ಸತ್ಯಜಿತ್ ರೇ

ವಿಕಿಪೀಡಿಯರ್ದ್
Jump to navigation Jump to search
SatyajitRay

ಸತ್ಯಜಿತ್ ರೇ (ಮೇ ೨, ೧೯೨೧ - ಏಪ್ರಿಲ್ ೨೩, ೧೯೯೨) ಪ್ರಸಿದ್ದೊ ಬ೦ಗಾಳಿ ಚಿತ್ರೊ ನಿರ್ದೇಶಕೆರ್, ಬುಕ್ಕೊ ಭಾರತೊದ ಚಿತ್ರರ೦ಗೊದ ದಿಂಜ ಪುಗರ್ತೆದ ವ್ಯಕ್ತಿಲೆಡ್ ಒರಿ. ಪಥೇರ್ ಪಾ೦ಚಾಲಿ, ಅಪರಾಜಿತೊ ಬುಕ್ಕೊ ಅಪ್ಪುವಿನ ಪ್ರಪ೦ಚ - ಈ ಮೂಜಿ ಚಿತ್ರೊಲೆನ ಸರಣಿ ಇಂಬೆರೆನ ಪುಗರ್ತೆದ ಸಿನೆಮೊಲು. ಅಕಿರಾ ಕುರೋಸಾವಾ, ಸ್ಟೀವನ್ ಸ್ಪೀಲ್‍ಬರ್ಗ್, ಮಾರ್ಟಿನ್ ಸೋರ್ಸೆಸಿ ಇಂಚಿತ್ತಿ ಮಸ್ತ್ ಪುದರ್‍ದ ನಿರ್ದೇಶಕೆರ್ ಸತ್ಯಜಿತ್ ರೇ ಆರೆನ ಸಿನೆಮೊಲೆನ್ ಮೆಚ್ಚೊಂದೆರ್.[೧]

ಜನನೊ, ಶಿಕ್ಷಣೊ ಬುಕ್ಕೊ ಆಸಕ್ತಿಲು[ಸಂಪೊಲಿಪುಲೆ]

ವಿಸ್ವೊ ಸಿನೆಮೊ ಲೋಕೊಡು ಮಹಾನ್ ದಿಗ್ದರ್ಶಕೆರೆಡ್ ಒರಿಯಾಯಿನ ಭಾರತರತ್ನ ಸತ್ಯಜಿತ್ ರೇ ಆರ್ ಕಲ್ಕತ್ತೆಡ್ ಮೇ ೨, ೧೯೨೧ನೆ ವರ್ಸೊಡು ಪುಟಿಯೆರ್. ಕಲ್ಕತ್ತೆದ ವಿಶ್ವವಿದ್ಯಾಲಯೊಡು ಓದಿನ ಬುಕ್ಕೊ ರವೀಂದ್ರನಾಥ ಠಾಕೂರೆರೆ ಶಾಂತಿನಿಕೇತನಡ್ ಕಲೆನ್ ಅಬ್ಯಾಸೊ ಮಲ್ತ್‌ದ್ ಸತ್ಯಜಿತ್ ರೇ ಆರೆಗ್ ಎಲ್ಯಡ್ದೇ ಸಿನೆಮೊದ ತಿರ್ಲ್‌ನ್ ತೆರಿವುನ ಬುಕ್ಕೊ ವಿಶ್ವೊ ಪ್ರಸಿದ್ದೊ ಸಂಗೀತೊನು ಕೇನುನ ಮಲ್ಲ ಆಸಕ್ತಿಯಾದಿತ್ತ್‌ಂಡ್.

ಪ್ರತಿಭೆ[ಸಂಪೊಲಿಪುಲೆ]

ಸತ್ಯಜಿತ್ ರೇ ಆರ್ ನಿರ್ದೇಶಕೆ, ನಿರ್ಮಾಪಕೆ, ಚಿತ್ರಕಥೆಗಾರೆ, ಸಂಗೀತ ಸಂಯೋಜಕೆ, ಕಥೆಗಾರೆ, ಪಾತೆರೊದ ಕಲಾ ವಿನ್ಯಾಸಕೆ ಇಂಚಮಾಂತ ಒಂಜಾತ್ ಮಲ್ಲ, ಅದ್ಬುತೊ ಪ್ರತಿಬೆ. ಓಡೆಮುಟ್ಟ ಪಂಡ ಆರೆನ ಸಿನೆಮೊಲೆಗ್ ಆರೇ ಪೋಸ್ಟರ್‌ಲೆನ ತಯಾರ್ ಮಲ್ಪೆದೆರ್. ಅಕ್ಷರೊಲೆ ಅಚ್ಚಿವಿನ್ಯಾಸೊನು ಆರೇ ಮಲ್ಪೆದೆರ್. ಆರೆನೆ ಅಜ್ಜೆರ್ ಉಪೇಂದ್ರ ಕಿಶೋರ್ ರೇ ಬಂಗಾಳಿಡ್ ಜೋಕ್ಲೆಗಾತ್ ಆರೆನ ಕಾಲೊಡು ನಡಪಾವೊಂದಿಪ್ಪುನ ಸಂದೇಶ್ ಪನ್ಪಿ ಪತ್ರಿಕೆನ್ ೧೯೬೧ನೆ ವರ್ಸೊಡು ಪೆರ ಬೊಲ್ಪುಗು ಪಾಡಿಯೆರ್.

ಆಜಿ ಪೀಟ್ ನಾಲಂಗುಲೊ ಎತ್ತೊದ ಸತ್ಯಜಿತ್ ರೇ ಮಲ್ಲ ಜುವೊದಾರ್ ವಿಸ್ವೊ ಸಿನೆಮೊರಂಗೊಗು ಕೂಡ ಮಲ್ಲ ಗೋಪುರೊದಂಚಿತ್ತಿ ವ್ಯಕ್ತಿತ್ವೊನು ಪಡೆದಿತ್ತೆರ್. ೧೯೪೭ಡ್ ಕಲ್ಕತ್ತೆದ ಸುರುತ ಸಿನೆಮೊ ಸೊಸಾಯಿಟಿನ್ ಉಂಡು ಮಲ್ತಿನ ಕೀರ್ತಿ ಆರೆನವು. ರವೀಂದ್ರನಾಥೆರೆ ಸಾವುಡ್ದು ಬುಕ್ಕೊ ಶಾಂತಿನಿಕೇತನಡ್ದ್ ಪಿದಯಿ ಬತ್ತಿನ ಸತ್ಯಜಿತ್ ರೇ ೧೯೪೩ ಡ್ದ್ ೧೯೫೬ನೆ ಸಮಯೊಡು ವೃತ್ತಿಪರ ಕಲಾವಿದರಾದ್ ಕಾರ್ಯನಿರ್ವಹಿಸವೊಂದಿತ್ತೆರ್.

ಸಿನೆಮೊ ಲೋಕೊಡು ಸತ್ಯಜಿತ್ ರೇ[ಸಂಪೊಲಿಪುಲೆ]

ಸೊಂತೊ ಜಾಹಿರಾತ್ ಸಂಸ್ಥೆ ಒಂಜೆನ ಉದ್ಯೋಗಿ ಆದಿತ್ತೊಂದೇ ೧೯೫೫ನೆ ವರ್ಸೊಡು ‘ಪಥೇರ್ ಪಂಚಾಲಿ’ ಚಿತ್ರೊನು ತಯಾರ್ ಮಲ್ತೆರ್. ಪೃಥೇರ್ ಪಾಂಚಾಲಿ ಪಂಡ 'ಕಿನ್ಯ ಸಾದಿತ ಪದೊ' ಪಂಡ್‍ದ್ ಅರ್ತೊ. ಈ ಸಿನೆಮೊಗ್ ಮಸ್ತ್ ಪುಗರ್ತೆದೊಟ್ಟುಗೆ ಕೇನ್ಸ್ ಅಂತರರಾಷ್ಟ್ರೀಯ ಉತ್ಸವೊಡು ಆ ಸಿನೆಮೊದ ಪ್ರತಿಸ್ಟಿತೊ ‘ಗ್ರಾಂಡ್ ಪ್ರಿಕ್ಸ್’ ಗೌರವೊ ತಿಕ್‍ಂಡ್. ಪಥೇರ್ ಪಂಚಾಲಿ ಸಿನೆಮೊದೊಟ್ಟುಗೆ ಅಪರಾಜಿತೋ (ಅಪರಾಜಿತ) ಬುಕ್ಕೊ ಅಪೂರ್ ಸಂಸಾರ್ (‘ಅಪು’ನ ಪರಿವಾರೊ) ಸಿನೆಮೊಲು ಸೇರ್ದ್ ‘ಅಪು ತ್ರಿವಳಿಲು’ ಪನ್ಪಿ ವಿಸ್ವೊ ಪ್ರಸಿದ್ದಿ ತಿಕ್ಂಡ್.

ಜಲ್ಸಾ ಘರ್( ಸಂಗೀತೊದ ಇಲ್ಲ್), ದೇವಿ, ತೀನ್ ಕನ್ಯಾ, ಚಾರುಲತ (ಒಂಟಿ ಬುಡೆದಿ), ನಾಯಕ್, ಅಸನಿ ಸಂಕೇತ್ (ದೂರೊದ ಬಿರುಗಾಳಿ), ಶತ್ರಂಜ್ ಖಿ ಖಿಲಾರಿ (ಚದುರಂಗದಾಟಗಾರೆರ್), ಘರೇ ಬಜ್ರೆ (ಇಲ್ಲ್ ಬುಕ್ಕೊ ಪರ್ಪಂಚೊ), ಗಣಶತ್ರು (ಜನೊಕ್ಲೆ ಸತ್ರು), ಶಾಖಾ ಪ್ರಶಾಖಾ (ಸಾಕೆ ಬುಕ್ಕೊ ಉಪಸಾಕೆಲು) ಬುಕ್ಕೊ ಆಗಂತುಕ್ ಇಂಚಿತ್ತಿನವು ದುಂಬರಿದ್ ಬತ್ತಿನ ಆರೆನ ಸಿನೆಮೊಲು.

ಸತ್ಯಜಿತ್ ರೇ ಬಗೆಟ್ ಪುಗರ್ತೆದ ಪಾತೆರೊಲು[ಸಂಪೊಲಿಪುಲೆ]

  • ವಿಸ್ವೊದ ಸಾರ್ವಕಾಲಿಕ ಪುಗರ್ತೆದ ನಿರ್ದೇಶಕೆರೆ ಸಾಲ್‍ಡ್ ಪ್ರಮುಕೆರಾಯಿನ ಅಕಿರಾ ಕುರಸೋವ ಪನ್ಪುನಂಚ, ಮಾನವ ಜೀವನೊದ ಕುರಿತಾದ್ ದಿಂಜ ಪ್ರಶಾಂತೊ, ಉಳತಿರ್ಲ್ ಬುಕ್ಕೊ ಪ್ರೇಮೊನು ಪಿದಯಿಪಾಡುನ ಅಂಸೊಲು ಸತ್ಯಜಿತ್ ರೇ ಆರೆನ ಮಾಂತ ಸಿನೆಮೊಲೆನ ವಿಸಿಷ್ಟೊ ಆದ್ ಅವು ಎನ್ನ ಮಿತ್ತ್ ದಿಂಜ ಪ್ರಬಾವೊ ಬೀರ್ದ್ಂಡ್
  • ಸಿಸ್ವೊದ ಪುಗರ್ತೆದ ಸಿನೆಮೊ ನಿರ್ದೇಶಕೆರೆಡ್ ಒರಿಯಾಯಿನ ಮಾರ್ಟಿನ್ ಸ್ಕೊರ್ಸೆಸೆ ಆರ್ ವಾಷಿಂಗ್ಟನ್ ಪೋಸ್ಟ್ ಪತ್ರಿಕೆಡ್ ಸತ್ಯಜಿತ್ ರೇ ಬಗೆಟ್ ೨೦೦೨ಡ್ ವರ್ಸೊಡು ಬರೆಯಿನ ಈ ಗೌರವೊದ ಪಾತೆರೊಲು ಸತ್ಯಜಿತ್ ರೇ ಆರೆನ ಬಗೆತ ಸಂಪೂರ್ಣ ತಿಳುವಳಿಕೆದ ಸಮಗ್ರೊ ಸಾರಾಂಸೊದಂಚ ಉಂಡು. “ಸತ್ಯಜಿತ್ ರೇ ಸಿನಿಮಾ ಮಾಲ್ಪುನಗ ಕೆಲವೊಂಜಿ ಗಲಿಗೆಲು ನಿಕ್ಲೆಗ್ ಅರ್ತೊ ಆಪುಜಿ ಪನ್ಪಿ ಅಪರಿಚಿತೊ ವಾತಾವರನೊನು ಪುಟಾದ್ ಬುಡ್ಪೊ. ಕಾರನೊ ಆರ್ ಪನ್ಪಿನ ಸಂಸ್ಕೃತಿ ದಿಂಜ ಸಂಕೀರ್ಣೊವಾಯಿನ. ಆಂಡ ಕೆಲವೇ ಕ್ಷಣೊಲೆಡ್ ಅಲ್ಪದ ವ್ಯಕ್ತಿಲು ಈರೆಗ್ ಕೈತಲಾವೊಂದು ಪೋಪೆರ್, ಜೊತೆಟ್ ಆರೆನ ಸಂಸ್ಕೃತಿನ್ ಕೂಡಾ ಈರೆಗ್ ರುಚಿಯಾಪುನಂಚ ಕೈತಲ್ ಕೊನರುವೆರ್.ಲ ಆರ್ ಪಾತೆರುನ ವಿಷಯೊ ನಿಕ್ಲೆಗ್ ಅರ್ತೊ ಆವಂದ್. ಆರ್ ತುತ್ತುನ ಕುಂಟುಲೆ ವಿನ್ಯಾಸೊ ನಿಕ್ಲೆಗ್ ವಿಚಿತ್ರವಾಯೆರೆ ಯಾರು, ಆರೆನ ಪದ್ದತಿಲು ಸಂಪೂರ್ಣ ಬೇತೆನೇ ಇಪ್ಪು. ಆಂಡ ಸತ್ಯಜಿತ್ ರೇ ಕೊರ್ಪಿನ ಸಾಚ ಮಾನವೀಯ ಸಂವೇದನೆಡ್ ಈರೆಗ್ ತೆರಿಯರಾವಂದಿನಂಚ ಅವು ಕೈತಲಾವೊಂದು ಪೋಪುಂಡು. ಆ ವ್ಯಕ್ತಿಲೆ ಬದ್‌ಕ್ ಈರೆಗ್ ದಿಂಜ ಕುತೂಹಲ ಬುಕ್ಕೊ ಅಚ್ಚರಿಲೆನ್ ಜತೆಜತೆಟ್ ಸೃಸ್ಟಿಸವುನವು ಆದ್, ನಮೊಡ್ದಂಚಿ ಬೇತೊಂಜಿ ಸಂಸ್ಕೃತಿ ಉಂಡು ಪನ್ಪುನವು ತಾನಾದ್ ಗೋಚರೊಗು ಬರ್ಪುಂಡು.”

ಪ್ರಶಸ್ತಿಲು, ಗೌರವೊಲು[ಸಂಪೊಲಿಪುಲೆ]

  • ಸತ್ಯಜಿತ್ ರಾಯ್ ಆರೆಗ್ ಪತ್ರಿಕೋದ್ಯಮ ಬುಕ್ಕೊ ಸಂಸ್ಕೃತಿಗಾದ್ ೧೯೬೭ನೆ ರಾಮನ್ ಮೆಗ್ಸಾಸೆ ಪುರಸ್ಕಾರೊ ತಿಕ್‍ದ್ಂಡ್.[೨]
  • ೧೯೭೮ನೆ ವರ್ಸೊಡು ಬರ್ಲಿನ್ ಚಿತ್ರೋತ್ಸವೊದ ನಿರ್ವಾಹಕ ಸಮಿತಿ ಸತ್ಯಜಿತ್ ರೇ ಆರೆನ್ ವಿಸ್ವೊದ ಮೂಜಿ ಪುಗರ್ತೆದ ನಿರ್ದೇಶಕೆರೆಡ್ ಒರಿಂದ್ ಕೊಂಡಾಡ್ಂಡ್. *೧೯೯೨ನೆ ವರ್ಸೊಡು ಆರೆಗ್ ಆಸ್ಕರ್ ಅಕಾಡೆಮಿ ಪ್ರಶಸ್ತಿ ಸಮಿತಿ ಜೀವಮಾನೊದ ಸಾಧನೆದ ಗೌರವೊನು ಕೊರ್ಂಡ್.[೩]
  • ಆರೆಗ್ ಸಂದಿನ ಬೇತೆ ಪ್ರಶಸ್ತಿಲು ಪಂಡ ಪ್ರಾನ್ಸ್ ದೇಸೊದ ಪ್ರತಿಷ್ಟಿತ ‘ಲೆಜೆನ್ ಡಿ ಹಾನರ್’
  • ನಮೊನ ದೇಸೊದ ಸಿನೆಮೊರಂಗೊದ ಪುಗರ್ತೆದ ಗೌರವೊ ಆಯಿನ 'ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ'[೪]
  • ದೇಸೊದ ಪುಗರ್ತೆದ ಮಲ್ಲ ಗೌರವೊ ‘ಭಾರತರತ್ನ’ ಪ್ರಶಸ್ತಿ.[೫]

ಸಾವು[ಸಂಪೊಲಿಪುಲೆ]

ಇಂಚಿತ್ತಿ ಮಲ್ಲ ಪುಗರ್ತೆದ ಮಹಾನ್ ಸತ್ಯಜಿತ್ ರೇ ಆರ್ ಏಪ್ರಿಲ್ ೨೩, ೧೯೯೨ಡ್ ನಿದನೆರಾಯೆರ್. ಈ ಮಹಾನ್ ಮಾನವೀಯೊ ಸೂಕ್ಷ್ಮಮತೆಲೆ ತಿರ್ಲ್ ತೆರಿಪುದ ಪ್ರಾಜ್ಞೆ ಬುಕ್ಕೊ ಅಭಿವ್ಯಕ್ತಿದ ಪರಮೋಚ್ಚ ಪ್ರತಿಭಾವಂತೆರ್ ನಿತ್ಯೊ ಸ್ಮರಣೀಯರೆನಿಸದೆರ್.[೬]

ಸತ್ಯಜಿತ್ ರಾಯ್ ಆರೆನ ಸಿನೆಮೊಲು[ಸಂಪೊಲಿಪುಲೆ]

  • ಪಥೇರ ಪಾಂಚಾಲಿ (೧೯೫೫)
  • ಅಪರಾಜಿತೊ (೧೯೫೬)
  • ಪರಶ್ ಪಥೇರ್ (೧೯೫೮)
  • ಜಲಸಾಘರ (೧೯೫೮)
  • ಅಪೂರ ಸಂಸಾರ (೧೯೫೯)
  • ದೇವಿ (೧೯೬೦)
  • ತೀನ್ ಕನ್ಯಾ (೧೯೬೧)
  • ಕಾಂಚನಜಂಗಾ (೧೯೬೨)
  • ಅಬಿಜನ (೧೯೬೨)
  • ಮಹಾನಗರ (೧೯೬೩)
  • ಚಾರುಲತಾ (೧೯೬೪)
  • ಕಾಪುರುಷ-ಓ-ಮಹಾಪುರುಷ (೧೯೬೫)
  • ನಾಯಕ (೧೯೬೬)
  • ಚಿಡಿಯಾಖಾನಾ (೧೯೬೭)
  • ಗೂಪಿ ಗೈನೆ, ಬಾಘಾ ಬೈನೆ (೧೯೬೮)
  • ಅರಣ್ಯೇರ್ ದಿನರಾತ್ರಿ (೧೯೬೯)
  • ಪ್ರತಿದ್ವಂದಿ (೧೯೭೦)
  • ಸೀಮಾಬದ್ಧ (೧೯೭೧)
  • ಅಶಾನಿ ಸಂಕೇತ (೧೯೭೩)
  • ಸೋನಾರ ಕೆಲ್ಲಾ (೧೯೭೪)
  • ಜನ ಅರಣ್ಯ (೧೯೭೫)
  • ಶತರಂಜ ಕೆ ಖಿಲಾಡಿ (೧೯೭೭)(ಹಿಂದಿಯಲ್ಲಿ)
  • ಜೊಯ್ ಬಾಬಾ ಫೇಲೂನಾಥ (೧೯೭೮೦
  • ಹೀರಕ ರಾಜಾರ ದೇಶೆ (೧೯೮೦)
  • ಸದ್ಗತಿ (೧೯೮೧)
  • ಘರೆ ಬೈರೆ (೧೯೮೪)
  • ಗಣಶತ್ರು (೧೯೮೯)
  • ಶಾಖಾ ಪ್ರೊಶಾಖಾ (೧೯೯೦)
  • ಆಗಂತುಕ (೧೯೯೧)

ಬಾಹ್ಯ ಸ೦ಪರ್ಕೊಲು[ಸಂಪೊಲಿಪುಲೆ]

ಉಲ್ಲೇಕೊ[ಸಂಪೊಲಿಪುಲೆ]

  1. http://www.imdb.com/name/nm0006249/
  2. http://rmaward.asia/awardees/ray-satyajit/
  3. https://www.youtube.com/watch?v=xksRC4AcEzk
  4. https://www.revolvy.com/main/index.php?s=List+of+awards+and+nominations+received+by+Satyajit+Ray
  5. http://www.infoqueenbee.com/2013/01/biography-of-satyajit-ray-indian-cinema.html
  6. http://www.infoqueenbee.com/2013/01/biography-of-satyajit-ray-indian-cinema.html