ಸಾಂತ್ಯಾರು ಅನಂತಪದ್ಮನಾಭ ಭಟ್

ವಿಕಿಪೀಡಿಯರ್ದ್
ಸಾಂತ್ಯಾರು ಅನಂತಪದ್ಮನಾಭ ಭಟ್
ಜನನ
ಉಡುಪಿ
ರಾಷ್ಟ್ರೀಯತೆಭಾರತೀಯ
ವೃತ್ತಿಸ್ವಾತಂತ್ರ್ಯ ಹೋರಾಟಗಾರೆ

ಸಾಂತ್ಯಾರು ಅನಂತ ಪದ್ಮನಾಭ ಭಟ್ ಉಡುಪಿದಾರ್. ಇಂಬೆರ್ ಉಡುಪಿದ ಗಾಂಧಿ ಪನ್ಪಿನ ಪುಗರ್ತೆ ಪಡೆದಿತ್ತಿನ ಸ್ವಾತಂತ್ರ್ಯೊ ಹೋರಾಟಗಾರೆ. ಸ್ವಾತಂತ್ರ್ಯ ಹೋರಾಟದ ಸಮಯೊಡು ಉಡುಪಿ ಕೇಂದ್ರೊದ ಮುಖಂಡೆ ಆದಿತ್ತೆರ್. ಆರ್ನ ಸ್ವಂತೊ ಕಾಸ್ ಖರ್ಚಿಡ್ ಸ್ವಾತಂತ್ರ್ಯ ಹೋರಾಟೊಗು ಸಹಕಾರ ಕೊರ್ತೆರ್.[೧]

ಪರಿಚಯೊ[ಸಂಪೊಲಿಪುಲೆ]

ಅನಂತಪದ್ಮನಾಭ ಭಟ್ ೧೮೮೪ನೇ ಜನವರಿ ೩೦ಗು ಉಡುಪಿಡ್ ಪುಟ್ಯೆರ್. ಮೇರ್ ಸಾಂತ್ಯಾರು ವೆಂಕಟಸುಬ್ಬಾಭಟ್ಟೆರ್ನ ಮಗೆ. ಪೆರ್ಡೂರು ಕೈತಲ್ದ ಸಾಂತ್ಯಾರು, ಬೈರಂಪಳ್ಳಿ ಬೊಕ್ಕ ಬೆಳ್ಳರ್ಪಾಡಿ ಗ್ರಾಮೊಲೆನ ಆನುವಂಶಿಕ ಪಟೇಲೆ ಆದಿತ್ತೆರ್. ಉಡುಪಿ ಜಿಲ್ಲೆಡ್ ಮೂಜಿ ರಾಷ್ಟ್ರೀಯ ಶಾಲೆಲೆನ್ ೨೫ ವರ್ಸೊ ನಡಪಾದೆರ್. ಅಲ್ಪ ಪೊಣ್ಣು ಜೋಕುಲೆಗ್ ಆಶ್ರಮೊದ ವ್ಯವಸ್ಥೆ ಮಲ್ತ್ದಿತ್ತೆರ್. ಸ್ವಾತಂತ್ರ್ಯ ಹೋರಾಟಗಾರೆ ಬೊಕ್ಕ ಪತ್ರಕರ್ತೆ-ಸಾಹಿತಿಯಾದಿತ್ತಿನ ಕೆ.ಕೆ. ಶೆಟ್ಟಿ ಅಂಚನೆ ಕೆ. ಹೊನ್ನಯ್ಯ ಶೆಟ್ಟಿ ಸಾಂತ್ಯಾರು ಅನಂತಪದ್ಮನಾಭ ಭಟ್ರೆನ ಶಾಲೆಡ್ ಶಿಕ್ಷಕೆರಾದ್ ಬೇಲೆ ಮಲ್ದೆರ್.

ಸ್ವಾತಂತ್ರ್ಯ ಹೋರಾಟೊ[ಸಂಪೊಲಿಪುಲೆ]

1921ಟ್ ಪಟೇಲ ಕಸುಬುನು ಬುಡ್ದ್ ಗಾಂಧೀಜಿನ ರಾಷ್ಟ್ರೀಯ ಆಂದೋಲೊನುಗು ಸೇರ್ದ್ ಅಸಹಕಾರ ಬೊಕ್ಕ ಉಪ್ಪಿನ ಸತ್ಯಾಗ್ರಹೊಟ್ಟು ಪಾಲ್ ಗೆತೊನುವೆರ್. ಇಂಬೆರೆಗ್ ರಡ್ ಸರ್ತಿ ಜೈಲ್ ಶಿಕ್ಷೆ ಆದಿತ್ತಂಡ್. ಆಂಡಲ ಶಾಲೆ ಬೊಕ್ಕ ಬೇತೆ ಬೇತೆ ಸಮಾಜ ಸೇವೆಡ್ ತೋಜುದು ಬರ್ಪೆರ್.

ಉಲ್ಲೇಕೊ[ಸಂಪೊಲಿಪುಲೆ]

  1. "'ಉಡುಪಿಯ ಗಾಂಧಿ'".