ಲಾಲ್ ಬಹಾದುರ್ ಶಾಸ್ತ್ರಿ

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ
ಲಾಲ್ ಬಹಾದುರ್ ಶಾಸ್ತ್ರಿ

ಲಾಲ್ ಬಹಾದುರ್ ಶಾಸ್ತ್ರಿ (ಅಕ್ಟೋಬರ್ ೦೨, ೧೯೦೪ - ಜನವರಿ ೧೧, ೧೯೬೬) ಸ್ವತಂತ್ರ ಭಾರತ ರಡ್ಡ್ ಪ್ರಧಾನಿಯಾತ್ ಇತ್ತೆರ್. ಆರ್ ಭಾರತೊತ ಸ್ವಾತಂತ್ರ್ಯಕ್ಕ್ ಅವಿರತವಾಯಿನ ಹೋರಾಟೊನ್ ಮಾಲ್ತೆರ್.

ಜೀವನ[ಸಂಪೊಲಿಪುಲೆ]

  • ಲಾಲ್ ಬಹಾದುರ್ ಮೊಘಲ್‌ ಸಾರಾಯ್‌ಟ್ ಪುಟ್ಟುತೇರ್. ೧೯೨೧ಟ್ ಮಹಾತ್ಮ ಗಾಂಧಿಜಿನ ಅಸಹಕಾರ ಚಳುವಳಿಟ್ ಪಾಲ್ ಪಡೆತೇರ್ ಆರೆನಾ ಮೆಗ್ಗಿನ್ ಓದನ್ ಮುಂದುವರಿಸಾಯೇರಾ ಸಹಾಕಾರ ಕೊರ್ಂಟಾಲಾ ಅರ್ಧಟೆ ಬುಡುಯೇರ್. ೧೯೨೬ ಟ್ ಆರೆಗ್ ಶಾಸ್ತ್ರಿ ಉಂದು ಬಿರುದು ಕಾಶಿ ವಿದ್ಯಾ ಪೀಠಡತ್ತ್ ಕೊರ್ತೇರ್. ಒಟ್ಟು ೯ ವರ್ಷ ಕಾಲ ಸ್ವಾತಂತ್ರ್ಯಕ್ಕಾತ್ ಕಾರಾಗೃಹವಾಸ ಮಾಲ್ತೇರ್ ಆರ್ ಸತ್ಯಾಗ್ರಹ ಚಳುವಳಿ ಪ್ರಾರಂಭವಾಯಿನ ಬುಕ್ಕೊ ೧೯೪೬ ಮುಟ್ಟ ಜೈಲು ಶಿಕ್ಷೆ ಅನುಭವಿಸಾತೇರ್.

ಭಾರತ ಸರಕಾರೊಗು ಸಂದಾಯಿನ ಸೇವೆ[ಸಂಪೊಲಿಪುಲೆ]

  • ಸ್ವಾತಂತ್ರ ತಿಕ್ಕುನ ಬುಕ್ಕ ಆರ್ ಗೋವಿ೦ದ ವಲ್ಲಭ ಪ೦ತ್ ಸರಕಾರಟ್ ಪೋಲಿಸ್ ಖಾತೆನ್ ನಿರ್ವಹಣೆ ಮಾಲ್ತೇರ್. ೧೯೫೧ಟ್ ಆರ್ ಲೋಕ ಸಭೆ ಜನರಲ್ ಸೆಕ್ರೆಟರಿ ಆದ್ ಆಯ್ಕೆಯಾತೆರ್. ಅಯಿಕ್ಕ್ ದುಂಬು ರೈಲ್ವೆ ಖಾತೆ ವಹಿಸಿಸೊಂಡೇರ್.
  • ಅರಿಯಳೂರು ದಲ್ಪ ಆಯಿನ ರೈಲ್ವೆ ದುರಂತಡ್ತ್ ಬುಕ್ಕ ಆರ್ ತಮ್ಮ ಖಾತೆಗ್ ರಾಜೀನಾಮೆ ಕೋರಗತೇರ್. ಬುಕ್ಕೊಂಜಿ ಸರ್ತಿ ಆರ್ ಕ್ಯಾಬಿನೆಟ್‌ಗ್ ವಾಪಸ್ಸ್ ಬತ್ತೆರ್. ದುಂಬು ಸಾರಿಗೆ ಮಂತ್ರಿ ಯಾತ್, ಬುಕ್ಕ ೧೯೬೧ಟ್ ಗೃಹ ಮಂತ್ರಿಯಾತೆರ್. ಮೇ ೨೭, ೧೯೬೪ತಾನಿ ಜವಾಹರ್‌ಲಾಲ್ ನೆಹರು ಕಾರ್ಯಕಾಲಟ್ ಸೈತೇರ್.
  • ಕಾಂಗ್ರೆಸ್‌ತ ಕೆಲ ಪ್ರಮುಖೊ ಬೊಡಾಯಿನ ಬೆಂಬಲ ತಿಕ್ಕುನ ಕಾರಣ ಮಲ್ಲ ಸರಳ ಅಧಿಕಾರ ದಾಹಿಯೇ ಇಜ್ಜಿಯಂತೆ ಶಾಸ್ತ್ರಿಗ್ ಪ್ರಧಾನಿಯಾಪುನ ಅವಕಾಶ ತಿಕ್ಕುಂಡು. ಆರ್ ಅವೇ ವರ್ಷ ಜೂನ್ ೯ ರಡ್ಡೆಗ್ ಭಾರತತ ಪ್ರಧಾನಿಯಾತೆರ್.

ಪ್ರಧಾನಿಯಾಯಿನ ಲಾಲ್ ಬಹಾದುರ್ ಶಾಸ್ತ್ರಿ[ಸಂಪೊಲಿಪುಲೆ]

  • ಆ ಸಮಯಟ್ ಪ್ರಮುಖ ಸಮಸ್ಯೆ ಪಾಕಿಸ್ತಾನವಾತ್ ಇತ್ತ್ಂಡ್. ಕಚ್ ತಲ್ಪ ನಡೆಯಿನ ಯುದ್ಧ ಯುಎನ್ ಮಧ್ಯಸ್ಥಿಕೆಯಿಡ್ಡತ್ ಉಂತುತು ಪೊಂಡು ಜಮ್ಮು-ಕಾಶ್ಮೀರಟ್ ರಡ್ಡನೇ ಭಾರತ-ಪಾಕ್ ಯುದ್ಧ ಸುರುಆಂಡ್ ಭಾರತತ ಪಡೆ ಲಾಹೋರ್ ಶಾಂತಿ ಒಪ್ಪಂದ ಮಾಲ್ತೆರ್.
  • ಜನವರಿ ೧೯೬೬ಟ್ ಶಾಸ್ತ್ರಿ ಬುಕ್ಕ ಮಹಮ್ಮದ್ ಆಯೂಬ್ ಖಾನ್ ಅಲೆಕ್ಸೈ ನಿಕೊಲಯೆವಿಚ್ ಕೊಸಿಜಿನ್ ಅರ್ ಆಯೋಜಿಸಿನ ಟಾಷ್ಕೆಂಟ್‌ಟ್ ನಡಪಾಯಿನ ಪಾತೆರಕತೆಟ್ ಪಾಲ್ ಪಡೆತ್ತೆರ್. ಶಾಸ್ತ್ರಿಲು ಭಾರತದೊಟ್ಟಗ್ ಜನವರಿ ೧೦ ದಾನಿ ಒಂಜಿ ಒಪ್ಪಂದಕ್ಕ್ ಸಹಿ ಪಾಡ್ತೇರ್. ಅವೆ ಟಾಶ್ಕೆಂಟ್ ಡಿಕ್ಲೆರೇಶನ್.
  • ಬುಕ್ಕೊಂಜಿ ದಿನ ಆರ್ ಹೃದಯಾಘಾತ ಆತ್ ಸೈತೆರ್; ಆರೆನ್ ಪಾಕಿಸ್ತಾನ ದಾರ್ ಅರೆಗ್ ವನಸ್‌ಡ್ ವಿಷೊ ಪಾಡ್ತ್ ಕೊರ್ತೆರ್ ಪಂದ್ ಊಹೆ ಇತ್ತಂಡ್. ಆಂಚನೆ ಅಯಿಕ್ಕ್ ಅಲ್ಪಡ್ತ್ ವೈದ್ಯೆರ್ ದೃಡ ಮಾಲ್ತಜ್ಜೇರ್.$$ ಆರ್ ಕಾರ್ಯಕಾಲಟ್ ದೇಶದಾಂಚಿಗ್ ಸೈತಿನ ಏಕೈಕ ಭಾರತತ ಪ್ರಧಾನ ಮಂತ್ರಿ ಅಂಚನೆ ಈ ತರಹ ದುರಂತಕ್ಕ್ ತಿಕ್ಕುತ್ ಇತಿಹಾಸಟ್ ಬಹುಶಃ ಕೆಲವೇ ಕೆಲ ಸರಕಾರತ ಮುಖ್ಯಸ್ಥೆರೆಟ್ ಒರಿಯೆ.

ಪ್ರಾಮಾಣಿಕ, ಸ್ವಾಭಿಮಾನಿ[ಸಂಪೊಲಿಪುಲೆ]

ಆರ್ ಬಹುಶಃ ಭಾರತ ತುಯಿನ ಅತ್ಯಂತ ಪ್ರಾಮಾಣಿಕ, ದಕ್ಷ ಪ್ರಧಾನಿಯಾತ್ ಇತ್ತೆರ್. ಆರ್ ಪ್ರಾಮಾಣಿಕತೆಗ್ ಮಸ್ತ್ ಜನಕ್ಕುಲು ಪುಗಾರ್ವೇರ್. ಅಂಚನೆ ಸ್ವಾಭಿಮಾನ, ದೇಶಾಭಿಮಾನ.

ಶಾಸ್ತ್ರಿ ಸೋಮವಾರ[ಸಂಪೊಲಿಪುಲೆ]

  • ಆರ್ ಭಾರತೊನ್ ಸ್ವಾಭಿಮಾನಿ ದೇಶವಾತ್ ಮಾಲ್ಪುನ ಶ್ರಮೊನ್ಬಹಿಸತ್ತೆರ್. ಅರ್ ಪ್ರಧಾನಿಯಾಯಿನ ಸಂದರ್ಭಟ್ ದೇಶಟ್ ಬರಗಾಲ ಬಂತ್ತಂಡ್. ಆಪಗ ಆರ ವಿದೇಶಡತ್ತ್ ಆಹಾರೊನ್ ಆಮದು ಮಾಲ್ತೆರ್. ಸಾಲ ಭಾರ ಅಧಿಕ ಇತ್ತಂಡು.
  • ಅಯಿನ್ ತೆರಿನ ಶಾಸ್ತ್ರಿ ವಾದಟ್ ಒಂಜಿ ದಿನ ವನ್ಸ್ಸುನ್ ಬುಡುಯೆರ್ ಎತೊ ಆಹಾರ ಸಂಗ್ರಹ ವಾಪುಂಡುಂದು ಲೆಕ್ಕಾಚಾರ ಪಾಡ್ತ್, ಸೋಮವಾರ ರಾತ್ರಿ ವನಸ್ಸ್ ಬುಡುಯರ ನರಮಾನಿಯೆಟ್ ಮನವಿ ಮಾಲ್ತೆರ್.ಆರ್ ಸಹ ಸೋಮವಾರತ ವನ್ಸ್ ಬುಡುಯೆರ್. ಮಸ್ಸತ್ ಸಹ ಶಾಸ್ತ್ರಿಲೆಕ್ಕೊ ಸೋಮವಾರ ಪ್ರಚಲಿತ ಉಂಡು. ಆ ನಿರ್ಣಯ ಅರ್ ಸ್ವಾಭಿಮಾನ ಯಾತ್ರೆಗ್ ಮುಕುಟ ಪ್ರಾಯಲೆಕ್ಕೊ.

ಪ್ರಶಸ್ತಿಲು[ಸಂಪೊಲಿಪುಲೆ]

ಅರೆಗೆ ಸೈತಿನ ಬುಕ್ಕೊ ಭಾರತ ರತ್ನೊ ಪ್ರಧಾನ ಮಾಲ್ತೆರ್. ಆರ್ ಸ್ಮರಣೆಗ್ ದೆಹಲಿಟ್ ಸ್ಮಾರಕ ನಿರ್ಮಾನ ಮಾಲ್ತೆರ್. ಆರೆನಾ ಜನಪ್ರಿಯ ವಾಕ್ಯ ಜೈ ಜವಾನ್, ಜೈ ಕಿಸಾನ್ ಇತ್ತಿ ಚಿರವಾತ್ ಉಂತುಂಡು.

ಈ ಲೇಖನೊನ್ ತೂಲೆ[ಸಂಪೊಲಿಪುಲೆ]

ಪಿದಾಯಿತ ಕೊಂಡಿ[ಸಂಪೊಲಿಪುಲೆ]

ಉಲ್ಲೇಕೊ[ಸಂಪೊಲಿಪುಲೆ]