	ಲಾಸೋನಿಯ ಇನರ್ಮಿಸ್; L.

ಮದ್ರೆಂಗಿ [:en:Lamiaceae|ಲ್ಯಾಮಿಯಾಸಿ] ಕುಟುಂಬೊಗು ಸೇರ್ದಿನ ಒಂಜಿ ಸಸ್ಯ. ಉಂದೆತ ವೈಜ್ಞಾನಿಕ ಪುದರ್ ಲಾಸೋನಿಯಾ ಇನರ್ಮಿಸ್.^[೧] ಕನ್ನಡೊಡು ಗೋರಂಟಿ ಪನ್ಪೆರ್. ಇಂಗ್ಲಿಸ್‌ಡ್ ಲಾಸೋನಿಯಾ ಇನಿರ್ಮಿಸ್ ಪನ್ಪೆರ್. ಉಂದು ಉತ್ತರ ಆಫ್ರಿಕಾ bukfko ನೈಋತ್ಯ ಏಷ್ಯಾದ ಮೂಲ ನಿವಾಸಿಲು ಅಲಂಕಾರೊಗು ಅಯಿಡ್ದ್ ಬರ್ಪುನ ಬಣ್ಣೊಗು ಉಂದೆನ್ ಬುಳೆಪಾವೆರ್. ಪೊಣ್ಣು ಜೋಕುಲು ಇಂದೆತ ಇರೆಲೆನ್ ನೀರ್‌ಡ್ ಅರೆತ್ತ್‌ದ್ ಕೈ ಕಾರ್‌ಗ್ ದೀಡುವೆರ್. ಲಾಸೋನಿಯಾ ಇನರ್ಮಿಸ್, ಇಂದೆನ್ ಹೆನ್ನಾ, ಗೋರಂಟಿ ಮರ, ಮಿಗ್ನೊನೆಟ್ ಮರ ಅಂಚನೆ ಈಜಿಪ್ಟ್‌‌ಡ್ ಪ್ರೈವೆಟ್ ಪಂಡ್‌ದ್ ಲೆಪ್ಪುವೆರ್. ಉಂದು ಪೂ ಬುಡ್ಪುನ ದೈ. ಲಾಸೋನಿಯಾ ಪರಿವಾರೊದ ರಡ್ಡ್ ಜಾತಿಲೆಡ್ ಉಂದು ಒಂಜಿ. ನಾನೊಂಜಿ ಲಾಸೋನಿಯಾ ಓಡೋರಾಟಾ. ಮದಿಮೆಡ್ ಪೊಣ್ಣು ಜೋಕುಲೆಗ್ ಮೆಹಂದಿ ಪಾಡುನ ಸಂಪ್ರದಾಯ ಉಂಡು. ಇಂದೆನ್ ತುಳುನಾಡ್‌ಡ್ ಮದ್ರೆಂಗಿ ಸಾಸ್ತ್ರತೊಂದ್ ಪನ್ಪೆರ್.

ದೈತ ಗುಣಲಕ್ಷಣೊಲು

ಮದ್ರೆಂಗಿ ಬೂದು-ಕಂದು ಬಣ್ಣೊದ ಚೋಲಿ ಇಪ್ಪುನ ದೈ. ಉರುಂಟುದ ಇರೆಕುಲು. ಎಲ್ಯ ಬೊಲ್ದು ಪೂ. ಗುಲಾಬಿ ಬಣ್ಣೊದ ಪೂಲಾ ಇಪ್ಪುಂಡು. ಪೂಕು ಪರಿಮಳೊ ಇಪ್ಪುಂಡು. ಕಾಯಿಡ್ ದಿಂಜ ಬಿತ್ತ್‌ಲು ಇಪ್ಪುಂಡು.

ಕ್ರಿಸಿ

ಉಷ್ಣಪವಲಯೊದ ಬುಕ್ಕೊ ಸಮಶೀತೋಷ್ಣ ವಲಯೊಲೆಡ್ ಮಸ್ತ್ ಕಡೆಟ್ ಮದ್ರೆಂಗಿನ್ ಬುಳೆಪಾವೆರ್. ಮದ್ರಂಗಿನ್ ಭಾರತ, ಈಜಿಪ್ಟ್, ಪರ್ಷಿಯಾ, ಪಾಕಿಸ್ತಾನ, ಸೂಡಾನ್ ಬುಕ್ಕೊ ಮಡಗಾಸ್ಕರ್ ದೇಶೊಲೆಡ್ ಬುಲೆಪಾವೆರ್. ಮದ್ರೆಂಗಿದ ಇರೆತ ಬಣ್ಣೊಗಾದ್ ಭಾರತೊಡು ಬುಳೆಪಾವುನ ಮುಕ್ಯ ಪ್ರದೇಶೊಲು ಪಂಜಾಬ್, ಗುಜರಾತ್, ಮಧ್ಯಪ್ರದೇಶ ಬುಕ್ಕೊ ರಾಜಸ್ಥಾನ. ಎಚ್ಚಾದ್ ಪಂಜಾಬ್‌ದ ಫರೀದಾಬಾದ್, ಗುಜರಾತ್‍ದ ಬರ್ದೋಲಿ ಬುಕ್ಕೊ ಮಧ್ಯಪ್ರದೇಶಡ್ ಮದ್ರೆಂಗಿನ ಬುಲೆಪಾವೆರ್.

ಮದ್ರಂಗಿ ವಾ ರೀತಿದ ಮಣ್ಣ್‌ಡ್ಲಾ ಬುಲೆಪುಮಡು. ಆಂಡಲಾ ಮಣ್ಣ್ ಮಸ್ತ್ ಕೆಸರ್ ಆವರೆ ಬಲ್ಲಿ. ಮದ್ರೆಂಗಿನ್ ಬಿತ್ತ್‌ಡ್ದ್ ಅತ್ತ್ಂಡ ಗೆಲ್ಲ್‌ಡ್ ಬುಲೆಪಾವೊಲಿ. ಮದ್ರೆಂಗಿ ಸಪ್ಪುನು ವರ್ಸೊಗು ರಡ್ಡ್ ಸರ್ತಿ (ಏಪ್ರಿಲ್-ಮೇ ಬುಕ್ಕೊ ಅಕ್ಟೋಬರ್-ನವೆಂಬರ್) ಉರುಂಬುವೆರ್. ಒಂಜಿ ಎಕ್ರೆಡ್ ಸುಮಾರ್ 350ಡ್ದ್-750 ಕಿಲೊ ಇರೆ ತಿಕುಂಡು. ನೀರಾವರಿ ಜಮಿನ್ಡ್ ಬುಲೆಚಿಲ್ 920 ಕಿಲೊ ಮುಟ್ಟ ಇಪ್ಪುಂಡು.