ವಂಶವೃಕ್ಷ(ಕಾದಂಬರಿ)

ವಂಶ ವೃಕ್ಷ

ಲೇಕಕೆರ್	ಎಸ್. ಎಲ್. ಭೈರಪ್ಪ
ದೇಸೊ	ಭಾರತ
ಬಾಸೆ	ಕನ್ನಡ
ಪ್ರಕಾರೊ	ಕಾಲ್ಪನಿಕ
ಪ್ರಕಾಶಕೆರ್	ಸಾಹಿತ್ಯ ಭಂಡಾರ, ಬೆಂಗಳೂರು
ಪ್ರಕಟವಾಯಿನ ತಾರೀಕ್	೧೯೬೫
ಮಾಧ್ಯಮೊ ಪ್ರಕಾರೊ	ಬೂಕು (ದಪ್ಪ ರಟ್ಟ್)
ಪುಟೊಲು	೫೬೦
ದುಂಬುದ	ಮತದಾನ (೧೯೬೫)
ಇತ್ತೆದ	ಜಲಪಾತ (೧೯೬೭)
ಜಾಲತಾನೊ	www.slbhyrappa.in/vamshavriksha/

ವಂಶವೃಕ್ಷ ಕನ್ನಡ ಬಾಸೆದ ಬರಹಗಾರೆ, ತತ್ವಜ್ಞಾನಿ, ಚಿಂತಕೆರ್ ಎಸ್.ಎಲ್.ಭೈರಪ್ಪೆರ್ 1965ಡ್ ಬರೆತಿನ ಒಂಜಿ ಕಾದಂಬರಿ. ಈ ಕಾದಂಬರಿ 1966ಡ್ ಕನ್ನಡ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಗೆಂದಿಂಡ್. ಉಂದುವೇ ಕಾದಂಬರಿನ್ ಆಧರಿಸಾದ್ ಬಿವಿ ಕಾರಂತೆರ್ ಬೊಕ್ಕ ಗಿರೀಶ್ ಕಾರ್ನಾಡೆರ್ ಕಾದಂಬರಿದ ಪುದರ್‌ಡೆ ಒಂಜಿ ಸಿನಿಮಾ ಮಲ್ತೆರ್. ಆ ಸಿನೆಮಾಗ್ಲಾ ೧೯ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಲೇಸ್‌ಡ್ ಎಡ್ಡೆಂತಿನ ಪ್ರಾದೇಶಿಕ ಚಿತ್ರ ಬೊಕ್ಕ ಎಡ್ಡೆ ನಿರ್ದೇಶನೊಗು ರಾಷ್ಟ್ರೀಯ ಪ್ರಶಸ್ತಿ ಸಿಕ್ಕಿಂಡ್. ಈ ಕಾದಂಬರಿ ಮೋಕೆ ಬೊಕ್ಕ ಅಯಿತ ನಷ್ಟ, ದುರಂತ ಬೊಕ್ಕ ಗೆಲುವುದ ಸೂಕ್ಷ್ಮ ಅನ್ವೇಷಣೆ, ಬೊಕ್ಕ ಉಂದು ಆಧ್ಯಾತ್ಮಿಕ, ಐತಿಹಾಸಿಕ ಬೊಕ್ಕ ಸಾಂಸ್ಕೃತಿಕ ಒಳನೋಟೊಲೆನ್ ಒಟ್ಟು ಸೇರಾದ್ ಉಂಡು.

ಕಾದಂಬರಿತ ಕತೆ

ಜೀವನದ ಮೂಲೊನು ಅನ್ವೇಷಣೆ ಮಲ್ಪುನ ಒಂಜಿ ಕಾದಂಬರಿ ವಂಸ ವೃಕ್ಷ. ಜೀವನದ ಸೂಕ್ಷ್ಮ ಬೊಕ್ಕ ಸಂಕೀರ್ಣ ಆಧಾರೊಲೆಗ್ ಆಳವಾದ್ ಪೋದು ಬಲವಾದ್ ಸೈದ್ಧಾಂತಿಕ, ತಾತ್ವಿಕ ಬೊಕ್ಕ ಮಾನವೀಯ ಅಂಶೊಲೆನ್ ಸೂಕ್ಷ್ಮವಾದ್ ಅನ್ವೇಷಣೆ ಮಲ್ಪುನ ಒಂಜಿ ಕಾದಂಬರಿ ವಂಶಾವಳಿ. ಈ ಕಾದಂಬರಿಡ್ ಆಧ್ಯಾತ್ಮಿಕತೆ, ವಿಧವೆ ಪುನರ್ವಿವಾಹ, ಪುನರ್ವಿವಾಹ, ಪ್ರೀತಿ, ಬಾಧ್ಯತೆ ಇಂಚ ಪೂರಾ ಕಾದಂಬರಿಕಾರೆರ್ ಮುಲ್ಪ ಚಿತ್ರೀಕರಣ ಮಲ್ತೆರ್. ೧೯೬೫ ಭಾರತೊಡು ವಿಧವೆಲೆನ ಪುನರ್ವಿವಾಹ ಮೂಂಕು ಮುರಿಪುನ ಕಾಲೊಡು ಈ ಕಾದಂಬರಿನ್ ಬರೆಯೆರ್. ಮುಲ್ಪ ಬರ್ಪಿನ ಪಾತ್ರೊಲು ಸಮಾಜೊದ ಬಂಧೊನು ಮುರಿದ್ ಪೊಸ ಜೀವನೊನು ಸುರು ಮಲ್ಪುವೆರ್. [೫]

ಅನುವಾದ

ವಂಶವೃಕ್ಷ ಕಾದಂಬರಿ ತೆಲುಗು, ಮರಾಠಿ, ಹಿಂದಿ, ಉರ್ದು ಬೊಕ್ಕ ಇಂಗ್ಲಿಷ್ ಬಾಸೆಲೆಗ್ ಅನುವಾದ ಆತ್ಂಡ್.

ಬೊಮ್ಮನ

೧೯೬೬ನೇ ಇಸವಿಡ್ ಈ ಕಾದಂಬರಿ ಕನ್ನಡ ಸಾಹಿತ್ಯ ಅಕಾಡೆಮಿ ಬೊಮ್ಮನೊನು ಗೆಂದಿಂಡ್.

ಸಿನೆಮಾ

ವಂಶವೃಕ್ಷ ಕಾದಂಬರಿನ್ ಕನ್ನಡ ಭಾಷೆಡ್ ವಂಶವೃಕ್ಷ ಪುದರ್‍ಡೆ ರಡ್ಡ್ ಸಿನಿಮಾ ಮಲ್ತೆರ್. ಈ ಸಿನೆಮಾ ೧೯೭೧ನೇ ಇಸವಿಡ್ ಬುಡ್ಕಡೆ ಆಂಡ್. ಗಿರೀಶ್ ಕಾರ್ನಾಡ್ ಬುಕ್ಕ ಬಿ ವಿ ಕಾರಂತೆರ್ ಈ ಸಿನೆಮಾಗ್ ನಿರ್ದೇಸಕೆರಾದ್ ಬೇಲೆ ಮಲ್ತೆರ್. ಕನ್ನಡ ಸಿನೆಮದ ಪುಗರ್ತೆದ ನಟೆ ವಿಷ್ಣುವರ್ಧನ್ ಈ ಸಿನಿಮದ ಮೂಲಕ ಕನ್ನಡ ಸಿನೆಮ ಜಗತ್ತ್‌ಡ್ ಕಾರ್ ದಿಯೆರ್. ಅಂಚನೆ, ತೆಲುಗು ಭಾಷೆಡ್ ವಂಶವೃಕ್ಷಮ್ ಪುದರ್‌ಡ್ ಸಿನೆಮ ೧೯೭೨ನೇ ಇಸವಿಡ್ ಬುಡ್ಕಡೆ ಆಂಡ್. ಸಟ್ಟಿರಾಜ ಲಕ್ಷ್ಮಿನಾರಾಯಣ(ಬಾಪು) ಈ ಸಿನೆಮನ್ ನಿರ್ದೇಶಿಸಾದೆರ್. ಇಂದೆಟ್ ಹಿಂದಿ ಸಿನೆಮದ ಪುಗರ್ತೆದ ನಟೆ ಅನಿಲ್ ಕಪೂರ್ ನಟಿಸಾದ್ ಇತ್ತೆರ್. ಈ ಚಿತ್ರೊನು ಹಿಂದಿ ಬಾಸೆಗ್ ಡಬ್ಬಿಂಗ್ ಮಲ್ತ್‌ದ್ ೧೯೮೬ನೇ ಇಸವಿಡ್, ಪ್ಯಾರ್ ಕಾ ಸಿಂದೂರ್ ಪುದರ್‌ಡ್ ಬುಡ್ಕಡೆ ಮಲ್ತೆರ್.