ಮುರುಡೇಶ್ವರ

ಮುರುಡೇಶ್ವರ
ಮುರುಡೇಶ್ವರ
ಗ್ರಾಮ
	ಮುರುಡೇಶ್ವರ ದೇವಸ್ತಾನೊ ಸಂಕೀರ್ಣೊದ ಶಿವನ ಪ್ರತಿಮೆ
ದೇಶೊ	India
ರಾಜ್ಯ	ಕರ್ನಾಟಕ
ಜಿಲ್ಲೆ	ಉತ್ತರಕನ್ನಡ
ತಾಲೂಕು	ಭಟ್ಕಳ
ಬಾಸೆಲು
• ಅದಿಕೃತ	ಕನ್ನಡ
ಸಮಯ ವಲಯೊ	UTC+5:30 (IST)
PIN	581 350
ಟೆಲಿಫೋನ್ ಕೋಡ್	08385

ಮುರುಡೇಶ್ವರ ಉತ್ತರ ಕನ್ನಡ ಜಿಲ್ಲೆದ ಭಟ್ಕಳ ತಾಲೂಕುಡು ಉಂಡು. ಮುಲ್ಪ ಇಪ್ಪುನ ಮುರುಡೇಶ್ವರ ಈಶ್ವರ ಸ್ವಾಮಿನ ದೇವಸ್ತಾನೊ ದಾರ್ಮಿಕ ಪುಣ್ಯೊ ಜಾಗೆ ಅದಿತ್ತ್‌ದ್, ಐತಿಹಾಸಿಕವಾದ್‍ಲಾ ಪುದರ್ನ್ ಪಡೆದ್ಂಡ್. ಅರಬ್ಬಿ ಸಮುದ್ರದ ಮುಟ್ಟೊಡು ಇಪ್ಪುನ ಈ ಊರು ಲೋಕೊಡು ಮಾಮಲ್ಲ ಎತ್ತರದ ಶಿವನ ವಿಗ್ರಹೊಗ್ ಪುದರಾತಿನ ಕ್ಷೇತ್ರೊ. ಮುರುಡೇಶ್ವರ ದಾರ್ಮಿಕ ಕ್ಷೇತ್ರ ಮಾತ್ರ ಅತ್ತ್, ಜನಕುಲು ಬತ್ತ್‌ದ್ ತುಪುನಂಚಿನಲ ಜಾಗೆ.^[೧]

ಮುರುಡೇಶ್ವರದ ವಿಶೇಷತೆಲು

ಮುರುಡೇಶ್ವರಡ್ ಶಿವನ ಲಿಂಗ ಉಂಡು, ಅಯಿತೊಟ್ಟಿ ಏಷ್ಯಾಡೆ 2ನೇ ಎತ್ತರೊದ ಶಿವನ ಪ್ರತಿಮೆ. ಉಂದು ಬುಕ್ಕೊ ಮಾಮಲ್ಲ ಎತ್ತರೊದ ರಾಜ ಗೋಪುರ. ಈ ದೇವಸ್ತಾನೊ ಬಕ್ತೆರೆನ್ ಮಾತ್ರ ಒಯಿಪಂದೆ ಪಿದಯಿಡ್ದ್ ಬರ್ಪುನ ಬೆತೆ ಜನಕ್ಲೆಗ್ ತುಪಿನಂಚಿನ ಜಾಗೆಲ ಅತ್ಂಡ್. ಇಂಚಿಪ್ಪೊಗು ಮುಲ್ಪ ರಾಮ, ಲಕ್ಷ್ಮಣ, ಸೀತಾ ದೇವಿನ ಮೂರ್ತಿನ್ ಸೇರ್ದಿನಂಚಿನ ಬುಕ್ಕೊ ಶನಿ ದೇವಾಲಯನ್‌ಲಾ ನಿರ್ಮಾಣ ಮಲ್ತ್‌ದೆರ್. ಮುಲ್ಪದ ಸಮುದ್ರೊಡು ನೀರಾಟಗೊಬ್ಬುನನೆ ಒಂಜಿ ಪೊರ್ಲು. ರಾಷ್ಟ್ರೀಯ ಹೆದ್ದಾರಿಡ್ದ್ ಊರುಗು ಪೊಗ್ಗುನಗ ಮಹಾದ್ವಾರನ್ ತೂಂಡ ಕಣ್ಣ್ ಜಿಂಜುಂಡು. ದೇವಸ್ತಾನೊಗ್ ಮುಟ್ಟ ಮುಟ್ಟ ಎತ್ತ್‌ನಗ ರಡ್ಡ್ ಆನೆ ಜನಕ್ಲೆನ್ ಕಯಿತಲ್ ಒಯಿಪುಂಡು.

ಪುರಾಣೊದ ಕತೆ

ಗೋಕರ್ಣದ ಆತ್ಮಲಿಂಗ ಸ್ತಾಪನೆಯಾನಗನೆ ನನಲ ಕೆಲವು ಲಿಂಗೊಲು ಈ ಜಿಲ್ಲೆಡ್ ಸ್ತಾಪನೆ ಆತ್ಂಡ್ ಪನ್ಪುನ ಪುರಾಣ ಕತೆ ಉಂಡು. ಬೇತೆ ನಾಲ್ ಕ್ಷೇತ್ರ ಪಂಡ ಮುರುಡೇಶ್ವರ, ಗುಣವಂತೇಶ್ವರ, ಧಾರೇಶ್ವರ ಬುಕ್ಕೊ ಸಜ್ಜೇಶ್ವರ.ಮುರುಡೇಶ್ವರ ಕಡಲ್ದದಂಡೆಡ್ ಇತ್ತ್‌ದ್ ದುಂಬುದ ಕಾಲೊಡ್ದಿಂಚಿಲ ದಾರ್ಮಿಕತೆಗ್ ಬುಕ್ಕೊ ಐತಿಹಾಸಿಕತೆಗ್ ಪುದರ್ ಪೊತಿನ ದೇವಸ್ತಾನ ಅತ್ಂಡ್. ಅಂಚೆನೆ ಇತ್ತೆಗ್‌ಲಾ ಅಲ್ಪ ಹಾಡುಹಳ್ಳಿದ ಸಾಳ್ವ ದೊರೆಕುಲು ಕಟ್ಟಾಯಿನ ಬಸದಿ, ತೀರ್ತಂಕೆರೆರ್‌ನ ಮೂರ್ತಿಲು, ಕೆಲವು ದೇವಾಲಯಲು, ಕೆರೆ, ವೀರೆರ್ನ ಇಲ್ಲ್, ವೀರಕಲ್ಲ್‌ಲು, ಮರಡ್‍ದ್ ಮಲ್ತ್‌ನ 16 ಮಾಸತಿದ ಮಾಸ್ತಿಕಲ್ಲ್ ಗುರುತುಲು, ಇಂದೆಕ್ ಪುರ ಕಿರೀಟ ದೀಡಿತಿಲೆಕ ಪೊರ್ಲುದ ಜಾಗೆಡ್ ಮಿಂಚೊಂದಿಪ್ಪುನ ಮುರುಡೇಶ್ವರ ದೇವಸ್ತಾನೊ ಬುಕ್ಕೊ ದುಂಬುದ ಕಾಲದ ದೇವಸ್ತಾನೊದ ಕೆಲವೊಂಜಿ ಗುರುತುಲೆನ್ ತುವೊಲಿ.