ಬಿ.ಎಸ್. ಯಡಿಯೂರಪ್ಪ

ಬಿ. ಎಸ್. ಯಡಿಯೂರಪ್ಪ
ಬಿ.ಎಸ್. ಯಡಿಯೂರಪ್ಪ
ಕರ್ನಾಟಕದ 19ನೆಯ ಮುಖ್ಯಮಂತ್ರಿ
In office ಮೇ 17, 2018 – 19 May 2018
Preceded by	ಸಿದ್ದರಾಮಯ್ಯ
Succeeded by	ಹಾಲಿ ಸದಸ್ಯರು
Constituency	ಶಿಕಾರಿಪುರ
23 ನೆಯ ಕರ್ನಾಟಕದ ಮುಖ್ಯಮಂತ್ರಿ
In office ಮೇ 30,2008 – ಜುಲೈ 31, 2011
Preceded by	ರಾಷ್ಟ್ರಪತಿ ಆಡಳಿತ
Succeeded by	ಡಿ. ವಿ. ಸದಾನಂದ ಗೌಡ
Constituency	ಶಿಕಾರಿಪುರ
24ನೆಯ ಕರ್ನಾಟಕದ ಮುಖ್ಯಮಂತ್ರಿ
In office ನವೆಂಬರ್ 12, 2007 – ನವೆಂಬರ್ 19, 2007
Preceded by	ಎಚ್. ಡಿ. ಕುಮಾರಸ್ವಾಮಿ
Succeeded by	ರಾಷ್ಟ್ರಪತಿ ಆಡಳಿತ
Constituency	ಶಿಕಾರಿಪುರ
Personal details
Born	ಬೂಕನಕೆರೆ, ಮಂಡ್ಯ ಜಿಲ್ಲೆ, ಕರ್ನಾಟಕ
Party	ಬಿಜೆಪಿ
Spouse	ದಿ.ಮೈತ್ರಾದೇವಿ
Children	(ಬಿ.ವೈ.ರಾಘವೇಂದ್ರ ಬಿ.ವೈ.ವಿಜಯೇಂದ್ರ) (ಅರುಣಾದೇವಿ ಪದ್ಮಾವತಿ ಉಮಾದೇವಿ)
Residence	ಬೆಂಗಳೂರು
Website	http://yeddyurappa.in
As of ಮೇ 28, 2008 Source:

ಬೂಕನಕೆರೆ ಸಿದ್ದಲಿಂಗಪ್ಪ ಯಡಿಯೂರಪ್ಪ ಕರ್ನಾಟಕದ ೧೯ನೇ ಮುಖ್ಯಮಂತ್ರಿ. (ಜನನ: ಫೆಬ್ರುವರಿ 27, 1943) ಭಾರತೀಯ ಜನತಾ ಪಕ್ಷದ ಮುಕಂಡೆ. ಮೇರ್ ಕರ್ನಾಟಕೊದ ಮಾಜಿ ಮುಖ್ಯಮಂತ್ರಿ(25 ನೇ) ಬುಕ್ಕೊ ಇತ್ತೆ ಭಾರತೀಯ ಜನತಾಪಕ್ಷೊದ ರಾಷ್ಟ್ರೀಯ ಉಪಾಧ್ಯಕ್ಷೆ ಆದುಲ್ಲೆರ್. ಇಂಬೆರ್ ಕರ್ನಾಟಕ ವಿದಾನಸಬೆಟ್ ಶಿಕಾರಿಪುರ ವಿದಾನಸಬಾ ಕ್ಷೇತ್ರೊನು ಪ್ರತಿನಿದಿಸದೆರ್. 2008ನೇ ವಿದಾನಸಬಾ ಚುನಾವಣೆಡ್ ಆರೆನ ಕ್ಷೇತ್ರೊಡು, ಬಂಗಾರಪ್ಪೆರೆನ್ ಸುಮಾರು 46 ಸಾವಿರ ಓಟುದ ಅಂತರೊಡ್ದ್ ಸೋಲ್ಪದ್, ವಿದಾನಸಬೆನ್ ಪೊಗ್ಗುನ ಜತೆಟ್ ಬಿಜೆಪಿಗ್ ರಾಜ್ಯಾದ್ಯಂತ ಜಯೊ ಕೊಂಡತ್ತ್‌ದ್ ರಡ್ಡನೇ ಸರ್ತಿ ಮುಖ್ಯಮಂತ್ರಿ ಪದವಿಗ್ ಏರ್‌ಯೆರ್. ಆ ನೆಲೆಟ್ ದಕ್ಷಿಣ ಭಾರತಡ್ಸುರೂತ ಸರ್ತಿ ಬಿಜೆಪಿನ್ ಅದಿಕಾರೊದ ಗದ್ದುಗೆಗ್ ಏರಾಯಿನ ಪುಗರ್ತೆಗ್ ಪಾತ್ರರಾತೆರ್. ಈ ಸಾರಿ ನಡತಿನ ಲೋಕಸಬಾ ಚುನಾವಣೆಡ್ ಶಿವಮೊಗ್ಗೊಡ್ದ್ 2 ಲಕ್ಷ ಓಟುದ ಅಂತೊರಡ್ ಗೆಂದ್ಯೆರ್.

ವೈಯ್ಯಕ್ತಿಕ ಜೀವನೊ

ಬಿ.ಎಸ್. ಯಡಿಯೂರಪ್ಪ ಫೆಬ್ರವರಿ 27, 1943ಡ್ ಮಂಡ್ಯ ಜಿಲ್ಲೆ ಕೆ.ಆರ್.ಪೇಟೆ ತಾಲೂಕು ಬೂಕನಕೆರೆಡ್ ಪುಟ್ಟುವೆರ್. ಆರೆಗ್ ತುಮಕೂರು ಜಿಲ್ಲೆದ ಯಡಿಯೂರು ಗ್ರಾಮದ ಸಿದ್ದಲಿಂಗೇಶ್ವರ ದೈವದ ಪುದರ್ ದೀಯೆರ್. ಯಡಿಯೂರಪ್ಪ ವೀರಶೈವ ಲಿಂಗಾಯತ ಪಂತೊಗು ಸೇರ್ದಿನಾರ್. ಆರೆನ ಅಮ್ಮೆರ್ ಸಿದ್ದಲಿಂಗಪ್ಪ ಅಮ್ಮೆರ್ ಪುಟ್ಟತಾಯಮ್ಮ. ಯಡಿಯೂರಪ್ಪ ನಾಲ್ ವರ್ಸೊ ಆನಗ ಅಪ್ಪೆ ತೀರ್ ಪೋಯೆರ್. ಮಂಡ್ಯದ ಪಿಇಎಸ್ ಕಾಲೇಜಿಡ್ ಪದವಿ ಶಿಕ್ಷಣ ಮುಗಿತೆರ್.

1965ನೇ ಇಸವಿಡ್ ಸಮಾಜ ಕಲ್ಯಾಣ ಇಲಾಕೆಡ್ ಪ್ರಥಮ ದರ್ಜೆದ ಗುಮಾಸ್ತೆ ಆದ್ ಕೆಲಸ ಸುರು ಮಲ್ತೆರ್. ಬುಕ್ಕೊ ಬೇಲೆಡ್ದ್ ರಾಜೀನಾಮೆ ಕೊರ್ದು ಶಿಕಾರಿಪುರೊಗು ಪೋದು ವೀರಭದ್ರ ಶಾಸ್ತ್ರೀನ ಶಂಕರ ರೈಸ್ ಮಿಲ್‌ಡ್ ಗುಮಾಸ್ತೆರಾದ್ ಸೇರ್ಯೆರ್. ಮೇರ್ 1967ಡ್ ಮೈತ್ರದೇವಿನ್ ಮದಿಮೆ ಆಯೆರ್. ಬುಕ್ಕೊ ಶಿವಮೊಗ್ಗಡ್ ಒಂಜಿ ಹಾರ್ಡ್ ವೇರ್ ಅಂಗಡಿನ್ ಸುರು ಮಲ್ತೆರ್. ವಿಜಯೇಂದ್ರ, ರಾಘವೇಂದ್ರ, ಅರುಣಾದೇವಿ, ಪದ್ಮಾವತಿ, ಬುಕ್ಕೊ್ಕ ಉಮಾದೇವಿ ಯಡಿಯೂರಪ್ಪೆರೆನ ಜೋಕುಲು. ಮೆರೆನ ಬೊಡೆದಿ ಮೈತ್ರದೇವಿ 2004ಡ್ ತೀರ್ ಪೋಯೆರ್.

ರಾಜಕೀಯೊಡು ಯಡಿಯೂರಪ್ಪ

• 1975 : ಶಿಕಾರಿಪುರ ಪುರಸಭೆ ಸದಸ್ಯೆ ಆದ್ ಆಯ್ಕೆ, 1977ಟ್ ಅಧ್ಯಕ್ಷೆ.
• 1980 : ಬಿಜೆಪಿ ತಾಲ್ಲೂಕು ಘಟೊಕದ ಅಧ್ಯಕ್ಷೆ.
• 1983 : ಮಾಜಿ ಸಚಿವ ವೆಂಕಟಪ್ಪ ಮೇರೆನ್ ಸೋಲ್ಪಾದ್ ಸುರುತ ಬಾರಿಗ್ ವಿಧಾನಸಭೆಪ್ರವೇಶ
• 1985 ಡ್ದ್ 1988 ಬಿಜೆಪಿ ಜಿಲ್ಲಾಧ್ಯಕ್ಷೆ, 1988ಟ್ ರಾಜ್ಯಾಧ್ಯಕ್ಷೆ, 1992 ಟ್ ರಾಷ್ಟ್ರೀಯ ಕಾರ್ಯದರ್ಶಿ ಸ್ಥಾನ ನಿರ್ವಹಣೆ|
• 1994 : ವಿಧಾನಸಭೆ ಪ್ರತಿಪಕ್ಷೊದ ನಾಯಕೆ
• 1999 : ಕುಡೊರ ರಾಜ್ಯಾಧ್ಯಕ್ಷೆ, 2000 ಡ್ ಮಿತ್ತ‍ಇಲ್ಲದ ಸದಸ್ಯೆ
• 2004 : ಐನ್ನೇ ಬಾರಿಗ್ ವಿಧಾನಸಭೆ ಪ್ರವೇಶ, ಪಿರೊರ ಪ್ರತಿಪಕ್ಷದ ನಾಯಕೆ ಆದ್ ಆಯ್ಕೆ
• 2006 : ಸಮ್ಮಿಶ್ರ ಸರ್ಕಾರ ರಚನೆ, ಉಪಮುಖ್ಯಮಂತ್ರಿ, ಹಣಕಾಸು ಮತ್ತು ಅಬಕಾರಿ ಖಾತೆಲೆದ ನಿರ್ವಹಣೆ
• 2007 : ನವೆಂಬರ್‌ 12ಡ್ದ್ 17ಮುಟ, 7 ದಿನ ಮಾತ್ರ ಮುಖ್ಯಮಂತ್ರಿಯಾದಿತ್ತೆರ್
• 2008 : ಮೇ ೩೦ನೇ ಶುಕ್ರವಾರ ಕರ್ನಾಟಕೊದ ೨೫ ನೇ ಮುಖ್ಯಮಂತ್ರಿಯಾಗದ್ ಅಧಿಕಾರ ಸ್ವೀಕಾರ.
• 2011 : ಜುಲೈ 31ತ ಬಯ್ಯ, 4-29 ಕ್ ಸರಿಯಾಗದ್ ಮುಖ್ಯಮಂತ್ರಿ ಸ್ಥಾನೊಗು ರಾಜೀನಾಮೆ ಪತ್ರ ಸಲ್ಲಿಕೆ.

ಚಿತ್ರೊಲು

• 
  2006ನೇ ಇಸವಿಡ್ ಜೆಡಿಎಸ್ ಒಟ್ಟುಗು ಸಮ್ಮಿಶ್ರ ಸರಕಾರದ ಕಾಲೊಡು ಯಡಿಯೂರಪ್ಪ ಬುಕ್ಕೊ ಕುಮಾರಸ್ವಾಮಿ
• 
  ಭಾರತದ ಅಪಗದ ಪ್ರಧಾನ ಮಂತ್ರಿ ಮನ್ಮೋಹನ್ ಸಿಂಗ್ ಜತೆಟ್
• 
  ಯಡಿಯೂರಪ್ಪ ಬುಕ್ಕೊ್ಕ ನರೇಂದ್ರ ಮೋದಿ ಒಂಜಿ ಉದ್ಘಾಟನಾ ಸಮಾರಂಬೊಡ್ ಪಾಲ್ ಪಡೆಯೆರ್
• 
  ಕರ್ನಾಟಕದ 4ನೇ ಬಾರಿ ಮುಖ್ಯಮಂತ್ರಿ ಆಯಿನ ಯಡಿಯೂರಪ್ಪ ದೆಹಲಿಡ್ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಗ್ ಸ್ವಾಗತ ಮಲ್ತೆರ್.