ರಕ್ಷಿತಾ ಪುದರ್‌ದ ಕನ್ನಡ ಸಿನೆಮೊ ನಟಿ ಶ್ವೇತಾ (ಪುಟ್‍ನೆ ಮಾರ್ಚ್ ೩೧, ೧೯೮೪), ಇಂಬೆರೆನ್ ಜನಪ್ರಿಯವಾದ್ ರಕ್ಷಿತಾ ಪಂಡ್‍ದ್ ಲೆಪ್ಪುವೆರ್. ಮೇರ್ ಒರ್ತಿ ಭಾರತ ದೇಸೊದ ರಾಜಕಾರಣಿ ಬುಕ್ಕೊ ಮಾಜಿ ನಟಿ. ಆರ್ ಕನ್ನಡ, ತಮಿಳು ಬುಕ್ಕೊ ತೆಲುಗು ಬಾಸೆಲೆಡ್ ಅಬಿನಯೊ ಮಲ್ತೆರ್. ರಕ್ಷಿತಾ ಪುನೀತ್ ರಾಜ್‌ಕುಮಾರ್ ಮೇರೆಟ್ಟುಗೆ ೨೦೦೨ಡ್ ಕನ್ನಡ ಸಿನೆಮೊ ಅಪ್ಪುಡು ಅಬಿನಯಿಸದೆರ್. ಬುಕ್ಕೊ ಆರ್ ಮಸ್ತ್ ಕನ್ನಡೊ ಬುಕ್ಕೊ ತೆಲುಗು ಸಿನೆಮೊಲೆಡ್ ಅಬಿನಯಿಸದೆರ್.
ಕಾಂಗ್ರೆಸ್‍ ಪಕ್ಷೊಡು ಸೇರೊಂದು ಆರೆನ ರಾಜಕೀಯ ಬೇಲೆದ ಬದ್‍ಕ್ ೨೦೧೨ಡ್ ಸುರುವಾಂಡ್. ಅಯಿತ ಪೊಂಜೋವುಲೆ ವಿಬಾಗೊದ ಗುರ್ಕಾರ್ರ್ ಆದ್ ಸೇವೆ ಮಲ್ತೆರ್. ಬುಕ್ಕೊ ಆರ್ ೨೦೧೩ಡ್ ಜನತಾ ದಳ (ಸೆಕ್ಯುಲರ್)ಗ್ ಸೇರಿಯೆರ್.
