ರೋಹಿಣಿ ಗೋಡ್ಬೋಲೆ

ಪ್ರೊ. ರೋಹಿಣಿ ಗೋಡ್ಬೋಲೆ
ಪುಟ್ಟು	(೧೯೫೨-೧೧-೧೨)೧೨ ನವೆಂಬರ್ ೧೯೫೨ ಪುಣೆ, ಭಾರತ
ಸಾವು	25 October 2024(2024-10-25) (aged 71)
ಪೌರತ್ವೊ	ಭಾರತೀಯ
ಅಲ್ಮಾ ಮೀಟರ್	ಐಐಟಿ, ಮುಂಬೈ ಸ್ಟೇಟ್ ಯೂನಿವರ್ಸಿಟಿ ಆಫ್ ನ್ಯೂಯಾರ್ಕ್, ಸ್ಟೋಣಿ ಬ್ರೂಕ್
ಪ್ರಸಸ್ತಿ	ಪದ್ಮಶ್ರೀ (2019), ಗವರ್ನ್ಮೆಂಟ್ ಆಫ್ ಇಂಡಿಯಾ ಐಐಟಿ ಬೊಂಬೆ, 1974ದ ಬ್ಯಾಚ್, ಬೊಳ್ಳಿದ ಪದಕ
Scientific career
ಕಾರ್ಯ ಕ್ಷೇತ್ರೊ	ಪ್ರಾಕ್ಟಿಕಲ್ ಫಿಸಿಕ್ಸ್
ವೆಬ್‌ಸೈಟ್	http://rmgodbole.in/

ಪ್ರೊ.ರೋಹಿಣಿ ಗೋಡ್ಬೋಲೆ ಭಾರತದ ಭೌತಶಾಸ್ತ್ರ ಬುಕ್ಕೊ ಶೈಕ್ಷಣಿಕ ಕ್ಷೇತ್ರೊದ ಕಾರ್ಯ ನಿರ್ವಹಣೆ ಮಂತೊಂದು ಉಲ್ಲೆರ್. ಬೆಂಗಳೂರುದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ ನ ಹೈ ಎನರ್ಜಿ ಫಿಸಿಕ್ಸ್ ನ ಕೇಂದ್ರೊಡು ಪ್ರಾಧ್ಯಾಪಕರಾದುಲ್ಲೆರ್. ಕರಿನ ಮೂಜಿ ದಶಕೊಡು ಕಣ ವಿದ್ಯ ಮಾನದೊ ವಿವಿಧೊ ಅಂಶೊದ ಬಗ್ಗೆ ಆರ್ ವ್ಯಾಪಕವಾದ್ ಕೆಲಸ ಮಂದೆರ್. ನಿರ್ದಿಷ್ಟವಾದ್ ಸ್ಟ್ಯಾಂಡರ್ಡ್ ಮಾಡೆಲ್ದ ವಿವಿಧ ಅಂಶೊಲೆನ್ ಅನ್ವೇಷಿಸುನ ಬಗ್ಗೆ ಪ್ರಾಕ್ಟಿಕಲ್ ಫಿಸಿಕ್ಸ್ (ಎಸ್ ಎಂ) ಬುಕ್ಕೊ ಅವೆನ್ ಮೀರುದಿನ ಭೌತಶಾಸ್ತ್ರೊದ ಬಗ್ಗೆ ಕೆಲಸ ಕಾರ್ಯೊಲೆನ್ ಮಂದೆರ್. ಹೈ-ಎನರ್ಜಿ ಫೋಟಾನ್ ದ ಹ್ಯಾಡ್ರೊನಿಕ್ ರಚನೆಗ್ ಸಂಬಂಧಿಸಿದಿನ ಅರೆನ ಕಾರ್ಯೊ, ಅವೆನ್ ಅಧ್ಯಯೊನ ಮನ್ಪುನಕಲೆಗ್ ವಿವಿಧ ವಿಧಾನೊಲೆನ್ ವಿವರಿಸಾದುಂಡು ಬುಕ್ಕೊ ದುಂಬುದ ಪೀಳಿಗೆದ ಎಲೆಕ್ಟ್ರಾನಿಕ್ ಪಾಸಿಟ್ರಾನ್ ಕೊಲೈಡರ್ ಲೆನ ವಿನ್ಯಾಸೊಗ್ ಪರಿಣಾಮೊ ಬೀರಿದುಂಡು.ಸೈನ್ಸ್ ಆಫ್ ಇಂಡಿಯಾದ ಪೂರಾ ಮೂಜಿ ಅಕಾಡೆಮಿ ಬುಕ್ಕೊ ಸೈನ್ಸ್ ಅಕಾಡೆಮಿ ಆಫ್ ದಿ ಡೆವಲಪಿಂಗ್ ವಲ್ಡ್೯(ಟಿಡಬ್ಲ್ಯೂಎಎಸ್) ದ ಚುನಾಯಿತೊ ಸಹವರ್ತಿಯಾತೇರ್. ಪ್ರೊಫೆಸರ್ ಗೋಡ್ಬೋಲೆ ಆರ್ ವಿಜ್ಞಾನೊಡು ಜಾಸ್ತಿ ಕೆಲಸೊನು ಮಂತೊಂದಿತ್ತಿನ, ಅದಗದಗ ಜವನೆರ್ ವಿದ್ಯಾರ್ಥಿಲು, ವಿದ್ವಾಂಸೆರ್ ಬುಕ್ಕೊ ವಿಜ್ಞಾನಿನಕಲುನೊಟ್ಟು ಭೌತಶಾಸ್ತ್ರೊದ ಬಗ್ಗೆ ಪಾತೇರುವೆರ್.ಆರ್ ವಿಜ್ಞಾನೊ ಬುಕ್ಕೊ ತಂತ್ರಜ್ಞಾನೊಡು ವೃತ್ತಿಜೀವನೊನು ಅನುಸರಿಸುನ ಪೊಂಜೊವುಲೆನ ಬೆಂಬಲಿಗರಾದುಲ್ಲೆರ್ ಬುಕ್ಕೊ ರಾಮ್ ರಾಮಸ್ವಾಮಿ ಅರೆನೊಟ್ಟು, ಭಾರತೊದ ಪೊಂಜೊವು ವಿಜ್ಞಾನಿಲೆನ ಜೀವನ ಚರಿತ್ರೆದ ಪ್ರಬಂಧಳೆನ ಸಂಗ್ರಹ "ಲೀಲಾವತಿಸ್ ಡಾಟಸ್೯" ಪನ್ಪಿನ ಪುಸ್ತಕನ್ ಸಂಪಾದನೆ ಮಂದೆರ್.

ಶಿಕ್ಷಣೊ

ರೋಹಿಣಿ ಗೋಡ್ಬೋಲೆ ಪುಣೆ ವಿಶ್ವವಿದ್ಯಾನಿಲಯದ ಸರ್ ಪರಶುರಾಂಬೌ ಕಾಲೇಜುಡ್ದ್ ಬಿಎಸ್ಸಿ ಪದವಿನ್ ಪಡೆಯೆರ್. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮುಂಬಯಿಡ್ ಎಂಎಸ್ಸಿ ನ್ ವ್ಯಾಸಂಗ ಮಂತೆರ್. ಸ್ಟೋನಿ ಬ್ರೂಕ್ನ ಟ್ ಉಪ್ಪುನ ಸ್ಟೇಟ್ ಯೂನಿವರ್ಸಿಟಿ ಆಫ್ ನ್ಯೂಯಾರ್ಕ್ ಡ್ ಸೈದ್ಧಾಂತಿಕ ಕಣ ‌ಭೌತಶಾಸ್ತ್ರೊಡು ಪಿಹೆಚ್‍ಡಿ ಪಡೆಯೆರ್.

ಜೀವನೋ

ಪ್ರೊ.ಗೋಡ್ಬೋಲೆ 1979ಡ್ ಮುಂಬಯಿದ ಟಾಟಾ ಇನ್‌ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್ ಸೆಂಟರ್ ಗ್ ಭೇಟಿ ಕೊರಿಯೆರ್. ಆರ್ 1982 1995 ತನಕ ಬಾಂಬೆ ವಿಶ್ವವಿದ್ಯಾನಿಲಯೊಡು ಭೌತಶಾಸ್ತ್ರೊ ವಿಭಾಗೊಡು ಉಪನ್ಯಾಸಕ ಬುಕ್ಕೊ ಓದುಗಾರರಾದಿತ್ತೆರ್. ಮೇರ್ 1995ಟ್ ಭಾರತೀಯ ವಿಜ್ಞಾನ ಕೇಂದ್ರ ಬೆಂಗಳೂರುಡ್ ಸಹಾಯಕ ಪ್ರಾಧ್ಯಾಪಕರಾಗಿ ಸೇರಿಯೇರ್ ಬುಕ್ಕೊ ಪ್ರಸ್ತುತವಾದ್ ಇತ್ತೆ ಭಾರತೀಯ ವಿಜ್ಞಾನ ಕೆಂದ್ರ ಬೆಂಗಳೂರುದ ಸೆಂಟರ್ ಫಾರ್ ಹೈ ಎನರ್ಜಿ ಫಿಸಿಕ್ಸ್ ನ ಪ್ರಾಧ್ಯಾಪಕರಾದೆತ್ತೆರ್.ಆರ್ ೧೫೦ ಕ್ಕೂ ಹೆಚ್ಚಾದ್ ಸಂಶೋಧನಾ ಪ್ರಬಂಧೊಲೆನ ಲೇಖಕರಾದುಲ್ಲೆರ್. ಅಯಿಟು ಕೆಲವು ಪ್ರಭಂಧೊಲೆಗ್ ಈ ಪ್ರದೇಶೊಡು ಅತಿ ಮಲ್ಲ ಉಲ್ಲೇಖದ ಸೂಚ್ಯಂಕೊಲು ತಿಕ್ಕುದುಂಡು.

ಸಂಶೋಧನೊ ಕ್ಷೇತ್ರೊಲು

ಗೋಡ್ಬೋಲೆ ಈ ಪೊರೋ ಕ್ಷೇತ್ರೊಲೆಡ್ ಕಾರ್ಯನಿರ್ವಹಣೆ ಮತ್ತೊಂದು ಉಲ್ಲೆರ್. ಪ್ರಸ್ತುತವಾದ್ ಬುಕ್ಕೊ ಭವಿಷ್ಯೊದ ಕೊಲೈಡರ್ ಡ್ ಹೊಸ ಕಣಗಳ ಉತ್ಪಾದನೆದ ಬಗ್ಗೆ. ಲಾರ್ಜ್ ಹ್ಯಾಡ್ರಾನ್ ಕೊಲೈಡರ್ ಬುಕ್ಕೊ ನೆಕ್ಸ್ಟ್ ಲೀನಿಯರ್ ಕೊಲೈಡರ್ ಭೌತಶಾಸ್ತೊಡು. ಕ್ಯೂಸಿಡಿ ವಿದ್ಯಮಾನಶಾಸ್ತ್ರೊಡು: ಪ್ರೋಟಾನ್, ಫೋಟಾನ್ ಬುಕ್ಕೊ ನ್ಯೂಕ್ಲಿಯಸದ ರಚನಾ ಕಾರ್ಯಲು.ಸೂಪರ್‌ಸಿಮ್ಮೆಟ್ರಿ ಬುಕ್ಕೊ ಎಲೆಕ್ಟ್ರೋವೀಕ್ ಭೌತಶಾಸ್ತ್ರೊಡು.

ಕೊಡುಗೆಲು

ಪ್ರೊಫೆಸರ್ ಗೋಡ್ಬೋಲೆ ಆರ್ ಯೂರೋಪಿಯನ್ ಸಂಶೋಧನಾ ಪ್ರಾಯೋಗಾಲಯಡ್ ಇಂಟರ್ನ್ಯಾಷನಲ್ ಲೀನಿಯರ್ ಕೊಲೈಡರ್, ಸಿಇಆರ್‍ಎನ್‍ಗಾದ್ ಅಂತರಾಷ್ಟ್ರೀಯ ಡಿಟೆಕ್ಟಿರ್ ಅಡ್ವೈಸರಿ ಗ್ರೂಪ್ ದ ಭಾಗವಾಗತೆರ್.ಐಎಲ್‍ಸಿ ಡಿಟೆಕ್ಟರ್ ರಿಸರ್ಚ್ ದ ಅಭಿವೃದ್ಧಿ ಬುಕ್ಕೊ ಮೇಲ್ವಿಚಾರಣೆನ್ ಇಂಟರ್ನ್ಯಾಷನಲ್ ಡಿಟೆಕ್ವಿರ್ ಅಡ್ವೈಸರಿ ಗ್ರೂಪ್ ಮನ್ಪುಂಡು.ಆರ್ ಇಂಡಿಯನ್ ಅಕಾದೆಮಿ ಆಫ್ ಸೈನ್ಸಸ್ ದ ಪ್ಯಾನೆಲ್ ಫಾರ್ ವುಮೆನ್ ಇನ್ ಸೈನ್ಸ್ ದ ಅಧ್ಯಕ್ಷರಾತೇರ್. ರಾಮ್ ರಾಮಸ್ವಾಮಿನೊಟ್ಟುಗು, ಗಾಡ್ಬೋಲ್ ಜಂಟಿಯಾದ್ ಲೀಲಾವತಿಸ್ ಡಾಟರ್ಸ್ ಪನ್ಪಿನ ಭಾರತೀಯ ಮಹಿಳಾ ವಿಜ್ಞಾನಿಲೆನ ಜೀವನಚರಿತ್ರೆದ ಪ್ರಬಂಧೊದ ಸಂಗ್ರಹದ ಸಂಪಾದನೆ ಬರೆಯೆರ್,ಉಂದೆನ್ 2008ಡ್ ಇಂಡಿಯನ್ ಅಕಾಡೆಮಿ ಆಫ್ ಸೈನ್ಸ್ ಪುಸ್ತಕ ರೂಪೊಡು ಪ್ರಕಟಣೆ ಮಂದುಂಡು.

ಬರೆತಿನ ಪುಸ್ತಕೊಲು

ತೇರಿ ಆಂಡ್ ಫಿನೊಮೆನೊಲೊಜಿ: ಹೈ ಎನರ್ಜಿ

ದ ಗರ್ಸ್ಲ್ ಡ್ಯು ಟು ಲೈಫ್ ಇನ್ ಸೈನ್ಸ್

ಲೀಲಾವತಿಸ್ ಡಾಟರ್ಸ್:ಭಾರತದ ಮಹಿಳಾ ವಿಜ್ಞಾನಿಗಳು(2008).

ಪ್ರಶಸ್ತಿಲು

ಭಾರತದ ರಾಷ್ಟ್ರೀಯ ವಿಜ್ಞಾನ ಅಕಾಡೆಮಿದ ಸತ್ಯೇಂದ್ರನಾಥ್ ಬೋಸ್ ಪದಕ (2009).

ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸ್, ಇಂಡಿಯಾ (ನಾಸಾ) (2007)ದ ಫೆಲೋಶಿಪ್.

ಫೆಲೋಶಿಪ್ ಆಫ್ ಅಕಾಡೆಮಿ ಆಫ್ ಸೈನ್ಸ್ ಆಫ್ ದಿ ಡೆವಲಪಿಂಗ್ ವರ್ಲ್ಡ್ ಟಿ ಡಬ್ಲ್ಯೂ ಎ ಎಸ್ (2009).

ಆಗಸ್ಟ್ 2005ತ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ ಗುಂಪುದ ದೇವಿ ಪ್ರಶಸ್ತಿ.