ಸ್ನೇಹಾ ಉಲ್ಲಾಳ್

ಸ್ನೇಹ ಉಲ್ಲಾಳ್
ಸ್ನೇಹ ಉಲ್ಲಾಳ್
ಪುಟ್ಟು	೧೮ ಡಿಸೆಂಬರ್ ೧೯೮೭ ಮಸ್ಕತ್ತ್, ಓಮನ್
ಬೇಲೆ	ನಟಿ
ಸಕ್ರಿಯ ವರ್ಸೊ	2005 - ಇನಿಮುಟ್ಟ

ಸ್ನೇಹಾ ಉಲ್ಲಾಳ್ ತೆಲುಗು ಬುಕ್ಕೊ ಹಿಂದಿ ಚಲನಚಿತ್ರೊಲೆಡ್ ಅಭಿನಯ ಮಲ್ದಿನ ನಟಿ. ಮೆರೆನ ಪೊಪ್ಪ ಅಮ್ಮ ಕುಡ್ಲದಕುಲು ಅಂಚನೆ ಮೇರ್ ಕರ್ನಾಟಕೊದ ಮೊಗವೀರ ಸಮುದಾಯೊಗ್ ಸೇರ್ದಿನಾರ್. ಮೇರ್ ಉಲ್ಲಾಸಂಗ ಉತ್ಸಾಹಂಗ, ಸಿಂಹ ಪನ್ಪಿನ ತೆಲುಗು ಚಿತ್ರೊಲೆಡ್ ಅಂಚನೆ ಹಿಂದಿ ಚಲನಚಿತ್ರೊಲಾಯಿನ ಲಕ್ಕಿ: ನೋ ಟೈಮ್ ಫಾರ್ ಲವ್‌'ಲೆಡ್ ಅಭಿನಯ ಮಲ್ದೆರ್.

ಪುಟ್ಟು ಬುಕ್ಕೊ ಬರವು

ಸ್ನೇಹ ಉಲ್ಲಾಳ್ ಮೇರ್ 18 ಡಿಸೆಂಬರ್ 1987 ಗ್ ಮಸ್ಕತ್‍ಡ್ ನಿತಿನ್ ಉಲ್ಲಾಳ್ ಬುಕ್ಕೊ ಉಷಾ ಉಲ್ಲಾಳ್ ದಂಪತಿಲೆಗ್ ಪುಟ್ಟಿಯೆರ್. ಮೆರೆನ ಅಮ್ಮೆರ್ ನಿತಿನ್ ಉಲ್ಲಾಳ್ ಕುಡ್ಲದಾರ್, ಮೇರ್ ಓಮನ್‍ದ ಕಂಸ್ಟ್ರಕ್ಷನ್ ಕಂಪೆನಿಡ್ ಬೇಲೆ ಮಲ್ತೊಂದಿತ್ತೆರ್. ಸ್ನೇಹಾ ತನ್ನ ಪ್ರೌಢಶಿಕ್ಷಣೊನು ಮುಂಬೈದ ಡ್ಯುರೆಲೋ ಕಾನ್ವೆಂಟ್ ಶಾಲೆಡ್ ಓದಿಯೆರ್ ಬುಕ್ಕೊ ಎಂಎಂಕೆ ಕಾಲೇಜಿಗ್ ಸೇರಿಯೆರ್. ಅವ್‍ಲು ಆರ್ ಅರ್ಪಿತಾ (ಸಲ್ಮಾನ್ ಖಾನ್‍ನ ಮೆಗ್ದಿ)ನ ಜೋಸ್ತಿ ಆಯೆರ್.

ಚಿತ್ರರಂಗೊದ್ ಪಯಣ

ಮೇರ್ 2005 ನೇ ಇಸವಿಡ್ ಹಿಂದಿ ಚಲನಚಿತ್ರೊ ಲಕ್ಕಿ: ನೋ ಟೈಮ್ ಫಾರ್ ಲವ್ ಡ್ ಸಲ್ಮಾನ್ ಖಾನ್ ನೊಟ್ಟುಗು ಸುರೂತ ಸರ್ತಿ ಸಿನಿಮಾ ಲೋಕೊಗ್ ಕಾರ್ ದೀಯೆರ್. ಈ ಚಲನಚಿತ್ರೊದ್ ಪಿರಾವುಡ್ ಇರೆನ ಈಶ್ವರ್ಯ ರೈ ಡ್ ಸಾಮ್ಯ ಉಪ್ಪುನ ರೂಪೊದ್ ಕಾರಣೊಡ್ ಮಾಧ್ಯಮೊಲೆಡ್ ದುಂಬು ಗಮನ ಸೆಲಸಾಂಡ್.

2006ಡ್ ಬಿಡುಗಡೆಯಾಯಿನ ಆರ್ಯಾನ್ ಚಲನಚಿತ್ರೊಡ್ ಸೋಹೈಲ್ ಖಾನ್ನ ಒಟ್ಟುಗು ನಟಿಸಾಯೆರ್. ಈ ಚಲನಚಿತ್ರ ಬಾಕ್ಸ್ ಆಫೀಸ್‌ಡ್ ಯಶಸ್ಸು ತಿಕ್ಕುಜಿ. .

ತಾನು ಇಂಚಿನ ವಯಸ್ಸುದ್ ಸಿನಿರಂಗಡ್ ಮುಂದುವರಿಯೆರೆ ಪರಿಪಕ್ವತೆ ಕೊರತೆ ಉಂಡು ಪಂದ್ ತೀರ್ಮಾನ ಮಲ್ಪಿನ ಇರ್, ಕೊಂಚ ಕಾಲ ಹಿಂದಿ ಚಿತ್ರರಂಗೊಡ್ಡ್ ವಿರಾಮ ದೆತ್ತಿನಾರ್.

2008ಡ್ ಉಲ್ಲಾಸಂಗ ಉತ್ಸಾಹಂಗ ಚಲನಚಿತ್ರೊಡ್ ಮೂಲಕ ತೆಲುಗು ಸಿನಿರಂಗಗ್ ಪಾದರ್ಪಣೆ ಮಲ್ತೆರ್. ಈ ಚಲನಚಿತ್ರ ಮಲ್ಲ ಯಶಸ್ಸು ತಿಕ್ಕುದು ತೆಲುಗು ಚಿತ್ರರಂಗಡ್ ಪುರ್ ಪೋಯೆರ್.

ಅವ್ವೆ ವರ್ಸ ನೇನು ಮೀಕು ತೆಲುಸ? ಚಲನಚಿತ್ರೊಡ್ ನಟಿಸಾಯೆರ್. ಬೊಕ್ಕ ಕಿಂಗ್(2008) ಚಲನಚಿತ್ರೊದ್ "ನವ್ವು ರೆಡಿ" ಪಾಡ್ದ್ ವಿಶೇಷ ಕಾಣಿಕೆಡ್ ನಾಗಾರ್ಜುನಡ್ ಒಟ್ಟುಗು ನಟಿಸಾಯೆರ್.

2007ಡ್ ಅಮೆರಿಕನ್ ನಿರ್ದೇಶಕ ಸ್ಟೆಗ್ ಡೊಗ್ ನಿರ್ದೇಶನೊದ್ ಪಯಿರೆಟ್ಸ್ ಬ್ಲಡ್ ಚಲನಚಿತ್ರೊಡ್ ನಟೆರೆ ಆಯ್ಕೆ ಆಯೆರ್. ಆಂಡಾ ಚಂಡಮಾರುತ ಬೊಕ್ಕ ಹಣಕಾಸು ಸಮಸ್ಯೆಡ್ ಕಾರಣಡ್ ಆ ಯೋಜನೆ ರದ್ದಂಡ್. ಬೊಕ್ಕ ಕಾಸ್ ಮೆರೆ ಹೊತೆ' ಹಿಂದಿ ಚಲನಚಿತ್ರೊಡ್ ನಟಿಸಾಯೆರ್. ಮೆರೆನ ಕೆಲವು ಚಲನಚಿತ್ರೊಲು ವಾಣಿಜ್ಯ ಯಶಸ್ಸು ದೆತ್ತಜಿ. ಆಂಡಾ 2010ಡ್ ಬಿಡುಗಡೆಯಾಯಿನ ಸಿಂಹ ಚಲನಚಿತ್ರೊಡ್ ಬಾಲಕೃಷ್ಣಡ್ ಜೊತೆ ಆದ್ ನಡಿಸಾಯೆರ್. ಈ ಚಲನಚಿತ್ರ ಬ್ಲಾಕ್‌ಬಸ್ಟರ್ ಆಯಿನೆಡ್ ಮೆರೆನ ವೃತ್ತಿಜೀವನೊಡ್ ಒಂಜಿ ಪ್ರಮುಖ ಯಶಸ್ಸು ಆಯೆರ್.

2014ಡ್ ಅಂತ ನಿ ಮಯಲೊನ್' ಚಲನಚಿತ್ರೊಡ್ ಬೊಕ್ಕ ಸುಮಾರು ನಾಲ್ಕು ವರ್ಸ ಸಿನಿರಂಗೊಡ್ಡ್ ವಿರಾಮ ದೆತ್ತೆರ್.

2017ಡ್ ಎಂಕ್ ಆಟೊಇಮ್ಯೂನ್ ರೋಗಡ್ ತೊಂದರೆ ಅನುಭವಿಸಾಯಿನ ಕಾರಣ ಸಿನಿರಂಗೊಡ್ಡ್ ವಿರಾಮ ದೆಪ್ಪುವೆ ಪಂದ್ ಪ್ರಕಟಣೆ ಮಂತೆರ್. ಆ ರೋಗೊದ್ ಕಾರಣ ಒಂಜಿ ಸಾರಿ 30–40 ನಿಮಿಷೊಡ್ದ್ ಮಿತ್ತ್ ಉಂತೆರೆ ಕಷ್ಟ ಆಪುಂಡು ಪಂದ್ ಲಾ ಪಂಡೆರ್.

ಬೊಕ್ಕ ಆಯುಷ್ಮಾನ್ ಭವ ತೆಲುಗು ಚಲನಚಿತ್ರೊಡ್ ಸುರುಕಾದ್ ದ್ವಿಪಾತ್ರೊಡ್ ಅಭಿನಯ ಮಂತೆರ್.

2022ಡ್ ಬಿಡುಗಡೆಯಾಯಿನ ಲವ್ ಯು ಲೋಕತಂತ್ರ ಹಿಂದಿ ಚಲನಚಿತ್ರೊಡ್ ವಕೀಲೆನ ಪಾತ್ರಡ್ ನಟಿಸಾದೆರ್.

ಸಿನಿಮೊಲು

ವರ್ಷ	ಶೀರ್ಷಿಕೆ	ಪಾತ್ರೊ	ಬಾಸೆ	ಟಿಪ್ಪಣಿ	Ref.
2005	ಲಕ್ಕಿ:ನೋ ಟೈಮ್ ಫಾರ್ ಲವ್	ಲಕ್ಕಿ ನೇಗಿ	ಹಿಂದಿ	ಬಾಲಿವುಡ್ ಡೆಬ್ಯೂಟ್
2006	ಆರ್ಯನ್	ನೇಹ.ಎ.ವರ್ಮ	ಹಿಂದಿ
2007	ಜಾನೆ ಭಿ ದೊ ಯಾರೋಂ		ಹಿಂದಿ	ಅತಿಥಿ ಪಾತ್ರೊ
2008	ಉಲ್ಲಾಸಂ ಉತ್ಸಂಗಂ	ಧನಲಕ್ಷ್ಮಿ	ತೆಲುಗು	ತೆಲುಗು ಡೆಬ್ಯೂಟ್ ಸಂತೋಷಂ ಬೆಸ್ಟ್ ಆಕ್ಟ್ರೆಸ್ ಡೆಬ್ಯೂಟ್ ಅವಾರ್ಡ್
	ನೇನು ಮೀಕು ತೆಲುಸ..?	ಅಂಜಲಿ	ತೆಲುಗು
	ಕಿಂಗ್	ಸ್ವತಃ	ತೆಲುಗು	ನುವ್ವು ರೆಡ್ಡಿ ಪದೊಟ್ಟ್ ಎಲ್ಯ ಪಾತ್ರೊ
2009	ಕಾಶ್..ಮೇರೆ ಹೋತೆ	ರಾಧಿಕ	ಹಿಂದಿ
	ಕರೆಂಟ್	ಸ್ನೇಹ	ತೆಲುಗು
2010	ಕ್ಲಿಕ್	ಆರ್ತಿ ಕೌಶಿಕ್	ಹಿಂದಿ
	ವರುಡು		ತೆಲುಗು	ಅತಿಥಿ ಪಾತ್ರೊ
	ಸಿಂಹ	ಜಾನಕಿ	ತೆಲುಗು
2011	ಅಲ ಮದಲೈನ್ದಿ	ಕಾವ್ಯ	ತೆಲುಗು
	ದೇವಿ		ಕನ್ನಡ	ಕನ್ನಡ ಡೆಬ್ಯೂಟ್
	ಗಾಂಧಿ ಪಾರ್ಕ್	ಪ್ರಿಯಾಂಕ ಫಿಲಿಪ್	ಇಂಗ್ಲಿಷ್	ಇಂಗ್ಲಿಷ್ ಡೆಬ್ಯೂಟ್
	ಮಡತ ಕಜ	ಸ್ವಪ್ನ	ತೆಲುಗು
2012	ಮೋಸ್ಟ್ ವೆಲ್ಕಮ್		ಬಂಗಾಲಿ	ಬಂಗಾಲಿ ಡೆಬ್ಯೂಟ್ ಮೋಸ್ಟ್ ವೆಲ್ಕಮ್ ಪದ್ಯೊಡ್ ವಿಸೇಸ ಪಾತ್ರೊ
2013	ಆಕ್ಷನ್ ೩ಡಿ	ಸಮೀರ	ತೆಲುಗು
2014	ಅಂತ ನೀ ಮಾಯಲೊನೆ		ತೆಲುಗು
2015	ಬೇಸುಬಾ ಇಷ್ಕ್	ರುಮ್‍ಝುಮ್	ಹಿಂದಿ

ಸ್ನೇಹ ಉಲ್ಲಾಳ್ ಮೇರ್ ನಟನೆ ಮಲ್ದಿನ ಸಿನಿಮೊಲೆಗ್ ಉಲ್ಲೇಕೊಲು.

ಧಾರವಾಹಿಲು

ವರ್ಷ	ಶೀರ್ಷಿಕೆ	ಪಾತ್ರೊ	ಬಾಸೆ	ವೇದಿಕೆ
2020	ಎಕ್ಸ್ಪಾಯರಿ ಡೇಟ್	ದಿಶಾ	ತೆಲುಗು, ಹಿಂದಿ	ಜೀ5