ವಿಷಯಕ್ಕೆ ಹೋಗು

ಯಾಣ

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ
ಯಾಣ
Nickname: 
ದಕ್ಷಿಣ ಭಾರತೊದ ಅತ್ಯಂತ ಸ್ವಚ್ಚೊ ಗ್ರಾಮೊ
Lua error in ಮೋಡ್ಯೂಲ್:Location_map at line 647: Unable to find the specified location map definition: "Module:Location map/data/ಭಾರತ ಕರ್ನಾಟಕ" does not exist.
ದೇಶ India
ಭಾರತ ದೇಶದ ರಾಜ್ಯಗಳು ಹಾಗೂ ಪ್ರದೇಶಗಳುಕರ್ನಾಟಕ
ಜಿಲ್ಲೆಲುಉತ್ತರಕನ್ನಡ
ಪ್ರದೇಶೊಮಲೆನಾಡು
Elevation
357 m (1,171 ft)
ಬಾಸೆಲು
 • ಅದಿಕ್ರತಕನ್ನಡ
Time zoneUTC+5:30
ಪಿನ್‌ಕೋಡ್
581362
Websiteuttarakannada.nic.in/SirsiTourism.html

ಯಾಣ ಒಂಜಿ ಜಾಗೆದ ಪುದರ್. ಇಂದು ಕರ್ನಾಟಕೊ ರಾಜ್ಯೊದ ಉತ್ತರ ಕನ್ನಡ ಜಿಲ್ಲೆದ ಒಂಜಿ ಗ್ರಾಮೊಲಾ ಆದುಂಡು.[1] ಇಂದು ಕಾಡ್ ಪ್ರದೇಶ ಆದುಂಡು. ಸಹ್ಯಾದ್ರಿ ಬೆಟ್ಟ ಪ್ರದೇಶೊಡು ಯಾನಲಾ ಒಂಜಿ ಪ್ರವಾಸಿ ತಾನೊ ಆದುಂಡು. ಇಂದು ವೆಸ್ಟರ್ನ್‍ಘಾಟ್ ಪ್ರದೇಶೊಗು ಸೇರುಂಡು.[2] ಕಾರವಾರೊದ ಬಂದರ್‌ಡ್ ೬೦ ಕಿಲೋಮಿಟರ್(೩೭ಮೈಲ್)ದೂರೊ, ಸಿರಸಿಡ್ದ್ ೪೦ ಕಿಲೋಮೀಟರ್(೨೫ ಮೈಲ್) ದೂರೊ, ಕುಮಟಾಡ್ದ್ 31 ಕಿಲೋಮೀಟರ್(19 ಮೈಲ್) ದೂರೊಡ್ ಯಾಣ ಉಂಡು. ಮುಲ್ಪದ ವೈವಿಧ್ಯಮಯೊದ ಕಲ್ಲ್ ಪ್ರವಾಸಿಗೆರೆನ್ ಕೈ ಬೀಜಿದ್ ಲೆಪ್ಪುಂಡು. ಯಾಣಡ್ ರಡ್ಡ್ ಮಲ್ಲ ಸಿಶಿಕರೊಲು ಉಂಡು. ಒಂಜಿ ಭೈರವೇಶ್ವರ ಶಿಖರೊ, ಬುಕ್ಕೊಂಜಿ ಮೋಹಿನಿ ಶಿಖರೊ.[3] ಮುಲ್ಪದ ಶಿಖರೊಲು ಕಪ್ಪು ಮಣ್ಣ್‌ದಂಚ ತೋಜುನ ಕಪ್ಪು ಬಂಡೆಲು. ಭೈರವೇಶ್ವರ ಶಿಖರೊ ೧೨೦ ಮೀಟರ್ (390 ಫೀಟ್)ಎತ್ತರೊ ಉಂಡು. ಅಂಚನೆ ಮೋಹಿನಿ ಶಿಖರೊ 90 ಮೀಟರ್ (300 ಫೀಟ್) ಎತ್ತರೊ ಉಂಡು. ಭೈರವೇಶ್ವರ ಶಿಖರೊಡು ಸ್ವಯಂಬು ಲಿಂಗೊದ ಉದ್ಭವ ಆದುಂಡು. ಈ ಶಿಖರೊಡು ನೀರ್ ಜನಿದ್ ಬರ್ಪುಂಡು. ಅಂಚಾದ್ ಈ ಶಿಖರೊ ಪ್ರವಾಸಿಲೆಗ್ ಒಂಜಿ ಪವಿತ್ರೊ ಜಾಗೆಲಾ ಆದುಂಡು. ಮುಲ್ಲಪ ಒರ್ಸೊಗೊರೊ ಶಿವರಾತ್ರೆಗ್ ಜಾತ್ರೆ ನಡಪುಂಡು. ಪಚ್ಚೆ ಪಜಿರ್‌ಡ್ ಕಂಗೊಲಿಸವುನ ಈ ಕಾಡ್, ಮುಲ್ಪದ ಶಿಖರೊಲು ಪ್ರವಾಸಿಗೆರೆನ್ ಕೈ ಬೀಜಿದ್ ಲೆಪ್ಪುಂಡು.

ಭೌಗೋಳಿಕ ವಿವರೊ

[ಸಂಪೊಲಿಪುಲೆ]

ಈ ರಡ್ಡ್ ಕಲ್ಲ್ ಶಿಕರೊದ ಸುತ್ತೂಲ ದಟ್ಟ ಕಾಡ್ ಉಂಡು. ಉಂದು ಯಾಣ ಗ್ರಾಮೊದ ಸುತ್ತುಗು ಪರಡ್ಡ್‌ದುಂಡು. ಈ ಕಾಡ್ ಭಾರತೊಡು ವೆಸ್ಟರ್ನ್ ಘಾಟ್ಂದ್ ಗುರುತಿಸಾಯಿನ ಸಹ್ಯಾದ್ರಿ ಬೆಟ್ಟೊಲೆ ಸಾಲ್‍ಗ್ ಸೇರುಂಡು. ಮುಲ್ಪ ತಿಕುನ ಸುರೂತ ಮಲ್ಲ ಕಲ್ಲ್‌ಬೆಟ್ಟೊ ಭೈರವೇಶ್ವರ ಶಿಖರೊ. ಈ ಶಿಖರೊಡು 3 ಮಿಟರ್(9.8 ಅಡಿ) ಉದ್ದೊದ ಒಂಜಿ ಗುಹೆ ಉಂಡು. ಈ ಗುಹೆತ ಉಲಾಯಿಡ್ ಕಂಚಿದ ಒಂಜಿ ಚಂಡಿಕಾ ಪ್ರತಿಮೆ ಉಂಡು. ಇಂದೆನ್ ದುರ್ಗೆನ ಪ್ರತಿರೂಪಂದ್ ಪನ್ಪೆರ್. ಮುಲ್ಪ ಶಿವನ ಪ್ರತಿರೂಪವಾದ್ ಒಂಜಿ ಸ್ವಯಂಬು ಪ್ರತಿಬಿಂಬೊ ಉಂಡು. ಅಯಿತ ಮಿತ್ತ್‌ಡ್ದ್ ನೀರ್ ಪರಿತ್ ಪೋಪುಂಡು. ಇಂಚ ಪರಿಪುನ ನೀರ್‍ಗ್ 'ಚಂಡಿಸುದೆ' ಪನ್ಪೆರ್. ಈ ಸುದೆ ಉಪ್ಪಿನ ಪಟ್ಟನೊಡು ಅಘನಾಶಿನಿ ಸುದೆನ್ ಸೇರುಂಡು. ಜನಪದೆರ್ ಇಂದೆನ್ ಗಂಗೋದ್ಭವ ಪನ್ಪೆರ್. ಈ ಶಿಖರೊಡು ೬೧ ನಮುನೆದ ಕಲ್ಲ್ ಉಂಡು. ಇಂದು 3 ಕಿ.ಮೀ. ಮುಟ್ಟ ಪರಡ್‍ದುಂಡು. ಮುಲ್ಪ ವಿಬೂತಿ ಬೂರುನವು ನಾನೊಂಜಿ ಇಸೇಸೊ.

ಚಿತ್ರೊಲು

[ಸಂಪೊಲಿಪುಲೆ]

ಉಲ್ಲೇಕೊಲು

[ಸಂಪೊಲಿಪುಲೆ]
"https://tcy.wikipedia.org/w/index.php?title=ಯಾಣ&oldid=318908"ಡ್ದ್ ದೆತ್ತೊಂದುಂಡು