ಸಪ್ತಪದಿ

ಸಪ್ತಪದಿ

ಸಪ್ತಪದಿ ಪನ್ಪಿನವು ಭಾರತೊದ ಹಿಂದೂ ಸಂಪ್ರಾದಾಯೊದ ಮದಿಮೆಡ್ ಇಪ್ಪುನ ಒಂಜಿ ಕ್ರಮೊ. ಮದಿಮಾಯೆ ಬೊಕ್ಕ ಮದಿಮಾಲ್ ಕರಿಮಣಿ ಕಟ್ಟಿ ಬೊಕ್ಕ ಒಟ್ಟುಗು ದೀಪಿನ ಏಲ್ ಪಜ್ಜೆ ಪಂದ್ ಪನ್ಪೆರ್. ೭ ಪಜ್ಜೆಲೆಗ್ ವಿಸೇಸವಾಯಿನ ಅರ್ತೊ ಉಂಡು. ಉಂದು ಕಂಡೆನಿ ಬುಡೆದಿ ಅಕುಲಕುಲು ಒಟ್ಟಿಗೆ ಇಪ್ಪುವ ಪಂದ್ ಬಾಸೆ ಕೊರ್ಪಿನ ಸಂಪ್ರದಾಯೊ. ಸಪ್ತಪದಿ ವೇದ ಕಾಲೊಡ್ದ್ ಬತ್ತಿನ ಒಂಜಿ ಕ್ರಮ

ಸಪ್ತಪದಿತೊ ಅರ್ತೊ

• ಒಂಜೆನೆ ಪಜ್ಜೆ - ದಾಂಪತ್ಯ ಜೀವನೊಡು ಬರ್ಪಿನ ಒವ್ವೆ ಬಂಗೊಲೆನ್ ಒಟ್ಟುಗು ತಾಂಗೊನ್ವ ಪಂದ್ ಸುರುತ್ತ ಪಜ್ಜೆ.
• ರಡ್ಡನೇ ಪಜ್ಜೆ- ಜೀವನೊಡು ಸಂತೋಸ ಇತ್ತದ್, ದಾಂಪತ್ಯ ಎಡ್ಡೆಡ್ ನಡಪಡ್ ಪನ್ಪಿನೆಕ್ ರಡ್ಡನೇ ಪಜ್ಜೆ
• ಮೂಜನೇ ಪಜ್ಜೆ - ಕುಟುಂಬೊಡು ಸಂಪತ್ ಎಚ್ಚ ಆದ್, ಇಲ್ಲ್ ಎಡ್ಡೆ ಆವೋಡು ಪನ್ಪಿನೆಕ್ ಮೂಜನೇ ಪಜ್ಜೆ
• ನಾಲನೇ ಪಜ್ಜೆ - ದಾಂಪತ್ಯೊಡು ರಡ್ ಜನಕ್ ಲ ಸಮಾನವಾಯಿನ ಜವಬ್ದಾರಿ ಉಂಡು ಪನ್ಪಿನೆಕ್ ನಾಲನೇ ಪಜ್ಜೆ
• ಐನ್ನೇ ಪಜ್ಜೆ - ಕುಟುಂಬೊನು ಬುಲೆಪಾವಿನ ಜೋಕುಲು ಬಾಲೆಲು ಆವೊಡು ಐನ್ನೇ ಪಜ್ಜೆ
• ಆಜನೇ ಪಜ್ಜೆ - ಕುಟುಂಬೊಡು ಮಾತೆರೆಗ್ಲಾ ಎಡ್ಡೆ ಆರೋಗ್ಯ ಇಪ್ಪಡ್ ಪನ್ಪಿನೆಕ್ ಆಜನೇ ಪಜ್ಜೆ
• ಏಲನೇ ಪಜ್ಜೆ - ಸತಿ-ಪತಿಲು ಒರಿಯಗೊರಿ ಗೌರವ ಕೊರ್ದು, ಒಟ್ಟಿಗೆ ಇಪ್ಪುವ ಪಂದ್ ಅಕೇರಿಡ್ ಬಾಸೆ ಕೊರಪಿನ ಏಲನೇ ಪಜ್ಜೆ

ಕ್ರಮೊಟು ವ್ಯತ್ಯಾಸೊ

ಉತ್ತರ ಭಾರತೊ ಬೊಕ್ಕ ದಕ್ಷಿಣ ಭಾರತೊದ ಕ್ರಮೊಟ್ಟು ವ್ಯತ್ಯಾಸ ಉಂಡು. ದಕ್ಷಿಣ ಭಾರತೊಡು ಪಜ್ಜೆ ದೀವೊಂದೆ ಬಾಸೆ ಬಾಸೆ ಕೊರ್ಪಿನ ಕ್ರಮ ಆಂಡ, ಉತ್ತರ ಭಾರತೊಡು ಸಪ್ತಪದಿ ಆಯಿ ಬೊಕ್ಕ ಅಕುಲು ಒರಿಯಗೊರಿ ಕೈ ಪತ್ತದ್ ಒಟ್ಟಿಗೆ ಇಪ್ಪುವ ಪಂದ್ ಬಾಸೆ ಕೊರ್ಪಿನ ಕ್ರಮೊ ಉಂಡು.