ಯೋಗರಾಜ್ ಭಟ್

ಯೋಗ್‍ರಾಜ್ ಭಟ್
2012ನೇ ಇಸವಿಡ್ ಯೋಗ್‍ರಾಜ್ ಭಟ್
ಪುಟ್ಟು	(1972-10-08) 8 October 1972 ಮಂದಾರ್ತಿ
ಬೇಲೆ	ನಿರ್ದೇಶಕೆ, ಗೀತರಚನೆಕಾರೆ, ನಿರ್ಮಾಪಕೆ, ಚಿತ್ರಕಥೆಗಾರೆ, ನಟೆ
ವರ್ಸೊ ಬುಕ್ಕೊ ಚಟುವಟಿಕೆ	2001–ಇನಿಮುಟ್ಟ
ಬುಡೆದಿ	ರೇಣುಕಾ ಭಟ್

ಯೋಗರಾಜ್ ಭಟ್ (ಜನನೊ: 8 ಅಕ್ಟೋಬರ್ 1973) ಮೇರ್ ಭಾರತೀಯ ಕನ್ನಡ ಚಲನಚಿತ್ರೊ ನಿರ್ಮಾಪಕೆ, ನಿರ್ದೇಶಕೆ, ಚಿತ್ರಕಥೆಗಾರೆ, ಗೀತರಚನೆಕಾರೆ ಅಂಚನೆ ನಿರ್ಮಾಪಕೆ. ಮೇರ್ 2006 ನೇ ಇಸವಿಡ್ ಮುಂಗಾರು ಮಳೆ ಚಿತ್ರೊರ್ದ್ ಮಸ್ತ್ ಪುದರ್ ಪಡೆಯೆರ್. ಈ ಚಿತ್ರೊ ಬಿಡುಗಡೆ ಆತಿನ ಸಮಯೊಡು ಕನ್ನಡ ಚಿತ್ರರಂಗೊದ ಇತಿಹಾಸೊಡು ಬಾಕ್ಸ್ ಆಫೀಸ್‍ಡ್ ಮಸ್ತ್ ಕಾಸ್ ಮಲ್ತ್ಂಡ್ ಅಂಚನೆ ಮಸ್ತ್ ದಿನೊ ಈ ಸಿನಿಮೊ ಟಾಕೀಸ್‍ಲೆಡ್ ಬಲ್ತ್ಂಡ್.

ಪುಟ್ಟು ಬುಕ್ಕೊ ಬರವು

ಯೋಗರಾಜ್ ಭಟ್ ಮೇರ್ ಕರ್ನಾಟಕೊದ ಉಡುಪಿ ಜಿಲ್ಲೆದ ಮಂದಾರ್ತಿಡ್ ಅಕ್ಟೋಬರ್ 8, 1973ನೇ ಇಸವಿಡ್ ಪುಟ್ಟಿಯೆರ್. ಹಾವೇರಿ ಜಿಲ್ಲೆದ ತಿಳವಳ್ಳಿಡ್ ಕಲ್ತೆರ್. ರಾಮಚಂದ್ರ ಬುಕ್ಕೊ ಜಯಲಕ್ಷ್ಮಿ ಭಟ್ ದಂಪತಿಲೆನ ಏಳ್ ಜೊಕುಲೆಡ್ ಮೇರ್ ಲಾಸ್ಟ್ ದಾರ್.

ವೃತ್ತಿಜೀವನೊ

ನಿರ್ದೇಶಕೆ ಆದ್

ಮುಂಗಾರು ಮಳೆ ಮೆರೆನ ಮೂಜನೇ ಸಿನಿಮೊ ಆದಿತ್ತ್ಂಡ್. ಅವ್ ಪಿಚ್ಚರ್ ದಾತ್ರ ಸಿನಿಮಾ ಲೋಕೊಗು ಮೆರೆನ ಪುದರ್ ಪರಿಚಯೊ ಆಂಡ್. ಅವ್ ಅತ್ತಂದೆ ಮೇರ್ 'ಗಾಳಿಪಟ, ಮನಸಾರೆ, ಪಂಚರಂಗಿ, ಪರಮಾತ್ಮ, ನಾಟಕ, ವಾಸ್ತು ಪ್ರಕಾರ, ದನ ಕಾಯೋನು, ಮುಗುಳು ನಗೆ ಇಂಚಿನ ಸಿನಿಮೊಲೆನ್ ನಿರ್ದೇಶನ ಮಲ್ದೆರ್.

ಸಾಹಿತಿ ಆದ್

ಯೋಗರಾಜ್ ಭಟ್ ಮೇರ್ ಮುಂಗಾರು ಮಳೆ, ಗಾಳಿಪಟ, ಜಂಗ್ಲಿ, ಜಾಕಿ, ಮನಸಾರೆ, ಪಂಚರಂಗಿ, ಪರಮಾತ್ಮ, ವಿಕ್ಟರಿ, ಹುಡುಗರು, ನಾಟಕ, ಕಡ್ಡಿಪುಡಿ, ಬಚ್ಚನ್, ಅಧ್ಯಕ್ಷ, ಗಜಕೇಸರಿ, ರಾಜಾಹುಲಿ ಇಂಚಿನ ಸಿನಿಮೊಲೆದ ಪದ್ಯೊಗ್ ಲಿರಿಕ್ಸ್ ಬರೆತೆರ್.

ಸಿನಿಮೊಲು

ನಟೆಯಾದ್

ವರ್ಷ	ಸಿನಿಮೊ	ಪಾತ್ರೊ	ಟಿಪ್ಪಣಿ	ಉಲ್ಲೇಕೊ
2013	ದ್ಯಾವ್ರೆ	ಭೀಮ್‍ಸೇನ್	ಮುಖ್ಯ ಪಾತ್ರೊ
2016	ಪರಪಂಚ	ಕಾಲಿಪೀಲಿ
2019	ಬೆಲ್ ಬಾಟಮ್	ಮರಕುಟಿಕ
2019	ಅವನೆ ಶ್ರೀಮನ್‍ನಾರಾಯಣ	ಗುಪ್ತಾನಂದ ಸ್ವಾಮೀಜಿ	ಅತಿಥ ಪಾತ್ರೊ

ಮಾನಾದಿಗೆಲು

• 2013 – ಮೆರೆನ ಸ್ವಂತ ನಿರ್ದೇಶನೊದ ಚಲನಚಿತ್ರೊ "ಬೊಂಬೆ ಅಡ್ಸೋನು" ಉಂದೆತ್ತ ಪದ್ಯೊಗ್ ಕನ್ನಡೊದ ಅತ್ಯುತ್ತಮ ಗೀತರಚನೆಕಾರೆ, ಫಿಲ್ಮ್‌ಫೇರ್ ಪ್ರಶಸ್ತಿನ್ ಗೆಂದ್ಯೆರ್
• 2013 – "ಬೊಂಬೆ ಅಡ್ಸೋನು" ಪದ್ಯೊಗ್ "ಅತ್ಯುತ್ತಮ ಗೀತರಚನೆಕಾರರ" ವಿಭಾಗೊಡ್ ಬೆಂಗಳೂರು ಟೈಮ್ಸ್ ಚಲನಚಿತ್ರ ಪ್ರಶಸ್ತಿನ್ ಗೆಂದ್ಯೆರ್..