ಮೇಘಾಲಯ
|
ಉಂದೊಂಜಿ ಎಲ್ಯ ಲೇಕನೊ. ಈ ಲೇಕನೊನು ದುಂಬರಿಪೆರೆ ಸಹಾಯೊ ಮಲ್ಪುಲೆ. |
ಮೇಘಾಲಯ ನಮ ದೇಸೊದ ಈಶಾನ್ಯ ದಿಕ್ಕ್‌ಡ್ ಇಪ್ಪುನ ಒಂಜಿ ರಾಜ್ಯೊ. ಈಶಾನ್ಯ ಭಾರತೊದ ಸಪ್ತ ಸಹೋದರಿಯರು ರಾಜ್ಯೊಲೆಡ್ ಮೇಘಾಲಯಲಾ ಒಂಜಿ ಆದುಂಡು. ಉಂದೆತ ರಾಜಧಾನಿ ಶಿಲ್ಲಾಂಗ್. ಇತ್ತೆದ ಅಸ್ಸಾಮ್ ರಾಜ್ಯೊದ ಬಾಗೊಲಾಯಿನ ಖಾಸಿ-ಜೈಂತಿಯ ಬೊಟ್ಟ ಪ್ರದೇಸೊ ಬುಕ್ಕ ಗಾರೋ ಬೊಟ್ಟ ಪ್ರದೇಸೊಲೆನ್ ಒಟ್ಟು ಸೇರಾದ್ ಈ ರಾಜ್ಯೊನು ಉಂಡು ಮಲ್ತೆರ್. ೨೧ನೇ ಜನವರಿ ೧೯೭೨ನೇ ಇಸವಿಡ್ ಈ ರಾಜ್ಯೊ ಉದಿತ್ ಬತ್ಂಡ್[೧]. ಮೇಘಾಲಯದ ತೆಂಕಾಯಿ ಬುಕ್ಕ ಪಡ್ಡಾಯಿ ದಿಕ್ಕ್‌ಡ್ ಬಾಂಗ್ಲಾದೇಶ ಉಂಡು. ಬಡಕಾಯಿ ಬುಕ್ಕ ಮೂಡಾಯಿ ದಿಕ್ಕ್‌ಡ್ ಅಸ್ಸಾಮ್ ರಾಜ್ಯೊ ಉಂಡು. ಬ್ರಿಟೀಷೆರ್ ಆಡಳಿತ ಮಲ್ತೊಂದಿಪ್ಪುನಗ ಮೇಘಾಲಯ ರಾಜ್ಯೊಗು ಮೂಡಾಯಿದ ಸ್ಕಾಟ್ಲೆಂಡ್ ಪನ್ಪಿನ ಅಡ್ಡ ಪುದರ್ ಇತ್ತ್ಂಡ್[೨]. ೨೨,೪೨೯೨ ಕಿಲೋ ಮೀಟರ್ ಇಸ್ತೀರ್ನೊದ ಈ ರಾಜ್ಯೊದ ಜನಸಂಖ್ಯೆ ೨೦೧೧ನೇ ಕಾನೇಸ್ಮಾರಿಡ್ ತೆರಿಲೆಕ, ೨೯,೬೬,೮೮೯ದಾತ್ ಉಂಡು[೧]. ಇಸ್ತೀರ್ನೊದ ಲೆಕ್ಕೊಡು ಮೇಘಾಲಯ ರಾಜ್ಯೊ ೨೪ನೇ ಸ್ತಾನೊಡು ಉಂಡು. ಒಟ್ಟು ೧೨ ಜಿಲ್ಲೆಲು ಈ ರಾಜ್ಯೊಡು ಉಲ್ಲ. ನಮ ದೇಸೊಡು ಇಪ್ಪುನ ಮಾತಾ ರಾಜ್ಯೊಲೆಡ್ ಎಚ್ಚ ತಂಪು ಇಪ್ಪುನ ರಾಜ್ಯೊ ಮೇಘಾಲಯ. ತೆಂಕಾಯಿ ಖಾಸಿ ಬೊಟ್ಟೊಡು ಎಚ್ಚ ತಂಪು ಇಪ್ಪುನ ಜಾಗೆ ಆದುಂಡು. ಮುಲ್ಪ ವರ್ಸೊಗು ೧೨,೦೦೦ ಮಿಲಿಮೀಟರ್ ಬರ್ಸೊ ಬರ್ಪುಂಡು. ರಾಜ್ಯೊದ ಸುಮಾರ್ ಮುಕ್ಕಾಲ್ ಬಾಗೊ(೭೦%) ಕಾಡ್ ಪ್ರದೇಸೊ ಉಂಡು.
ಉಲ್ಲೇಖ
[ಸಂಪೊಲಿಪುಲೆ]- ↑ ೧.೦ ೧.೧ "About Meghalaya". meghalaya.gov.in. Meghalaya Information Technology and Communication Department. Retrieved 6 August 2023.
- ↑ "The man who gave India its first map, and named Meghalaya". getbengal.com. P&M COMMUNICATIONS. Retrieved 6 August 2023.