ರಾಷ್ಟ್ರೀಯ ವೈದ್ಯೆರೆ ದಿನೊ

ಪ್ರತಿ ವರ್ಷ ಜುಲೈ 1 ಕ್ ರಾಷ್ಟ್ರೀಯ ವೈದ್ಯರ ದಿನೊನು ಆಚರಣೆ ಮಲ್ತೊಂದುಲ್ಲ. ನರಮಾನಿಯ ಬದ್ಕ್‌ಡ್ ಆರೋಗ್ಯನೇ ಭಾಗ್ಯ ಪನ್ಪಿನವು ಸರ್ವಕಾಲಿಕ ಸತ್ಯದ ಪಾತೆರೊ. ಆರೋಗ್ಯದ ರಕ್ಷಣೆ, ಸೀಕ್ ಸಂಕಡೊಗು ಮರ್ದ್ ಕೊರ್ದು ಗುಣ ಮಲ್ಪುನ ವೈದ್ಯೆರೆ ಬೇಲೆ. ವೈದ್ಯೋ ನಾರಾಯಾಣ ಹರಿ ಪನ್ಪಿ ಪಾರೆರೊದಂಚ ವೈದ್ಯೆರೆನ್ ದೇವೆರೆಗ್ ಹೊಲಿಕೆ ಮಲ್ಪುನವು ಅನಾದಿ ಕಾಲೊಡ್ದೆ ಬತ್ತಿನವು.ಸೀಕ್ ಸಂಕಡೊ ಬತ್ತಿನ ಪ್ರತಿರೊರಿಯಗ್ಲ್ ಸರಿಯಾದ ಮರ್ದ್ ಕೊರ್ಪಿನ ಮುಖಾಂತರ ಗುಣ ಮಲ್ತ್‌ದ್, ಆಯಗ್ ಪುನರ್ಜನ್ಮ ಪನ್ಪಿನೆನ್ ಕೊರ್ಪಿನ ವೈದ್ಯೆರೆ ಬೇಲೆ ಆಂಡ ಅಂಚಿನ ವೈದ್ಯೆರೆಗ್ ಮಾನಾದಿಗೆ ಸಲ್ಲಿಸವುನ ನಮ ಪ್ರತಿಯೊರಿಯನಲ ಕರ್ತವ್ಯವಾದುಂಡು . ಇಂಚಿನ ಪುನರ್ಜನ್ಮ ಕೊರ್ಪಿನ ವೈದ್ಯೆರೆಗ್ ವಿಶೇಷ ಮಾನಾದಿಗೆ ಕೊರ್ಪಿನ ಸಲುವಾದ್ ಪ್ರತಿ ವರ್ಷ ಜುಲೈ 1 ಕ್ ರಾಷ್ಟ್ರೀಯ ವೈದ್ಯರ ದಿನೊನು ಆಚರಣೆ ಮಲ್ಪುವ.

ಬೇತೆ ಬೇತೆ ದೇಶೊಡು ರಾಷ್ಟ್ರೀಯ ವೈದ್ಯೆರೆ ದಿನೊ

ಪ್ರತಿ ವರ್ಷ ಭಾರತೀಯ ವೈದ್ಯಕೀಯ ಸಂಘ, ರಾಷ್ಟ್ರೀಯ ವೈದ್ಯರ ದಿನಾಚರಣೆನ್ ಮಲ್ತೊಂದು ಉಂದೆತ ಮುಖೇನ ವೈದ್ಯೆರ್ನಕುಲೆನ್ ಬೊಕ್ಕ ಆರೋಗ್ಯ ವೃತ್ತಿಪರೆರೆಗ್ ವಿಶೇಷ ಮಾನಾದಿಗೆ ಸಂದೈತ ಮಲ್ಪುವೆರ್ .ಭಾರತೊಡು ಮಾತ್ರ ವೈದ್ಯೆರೆ ದಿನ ಆಚರಣೆ ಮಲ್ಪುನತ್ತಂದೆ. ಲೋಕೊರ್ಮೆಲ ಬೇತೆ ಬೇತೆ ರಾಷ್ಟ್ರೊಲೆಡ್, ಬೇತೆ ಬೇತೆ ತೇದಿಡ್ ರಾಷ್ಟ್ರೀಯ ವೈದ್ಯೆರೆ ದಿನೊನು ಆಚರಣೆ ಮಲ್ಪುವೆರ್. ಭಾರತೊಡು ಜುಲೈ 1 ಕ್ ರಾಷ್ಟ್ರೀಯ ವೈದ್ಯೆರೆ ದಿನೊನು ಆಚರಣೆ ಮಲ್ತ್ಂಡ . ಅಂಚನೆ ಅಮೆರಿಕೊಡು ಮಾರ್ಚ್ 30 ಕ್, ಕ್ಯೂಬಾಡ್ ಡಿಸೆಂಬರ್ 3ಕ್, ಇರಾನ್‌‌ಡ್ ಆಗಸ್ಟ್ 23ಕ್ ರಾಷ್ಟ್ರೀಯ ವೈದ್ಯೆರೆ ದಿನೊನು ಆಚರಣೆ ಮಲ್ಪುವೆರ್. ಅಮೆರಿಕೊಡು 1933 ಮಾರ್ಚ್‌ ತಿಂಗೊಳುಡು ಸುರುತ ಸರ್ತಿ ರಾಷ್ಟ್ರೀಯ ವೈದ್ಯೆರೆ ದಿನಾಚರಣೆನ್ ಸುರು ಮಲ್ತೆರ್. ನಿಸ್ವಾರ್ಥ ಸೇವೆ ಸಂದೈತ ಮಲ್ತಿನ ವೈದ್ಯೆರೆಗ್ ಎಡ್ಡೆಪ್ಪುನ ಬಯಕ್‌ದ್ ಶುಭಾಸಯ ಕಾರ್ಡ್‌ ಕಡಪುಡುನೆ ಅಂಚನೆ ತೀರ್ ಪೋಯಿನ ವೈದ್ಯೆರೆ ಸಮಾಧಿಗೆ ಪುಪ್ಪಾರ್ಪಣೆ ಮಲ್ಪುನ ಮುಖಾಂತರ ವೈದ್ಯೆರೆ ದಿನಾಚರಣೆದ ಆಚರಣೆ ಮಲ್ಪುವೆರ್.

ಭಾರತೊಡು ರಾಷ್ಟ್ರೀಯ ವೈದ್ಯೆರೆ ದಿನೊ

ಭಾರತೊಡು 1991 ಡ್ ಸುರುತ ಸರ್ತಿ ವೈದ್ಯರ ದಿನೊನು ಆಚರಣೆ ಮಲ್ತೆರ್. ಪಶ್ಚಿಮ ಬಂಗಾಳದ ರಡ್ಡನೇ ಮುಖ್ಯಮಂತ್ರಿ ಅಂಚನೆ ಪುಗರ್ತೆದ ವೈದ್ಯೆ ಬಿಧನ್ ಚಂದ್ರ ರಾಯ್, ಮೆರೆನ ನೆಂಪುಗಾದ್ ಪ್ರತಿ ವರ್ಷ ಜುಲೈ ಒಂಜೆ್ನ್ ರಾಷ್ಟ್ರೀಯ ವೈದ್ಯ ದಿನವಾದ್ ಆಚರಣೆ ಮಲ್ಪೆರೆ ತೀರ್ಮಾನ ಆಂಡ್. ಬಿಧನ್ ಚಂದ್ರ ರಾಯ್ ಮೆರ್ ಮೆಡಿಕಲ್ ಕೌನ್ಸಿಲ್ ಆಫ್‌ ಇಂಡಿಯಾ ಅಂಚನೆ ಇಂಡಿಯನ್ ಮೆಡಿಕಲ್‌ ಅಸೋಸಿಯೇಷನ್ ತಾಪನೆದ ರೂವಾರಿಯಾದುಲ್ಲೆರ್. ಅಂಚಾದ್ ಅರೆನ ಪುಟ್ಟಿ ದಿನ ಬೊಕ್ಕ ಪುಣ್ಯಸ್ಮರಣೆ(ತಯಿತಿ) ದಿನೊನು ರಾಷ್ಟ್ರೀಯ ವೈದ್ಯಕೀಯ ದಿನ ಪಂದ್ ಲೆತ್ತೆರ್.

ಡಾ. ಬಿಧನ್ ಚಂದ್ರ ರಾಯ್

ಡಾ. ಬಿಧನ್ ಚಂದ್ರ ರಾಯ್ ಪಶ್ಚಿಮ ಬಂಗಾಳದ ಮಾಜಿ ಮುಖ್ಯ ಮಂತ್ರಿ, ಅಂಚನೆ ಪುಗರ್ತೆದ ವೈದ್ಯೆರೆ . ಡಾ. ಬಿಧನ್ ಚಂದ್ರ ರಾಯ್ ಜುಲೈ 1, 1882 ಡ್ ಪಶ್ಚಿಮ ಬಂಗಾಳೊಡು ಪುಟ್ಟಿಯೆರ್ . ಮೆರ್ ಜುಲೈ 1,1962 ಡ್ ತೀರ್ ಪೋಯೆರ್. ಆರ್ ವೈದ್ಯಕೀಯ ಕ್ಷೇತೊಗು ಮಾಮಲ್ಲ ಕೋಡುಗೆ ಕೊರ್ನಾರ್. ವೈದ್ಯಕೀಯ ವಿಜ್ಞಾನ ಕ್ಷೇತ್ರೊಗು ಮೆರ್ ಕೊರ್ನ ಕೊಡುಗೆಗಾದ್ ಮೆರೆಗ್ ಫೆಬ್ರವರಿ 4, 1961ಡ್ ಭಾರತ ರತ್ನ ಪ್ರಶಸ್ತಿದ ಮಾನಾದಿಗೆ ತಿಕ್ಕುಂಡು . ೧೯೪೨ ಡ್ ಕ್ವಿಟ್ ಇಂಡಿಯಾ ಚಳುವಳಿದ ಪೊರ್ತುಡು ಮಹಾತ್ಮ ಗಾಂಧಿಗ್ ಅರೈಕೆ ಮಲ್ತಿನ ವೈದೆರ್ ಬಿದನ್ ಚಂದ್ರ ರಾಯ್ ಮೆರ್ ಸ್ವಾತಂತ್ರ್ಯ ಹೋರಾಟ ಗಾರೆರಾದಿತ್ತೆರ್ ಶಿಕ್ಷಣ ತಜ್ಞೆರ್ ಅವ್ವತ್ತಂದೆ ರಾಜಕಾರಣಿಲ ಆದಿತ್ತೆರ್. ಡಾ. ಬಿಧನ್ ಚಂದ್ರ ರಾಯ್ ಮೆರೆನ ಪುಟ್ಟು ಬೊಕ್ಕ ತಯಿತಿನ ದಿನ ಜುಲೈ 1, ಅಂಚಾದ್ ಈ ದಿನೊನು, ಅರೆನ ಗೌರವಾರ್ಥ ವೈದ್ಯರ ದಿನವಾದ್ ಆಚರಣೆ ಮಲ್ಪುವೆರ್. ರಾಷ್ಟ್ರೀಯ ವೈದ್ಯರ ದಿನತಾನಿ, ವೈದ್ಯೆರೆನ ಮಹತ್ವದ ಬಗ್ಗೆ ಜನೊಕುಲೆಡ ತೆರಿಪು ಪುಟ್ಟಾಪಿನದೊಟ್ಟುಗು ನಮ್ಮ ಜೀವನೊಗು ವೈದ್ಯೆರೆನಕುಲು ಕೊರ್ಪಿನ ಮಾಮಲ್ಲ ಬಳುವಳಿನ್ ಕೊಡುಗೆಯನ್ನು ನೆನೆತೊಂದು ಈ ವಿಶೇಷ ದಿನೊತಾನಿ ಜನೊಕುಲೆನ ಸೇವೆಗಾತ್ರ ತಂಕುಲೆನ್ ತೊಡಗಿಸಾವೊಂದಿನ ವೈದ್ಯೆರ್ ಬೊಕ್ಕ ಆರೋಗ್ಯ ಕಾರ್ಯಕರ್ತೆರೆಗ್ ಸಮರ್ಪಣೆ ಮಲ್ಪುವೆರ್.ರಾಷ್ಟ್ರೀಯ ವೈದ್ಯೆರೆ ದಿನಾಚರಣೆದ ವಿಷಯ ದಾದಪಂಡ "ಗುಣ ಮಲ್ಪುನ ಕೈಕುಲೆಗ್ ಸೊಲ್ಮೆ ಸಂದೈತ"