ಹರ್ಯಾಣ

ನಮ ದೇಸೊದ ನಕ್ಷೆಡ್ ಹರ್ಯಾಣ ರಾಜ್ಯೊನು ಕೆಂಪು ರಂಗ್‌ಡ್ ತೋಜಾದೆರ್

ಹರ್ಯಾಣ ರಾಜ್ಯೊದ ನಕ್ಷೆ

ಹರ್ಯಾಣ (ಹರಿಯಾಣ ಪಂದ್‌ಲಾ ಲೆಪ್ಪುವೆರ್) ಉತ್ತರ ಭಾರತದ ಒಂಜಿ ರಾಜ್ಯವಾದ್ ಉಂಡು. ದುಂಬುದ ಪೂರ್ವ ಪಂಜಾಬ್ ರಾಜ್ಯೊದ ಬಾಗೊನ್ ಭಾಸೆದ ಆಧಾರದ ಮಿತ್ ಪ್ರತ್ಯೇಕ ಮಲ್ತ್‌ದ್ ಇತ್ತೆದ ಹರ್ಯಾಣ ರಾಜ್ಯೊನು ರಚನೆ ಮಲ್ತೆರ್. ೧ನೇ ನವೆಂಬರ್ ೧೯೬೬ನೇ ಇಸವಿಡ್ ಹರ್ಯಾಣ ರಾಜ್ಯ ಉಂಡಾಂಡ್. ಇಸ್ತೀರ್ನೊಡು ೨೧ನೇ ಸ್ತಾನೊಡು ಇಪ್ಪುನ ಈ ರಾಜ್ಯದ ರಾಜಧಾನಿ ಚಂಢೀಗಢ. ಉಂದು ಪಂಜಾಬ್ ರಾಜ್ಯೊದ ರಾಜಧಾನಿಲಾ ಅಂದ್. ಹರ್ಯಾಣ ರಾಜ್ಯೊಡು ಒಟ್ಟು ೨೨ ಜಿಲ್ಲೆಲು ಉಲ್ಲ. ಗುರ್ಗಾಂವ್ ಈ ರಜ್ಯೊಡು ಇಪ್ಪುನ ಪುಗರ್ತೆದ ಪೇಂಟೆ. ದೇಗ್ ಪನ್ನಗ, ನಮ ದೇಸೊಡ್ ಮಸ್ತ್ ಐಟಿ ಕಂಪೆನಿಲು ಇಪ್ಪುನ ಪೇಂಟೆಲೆಡ್ ೨ನೇ ಸ್ತಾನೊಡು ಗುರ್ಗಾಂವ್ ಉಂಡು. ಹರ್ಯಾಣ ರಾಜ್ಯೊದ ಒಟ್ಟು ಇಸ್ತೀರ್ನ ೪೪,೨೧೨ ಕಿಮೀ^೨. ೨೦೨೧ ಇಸವಿದ ಪ್ರಕಾರ ಮುಲ್ತ ಒಟ್ಟು ಜನಸಂಖ್ಯೆ ೨,೫೩,೫೧,೪೬೨. ಹರ್ಯಾಣದ ಬಡಕಾಯಿಡ್ ಪಂಜಾಬ್ ಬುಕ್ಕ ಹಿಮಾಚಲ ಪ್ರದೇಶ, ಪಡ್ಡಾಯಿ ಬುಕ್ಕ ತೆಂಕಾಯಿಡ್ ರಾಜಸ್ತಾನ, ಮೂಡಾಯಿಡ್ ಉತ್ತರ ಪ್ರದೇಶ ರಾಜ್ಯೊಲು ಉಲ್ಲ.

ಹರ್ಯಾಣ ರಾಜ್ಯೊದ ರಾಜ್ಯಭಾಸೆ ಹಿಂದಿ. ಆಂಡ ಉರ್ದು ಪಂಜಾಬಿ ಬಾಸೆಲೆನ್ಲಾ ಪಾತೆರುವೆರ್. ಅತ್ತಂದೆ ಸ್ಥಳೀಯ ಬಾಸೆಲಾಯಿನ ಹರಿಯಾಣವಿ, ಬಾಗ್ರಿ, ಅಹಿರಾವತಿ, ಮೇವಾಡಿ, ಬೃಜ್- ಈ ಬಾಸೆಲೆನ್ ಪಾತೆರುನ ಜನಕುಲುಲಾ ಮುಲ್ಪ ಉಲ್ಲೆರ್.