ಮಧ್ಯ ಪ್ರದೇಶ
|
ಉಂದೊಂಜಿ ಎಲ್ಯ ಲೇಕನೊ. ಈ ಲೇಕನೊನು ದುಂಬರಿಪೆರೆ ಸಹಾಯೊ ಮಲ್ಪುಲೆ. |
|---|
ಮಧ್ಯ ಪ್ರದೇಶ ಭಾರತ ದೇಸೊದ ಒಂಜಿ ರಾಜ್ಯ. ಉಂದೆತ ರಾಜಧಾನಿ ಭೋಪಾಲ್. ಭಾರತ ದೇಸೊಡು ಇಪ್ಪುನ ಮಾಮಲ್ಲ ರಾಜ್ಯೊಲೆಡ್ ಮಧ್ಯ ಪ್ರದೇಸೊಗು ೨ನೇ ಸ್ಥಾನೊ ಉಂಡು. ಈ ರಾಜ್ಯೊದ ಇಸ್ತೀರ್ನ ೩,೦೮,೨೫೨ ಕಿಲೋಮೀಟರ್೨. ಮಧ್ಯ ಪ್ರದೇಶದ ಈಸಾನ್ಯೊಗು ಉತ್ತರ ಪ್ರದೇಶ, ಮೂಡಯಿಗ್ ಛತ್ತೀಸ್‌ಘಡ, ತೆಂಕಾಯಿಗ್ ಮಹಾರಾಷ್ಟ್ರ, ಪಡ್ಡಾಯಿಗ್ ಗುಜರಾತ್, ವಾಯುವ್ಯೊಗು ರಾಜಸ್ಥಾನ ರಾಜ್ಯೊಲು ಉಲ್ಲ. ಈ ರಾಜ್ಯೊ ಭಾರತ ದೇಸೊದ ನಡುಟು ಇತ್ತಿನೆಡ್ದಾವರ ಉಂದೆಕ್ ಮಧ್ಯ ಪ್ರದೇಶ ಪನ್ಪಿನ ಪುದರ್ ಬತ್ಂಡ್. ಈ ರಾಜ್ಯೊಡು ಹಿಂದಿ ಅಧೀಕೃತವಾಯಿನ ಬಾಸೆ. ಆಂಡ, ಮಾಳವಿ, ಬುಂಧೆಲಿ, ಭಗೆಲಿ, ನಿಮಾರಿ ಇಂಚಿತ್ತಿನ ಸ್ಥಳೀಯ ಬಾಸೆಲೆನ್‌ಲಾ ಪಾತೆರುವೆರ್[೧]. ಭಾರತ ದೇಸೊಡು ಉತ್ಪಾದನೆ ಆಪುನ ಬಾಕ್ಸೈಟ್ ಅದುರುದ ೪೫% ಭಾಗ ಮಧ್ಯ ಪ್ರದೇಶ ರಾಜ್ಯೊ ಒಂಜೇ ಉತ್ಪಾದಿಸಾವುಂಡು. ಈ ರಾಜ್ಯೊದ ಜನಸಂಖ್ಯೆ ೭೨,೬೨೬,೮೦೯ ಆದುಂಡು. ಪುರಾತನ ಕಾಲೊಡು ಈ ಭೂಪ್ರದೇಸೊಗು "ಆವಂತಿ" ಪನ್ಪಿನ ಪುದರ್ ಇತ್ಂಡ್. ಅಪಗ ಅಸ್ತಿತ್ವೊಡು ಇತ್ತಿನ ೧೬ ಮಹಾಜನಪದೊಲೆಡ್ ಈ ಆವಂತಿಲಾ ಒಂಜಿ ಆದಿತ್ಂಡ್.
ಭಾರತ ದೇಸೊದ ರಾಜ್ಯೊಲೆನ ಆರ್ಥಿಕತೆದ ಪಟ್ಟಿಡ್ ಮಧ್ಯ ಪ್ರದೇಶ ರಾಜ್ಯೊದ ಆರ್ಥಿಕತೆ ೧೦ನೇ ಸ್ತಾನೊಡು ಉಂಡು. ಈ ರಾಜ್ಯೊ ೯.೧೭ ಟ್ರಿಲಿಯನ್ ದಾತ್ ಆರ್ಥಿಕತೆನ್ ಪಡೆದ್ಂಡ್. ಮುಲ್ಪದ ಜನಕ್ಲೆನ ಸರಾಸರಿ ತಲಾ ಆದಾಯ ೧,೦೯,೩೭೨ ರೂಪಾಯಿ, ಮಾತಾ ರಾಜ್ಯೊಲೆನ ತಲಾ ಆದಾಯದ ಲೆಕ್ಕೊಡು ೨೬ನೇ ಸ್ತಾನೊಡು ಉಂಡು[೨].
ಮಧ್ಯ ಪ್ರದೇಶ ರಾಜ್ಯೊಡು ಒಟ್ಟು ೫೨ ಜಿಲ್ಲೆಲು ಉಲ್ಲ. ಆಡಳಿತ ಮಲ್ಪರ ಸುಲಬ ಆವರ ರಾಜ್ಯೊನು ೧೦ ವಿಬಾಗೊಡು ಇಂಗಡಿಸಾದೆರ್. ಅವು:
- ಭೋಪಾಲ್
- ಚಂಬಲ್
- ಗ್ವಾಲಿಯರ್
- ಇಂದೋರ್
- ಜಬಲ್‌ಪುರ
- ನರ್ಮದಾಪುರಮ್
- ರೇವಾ
- ಸಗರ್
- ಶಾದೋಲ್
- ಉಜ್ಜೈನ್
ಉಲ್ಲೇಕೊಲು[ಸಂಪೊಲಿಪುಲೆ]
- ↑ "State Profile". mp.gov.in. Government Of Madhya Pradesh. Retrieved 30 July 2023.
- ↑ "statewise SDP". mospi.nic.in. mospi. Retrieved 30 July 2023.