ರಾಮಕೃಷ್ಣ ಪರಮಹಂಸ

ರಾಮಕೃಷ್ಣ ಪರಮಹಂಸೆರ್

ಶ್ರೀ ರಾಮಕೃಷ್ಣ ಪರಮಹಂಸ (ಫೆಬ್ರವರಿ ೧೮, ೧೮೩೬ – ಆಗಸ್ಟ್ ೧೬, ೧೮೮೬)ಮೇರ್ ೧೯ ಶತಮಾನೊದ ಭಾರತೊದ ಪುದರ್ ಪಡೆಯಿನ ದಾರ್ಮಿಕ ನೇತೃಲೆಡ್ ಒರಿಯಾದಿತ್ತೆರ್. ಮೇರೆನ ನಿಜವಾಯಿನ ಪುದರ್ ಗದಾಧರ ಚಟ್ಟೋಪಾಧ್ಯಾಯ. ಮೇರ್ ಸ್ವಾಮಿ ವಿವೇಕಾನಂದೆರ್ನ ಗುರುಕುಲು. ತೋತಾ ಪುರಿ ಪನ್ಪಿನಾರ್ ಮೇರೆಗ್ ರಾಮಕೃಷ್ಣ ಪರಮಹಂಸ ಪನ್ಪಿ ಪುದರ್‍ಡ್ ಲೆತ್ತೆರ್.

ಕಾಳಿನ ಆರಾಧಕೆರಾಯಿನ ಪರಮಹಂಸೆರ್ ಅದ್ವೈತವೇದಾಂತೊ ಸಿದ್ಧಾಂತೊನು ಬೋಧಿಸಾಯೆರ್ ಅತ್ತಂದೆ ಮಾತ ದರ್ಮೊಲಾ ಒಂಜೇ ಕಡೆಕ್ ನಮೊನು ಕೊಂಡೊಪುನುಂದು ನಂಬುದೆರ್. ೧೯ನೆತ ಶತಮಾನೊದ ಹಿಂದೂ ಧರ್ಮೊದ ಪುನರುಜ್ಜೀವನೊಗು ಸಾದಿ ಮಲ್ತ್‌ಕೊರ್ನ ವ್ಯಕ್ತಿಲೆಟ್ ಪರಮಹಂಸೆರ್‍ಲಾ ಒರಿ.

ಪರಮಹಂಸೆರೆ ಜೀವನೊ ಬುಕ್ಕೊ ಬೋಧನೆಲು ಭಾರತೊದ ಸಂಸ್ಕೃತಿ ಬುಕ್ಕೊ ನಂಬಿಕೆಲೆ ಮಿತ್ತ್ ಮಸ್ತ್ ಪ್ರಭಾವೊ ಆತ್‌ಂಡ್. ಸ್ವಾಮಿ ವಿವೇಕಾನಂದೆರ್ ಸ್ತಾಪನೆ ಮಲ್ತಿನ ರಾಮಕೃಷ್ಣ ಮಿಷನ್ ಇಂಬೆರ್ನ ಗೌರವಾರ್ಥೊಕಾತ್ರೊ ಇಪ್ಪುನೆ.