ಸಮೀರಾ ರೆಡ್ಡಿ

ಸಮೀರಾ ರೆಡ್ಡಿ
2017 ರಲ್ಲಿ ಸಮೀರಾ ರೆಡ್ಡಿ
ಪುಟ್ಟು	ಬಾಂಬೆ, ಮಹಾರಾಷ್ಟ್ರ, ಭಾರತ
ಕಲ್ತಿನ ಶಾಲೆ/ವಿ.ವಿ	ಸಿಡೆನ್ಹ್ಯಾಮ್ ಕಾಲೇಜು
ಬೇಲೆ/ಲು	ನಟಿ
ಸಕ್ರಿಯೊ ವರ್ಷೊಲು	2002–2013
ಸಂಗಾತಿ	ಅಕ್ಷಯ್ ವರ್ದೆ ​ (m. ೨೦೧೪)​
ಜೋಕುಲು	2
ಸಮ್ಮಂದೊ	ಸುಶಾಮಾ ರೆಡ್ಡಿ (ಸಹೋದರಿ)
ದಸ್ಕತ್

ಸಮೀರಾ ರೆಡ್ಡಿ (ಜನನೊ 14 ಡಿಸೆಂಬರ್ 1980) ಡ್ ಹಿಂದಿ ಚಲನಚಿತ್ರೊಡ್ ನಟಿಸುದಿನ ಭಾರತದ ನಟಿ. ಆರ್ ಕೆಲವು ತೆಲುಗು ಬೊಕ್ಕ ತಮಿಳು ಚಲನಚಿತ್ರೊಲೆಡುಲ ಅಭಿನಯ ಮಂದೇರ್. 2002 ತ ಚಿತ್ರೊ ಮೈನೆ ದಿಲ್ ತುಝ್‌ಕೋ ದಿಯಾ ದ ಮೂಲಕ ಸಮೀರಾ ರೆಡ್ಡಿ ಚಿತ್ರರಂಗೊಕ್ ಪ್ರವೇಶ ಮಂತೆರ್.

ಮೆರ್ ಅಭಿನಯ ಮಂದಿನ ಕೆಲವು ಸಿನಿಮೊಲು

ಡರ್‌ನಾ ಮನಾ ಹೈ (2003)

ಅನಿಲ್ ಕಪೂರ್ ನಾ ಒಟ್ಟುಗು ನಟನೆ ಮಂದಿನ ಮುಸಾಫಿರ್ (2004)

ಜೈ ಚಿರಂಜೀವಾ (2005)

ಟ್ಯಾಕ್ಸಿ ಸಂಖ್ಯೆ 9211(2006)

ಅಶೋಕ್ (2006), ರೇಸ್ (2008)

ವಾರಣಮ್ ಆಯಿರಮ್ (2008)

ಡಿ ದಾನಾ ಡಾನ್ (2009)

ಆಕ್ರೋಶ್ (2010)

ವೆಟ್ಟೈ (2012)

ಬೊಕ್ಕ ತೇಜ಼್ (2012)

ಬಾಲ್ಯೊ

14 ಡಿಸೆಂಬರ್ 1978, ಮುಂಬೈಡು ಆಂಧ್ರ ಪ್ರದೇಶದೊ ತೆಲುಗು ಕುಟುಂಬೊದ ಅಪ್ಪಗ್ ಬೊಕ್ಕ ಮಂಗಳೂರು/ಕುಡ್ಲದ ಕೊಂಕಣಿ ಅಮ್ಮ ಗ್ ಮಗಳಾದ್ ಪುಟ್ಟಿನಾರ್ ಸಮೀರಾ ರೆಡ್ಡಿ. ಸಮೀರಾ ನ ಅಮ್ಮ ನಕ್ಷತ್ರ ರೆಡ್ಡಿ ಸುಕ್ಷ್ಮಾಣುಜೀವಿ ಶಾಸ್ತ್ರಜ್ಙೆ. ಬೊಕ್ಕ ಒಂಜಿ NGO ಯೊದೊಟ್ಟುಗು ಕೆಲಸ ಮಂದೆರ್. ಸಮೀರಾ ಗ್ ರಡ್ಡ್ ಜನ ಒಪ್ಪ ಪುಟ್ಟುದಿನ ಅಕ್ಕನಕುಲು ಉಲ್ಲೇರ್, ಮಾಜಿ ವಿಜೆ ಬೊಕ್ಕ ಸೂಪರ್‌ಮಾಡೆಲ್ ಮೇಘನಾ ರೆಡ್ಡಿ ಬೊಕ್ಕ, ಹಿಂದಿ ಸಿನೆಮಾದ ನಟಿ /ಮಾಡೆಲ್ ಸುಷಾಮ ರೆಡ್ಡಿ. ಸಮೀರಾ ನ ಪ್ರಾಥಮಿಕ ಶಿಕ್ಷಣ ಮುಂಬೈದ ಮಹೀಮ್ನ ಬಾಂಬೆ ಸ್ಕಾಟಿಷ್ ಶಾಲೆಡ್ ಆಂಡ್ ಬೊಕ್ಕ ಸಿಡೆನ್ಹಾಮ್ ಕಾಲೇಜುಡ್ದು ಆರ್ ಪದವಿ ಪಡೆಯೆರ್. ಸಮೀರಾ ಅಲೇನ್ ಆಲೇ, ಟೋಮ್ ಬಾಯ್ ( ಪೊಣ್ಣು ಆನ್ ಲೆಕ್ಕ ಮನ್ಪುನು) ಪಂದ್, ಬೊಕ್ಕ ತನ್ನ ಕುಟುಂಬೊದ ಕುರೂಪಿ ಮಗಳ್ ಪಂದು ಬಣ್ಣಿಸಾದೆರ್. ಒಂಜಿ ಪತ್ರಿಕೆದ ಸಂದರ್ಶನೊಡು "ಯಾನ್ 19 ವರ್ಷದ ತನಕ ಕನ್ನಡಕೊನು ಪಾಡೊಂದು, ಧಡೂತಿ ದೇಹದ ಪೊಣ್ಣಾದಿತ್ತೆ". ಪಂದ್ ಲಾ ಪಂತೇರ್.

ವೃತ್ತಿ

ಮೀರಾ ರೆಡ್ಡಿ ಸುರುಕು ಗಝಲ್ ಗಾಯಕ ಪಂಕಜ್ ಉಧಸ್ ಅರೆನ "ಔರ್ ಅಹಿಸ್ಟಾ" ಸಂಗೀತ ವೀಡಿಯೋ/ ಅಲ್ಬಮ್ ಡ್ 1997 ಟ್ ಸುರುಕಾದು ತೋಜುದು ಬತ್ತೆರ್. 2೦೦೦ರ ದಶಕೊದ ಆರಂಭೊಡು ಸಮೀರಾ ರೆಡ್ಡಿ ತಮಿಳು ಚಿತ್ರೊಡು ನಟಿಯಾದ್ ಆಯ್ಕೆ ಆಯೇರ್. ಆಂಡಾ ಆ ಚಿತ್ರೊಡು ಮುಂದುವರಿಸರೆ ಆಯಿಜಿ. ಮಾಡೆಲಿಂಗ್ ಅನುಭವೊಡು ಆರ್ ಹಿಂದಿ ಚಿತ್ರ ರಂಗದ ಗಮನ ಸೆಳೆಯೆರ್. 2002ದ ಹಿಂದಿ ಚಿತ್ರ ಮೈನೆ ದಿಲ್ ತುಜ್ಕೊ ದಿಯ ಡ್ ಪ್ರಮುಖ ಪಾತ್ರೊಡು ನಟನೆ ಮಂತೆರ್. 2004ಟ್, ಸಮೀರಾ ಮುಸಾಫಿರ್ ಸಿನಿಮಾಡ್ ಅನಿಲ್ ಕಪೂರ್, ಸಂಜಯ್ ದತ್ ಬೊಕ್ಕ ಕೋಯ್ನಾ ಮಿತ್ರರ ಎದುರುಡು ಬೊಳ್ಳಿ ಪರದೆಡು ತೋಜುದು ಬತ್ತೆರ್.ಸಮೀರಾ ರೆಡ್ಡಿ ಗೌತಮ್ ಮೆನನ್ ನಿರ್ದೇಶನ ಮಂದಿನ ತಮಿಳು ಚಲನಚಿತ್ರ ವಾರಣಮ್ ಆಯಿರಾಮ್ ಡ್ ನಾಯಕಿಯಾದ್ ಸೂರ್ಯ ಶಿವಕುಮಾರ್ ನ ಎದುರ್ ನಟನೆ ಮಂತೆರ್. ಭಾರಿ ಮಲ್ಲಾ ಗೆಲುವು ಸಾಧಿಸಿನ ಈ ಚಿತ್ರೊಡು ಸಮೀರಾ ರೆಡ್ಡಿ ನ ಅಭಿನಯೊಗು ಭಾರಿ ಜನಮನ್ನಣೆ ತಿಕ್ಕುಂಡು. ಗೌತಮ್ ಮೆನನ್ ಅರೆನ ರಡ್ಡ್ ಚಿತ್ರೊಗು ಆರ್ ಸಹಿ ಪಾಡಿಯೆರ್; ಯೋಹನ್ ಆದ್ಯಯಾಮ್ ಒಂಡ್ರೂ ಬೊಕ್ಕೊ ಒಂಜಿ ಧ್ರುವ ನಕ್ಷತ್ರಂ. ಆಂಡಾ ಅರೆನ್ ಕಡೆಗ್, ಈ ರಡ್ಡ್ ಚಿತ್ರೊಲೆಡ್ ದ್ಲಾ ಕೈ ಬುಡಿಯೆರ್.

ಮಾಡೆಲಿಂಗ್

ಸಮೀರಾ ರೆಡ್ಡಿ 2002 ಟ್, ಮಿಸ್ ಶ್ರೀಲಂಕಾ ಆನ್ಲೈನ್ ಸ್ಪರ್ಧೆದ ತೀರ್ಪುಗಾರರಾದು ಇತ್ತೆರ್.ಅವೇತೋ ಬಾರಿ ಕ್ಯಾಟ್ ವಾಕ್ ರಾಂಪ್ ಷೋ ಗಳಲ್ಲಿ ಭಾಗವಹಿಸಿ ಮನ್ನಣೆ ಪಡೆದ್ಲಾ ಇತ್ತೆರ್.

ವೈಯಕ್ತಿಕೊ ಬದುಕು

ಸಮೀರಾ ರೆಡ್ಡಿ ಅಮೇರಿಕನ್ ಟಾಕ್ ಶೋ ದ ಜನಪ್ರಿಯರಾಯಿನ ಓಪ್ರಾ ವಿನ್ಫ್ರೇ ಅರೆನ ಮಲ್ಲಾ ಅಭಿಮಾನಿ. ಪರ್ಮೇಶ್ವರ್ ಗೋದ್ರೆಜ್ ಆಯೋಜಿಸಾದ್ ಇತ್ತಿನ ಸ್ವಾಗತ ಸಮಾರಂಭೊಡು ಓಪ್ರಾ ವಿನ್ಫ್ರೇ ಭಾರತೊಗು ಭೇಟಿ ಕೊರಿನ ಸಂದರ್ಭೊಡು ಓಪ್ರಾ ಅರೆನ್ ಭೇಟಿಯಾದ್ , ಆರ್ ಪಿರಾ ಅಮೇರಿಕಾಗ್ ಪೋಪೀನ ದುಂಬು, ಸೀರೆನ್ ಉಡುಗೊರೆಯಾದ್ ಕೊರ್ದು ಇತ್ತೆರ್. ಸಮೀರಾ ರೆಡ್ಡಿ 21 ಜನವರಿ 2014 ದಾನಿ ಉದ್ಯಮಿಯಾಯಿನ ಅಕ್ಷಯ್ ವಾರ್ಡೆ ಅರೆನ್ ಮದಿಮೆ ಆಯೇರ್. ಉಂದು ಸಾಂಪ್ರದಾಯಿಕ ಮಹಾರಾಷ್ಟ್ರೊದ ಸಂಸ್ಕೃತಿ ಡ್ ಆಯಿನ ಮದಿಮೆ. ದಂಪತಿಲೆಗ್ ಒ೦ಜಿ ಆನ್ ಬೊಕ್ಕ ಒ೦ಜಿ ಪೊನ್ನು ಜೊಕುಲು ಉಲ್ಲೆರ್.

ಕನ್ನಡ ಚಿತ್ರೊಲು

ಹೆಚ್ಚಾದ್ ಹಿಂದಿ, ತೆಲುಗು, ತಮಿಳು ಬೊಕ್ಕ ಬೆಂಗಾಲಿ ಚಿತ್ರೊಲೆಡ್ ನಟಿಸಾಯಿನ ಸಮೀರಾ ರೆಡ್ಡಿ, ವರದ ನಾಯಕ ಕನ್ನಡ ಚಿತ್ರೊಡು ಸುದೀಪ್ ಗ್ ಜೋಡಿಯಾದ್ ನಟನೆ ಮಂದೆರ್. ಸಮೀರಾನೊಟ್ಟುಗು ನಟಿಸಾಯಿನಿ ಬಾರೀ ಎಡ್ಡೆದ ಅನುಭವ ಪಂದ್ ಸುದೀಪ್ ಪುಗರ್ ದಿತ್ತೆರ್.