ರಿಚರ್ಡ್ ಅಟೆನ್ ಬರೋ

ರಿಚರ್ಡ್ ಅಟೆನ್'ಬರೊ
ಕಲಾವಿದೆ, ನಿರ್ಮಾಪಕೆ, ನಿರ್ದೇಶಕೆ, ರಾಜಕಾರಣಿ
ಸರ್ ರಿಚರ್ಡ್ ಸ್ಯಾಮುವೆಲ್ ಅಟೆನ್'ಬರೊ
ಜನನ	೨೯ ಆಗಸ್ಟ್ ೧೯೨೩, ಕೇಂಬ್ರಿಜ್, ಇಂಗ್ಲೇಂಡ್
ಮರಣ	೨೪ ಆಗಸ್ಟ್ ೨೦೧೪,ಲಂಡನ್, ಇಂಗ್ಲೇಂಡ್
ಪ್ರಸಿದ್ಧ ಸಿನೆಮಾ	ಗಾಂಧಿ
ಬುಡೆದಿ	ಶೀಲಾ ಸಿಮ್
ಮಿಗ್ಯೆ	ಡೇವಿಡ್ ಅಟೆನ್'ಬರೊ

ರಿಚರ್ಡ್ ಸ್ಯಾಮುವೆಲ್ ಅಟೆನ್ ಬರೋ (೧೯೨೩ - ೨೦೧೪) ಒರಿ ಇಂಗ್ಲಿಷ್ (ಬ್ರಿಟಿಷ್) ಸಿನಿಮಾ ನಟೆ ಬುಕ್ಕೊ ನಿರ್ದೇಶಕೆ. ಆರ್ ತನ್ನ ಪದ್ರಾಡನೇ ವರ್ಸ ಪ್ರಾಯೊಡೇ ನಾಟಕೊಲೆಡ್ ಅಭಿನಯ ಮಲ್ತೊಂದಿತ್ತೆರ್. ದಿ ಗ್ರೇಟ್ ಎಸ್ಕೇಪ್, ಜುರಾಸಿಕ್ ಪಾರ್ಕ್ ಸಿನಿಮಾಲೆಡ್ ಪಾತ್ರ ಮಲ್ತ್ ದಿತ್ತೆರ್. ಆರ್ ಮಹಾತ್ಮಾಗಾಂಧಿನ ಜೀವನ ಕತೆತ್ತ 'ಗಾಂಧಿ' (೧೯೮೩) ಸಿನಿಮಾ ಮಲ್ತಿನವು ಬಾರೀ ಪುದರ್ ಪಡೆಂಡ್. ಎನ್ಮ ಆಸ್ಕರ್ ಪ್ರಶಸ್ತಿಲುಲಾ ಅವೆಕ್ಕ್ ತಿಕ್ಕ್ಂಡ್. ಆರ್ ೨೦೧೪ ಆಗಸ್ಟ್ ತಿಂಗೊಲುಡು ತೀರ್ ಪೋಯೆರ್. ರಿಚರ್ಡ್ ಸ್ಯಾಮ್ಯುಯೆಲ್ ಅಟೆನ್ ಬೋರೋ, ಬ್ಯಾರನ್, ಅಟೆನ್ ಬೋರೋ, ಕೆ.ಟಿ,ಸಿಬಿಇ, ಎಫ್.ಆರ್.ಎಸ್.ಎ (ಜನನ : ೨೯ ಆಗಸ್ಟ್ ೧೯೨೩-೨೪ ಆಗಸ್ಟ್ ೨೦೧೪) ಒರಿ ಇಂಗ್ಲಿಷ್ ಅಭಿನೇತೆರ್. ಚಲನಚಿತ್ರ ನಿರ್ಮಾಪಕೆರ್ ಬುಕ್ಕೊ ಉದ್ಯೋಗಪತಿ. ರಾಯಲ್ ಅಕಾಡೆಮಿ ಆಫ್ ಡ್ರಾಮಾಟಿಕ್ ಆರ್ಟ್ ದ ಅಧ್ಯಕ್ಷೆರ್. ಬ್ರಿಟಿಷ್ ಅಕಾಡೆಮಿ ಆಫ್ ಫಿಲಂ ಬುಕ್ಕೊ ಟೆಲಿವಿಷನ್ ಆರ್ಟ್ಸ್ ದ ಅಧ್ಯಕ್ಷೆರ್. ಚೇಲ್ಸ ಎಫ್.ಸಿ.ಯ ಅಜೀವ ಅಧ್ಯಕ್ಷೆರಾದ್ ಇತ್ತೆರ್. ರಡ್ಡನೆತ ವಿಶ್ವಯುದ್ಧದ ಸಮಯೊಡು ಬ್ರಿಟನ್ ದ ರಾಯಲ್ ಏರ್ ಫೋರ್ಸ್ಸೇರೊಂಡೆರ್. ಅಲ್ಪದ ಫಿಲ್ಮ್ ಯೂನಿಟ್ ಡ್ ಕೆಲಸ ಮಲ್ತೆರ್. ಯೂರೋಪುದ ಮಿತ್ತ್ ಮಸ್ತ್ ಬಾಂಬ್ ದಾಳಿ ನಡಪುನೆತ ಚಿತ್ರೀಕರಣ ಮಲ್ತೆರ್. ಗನ್ ಪತೊನುನ ಸೈನಿಕನ ಕೈತಲ್‌ರ್ದ್ ಚಿತ್ರೀಕರಣ ಮಲ್ತೆರ್.  ವಾರ್ತಾ ಪ್ರಸಾರ ಮಲ್ತೊಂದು ಇತ್ತ್‌ನ ಸರ್ ಡೇವಿಡ್ ಅಟೆನ್ ಬೋರೋ ಮೇರೆನ ಒರಿ ಮೆಗ್ಯೆ. ಮೇರೆನ ನನೊರಿ ಮೆಗ್ಯೆ ಮೋಟಾರ್ ಎಕ್ಸಿಕ್ಯೂಟಿವ್ ಆದ್ ಇತ್ತೆರ್. ರಿಚರ್ಡ್ ಅಟೆನ್ ಬೋರೋ ಮೆರ್ ೧೯೪೫ ಟ್ ಅಭಿನೇತ್ರಿ 'ಶೀಲಾ ಸಿಮ್' ಅರೆನ್ ಮದಿಮೆ ಆಯೆರ್. ಆರ್ ತೀರ್‌ದ್ ಪೋಪುನಡೇ ಮುಟ್ಟಲಾ ಅಕುಲು ರಡ್ಡ್ ಜನಲಾ ಕಂಡನಿ ಬುಡೆದಿ ಆದ್ ಒಟ್ಟುಗೇ ಇತ್ತೆರ್.

ಗಾಂಧಿ ಚಿತ್ರನಿರ್ಮಾಣೊರ್ದು ವಿಶ್ವ ಪ್ರಸಿದ್ಧೆರಾಯೆರ್

ರಿಚರ್ಡ್ ಅಟೆನ್‍ಬರೊ ಮೇರ್ ವಿಶ್ವೊಡೇ ಪ್ರಸಿದ್ಧೆರಾಯಿನೆ, ಆರ್ ತಯಾರ್ ಮಲ್ತ್‌ದ್ ನಿರ್ದೇಶನ ಮಲ್ತ್‌ನ ಅತ್ಯಂತ ನೈಜಚಿತ್ರ, 'ಗಾಂಧಿ' ರ್ದು. ಗಾಂಧೀಜಿಯೆರೆನ ಪಾತ್ರ ಮಲ್ಪೆರೆ, ಭಾರತ ಮೂಲದ ನಟೆ, ಬೆನ್ ಕಿಂಗ್ಸ್ಲಿ ಮೇರೆನ್ ಆರ್ ಆರಿಸವೊಂದು ಇತ್ತೆರ್. ಎಚ್ಚಾದ್ ಅರೆನ ನಿರ್ದೇಶನೊಡು ಅರೆನ ಎಚ್ಚಿನ ಕೊಡುಗೆನ್ ಆರ್ ಕೊರ್ತೆರ್.