ಮುಂಗುಲಿ

ವಿಕಿಪೀಡಿಯರ್ದ್
Jump to navigation Jump to search
ಮುಂಗುಲಿ
Dwarf mongoose Korkeasaari zoo.jpg
Scientific classification


ಮುಂಗುಲಿ (ಹರ್ಪೆಸ್ಟಿಡೆ (Herpestidae)) ಪನ್ಪಿನ ಎಲ್ಯ ಗಾತ್ರದ ಒಂಜಿ ಮಾಂಸಾಹಾರಿ ಪ್ರಾಣಿ. ಉಂದು ಯುರೋಪ್, ಏಷ್ಯಾ ಬೊಕ್ಕ ಆಫ್ರಿಕಾಡ್ ತೂವರೆ ತಿಕ್ಕುಂಡು. ಎಚ್ಚಾದ್ ಗುಂಪುಡ್ ತಿರ್ಗುನ ಈ ಮುಂಗುಲಿಲೆನ ಕೆಲವು ಜಾತಿಡ್ ಒಂಜೊಂಜೆ ತೂವರೆ ತಿಕ್ಕುವ.

ಮುಂಗುಲಿದ ಬದ್‌ಕ್[ಸಂಪೊಲಿಪುಲೆ]

ಭೂಮಿದ ಅಡಿಟ್ಟ್ ಗುಡೆ ತೋಡುದ್ ಬದುಕುನ ಈ ಪ್ರಾಣಿಗ್ ಎಲ್ಯೆಲ್ಯ ಕಾರ್ ಬೊಕ್ಕ ಉದ್ದದ ಬೀಲ ಉಂಡು. ಅಯಿತ ಪರ್ತೆದ ಉಗುರು ನೆಲ ಗರ್ಪೆರೆ ಉಪಯೋಗೊಗು ಬರ್ಪುಂಡು. ಉಚ್ಚುದ ವಿಷ ಮುಂಗುಲಿಗ್ ಒವ್ವೇ ರೀತಿಡ್ ಲಾ ಪ್ರಭಾವ ಬೂರುಜಿ. ಎಚ್ಚಾದ್ ಪಗೆಲ್‌ಡೆ ತಿರ್ಗುನ ಈ ಪ್ರಾಣಿ, ಎಲ್ಯ ಎಲ್ಯ ಪಕ್ಕಿಲೆನ್ ತಿನ್ಪುಂಡು. ಸಾಮಾನ್ಯವಾದ್ ಈ ಪ್ರಾಣಿಲು ಕೀಟ, ದೆಂಜಿ, ನಕ್ಕುರು, ಪಲ್ಲಿ, ಉಚ್ಚು ಬೊಕ್ಕ ಕೋರಿನ್ ತಿನ್ಪುಂಡು. ಕೆಲವು ಸರ್ತಿ ತೆತ್ತಿ, ಕುರಿದಿನ ಮಾಸೊನ್ಲಾ ತಿನ್ಪುಂಡು. ಉಂದೆತ್ತ ಎಲ್ಯ ಗಾತ್ರೊಡ್ದಾವೆರೆ ಕೆಲವು ಮಲ್ಲ ಮಾಂಸಾಹಾರಿ ಪ್ರಾಣಿಲು ಉಂದೆನ್ ತಿನ್ಪಿನಲಾ ಉಂಡು, ಮುಂಗುಲಿ ವಿಷತ ಉಚ್ಚುಲೆಡ ಮಲ್ಪುನ ಲಡಾಯಿ ಮಸ್ತ್ ಪುದರ್ ಪೋತುಂಡು. ನಮ್ಮ ದೇಶೊಡ್, ಉಂದೆನ್ ಉಚ್ಚುಲೆಡ ಲಡಾಯಿ ಮಲ್ತ್‌ದ್ ಕೆರಿಯರೆಂದ್ ಕೆಲವು ಕಡೆಟ್ ಉಪಯೋಗ ಮಲ್ಪುವೆರ್.

ಸಂತಾನೋತ್ಪತ್ತಿ[ಸಂಪೊಲಿಪುಲೆ]

ಮುಂಗುಲಿಡ್ ಆಣ್ ಬೊಕ್ಕ ಪೊಣ್ಣು ಸಂಗ ಮಲ್ಪುನಗ ಕಿಸಿಕಿಸಿ ತೆಲ್ಪುನ ಅಂಚಿನ ಜೋರುದ ಶಬ್ಧ ಪಿದಡ್‌ಪಾವುಂಡು. ಆಣ್ ಬೊಕ್ಕ ಪೊಣ್ಣು ಒಟ್ಟುಗು ಪೋನಗಲಾ ಕೆಲವು ಸರ್ತಿ ಇಂಚಿನ ಶಬ್ದ ಕೇನೆರೆ ತಿಕ್ಕುಂಡು.

ಮನುಷ್ಯನೊಟ‍್ಟುಗುದ ಸಂಬಂಧ[ಸಂಪೊಲಿಪುಲೆ]

ಭಾರತ ಬೊಕ್ಕ ಪಾಕಿಸ್ತಾನ ದೇಶೊಡು, ಮಾರ್ಗೊದ ಬರಿತ ಪ್ರದರ್ಶನೊಲೆಡ್ ಮುಂಗುಲಿಲೆದ ಗೊಬ್ಬು ತೊಜಪಾವೆರ್. ಮುಂಗುಲಿದ ಬಗೆತ ಕಾಲ್ಪನಿಕ ಕಥೆತ ಪದ ಕನ್ನಡೊಡು ಉಂಡು. ಉಂದೆತ ಬಗೆಟ್ ಕೆಲವು ಸಿನೆಮೊಲ್‌ಲುಲಾ ಉಂಡು.

ಚಿತ್ರ ಸಂಪುಟ[ಸಂಪೊಲಿಪುಲೆ]

ಉಲ್ಲೇಕೊ[ಸಂಪೊಲಿಪುಲೆ]