ವಿಷಯಕ್ಕೆ ಹೋಗು

ಲೀಲಾವತಿ ಬೈಪಡಿತ್ತಾಯ

ವಿಕಿಪೀಡಿಯರ್ದ್

ಲೀಲಾವತಿ ಬೈಪಡಿತ್ತಾಯೆರ್ ಯಕ್ಷಗಾನೊದ ಸುರುತ ಮಹಿಳಾ ವೃತ್ತಿಪರ ಭಾಗವತೆರ್. ಇಂಬೆರ್ ಕೇರಳದ ಕಾಸರಗೋಡುದ ಮಧೂರುಡು ೧೯೪೭ನೆ ಮೇ ೨೩ಟ್ ಪುಟ್ಯೆರ್. ಇಂಬೆರ್ ಹಿಮ್ಮೇಳವಾದಕೆರಾಯಿನ ಹರಿನಾರಾಯಣ ಬೈಪಡಿತ್ತಾಯೆರ್ನ ಬುಡೆದಿ.

ಬಾಲ್ಯೊ ಬುಕ್ಕೊ ಶಿಕ್ಷಣೊ[ಸಂಪೊಲಿಪುಲೆ]

ಲೀಲಾವತಿ ಬೈಪಡಿತ್ತಾಯೆರ್ ಕಾಸರಗೋಡುದ ಮುಳ್ಳೇರಿಯಡ್ 1947ನೇ ಮೇ 23 ತಾನಿ ಪುಟ್ಟಿಯೆರ್. ಎಲ್ಯ ಪ್ರಾಯೊಡು ಆರೆನ ಅಮ್ಮೆರ್ ತೀರಿ ಬೊಕ್ಕ ಇಂಬೆರ್ ಅಪ್ಪೆನ ಊರಾಯಿನ ಮಧೂರುಡು ಮಾಮನ ಆಶ್ರಯೊಡು ಬುಲೆಯೆರ್. ಇಂಬೆರ್ನ ಮಾಮ ರಾಮಕೃಷ್ಣ ಭಟ್ ಮಧೂರು ದೇವಸ್ಥಾನೊಡು ದೇವನೃತ್ಯ ಕಲಾವಿದರಾದಿತ್ತೆರ್. ಲೇಲಾವತಿ ಮೆರ್ ಪಿಟೀಲು ವಾದಕೆರಾಯಿನ ಪದ್ಮನಾಭ ಸರಳಾಯೆರ್ಡ ಶಾಸ್ತ್ರೀಯಸಂಗೀತನ್ ಕಲ್ತೆರ್. ತೆಂಕುತಿಟ್ಟ್ ದ ಚೆಂಡೆ-ಮದ್ದಳೆ ಕಲಾವಿದರಾಯಿನ ಹರಿನಾರಾಯಣ ಬೈಪಾಡಿತ್ತಾಯೆರೆನ್ ಮದಿಮೆಯಾಯಿ ಬೊಕ್ಕ ಸುಳ್ಯದ ಕಡಬೊಗು ಪೋಯೆರ್. ಇಂಬೆರ್ ನ ಜೋಕುಲು ಅವಿನಾಶ್ ಬೊಕ್ಕೊ ಗುರುಪ್ರಸಾದ್.[೧]

ಯಕ್ಷಗಾನೊ ಕ್ಷೇತ್ರೊ[ಸಂಪೊಲಿಪುಲೆ]

ಸುರುಕ್ ಮೆರ್ ಕಡಬೊದ ಕೈತಲ್ ಶಾಲಾ ವಾರ್ಷಿಕೋತ್ಸವೊ, ಮದಿಮೆ, ಉಪನಯನೊ, ಇಂಚಿತ್ತಿನ ಸಮಾರಂಭೊಡು ಆಯೋಜನೆ ಮಲ್ಪುನ ತಾಳಮದ್ದಲೆದ ಪ್ರಸಂಗೊಲೆಡ್ ಪದ ಪನೊಂದಿತ್ತೆರ್. ‘ಸೆಟ್ ಮೇಳೊ’ದ ಪ್ರಸಂಗೊಡುಲ ಪದ ಪನೊಂದಿತ್ತೆರ್. ಬೆಳ್ತಂಗಡಿದ ಅರುವ ನಾರಾಯಣ ಶೆಟ್ರೆನ ‘ಆಳದಂಗಡಿ ಮೇಳೊ’ಡ್ ಭಾಗವತರಾದಿತ್ತೆರ್. ಲೀಲಾವತಿ ಬೈಪಡಿತ್ತಾಯೆರ್ ಕುಂಬಳೆ, ಬಪ್ಪನಾಡು, ಸುಬ್ರಹ್ಮಣ್ಯ, ಧರ್ಮಸ್ಥಳ, ತಲಕಳ ಮೇಳೊಡು ಭಾಗವತಿಕೆ ಮಲ್ತ್ದೆರ್. ಪರಕೆದ ಪಿಂಗಾರ,ದೇವಿಮಹಾತ್ಮೆ, ದಕ್ಷಯಜ್ಞ,ಕರ್ಣಪರ್ವ, ಸುಧನ್ವ ಮೋಕ್ಷ, ವಜ್ರಕೋಗಿಲೆ ಪ್ರಸಂಗೊಲೆಡ್ ಇಂಬೆರ್ ಪಂಡಿನ ಪದ್ಯೊಲು ಜನಪ್ರಿಯ. ಕಾಳಿಂಗ ನಾವುಡ, ಎಂ.ಎಲ್. ಸಾಮಗ, ಪಾತಾಳ ವೆಂಕಟರಮಣ ಭಟ್, ಈಶ್ವರ ಭಟ್, ಶೇಣಿ ಗೋಪಾಲಕೃಷ್ಣ ಭಟ್, ರಾಮದಾಸ ಸಾಮಗ, ಬಣ್ಣದ ಮಾಲಿಂಗ, ಪ್ರಭಾಕರ ಜೋಷಿ, ಬಲಿಪ ಭಾಗವತೆರ್, ಕಡತೋಕ ಭಾಗವತೆರ್, ನೆಡ್ಲೆ ನರಸಿಂಹ ಭಟ್ಮು ಇಂಚಿತ್ತಿನ ಮಲ್ಲ ಕಲಾವಿದೆರೆನ ಯೆಡ್ಡೆಪುಡು ಲೀಲಾವತಿ ಬೈಪಡಿತ್ತಾಯೆರ್ ಯಕ್ಷಗಾನೊ ಕ್ಷೇತ್ರಡ್ ಬುಲೆದ್ ಬೈದೆರ್[೨]

ಪ್ರಶಸ್ತಿಲು[ಸಂಪೊಲಿಪುಲೆ]

  1. ಕರ್ನಾಟಕ ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ (೨೦೧೦)
  2. ಆಳ್ವಾಸ್ ನುಡಿಸಿರಿ ಪ್ರಶಸ್ತಿ
  3. ಉಳ್ಳಾಲ ರಾಣಿ ಅಬ್ಬಕ್ಕ ಪ್ರಶಸ್ತಿ[೩]
  4. ಸಂಘ-ಸಂಸ್ಥೆಲ್ನ ಸನ್ಮಾನೊ ಬೊಕ್ಕ ಪುರಸ್ಕಾರಶ

ಉಲ್ಲೇಖೊ[ಸಂಪೊಲಿಪುಲೆ]

  1. http://bayalata.com/?1~22
  2. "ಲೀಲಾವತಿ ಬೈಪಡಿತ್ತಾಯ" (in ಕನ್ನಡ). Retrieved 29 March 2023.
  3. https://kannada.oneindia.com/literature/articles/2002/2612abbakka.html