ಶೇಣಿ ಗೋಪಾಲಕೃಷ್ಣ ಭಟ್
ಶೇಣಿ ಗೋಪಾಲಕೃಷ್ಣ ಭಟ್ (೧೯೧೮–೨೦೦೬) ಮೇರ್ ಕಾಸರಗೋಡು ಜಿಲ್ಲೆದ ಕುಂಬಳೆ ಕೈತಲ್ದ ಮೈರೆ ಗ್ರಾಮದ ಶೇಣಿ ಪನ್ಪಿನ ಊರುಡು ಏಪ್ರಿಲ್ ೭, ೧೯೧೮ಟ್ ಪುಟ್ಟ್ ದ್ ಯಕ್ಷಗಾನ ಕ್ಷೇತ್ರೊಡು ಮಾಮಲ್ಲ ಪುದರ್ ಮಲ್ತಿನಾರ್. ಅಯಿರ್ದ್ ಬುಕ್ಕೊ ಕಾಸರಗೋಡುದ ಅಶೋಕ ನಗರೊಡು ಇಲ್ಲ್ ಮಲ್ತ್ ದ್ ಇತ್ತೆರ್.[೧] ಯಕ್ಷಗಾನ ಕ್ಷೇತ್ರೊದ ಪಾತೆರದ ಮಾಂತ್ರಿಕೆ ಪಂದ್ ಪುದರ್ ಮಲ್ತ್ ನಾರ್. ವೇಷಧಾರಿ, ಪ್ರಸಂಗಕರ್ತೃ, ಮೇಳದ ಯಜಮಾನೆ ಇಂಚ ಮಸ್ತ್ ಮೊನೆದ ಪ್ರತಿಭೆಲೆನ ಸಂಗಮ ದಂಚ ಇತ್ತಿನಾರ್ ಗೋಪಾಲಕೃಷ್ಣ ಭಟ್ರು
ಜೀವನೊ ಪರಿಚಯೊ
[ಸಂಪೊಲಿಪುಲೆ]- ಜನನ ಏಪ್ರಿಲ್ ೭. ೧೯೧೮. ಅಮ್ಮೆರ್ ನಾರಾಯಣಭಟ್ರ್. ಅಪ್ಪೆ ಲಕ್ಷ್ಮೀಅಮ್ಮ. ಗೋಪಾಲಕೃಷ್ಣ ಭಟ್ರೆಗ್ ಮೂಜಿ ವರ್ಷ ದಿಂಜುನ ದುಂಬೆ ಪಿತೃವಾತ್ಸಲ್ಯಡ್ದ್ ವಂಚಿತೆರಾಯೆರ್. ಅಪ್ಪೆ ಅಜ್ಜಿನ ಮಡಿಲ್ಡ್ ಆರೆನ ಬದ್ಕ್ ನಡತ್ಂಡ್. ಇಂಬೆರೆನ ಅಪ್ಪೆ ಕುಮಾರವ್ಯಾಸ ಭಾರತೊ, ತೊರವೆ ರಾಮಾಯಣೊ, ಭಾಗವತೊ ಇಂಚಿತಿ ಬೂಕುಲೆನ್ ರಾಗೊಡು ಪಂಡೊಂದಿತ್ತೆರ್.
- ಕಾಸರಗೋಡು ತಾಲೂಕುದ ಶೇಣಿಡ್ ಪುಟ್ಟ್ ನಾರ್ ಬಾಲ್ಯಡೆ ಆಟದ ಮಿತ್ತ್ದ ಪ್ರೀತಿ ಗುತ್ತುದ ಅಮ್ಮಣ್ನ ರೈಕುಲೆನ ಒಟ್ಟುಗು ಸೇರ್ದ್ ಯಕ್ಷಗಾನ ಕಲ್ಪೆರೆ ಸುರು ಮಲ್ತಿನಾರ್ ಅಯಿರ್ದ್ ಬುಕ್ಕೊ ಬೇತೆ ಬೇತೆ ಗುರುಕುಲೆನ ಒಟ್ಟುಗು ಯಕ್ಷಗಾನ ಕಲ್ತಿನಾರ್.
- ಮರಣ ಜೂನ್ ೮, ೨೦೦೬ ಕಾಸರಗೋಡುದ ಅಶೋಕನಗರದ ಇಲ್ಲಲ್
ವಿದ್ಯಾಭ್ಯಾಸ
[ಸಂಪೊಲಿಪುಲೆ]ಭಟ್ರ್ ಬೇಳೊ ಪನ್ಪುನ ಪ್ರಾಥಮಿಕ ಸಾಲೆಡ್ ಓದೊಂದಿಪ್ಪುನಗ 'ಶ್ರೀ ಸುಬ್ರಹ್ಮಣ್ಯ ಕೃಪಾ ಪೋಷಿತ ನಾಟಕ’ ಮಂಡಲಿದ ಬಾಲೆನಟೆ ಆದ್ ರಂಗಪ್ರವೇಸೊ ಮಲ್ತೆರ್. ಭಕ್ತಿ ಸಾಮ್ರಾಜ್ಯೊ, ಸದಾರಮೆ, ಹರಿಶ್ಚಂದ್ರ, ಮೃಚ್ಛಕಟಿಕ, ಗಿರಿಜಾಕಲ್ಯಾಣ, ಪ್ರಹ್ಲಾದ ಚರಿತ ಇಂಚಿತ್ತಿ ನಾಟಕೊಲೆಡ್ ಅಭಿನಯೊದ ಪಾಲ್ ದೆತೊಂದು ಪುದರ್ ಪಡೆಯೆರ್.[೨] ಶೇಣಿ ಗೋಪಾಲಭಟ್ಟೆರ್ ಮೈಸೂರುದ ಮಹಾರಾಜ ಸಂಸ್ಕೃತ ಕಾಲೇಜಿಡ್ ಓದಿಯೆರ್.
ಉದ್ಯೋಗ
[ಸಂಪೊಲಿಪುಲೆ]- ಯಕ್ಷಗಾನ ಕಲಾವಿದೆರ್
- ತಾಳಮದ್ದಳೆ ಕಲಾವಿದೆರ್
ಬೂಕುಲು
[ಸಂಪೊಲಿಪುಲೆ]ವಾಗ್ಮಿಲು, ವೇಷಧಾರಿಲು ಆಯಿನ ಶೇಣಿಯೆರ್ ಯಕ್ಷಗಾನೊ ಪ್ರಸಂಗೊಲೆನ್ ಬರೆತೆರ್.
- ಮಧ್ಯಮ ವ್ಯಾಯೋಗ
- ಪರಿಣಯ
- ಶರವು ಕ್ಷೇತ್ರ ಮಹಾತ್ಮೆ
- ಮೇಘನಾದ ವಿಜಯ
ಸಾಧನೆ
[ಸಂಪೊಲಿಪುಲೆ]ಯಕ್ಷಗಾನ ಕ್ಷೇತ್ರೊಡು ಮಸ್ತ್ ಬದಲಾವಣೆಗ್ ಕಾರಣಕರ್ತೆರಾಯಿನಾರ್. ಶೇಣಿ ಗೋಪಾಲಕೃಷ್ಣ ಭಟ್ ಇಂಬೆರೆನ ಪುದರ್ಡ್ ಯಕ್ಷಗಾನೊಡು ಬೆಂದಿನಕ್ಲೆಗ್ ಕೊರ್ಪುನಶೇಣಿ ಪ್ರಶಸ್ತಿ ಪನ್ಪುನವು ಇಂಬೆರೆನ ಕೀರ್ತಿದ ಕನ್ನಡಿ.[೩]
ಪ್ರಶಸ್ತಿ ಸಮ್ಮಾನೊಲು
[ಸಂಪೊಲಿಪುಲೆ]ಶೇಣಿ ಗೋಪಾಲಕೃಷ್ಣ ಭಟ್ರೆಗ್ ಮಸ್ತ್ ಪ್ರಶಸ್ತಿ ಸಮ್ಮಾನೊಲು ಸಂದ್ದ್ಂಡ್. ಕರ್ನಾಟಕ, ಕೇರಳ, ಈ ರಡ್ಡ್ ರಾಜ್ಯೊಲೆಡ್ದ್ ರಾಜ್ಯೊಪ್ರಶಸ್ತಿ ದೆತೊನುನ ಇಂಬೆರ್ ಯಕ್ಷಗಾನ ಕಲಾವಿದೆಂದ್ ಪೆರ್ಮೆಗ್ ಪಾತ್ರೆರಾತೆರ್. ಇಂಬೆರೆನ ಯಕ್ಷಗಾನ ಕಾಸೆಟ್ಲು ಇನಿಕ್ಲಾ ಮಾರ್ಕೆಟ್ಡ್ ಮಾರಾಟೊಡು ಉಂಡು. ಮಂಗಳೂರು ವಿಶ್ವವಿದ್ಯಾನಿಲಯೊ ಇಂಬೆರೆಗ್ ಗೌರವ ಡಾಕ್ಟರೇಟ್ ಪದವಿ ಕೊರ್ದ್ ಸಮ್ಮಾನೊ ಮಲ್ತ್ಂಡ್.[೪] ಯಕ್ಷಗಾನೊದಕ್ಲೆಗ್ ಮೀಸಲಾಯಿನ ಸಾಮಗ ಪ್ರಶಸ್ತಿ ಇಂಬೆರೆಗ್ ಸಂದ್ದ್ಂಡ್. ಕೇರಳ ಸಂಗೀತ ಅಕಾಡೆಮಿ ಪ್ರಶಸ್ತಿನ್ ದೆತೊನ್ತೆರ್. ಕರ್ನಾಟಕ ಜಾನಪದ ಮತ್ತು ಯಕ್ಷಗಾನ ಅಕಾಡೆಮಿ ಪ್ರಶಸ್ತಿನ್ ಪಡೆವೊಂದೆರ್. ಇಂಬೆರ್ ಒಂಜಿ ಅವಧಿಗ್ ಅಖಿಲ ಕರ್ನಾಟಕ ಯಕ್ಷಗಾನ ಸಮ್ಮೇಳನೊದ ಗುರಿಕಾರೆರ್ ಆದತ್ತೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "When words slipped into silence". The Hindu (in Indian English). 2006-07-28. ISSN 0971-751X. Retrieved 2026-04-16.
- ↑ "ಶೇಣಿ ಗೋಪಾಲಕೃಷ್ಣ ಭಟ್ ಯಕ್ಷಗಾನದ ಸೀಮಾಪುರುಷ : ಕುಂಬ್ಳೆ". KANNADIGA WORLD (in ಅಮೆರಿಕನ್ ಇಂಗ್ಲಿಷ್). 2014-09-17. Retrieved 2026-04-16.http://kannadigaworld.com/kannada/karavali-kn/101250.html
- ↑ "Sheni Award presented to Gopalakrishna Bhat". The Hindu (in Indian English). 2011-08-23. ISSN 0971-751X. Retrieved 2026-04-16.
- ↑ "The Hindu : Karnataka / Mangalore News : Honorary doctorates for Sheni, Rai, Sathyu". www.thehindu.com.