ಸರಸ್ವತಿ ಭಂಡಾರಿ

ವಿಕಿಪೀಡಿಯರ್ದ್
Jump to navigation Jump to search

ನೂದು ವರ್ಸದ ಸರಸ್ವತಿ ಭಂಡಾರಿನ ಮೋಕೆದ ಪುದರ್ ಸರ್ಸ.[೧]

ಪುಟ್ಟು[ಸಂಪೊಲಿಪುಲೆ]

೧೯೦೯ಡ್ ಬ್ರಹ್ಮಾವರ ತೆಂಕುಮನೆ ಮಹಾಬಲೇಶ್ವರ ಶೆಟ್ರ್ ಅಮ್ಮೆರ್ ಬೊಕ್ಕ ಅಪ್ಪೆ ಮುತ್ತೂರು ಮನೆ ಲಕ್ಷ್ಮಿ ಶೆಡ್ತಿ ಮೊಕ್‌ಲೆಗ್ ಪುಟ್ಟುನ ನಾಲನೇ ಮಗಲ್. ಅಮ್ಮೆರ್ ಪರಂಪರೆದ ಕೃಷಿ ಮಲ್ತೊಂದಿತ್ತಿನಾರ್ ಬೊಕ್ಕ ಒಂಜಿ ಓಡುದ ಕಾರ್ಖಾನೆದ ದನಿ.

ಶಿಕ್ಷಣ[ಸಂಪೊಲಿಪುಲೆ]

ಸೈಂಟ್ ಸಿಸಿಲಿ ಕಾನ್ವೆಂಟ್‌ಡ್ ೮ನೇ ಮುಟ್ಟ ಓದುದೆರ್.

ಕಲೆ ಸಂಸ್ಕೃತಿದ ಒಡಿಪು[ಸಂಪೊಲಿಪುಲೆ]

ಹಿಂದೂಸ್ಥಾನಿ ಸಂಗೀತ, ಕನ್ನಡ ಪುರಾಣ ಬೊಕ್ಕ ಯಕ್ಷಗಾನೊಲೆನ್ ತೂವೊಂದು ಸಂಸ್ಕೃತಿದ ಅಡಿಪಾಯ ಪಾಡಿಯೆರ್. ಒಟ್ಟಿಗೆ ಇಂಗ್ಲೀಶ್ ಕಾವ್ಯೊನುಲಾ ಅಬ್ಯಾಸ ಮಲ್ತೆರ್. ಕೊಡಗುಡ್ ಸರ್ಸಗ್ ಪೂರ್ವ ಪಶ್ವಿಮದ ಸಂಸ್ಕೃತಿದ ಬಗ್ಗೆ ನನಲಾತ್ ತೆರಿಯೊಂಡೆರ್.

ಮದಿಮೆ[ಸಂಪೊಲಿಪುಲೆ]

ಸ್ಕಾಟ್‌ಲ್ಯಾಂಡ್‌ಡ್ ಕಲ್ತ್ನ ಕೊಡ್ಲಮೊಗರು ಲಕ್ಕಣ್ಣ ಭಂಡಾರಿಲೆನ ಒಟ್ಟಿಗೆ ೧೯೨೮ಗ್ ಮದಿಮೆ ಆಂಡ್. ಬೊಕ್ಕದ ಜೀವನ ಕೊಡಗುದ ಸೊಮವಾರ ಪೇಂಟೆಡ್, ಮೂಲು ಸಿಂಧಿ ಪೆತ್ತ ಕೈಕಂಜಿಲೆನ್ ಸಾಂಕಿಯೆರ್. ಮಗೆ ಅನಿಲ್ ಕುಮಾರ್ ಬೊಕ್ಕ ಮಗಲ್ ಉರ್ಮಿಳಾ.

ಅಭ್ಯಾಸ[ಸಂಪೊಲಿಪುಲೆ]

ನಾಯಿಲೆಗ್ ಟ್ರೈನಿಂಗ್ ಕೊರ್ಪಿನವು ಅರೆಗ್ ಕುಸಿತ ಬೇಲೆ. ಪುಸೊತ್ತುದ ಪೊರ್ತುಗು ಸಂಗೀತಾಭ್ಯಾಸ ಮಲ್ತೆರ್. ಕನ್ನಡೊಡು ಎಲ್ಯ ಕತೆಕ್ಲೆನ್ ಬರೆಯೊಂದಿತ್ತೆರ್. ಫೋಟೊಗ್ರಫಿನ್ ಹವ್ಯಾಸವಾದ್ ಮಲ್ತ್‌ದ್ ಅಚ್ಚಿ ಮಲ್ಪುನ ಬೇಲೆಲಾ ಮಲ್ತೊಂದಿತ್ತೆರ್. ಪೈಂಟಿಂಗ್, ತೋಟಗಾರಿಕೆ, ಟೆನ್ನಿಸ್ ಬೊಕ್ಕ ಶಟ್ಲ್ ಬ್ಯಾಡ್ಮಿಂಟನ್ ಗೊಬ್ಬುನು.

ಮೈಸೂರುದ ಜೀವನ[ಸಂಪೊಲಿಪುಲೆ]

ತನ್ನ ಆರೋಗ್ಯದ ದಿಟ್ಟಿಗಾದ್ ಕಂಡನಿನೊಟ್ಟು ಮೈಸೂರುಡು ಜೀವನ. ಯೂರೋಪ್ ಪ್ರವಾಸಲಾ ಪೋಯೆರ್. ಅರೆನ ತೋಟೊಗು ಏಪಲಾ ದಸರಾ ಬಹುಮಾನ ತಿಕೊಂದಿತ್ತ್ಂಡ್.

ಸಂಘುಟನೆಲು[ಸಂಪೊಲಿಪುಲೆ]

ಮಹಿಳಾ ಮಂಡಲದ ಕಾರ್ಯಂತೆರಾದುಪ್ಪುನಪಗ ಮೈಸೂರು ಮಹಾರಾಣಿದ ಗುರ್ಕಾರ್ಮೆ ವಹಿಸ್‌ದಿತ್ತೆರ್. ಮೂಲು ಸಮಾಜ ಸೇವೆಗ್ ಜತ್ತೆರ್, ಬೈಲ್‌ಕುಪ್ಪೆಡ್ ಟಿಬೆಟಿಯನ್ದಕ್ಲು ಉಂತುನ ಪೊರ್ತುಡು ಐಕ್ಕ್ ಬೋಡಾಯಿನ ಪನವು ಒಟ್ಟು ಮಲ್ತ್‌ದ್ ಮಲ್ತ್ ಬೇಲೆ ಮಲ್ತೆರ್.

ಉಲ್ಲೇಕೊ[ಸಂಪೊಲಿಪುಲೆ]

  1. ನಿರ್ಸಾನಿ-ಹಿರಿಯ ತುಳುವೆರೆ ಪರಿಚಯೊ, ವಿಶ್ವ ತುಳು ಸಮ್ಮೇಳನೊ, ೨೦೦೯ ಪುಟ-೩೨