ರಾಮನಾಥ ಕೋವಿಂದ್

ವಿಕಿಪೀಡಿಯರ್ದ್
ರಾಮನಾಥ ಕೋವಿಂದ್

ರಾಮ್ ನಾಥ್ ಕೋವಿಂದ್ (ಜನನೊ 1 ಅಕ್ಟೋಬರ್ 1945) ಭಾರತೋಧ ದುಂಬುದ ರಾಷ್ಟ್ರಪತಿ. ಜುಲೈ 25, 2017ನೇ ದಿನೊ ಆರ್ ಭಾರತೊ ದೇಸೊದ 14ನೇ ಭಾರತೊದ ರಾಷ್ಟ್ರಪತಿಯಾದ್ ಪ್ರಮಾನೊವಚನೊ ದೆತೊನುವೆರ್.[೧] ಆರ್ ಬಿಹಾರೊದ ಗವರ್ನರ್ ಆದಿತ್ತೆರ್, ಅತ್ತಂದೆ 2017ನೆ ಇಸವಿದ ಜುಲೈ 20ದಾನಿ ಬಾರತೊದ ರಾಷ್ಟ್ರಪತಿಯಾದ್ ಆಯ್ಕೆ ಆಯೆರ್ ಪಂಡ್‍ದ್ ಎನ್‌ಡಿಎ ಘೋಷಣೆ ಮಲ್ದೆರ್ [೨]. ಕೋವಿಂದ್ ಆರ್ ದಲಿತ ನಾಯಕೆ, ಅತ್ತಂದೆ ಭಾರತೀಯ ಜನತಾ ಪಕ್ಷ-ಬಿಜೆಪಿದ ರಾಜಕಾರಣಿ. ಆರ್ ದೆಹಲಿಡ್ ವಕೀಲೆರಾದ್ ಬೇಲೆ ಸುರುಮಲ್ತೆರ್.[೩]

ಬಿಹಾರೊ ರಾಜ್ಯೊಪಾಲೆರಾದ್ ಭಾಷಣೊ

ಜೀವನೊ[ಸಂಪೊಲಿಪುಲೆ]

ಕೋವಿಂದ್ ಉತ್ತರ ಪ್ರದೇಸೊದ ಕಾನ್ಪುರ್ ದೆಹತ್ ಜಿಲ್ಲೆಡ್ ಅಕ್ಟೋಬರ್ 1, 1945ನೆ ಇಸವಿಡ್ ಪುಟ್ಟಿಯೆರ್. ಆರೆನ ಅಮ್ಮೆರ್ ಬೆನ್ನಿ ಬೆನ್ಪುನ ರೈತರಾದಿತ್ತೆರ್.[೪]

ಶಿಕ್ಷಣೊ[ಸಂಪೊಲಿಪುಲೆ]

ಕೋವಿಂದ್ ಕಾನ್ಪುರ್ ವಿಶ್ವವಿದ್ಯಾಲಯಡ್ದು ವಾಣಿಜ್ಯ ಬುಕ್ಕೊ ಎಲ್.ಎಲ್.ಬಿ. ಪದವಿನ್ ದೆತೊಂದೆರ್.

ವೃತ್ತಿ ಜೀವನೊ[ಸಂಪೊಲಿಪುಲೆ]

ಕಾನ್ಪುರ್ ಕಾಲೇಜಿಡ್ದ್ ಕಾನೂನುಡು ಪದವಿ ದೆತೊನ್‌ನ ಬುಕ್ಕೊ, ಕೋವಿಂದ್ ಸಿವಿಲ್ ಸರ್ವೀಸಸ್ ಪರೀಕ್ಷೆಗಾದ್ ತಯಾರ್ ಮಲ್ಪೆರೆ ದೆಹಲಿಗ್ ಪೋಪೆರ್. ಅಲ್ಪ ಆರ್ ಈ ಪರೀಕ್ಷೆನ್ ಮೂಜನೆ ಪ್ರಯತ್ನೊಡು ಪಾಸ್ ಮಲ್ಪುವೆರ್. ಅಂಚಾಂಡಲಾ ಆರ್ ಐಎಎಸ್ ಬದಲಿಗ್ ಮೈತ್ರಿ ಸೇವೆಗಾದ್ ಆಯ್ಕೆಯಾಯಿನ ಕಾರಣೊ ಸೇರೊನಿಯೆರೆ ಆಯಿಜಿ. ಅಯಿಡ್ದಾದ್ ಆರ್ ಕಾನೂನು ಅಬ್ಯಾಸೊ ಮಲ್ಪೆರ್ ಸುರುಮಲ್ತೆರ್.

  • ಕೋವಿಂದ್ ಆರ್ 1977 ಡ್ದ್ 1979ಗ್ ಮುಟ್ಟೊ ದೆಹಲಿ ಹೈಕೋರ್ಟುಡು ಕೇಂದ್ರ ಸರ್ಕಾರೊದ ವಕೀಲರಾದಿತ್ತೆರ್.
  • 1980 ಡ್ದ್ 1993ಗ್ ಮುಟ್ಟೊ ಸುಪ್ರೀಂ ಕೋರ್ಟ್‌ಡ್ ಕೇಂದ್ರ ಸರಕಾರೊದ ಸ್ಥಾಯಿ ಕೌನ್ಸಿಲ್ ಆದಿತ್ತೆರ್.
  • ಆರ್ 1978ಡ್ ಬಾರತೊದ ಸರ್ವೋಚ್ಚ ನ್ಯಾಯಾಲಯೊಡು ಅಡ್ವೊಕೇಟ್ ಆನ್ ರೆಕಾರ್ಡ್ ಆದಿತ್ತೆರ್.
  • ದೆಹಲಿ ಹೈಕೋರ್ಟ್ ಬುಕ್ಕೊ ಸುಪ್ರೀಂ ಕೋರ್ಟ್‍ಡ್ 16 ಒರ್ಸೊ ಅಬ್ಯಾಸೊ ಮಲ್ತೆರ್.
  • ಆರ್ 1971ಡ್ ದೆಹಲಿ ಬಾರ್ ಕೌನ್ಸಿಲ್‍ಡ್ ವಕೀಲರಾದ್ ಸೇರೊಂಡೆರ್.
  • 1994-2000 ಬುಕ್ಕೊ 2000-2006ರ ರಡ್ಡ್ ಅವದಿಡ್ ಉತ್ತರಪ್ರದೇಸೊ ರಾಜ್ಯೊಡ್ದ್ ರಾಜ್ಯಸಭೆಗ್ ಆಯ್ಕೆಯಾದಿತ್ತೆರ್.
  • ಬಿಜೆಪಿ ದಲಿತ್ ಮೋರ್ಚಾ (1998-2002) ಬುಕ್ಕೊ ಆಲ್-ಇಂಡಿಯಾ ಕೋಲಿ ಸಮಾಜೊದ ಅಧ್ಯಕ್ಷೆರಾದ್ ಮಾಜಿ ಅಧ್ಯಕ್ಷರಾದಿತ್ತೆರ್.
  • ಆರ್ ಪಕ್ಷೊದ ರಾಷ್ಟ್ರೀಯ ವಕ್ತಾರರಾದ್ ಸೇವೆ ಮಲ್ತ್‌ದೆರ್.
  • ಆಗಸ್ಟ್ 8, 2015ಗ್ ಬಿಹಾರೊ ರಾಜ್ಯೊದ ಗವರ್ನರ್ ಆದ್ ಆಯ್ಕೆ.
  • ಜುಲೈ 20, 2017ಗ್ ದೇಸೊದ 14ನೆ ರಾಷ್ಟ್ರಪತಿಯಾದ್ ಆಯ್ಕೆ.[೫]

ಬಾಹ್ಯೊ ಸಂಪರ್ಕೊಲು[ಸಂಪೊಲಿಪುಲೆ]

ಉಲ್ಲೇಕೊಲು[ಸಂಪೊಲಿಪುಲೆ]