ಸತ್ಯನಾರಾಯಣ ಪುಣಿಚಿತ್ತಾಯ

ಸತ್ಯನಾರಾಯಣ ಪುಣಿಚಿತ್ತಾಯ
ಪುಟ್ಟಿನ	ಕಾಸರಗೋಡು, ಪೆರ್ಲ
ರಾಷ್ಟ್ರೀಯತೆ	ಭಾರತೀಯ
Alma mater	ಸತ್ಯನಾರಾಣ ಹೈಸ್ಕೂಲ್, ಪೆರ್ಲ
Known for	ಯಕ್ಷಗಾನ ಭಾಗವತಿಕೆ
ಮಕ್ಕಳು	ಸೌರಭ್, ಸುನಾದ್
ಪಾಲಕರು	ಗೀತಾ (ಅಮ್ಮ) ಗಣಪತಿ ಪುಣಿಚಿತ್ತಾಯ (ಅಪ್ಪ)

ಸತ್ಯನಾರಾಯಣ ಪುಣಿಚಿತ್ತಾಯೆರ್ ಗಡಿನಾಡು ಕಾಸ್ರೋಡು ಜಿಲ್ಲೆದ ಎಣ್ಮಕಜೆ ಗ್ರಾಮೊದಾರ್. ಇಂಬೆರ್ ತೆಂಕು ಬೊಕ್ಕ ಬಡಗು ತಿಟ್ಟ್ ಯಕ್ಷಗಾನೊದ ಸವ್ಯಸಾಚಿ ಭಾಗವತೆರ್. ಎಲ್ಯ ಪ್ರಾಯೊ ಇಪ್ಪುನಗನೆ ಯಕ್ಷಗಾನ ಕ್ಷೇತ್ರೊಗು ಪ್ರವೇಶ ಪಡೆತೆರ್. ರಾಜ್ಯೊಡು ಮಾತ್ರ ಅತ್ತಂದೆ ಬೊಂಬಾಯಿ, ದೆಹಲಿ ಬೊಕ್ಕ ವಿದೇಶೊಡುಲ ನಡತ್ತಿನ ಯಕ್ಷಗಾನ ಕಾರ್ಯಕ್ರಮೊಲೆಟ್ ಪಾಲ್ ಪಡೆತ್ತೆರ್. ಇಂಚಿಪ್ಪೊ ಆರೆಗ್ ಗೌರವ ಡಾಕ್ಟರೇಟ್ ಪದವಿಲ ತಿಕ್ದ್ಂಡ್.

ಬಾಲ್ಯ ಬೊಕ್ಕ ಶಿಕ್ಷಣೊ

ಕಾಸ್ರೋಡು ಜಿಲ್ಲೆದ ಎಣ್ಮಕಜೆ ಗ್ರಾಮೊದ ಶಿರಂತಡ್ಕ ಪನ್ಪಿನಲ್ಪ ೧೯೭೧ನೇ ಡಿಸೆಂಬರ್ ೨೩ ತಾನಿ ಪುಟ್ಯೆರ್. ಇಂಬೆರ್ ಗಣಪತಿ ಪುಣಿಚಿತ್ತಾಯ ಬೊಕ್ಕ ಗೀತಾ ದಂಪತಿನ ಮಗೆ. ಕೃಷಿ ಕುಟುಂಬ ಇತ್ತಿನ ಇಂಬೆರೆನ ಪೊಪ್ಪ ಯಕ್ಷಗಾನೊತ ಹವ್ಯಾಸಿ ಕಲಾವೆದೆರ್ ಆದಿತ್ತೆರ್. ತಾಳಮದ್ದಳೆಡ್ ಅರ್ಥ ಪನೊಂದಿತ್ತೆರ್. ಅಪ್ಪೆ ಗೀತಾ ಹಿಮ್ಮೇಳ ಬೊಕ್ಕ ಮುಮ್ಮೇಳ ಕಲಾವಿದೆ ಆದಿತ್ತಿನ ಅಡೂರು ಸೂರ್ಯನಾರಾಯಣ ಕಲ್ಲೂರಾಯೆರ್ನ ಮಗಲ್. ಅಂಚಾದ್ ಸತ್ಯನಾರಾಯಣ ಪುಣಿಚಿತ್ತಾಯೆರೆಗ್ ಎಲ್ಯ ಪ್ರಾಯೊಡೆ ಯಕ್ಷಗಾನೊದ ಆಸಕ್ತಿ ಬುಲೆಯಿಂಡ್. ಪೆರ್ಲ ಶ್ರೀ ಸತ್ಯನಾರಾಯಣ ಹೈಸ್ಕೂಲ್ಡ್ ಶಿಕ್ಷಣ ಪಡೆಯೆರ್. ಬಜಕೂಡ್ಲು ದೇವಸ್ಥಾನದ ಆಡಳಿತ ಮೊಕ್ತೇಸರಾದಿತ್ತಿನ ಶ್ರೀ ಕೃಷ್ಣ ಶ್ಯಾನುಭೋಗರೆಡ್ದ್ ಇಲೆಕ್ಟ್ರಿಷಿಯನ್ ಬೇಲೆಲ ಕಲ್ತ್ದಿತ್ತೆರ್. ಎಲ್ಯೊಡು ಪೊಪ್ಪನೊಟ್ಟುಗು ಆಟೊಗು ಪೋವೊಂದಿತ್ತೆರ್. ಬೊಳ್ಳುರೋಡಿ ನಾರಾಯಣ ಭಟ್ಟರೆಡ್ದ್ ಯಕ್ಷಗಾನೊ ಪದ್ಯ ಪನ್ಪುನೆನ್ ಆರ್ನ ಆಣ್ಣ ಸತೀಶ್ ಫುಣಿಚಿತ್ತಾಯೆರ್ನೊಟ್ಟುಗು ಕಲ್ಪುವೆರ್.

ಯಕ್ಷಗಾನೊ ಕ್ಷೇತ್ರ

ಮಂಗಳಾದೇವಿ ಮೇಳ, ಎಡನೀರು ಮೇಳ, ಕೊಲ್ಲಂಗಾನ ಮೇಳ, ಸಸಿಹಿತ್ತಿಲು ಮೇಳ, ಬಿದ್ಕಲ್ಕಟ್ಟೆ ಶ್ರೀ ಗಣೇಶ ಯಕ್ಷಗಾನ ಸಂಘ, ಮಂದಾರ್ತಿಮೇಳ ಇತ್ಯಾದಿ ಮೇಳೊಡು ಪಾಲ್ ಪಡೆಯೊಂದು ಸುಮಾರ್ಯ ೩೦ ವರ್ಷಡ್ದ್ ಯಕ್ಷಗಾನೋ ಕಲಾ ಸೇವೆ ಮಲ್ತೊಂದುಲ್ಲೆರ್. ತೆಂಕು ತಿಟ್ ಬೊಕ್ಕ ಬಡಗು ತಿಟ್ ರಡ್ ಪ್ರಯೋಗಲೆನ್ಲ ಸವ್ಯಸಾಚಿಯಾದ್ ಮಲ್ಪುವೆರ್. ನಾಟ್ಯಗುರು ಸುಬ್ಬಣಕೋಡಿ ರಾಮಭಟ್ಟರೆಡ್ದ್ ತೆಂಕ್ ದ ಪೂರ್ವಾರಂಗೊನು ಅಭ್ಯಾಸ ಮಲ್ದೆರ್.

ಧ್ವನಿಸುರುಳಿ ಸಾಹಿತ್ಯ

ಇಲ್ಲಲ್ ಆರ್ಥಿಕ ಸಮಸ್ಯೆ ಎದುರಾನಗ ಪೆರ್ಲಡ್ ಕೀರ್ತನ್ ಮ್ಯೂಸಿಕ್ಸ್ ಪನ್ಪಿನ ಸಂಸ್ಥೆನ್ ಕಟ್ಟುವೆರ್. ೬೦ ಭಕ್ತಿಗೀತೆಗ್ ಸಾಹಿತ್ಯೊ ಬರೆದ್ ಸಂಗೀತ ರಚನೆ ಮಲ್ಪುವೆರ್. ಇತ್ತೆಲ ಆರ್ ಬರೆತ್ತಿನ ಧ್ವನಿಸುರುಳಿಲು ತಿಕ್ಕುಂಡು. ಆಂಡ ಇತ್ತೆ ಹವ್ಯಾಸಿಯಾದ್ ಸಾಹಿತ್ಯ ಬರೆಯೊಂದುಲ್ಲೆರ್.