ವಿಕಿಪೀಡಿಯ:ತಟಸ್ತೊ ದ್ರಿಸ್ಟಿಕೋನ

ವಿಕಿಪೀಡಿಯೊಡು ಮಾಹಿತಿಲೆನ್ ಪಾಡ್‍ನಗ ತಟಸ್ತೊ ದ್ರಿಸ್ಟಿಕೋನನ್ ದೀಡೊಂದಿಪ್ಪೊಡಾಪುಂಡು. ಆಂಡ ಒಂಜಿ ಇಸಯೊದ ಬಗೆಟ್ ನಿಸ್ಪಕ್ಷಪಾತೊಡು, ಮಾಂತ ರೀತಿಡ್ ಅಬಿಪ್ರಾಯೊಲೆಗ್ ಮನ್ನಣೆ ತಿಕುನಂಚ ನಂಬುಗೆದ ಮೂಲೊಲೆನ್ ಉಲ್ಲೇಕಿಸದ್ ಅವಕಾಸೊ ಮಾಲ್ತ್‌ಕೊರೊಡು.

ತಟಸ್ತೊ ದ್ರಿಸ್ಟಿಕೋನ ವಿಕಿಪೀಡಿಯೊದ ಬುಕ್ಕೊ ಬೇತೆ ವಿಕಿಮಿಡಿಯೊ ಯೋಜನೆಲೆ ಅಡಿಪಾಯೊದ ನೀತಿಯಾದುಂಡು. ಉಂದು ವಿಕಿಪೀಡಿಯೊದ ಮೂಜಿ ಅಡಕನೀತಿ(core content policy)ಲೆಡ್ ಒಂಜಾತ್ಂಡ್. ಅವೆಟ್ ಬುಕ್ಕೊ ರಡ್ಡ್ ಪಂಡ ಪರಿಶೀಲನಾರ್ಹತೆ (Verifiability) ಬುಕ್ಕೊ "ವಿಕಿಪೀಡಿಯ:ಸೊಂತೊ ಸಂಶೋಧನೆ ಆಪುಜಿ(No original research)". ಈ ಮೂಜಿ ಜಂಟಿಯಾದ್ ವಿಕಿಪೀಡಿಯ ಲೇಕನೊಲೆಡ್ ಇಪ್ಪೊಡಾಯಿನ ವಿಸಯೊ ವಸ್ತುಲೆನ ಬಗೆಟ್ ಬುಕ್ಕೊ ಗುನೊಮಟ್ಟೊನು ನಿಯಂತ್ರಿಸವುಂಡು. ಸಂಪಾದಕೆರ್ ಈ ಮೂಜಿ ನೀತಿಲೆನ್ ಎಡ್ಡೆ ತೆರಿಯೊಂದು ಗಳಸ್‍ಂಡ್ ತುಳು ವಿಕಿಪೀಡಿಯೊಗು ದಿಂಜ ಎಡ್ಡೆ ಆವು.

ಈ ನೀತಿ ಸಂದಾನೊರಹಿತೊ(non-negotiable) ಆದಿತ್ತ್‌ದ್, ಬೇತೆ ಒವ್ವೇ ಸಾದಿ ತೋಜಾವುನ ಸೂತ್ರೊಲು ಅತ್ತಂಡ ನೀತಿಲು ಈ ನೀತಿನ್ ಪಿರವು ಪಾಡುನಂಚ ಇದ್ದಿ.(ಸೂಪರ್ ಸೀಡ್ ಮಾಲ್ಪೆರೆ ಇದ್ದಿ)

ತಟಸ್ತೊ ದ್ರಿಸ್ಟಿಕೋನದ ವಿವರನೆ

ವಿಕಿಪೀಡಿಯ ಸಮುದಾಯೊ ನಂಬಿತ್ತಿ ಪ್ರಕಾರೊ ತಟಸ್ತೊ ದ್ರಿಸ್ಟಿಕೋನೊನು ಸಾದಿಸವುನೆ ಪಂಡ, ಬೇತೆ ಬೇತೆ ಮೂಲೊಲೆನ್ ಎಚ್ಚರಿಗೆಡ್ ಇಸ್ಲೇಸಿಸವುನೆ ಬುಕ್ಕೊ ಓದುಗೆರೆಗ್ ಅಯಿಟ್ ಇಪ್ಪುನ ಮಾಹಿತಿಲೆನ್ ಸರಿಯಾದ್ ಪೂರ್ವಗ್ರಹೊ ಇದ್ಯಾಂತೆ ಮುಟ್ಟಾವುನ ಪ್ರಯತ್ನೊ ಮಲ್ಪುನೆ. ವಿಕಿಪಿಡಿಯೊಡು ಇವಾದೊಲೆನ್ ಇವರಿಸವುನವೆ ಮುಕ್ಯೊ ಅತ್ತಂತೆ ಅಯಿಟ್ ತೊಡಗೊನುನೆ ಅತ್ತ್. ಸಂಪಾದೆಕೆರ್, ಸಹಜವಾದ್ ನಮೊನವೇ ಆಯಿನ ದ್ರಿಸ್ಟಿಕೋನೊನು ಪೊಂದ್‍ದಿತ್ತ್‌ಂಡಲಾ, ಪೂರ್ಣಮಾಹಿತಿನ್ ನಿಯತ್ತಾದ್ ಕೊರೊಡು ಅತ್ತಂತೆ ಬೇತೆ ಒವ್ವೇ ಒಂಜಿ ನಿರ್ದಿಸ್ಟೊ ದ್ರಿಸ್ಟಿಕೋನೊಗ್ ದಿಂಜ ಒತ್ತುಕೊರ್ಪುನೆ ಅತ್ತಂಡ ಪ್ರಚುರ ಪಡಿಸವುನ ಮಲ್ಪೆರೆ ಬಲ್ಲಿ. ತಟಸ್ತೊ ದ್ರಿಸ್ಟಿಕೋನ ಪಂಡ ಕೆಲವು ದ್ರಿಸ್ಟಿಕೋನೊಲೆನ್ ಬುಡ್ದ್ ಬುಡ್ಪುನೆ ಅತ್ತ್, ಬದಲ್‍ಗ್ ಸರಿಯಾಯಿನ ನೆಲೆತ ಆದಾರೊಲೆನ್ ಪೊಂದ್‍ನ ಮಾತ ಪರಿಶೀಲನಾರ್ಹೊ ದ್ರಿಸ್ಟಿಕೋನೊಲೆನ್ ಸೇರ್ದಿಪ್ಪೊಡು. ವಿಶ್ವಕೋಶೊಗು ಪೊಂದುನ ಮಟ್ಟೊದ ತಟಸ್ತತೆನ್ ಈ ತಿರ್ತ್‌ದ ನೀತಿಲೆಡ್ ಗಮನಿಪೊಲಿ.

• ಅಬಿಪ್ರಾಯೊಲೆನ್ ಸತ್ಯೊಂದ್ ಉಲ್ಲೇಕಿಸವೊಡ್ಚಿ : ಸಾಮಾನ್ಯವಾದ್, ಲೇಕನೊಲೆಡ್ ಆ ಇಸಯೊದ ಬಗೆಟ್ ಪನ್ಪುನಂಚಿನ ಮುಕ್ಯೊ ಅಬಿಪ್ರಾಯೊಲು ಇಪ್ಪುವೊ. ಆಂಡ ಈ ಅಬಿಪ್ರಾಯೊಲೆನ್ ವಿಕಿಪೀಡಿಯೊದ ಅಬಿಪ್ರಾಯದಂಚನೆ ತೋಜಿಯೆರ ಬಲ್ಲಿ. ಅವು ಮುಕ್ಯೊ ಅನಿಸಿಕೆದಂಚ ಒಲ್ಪ ಸಮರ್ತನೆ ಆತ್‍ಂಡ್, ಇರೋದೊ ಆತ್ಂಡ್ ಪನ್ಪಿ ಮೂಲೊಲೆನ್, ಆದಾರೊಲೆನ್ ಉಲ್ಲೇಕಿಸವೊಡು. ಉದಾರ್ಮೆಗ್, ಒಂಜಿ ಲೇಕನೊಡು "ನರಹತ್ಯೆ ಒಂಜಿ ಪೈಶಾಚಿಕ ಕೃತ್ಯೊ" ಪನ್ಪಿ ಹೇಳಿಕೆ ಇಪ್ಪೆರೆ ಬಲ್ಲಿ, ಬದಲಾದ್ "ನರಹತ್ಯೆ ಒಂಜಿ ಪೈಶಾಚಿಕ ಮನಸ್ಥಿತಿದ ಉತ್ತುಂಗೊ" ಇಂಚ John X ಆರೆಡ್ದ್ ಇವರಿಸಾದುಂಡು ಪಂಡ್‍ದ್ ಇಪ್ಪೊಡು.
• ಗಂಬೀರೊ ಆಯಿನ ಇರೋದೊಲು ಉಪ್ಪುನಗ ನಿಶ್ಚಿತಒ ವಾಕ್ಯಒಲೆನ್ ಸತ್ಯೊಂದು ಉಲ್ಲೇಕಿಸವೊಡ್ಚಿ: ಬೇತೆ ಬೇತೆ ನಂಬೊಲಿಕೆದ ಮೂಲೊಲೆ ಆದಾರೊಲು ಒಂಜೆಗೊಂಜಿ ಇರೋದೊ ಆದಿತ್ತ್‌ಂಡ, ಅವೆನ್ ಸತ್ಯೊ ಆದಾರೊಗಾದ್ ನೇರೊ ಹೇಳಿಕೆದಂಚ ಗಳಸುನ ಬದಲ್ ಅಬಿಪ್ರಾಯೊಲೆನ್ ಗಳಸೊಲಿ.
• ಸತ್ಯೊಲೆನ್ ಅಬಿಪ್ರಾಯೊಂದ್ ಉಲ್ಲೇಕಿಸವೊಡ್ಚಿ: ಒವ್ವೇ ಇವಾದೊ ಇದ್ಯಾಂತೆ ನಂಬೊಲಿಗೆದ ಮೂಲೊಲೆಡ್ದ್ ದೆತೊನ್‍ನ ಸತ್ಯಾಂಸೊಲು ವಿಕಿಪೀಡಿಯೊಡು ಸಾಮಾನ್ಯವಾದ್ ನೇರವಾದ್ ಉಲ್ಲೇಕ ಆಪುಂಡು.
• ತೀರ್ಪು ತೀರ್ಮಾನೊದ ಬಾಸೆನ್ ಗಳಸೊಡ್ಚಿ: ತಟಸ್ತೊ ದ್ರಿಸ್ಟಿಕೋನ ವಿಸಯೊದ ಬಗೆಟ್ ಅತ್ತಂಡ ವಿಸಯೊದ ಉಲ್ಲೇಕೊಲು ಇಪ್ಪುನ ದ್ರಿಸ್ಟಿಕೋನನ್ ಬೆಂಬಲಿಸವುಜಿ. ಪಂಡ ತೀರ್ಪು ಕೊರ್ಪುಜಿ.
• ವಿರುದ್ದೊ ದ್ರಿಸ್ಟಿಕೋನಲೆ ಪ್ರಾಮುಕ್ಯೊಗು ಆಸ್ಪದ ಇಪ್ಪಡ್: ಒಂಜಿ ವಿಸಯೊದ ಬಗೆಟ್ ಇಪ್ಪುನ ವಿಸಯೊದ ಬಗೆಬಗೆತ ಆಬಿಪ್ರಾಯೊಲೆನ್ ವರದಿಮಾಲ್ಪುನ ಮೂಲಕೊ ಒವ್ವೇ ಒಂಜಿ ಅಬಿಪ್ರಾಯೊಗು ಮಾತ್ರೊ ಹೆಚ್ಚಿದ ಪ್ರಾಮುಕ್ಯೊ ತಿಕಂದಿಲೆಕೊ ತೂವೊನೊಡು.

ತಟಸ್ತೊ ದ್ರಿಸ್ಟಿಕೋನನ್ ಸಾದನೆ ಮಲ್ಪುನೆ

ಸಾಮಾನ್ಯೊ ನೇಮೊದಂಚ ಒವ್ವೇ ಮಾಹಿತಿಲಾ ಪಕ್ಷೊಪಾತೊಂದು ಅನ್ನಿಸವುಂಡು ಪನ್ಪಿ ಕಾರಣೊಗಾದ್ ಮಾಜಾದ್ ಪಾಡ್ಯರೆ ಬಲ್ಲಿ. ಬದಲಾದ್, ಆ ಪ್ಯಾರೊನು ಅತ್ತಂಡ ವಿಬಾಗೊನು ತಟಸ್ತೊ ದ್ರಿಸ್ಟಿಕೋನನ್ ಸಾದಿಸವುನಂಚ ಪೆರ ಬರೆಯೆರೆ ಪ್ರಯತ್ನಿಸವೊಡು. ಎಚ್ಚ ತಟಸ್ತವಾಯಿನ ದೋರಣೆನ್ ಹೊಂದೊನ್‍ನ ಮಾಹಿತಿಮೂಲೊನು ಉಲ್ಲೇಕಿಸವುನ ಮೂಲಕೊ ಪಕ್ಷಪಾತೊ ಆದ್ ಇಪ್ಪುನ ಮಾಹಿತಿನ್ ಸಮತೋಲನ ಸ್ತಿತಿಗ್ ಕೊನರೊಲಿ. ಅಂಚಾದ್ ಇಂಚಿತ್ತಿ ಸಂದರ್ಬೊಡು ಸಾದ್ಯೊ ಇಪ್ಪುನ ಸಾಮಾನ್ಯೊ ತಿದ್ದುಪಡಿದ ಮೂಲಕೊ ಪಕ್ಷಪಾತೊ ಸಮಸ್ಯೆಲೆನ್ ಬಗೆಹರಿಸವೊಡು. ಮಾಹಿತಿನ್ ತಪ್ಪಾತ್ಂಡ್ ಅತ್ತಂಡ ಓದುಗೆರೆನ್ ತಪ್ಪು ಸಾದಿಗ್ ಒಯ್ಪುಂಡು ಪನ್ಪುನ ಬಗೆಟ್ ನಿಕ್ಲೆಗ್ ಕಾರಣೊ ಸಮೇತೊ ಗೊಂತಿಪ್ಪುನ್ನಗ ಬುಕ್ಕೊ ಅಯಿನ್ ಪೆರ ಬರೆಪುನ ಮೂಲಕೊ ಸರಿ ಮಲ್ಪೆರೆ ಆಪುಜಿ ಪನ್ಪುನ ಮಾಹಿತಿನ್ ಮಾಜದ್ ಪಾಡೊಲಿ. ತಿರ್ತ್‍ದ ವಿಬಾಗೊ ತೊಂದರೆಗ್ ಸರಿಯಾಯಿನ್ ಸಾದಿನ್ ತೋಜಾವುಂಡು.

ಟೆಂಪ್ಲೇಟ್‍ಲು

• ಸಾಮಾನ್ಯ ಎನ್ ಪಿಒವಿ ಟೆಂಪ್ಲೇಟ್ ಲು:
  • {{POV}}—ತಟಸ್ಥತೆದ ಸಮಸ್ಯೆಲೆನ್ ಮೌಲ್ಯಮಾಪನ ಮಲ್ಪೆರೆ ಬುಕ್ಕೊಸರಿ ಮಲ್ಪೆರೆ ಬೇತೆ ಸಂಪಾದಕೆರೆನ್ ಆಕರ್ಷಣೆ ಮಲ್ಪೆರೆ ಉಪಯೋಗ ಮಲ್ಪುನ ಸಂದೇಶ
  • {{POV section}}—ಒಂಜಿ ವಿಭಾಗೊನು ಮಾತ್ರ ವಿವಾದಿತ ಪಂಡ್ದ್ ಟ್ಯಾಗ್ ಮಲ್ಪುನ ಸಂದೇಶ
  • {{POV statement}}—ಒಂಜಿ ವಾಕ್ಯ ಮಾತ್ರ ಪ್ರಶ್ನಾರ್ಹ ಆನಗ ಸಂದೇಶ
  • {{NPOV language}}—ಬರವುದ ಶೈಲಿದ ತಟಸ್ಥತೆನ್ ಪ್ರಶ್ನೆ ಮಲ್ಪುನಗ ಬಳಕೆ ಆಪಿನ ಸಂದೇಶ
  • {{Political POV}}—ಒಂಜಿ ಲೇಕನೊದ ರಾಜಕೀಯ ತಟಸ್ಥತೆನ್ ಪ್ರಶ್ನೆ ಮಲ್ಪುನಗ ಸಂದೇಶ
  • {{Fact or opinion}}—ಒಂಜಿ ವಾಕ್ಯೊಗು ಪಠ್ಯೊಡು ಗುಣಲಕ್ಷಣ ಬೋಡಾಪುಂಡು ಅತ್ತಂದೆ ಬೋಡಾಪುಜಿ ಪನ್ಪಿನ ಸಂದೇಶ (ಉದಾ., "ಜಿಮ್ಮಿ ವೇಲ್ಸ್ ಪನ್ಪುಂಡು")
  • {{Attribution needed}}—ಪಠ್ಯೊಡು ಆಟ್ರಿಬ್ಯೂಶನ್ ನ್ ಸೇರಾವೊಡು
• ಅನಗತ್ಯ ತೂಕದ ಟೆಂಪ್ಲೇಟ್‍ಲು:
  • {{Undue weight}}—ಒಂಜಿ ಲೇಕನೊದ ಒಂಜಿ ಭಾಗೊ ಲೇಕನೊಗು ಸಂಬಂಧಪಟ್ಟಿನ ಕೆಲವು ಆಲೋಚನೆಲೆಗ್ ಅನಗತ್ಯ ತೂಕೊನು ಕೊರ್ಪುಂಡು ಪನ್ಪಿನ ಎಚ್ಚರಿಕೆನ್ ಕೊರ್ಪಿನ ಸಂದೇಶ
  • {{Undue weight section}}—ಮಿತ್ತ್ ದಲೆಕನೆ ಆಂಡ ಒಂಜಿ ವಿಭಾಗೊನು ಮಾತ್ರ ಟ್ಯಾಗ್ ಮಲ್ಪೆರೆ
  • {{Undue weight inline}}—ಮಿತ್ತ್ ದಲೆಕನೆ ಆಂಡ ಒಂಜಿ ವಾಕ್ಯ ಅತ್ತಂಡ ಪ್ಯಾರಾಗ್ರಾಫ್ ನ್ ಮಾತ್ರ ಟ್ಯಾಗ್ ಮಲ್ಪೆರೆ