ಸುಗತ ಕುಮಾರಿ

ಸುಗತ ಕುಮಾರಿ
ಪುಟ್ಟಿನ ಊರು	೨೨ ಜನವರಿ, ೧೯೩೪ ಅರನ್ಮುಲ
ದಂಪತಿಲು	ಡಾ. ಕೆ. ವೇಲಾಯುಧನ್ ನಾಯರ್
ಬೇಲೆ	ಕವಯಿತ್ರಿ, ಪರಿಸರವಾದಿ
ಬಾಸೆ	ಮಲಯಾಳಂ
ದೇಸೊ	ಭಾರತೀಯ
ಕಲ್ತ್‌ನ ಸಂಸ್ಥೆ	ಯುನಿವರ್ಸಿಟಿ ಕಾಲೇಜು, ತಿರುವನಂತಪುರ
ಪೊಲಬುದ ಬೇಲೆ	ರಾಥರಿಮಝಾ, ಅಂಬಲಮಣಿ, ಮನಲೆಝುತು
ಜೋಕುಲು	ಲಕ್ಷ್ಮೀ

ಸುಗತಕುಮಾರಿ ಭಾರತೀಯ ಕವಯಿತ್ರಿ ಬೊಕ್ಕ ಸಾಮಾಜಿಕ ಕಾರ್ಯಕರ್ತೆ. ಇಂಬೆರ್ ಕೇರಳ ಬೊಕ್ಕ ದಕ್ಷಿಣ ಭಾರತೊಡು ಪರಿಸರ ಅಂಚನೇ ಸ್ತ್ರೀವಾದಿ ಚಳವಳಿಲೆಡ್ ಮಸ್ತ್ ಬೇಲೆ ಮಲ್ದೆರ್. ಇಂಬೆರ್ನ ಅಮ್ಮೆರ್ ಕವಿ ಬೊಕ್ಕ ಸ್ವಾತಂತ್ರ್ಯ ಹೋರಾಟಗಾರೆ ಆಯಿನ ಬೋದೆಶ್ವರನ್ ಅಂಚನೇ ಅಮ್ಮ ಸಂಸ್ಕೃತ ವಿದ್ವಾಂಸೆಯಾಯಿನ ವಿ. ಕೆ. ಕಾರ್ತಿಯಾಯಿಣಿ. ಸುಗತ ಕುಮಾರಿ ಪ್ರಕೃತಿ ಸಂರಕ್ಷಣಾ ಸಮಿತಿದ ಸಂಸ್ಥಾಪಕ ಕಾರ್ಯದರ್ಶಿ. ಈ ಸಂಸ್ಥೆ ಪರಿಸರ ರಕ್ಷಣೆ ಬೊಕ್ಕ ನಿರ್ಗತಿಕೆರ್ ಆದಿಪ್ಪುನ ಪೊಂಜೋವುಲೆಗ್ ಸಹಾಯ ಮಲ್ಪೆರೆ ಬೊಕ್ಕ ಮಾನಸಿಕ ಅನಾರೋಗ್ಯ ಇತ್ತಿನಕಲೆಗ್ ಮರ್ದ್ ಮಲ್ಪೆರೆ ಇಪ್ಪುನ ಒಂಜಿ ಕೇಂದ್ರ. ಈ ಸಂಸ್ಥೆದ ಒಟ್ಟುಗು ಪರಿಸರ ಸಂರಕ್ಷಣೆ ಮಲ್ಪುನ ಸಲುವಾದ್ ಮಸ್ತ್ ಹೋರಾಟ ಮಲ್ದೆರ್. ಇತ್ತೆ ಕೇರಳದ ತಿರವನಂತಪುರಡ್ ಉಲ್ಲೆರ್

ಜೀವನೊ

ಸುಗತ ಕುಮಾರಿ ಇಂಬೆರ್ ಕೇರಳದ ಅರನ್ಮುಲ ಪನ್ಪಿನ ಜಾಗೆಡ್ ೧೯೩೪ನೇ ಇಸವಿದ ಜನವರಿ ೩ ದಾನಿ ಪುಟ್ಯೆರ್. ತಿರುವನಂತಪುರಂ ವಿಶ್ವವಿದ್ಯಾಲಯೊಡ್ದು ಪದವಿ ಶಿಕ್ಷಣೊನು ಪಡೆತ್ತೆರ್. ೧೯೫೫ನೇ ಇಸವಿಡ್ ತತ್ವಶಾಸ್ತ್ರೊಡು ಸ್ನಾತಕೋತ್ತರ ಪದವಿ ಪಡೆಯೆರ್. 'ಇಂಡಿಯನ್ ಸ್ಕೂಲ್ಸ್ ಆಫ್ ಫಿಲಾಸಫಿ ದ ಮೋಕ್ಷ ಆಫ್ ಕಾನ್ಸೆಪ್ಟಿವ್ ಸ್ಟಡಿ ಆಫ್ ದಿ ಕಾನ್ಸೆಪ್ಟ್ ಆಫ್ ಕಾನ್ಸೆಪ್ಟ್ ಸ್ಟಡಿ' ಟ್ ಮೂಜಿ ವರ್ಷೊ ಸಂಶೋಧನೆ ಮಲ್ತೆರ್ ಆಂಡ ಆ ಪ್ರಬಂದೊನು ಪೂರ್ಣ ಮಲ್ತ್ಜೆರ್.ಸಂಶೋಧನೆತ್ತ ಒಟ್ಟುಗು ಜೋಕುಲ್ನ ಕಬಿತೆ, ಸ್ತ್ರೀ ಬೊಕ್ಕ ಪರಿಸರೊಗು ಸಂಬಂಧಿಸಾಯಿನ ಕಬಿತೆಲೆನ್ ಬರೆಯೊಂದು ಸಾಹಿತ್ಯೊ ಕ್ಷೇತ್ರೊಡುಲ ಪುಗರ್ತೆ ಪಡೆತ್ತೆರ್. ಸುಗತ ಕುಮಾರಿ ಆರೆನ ಕಂಡನಿ ಡಾ. ಕೆ. ವೇಲಾಯುಧನ್ ನಾಯರ್ ಶಿಕ್ಷಣತಜ್ಞೆ ಬೊಕ್ಕ ಬರಹಗಾರೆ ಆದಿತ್ತೆರ್. ಶೈಕ್ಷಣಿಕ ಮನೋವಿಜ್ಞಾನೊಡು ಇಂಬೆರ್ ಶ್ರೀ ಅರಬಿಂದೋನ ತತ್ತ್ವಶಾಸ್ತ್ರೊದ ಬಗೆಟ್ ವ್ಯಾಪಕವಾಯಿನ ಅಧ್ಯಯನ, ಬೊಕ್ಕ ಅಯಕ್ ಸಂಬಂಧಿಸಾಯಿನ ಮಸ್ತ್ ಕೃತಿಲೆನ್ ರಚನೆ ಮಲ್ದೆರ್.

ಸಾಹಿತ್ಯೊ

೧೯೬೮ನೇ ಇಸವಿಟ್ ಸುಗತಿ ಕುಮಾರಿ ಬರೆಯಿನ ಪತಿರಪುಕಲ್ (ಮಿಡ್ನೈಟ್ ಪೂಕುಲು) ಕೃತಿಕ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಡೆತ್ತೆರ್. ೧೯೭೮ನೇ ಇಸವಿಡ್ ರಾಥರಿಮಜ ಕೃತಿಕ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಪಡೆತೆರ್. ಪಾವಂ ಮನವಹೃದಯಂ, ಮುಥೂಚಿಪ್ಪಿ, ಇರುಲ್ಚೈರಾಕುಲ್ ಮತ್ತು ಸ್ವಾಪ್ನಭೂಮಿ ಆರ್ ಸುರುಕ್ ಬರೆತ್ತಿನ ಕಬಿತೆಲು. ಪರಿಸರದ ಸಮಸ್ಯೆ ಬೊಕ್ಕ ಸಮಾಜೊಡು ಇಪ್ಪುನ ಸಮಸ್ಯೆಲೆನ್ ಸುಗತ ಕುಮಾರಿ ಆರ್ಅ ಬರೆತ್ತಿನ ಕವಿತೆಡ್ ಪಣೊಂದಿತ್ತೆರ್. ಸುಗತ ಕುಮಾರಿನ ಕೃತಿಕುಲೆಡ್ ರಾಥ್ರಿಮಝಾ, ಅಂಬಾಮಣಿ ಮತ್ತು ಮನಲೆಝುತು ಮಸ್ತ್ ಜನಮನ್ನಣೆ ಪಡೆತ್ಂಡ್. ಇಂದು ಅತ್ತಂದೆ ಜೋಕುಲ್ನ ಕಬಿತೆಲೆನ್ ಲಾ ಇಂಬೆರ್ ಬರೆತ್ತೆರ್

ಪುಸ್ತಕೊಲು

1. ಮುತ್ತೂಚಿಪಿ (೧೯೬೧)
2. ಪಾತಿರಪ್ಪಕ್ಕಲ್ (೧೯೬೭)
3. ಪಾವಂ ಪವಂ ಮಾನವ ಹೃದಯಂ
4. ಪ್ರಾಣಮ್
5. ಇರುಲ್ ಚಿರಕುಕಲ್ (೧೯೬೯)
6. ರಾಥ್ರಿಮಝಾ (೧೯೭೭)
7. ಅಂಬಾಲಾನಿ (೧೯೮೧)
8. ಕುರಿಂಜಿಪುಕ್ಕಲ್ (೧೯೮೭)
9. ತುಲಾವರ್ಷಪಚಾ (೧೯೯೦)
10. ರಾಧಾ ಎವಿಡೆ (೧೯೯೫)
11. ದೇವದಾಸಿ (೧೯೯೮)
12. ಮನಲೇಜುತು(೨೦೦೬)
13. ಅಭಿಸಾರಿಕ
14. ಸುಗತಕುಮಾರಿಯುಡ್ ಕವಿತಾಲ್
15. ಕೃಷ್ಣಕಾವಿತಾಕಲ್
16. ಮೇಘಂ ವನ್ನು ತೊಟ್ಟಪ್ಪೊಲ್
17. ಪೂವಝಿ ಮರುವಾಳಿ
18. ಕಾದಿನು ಕಾವಲ್

ಪ್ರಶಸ್ತಿಲು

1. ಪದ್ಮಶ್ರಿ ಪ್ರಶಸ್ತಿ (೨೦೦೬)
2. ಪಾತ್ರಿಪೂಕ್ಕಲ್ ಕಬಿತೆಗ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (೧೯೬೮)
3. ರಥ್ರಮಜ ಕೃತಿಕ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ(೧೯೭೮)
4. ಒಡಕುಝಾಲ್ ಪ್ರಶಸ್ತಿ (೧೯೮೨)
5. ಅಂಬಾಮಣಿ ಕೃತಿಕ್ವಯಲರ್ ಪ್ರಶಸ್ತಿ
6. ಆಶಾನ್ ಪ್ರಶಸ್ತಿ (೧೯೯೧)
7. ಲಲಿತಾಂಬಿಕ ಸಾಹಿತ್ಯ ಪ್ರಶಸ್ತಿ (೨೦೦೧)
8. ಕೇರಳ ಸಾಹಿತ್ಯ ಅಕಾಡೆಮಿ ಫೆಲೋಶಿಪ್
9. ವಲ್ಲತೋಲ್ ಪ್ರಶಸ್ತಿ (೨೦೦೩)
10. ಬಾಲಮಣಿಯಮ್ಮ ಪ್ರಶಸ್ತಿ (೨೦೦೪)
11. ಜೋಕುಲ್ನ ಕಬಿತೆಗ್ ಜೀವಮಾನ ಸಾಧನ ಪ್ರಶಸ್ತಿ
12. ಸರಸ್ವತಿ ಸಮ್ಮಾನ್