ಸ್ವಪ್ನಾ ಬರ್ಮನ್

ಸ್ವಪ್ನಾ ಬರ್ಮನ್ (ಪುಟ್ಟುದಿನಿ ೨೯ ಅಕ್ಟೋಬರ್ ೧೯೯೬) ಒರ್ತಿ ಭಾರತೀಯ ಹೆಪ್ಟಾಥ್ಲೀಟ್(೭ ಬಗೆತ್ತ ಗೊಬ್ಬುನು ಗೊಬ್ಬುನಕ್ಲು). ಮೇರ್ ೨೦೧೮ತ ಏಷ್ಯನ್ ಕ್ರೀಡಾಕೂಟಡ್ ಬಂಗಾರ್‌ದ ಪದಕೊನು ಗೆಂದ್‍ದೆರ್ ಬೊಕ್ಕ ೨೦೧೭ತ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್ ಷಿಪ್ ದ ಹೆಪ್ಟಾಥ್ಲಾನ್‍ಡ್ ದುಂಬುದ ಸ್ಥಾನನ್ ಪಡೆದೆರ್. ಗೋಸ್ಪೋರ್ಟ್ಸ್ ಫೌಂಡೇಶನ್ ಮೆರೆಗ್ ರಾಹುಲ್ ದ್ರಾವಿಡ್ ಕ್ರೀಡಾಪಟು ಮಾರ್ಗದರ್ಶಿ ಕಾರ್ಯಕ್ರಮದ ಮೂಲಕ ಬೆಂಬಲನ್ ಕೊರ್ರ್ತೆರ್. ಭಾರತದ ಸ್ವಪ್ನಾ ಬರ್ಮನ್ ಇಂಡೋನೇಷ್ಯಾಡ್ ನಡತಿನ ೨೦೧೮ತ ಏಷ್ಯನ್ ಗೇಮ್ಸ್‌ಡ್ ವಿಮೆನ್ಸ್ ಹೆಪ್ಟಾಥ್ಲಾನ್ ಬಂಗಾರ್‌ದ ಪದಕನ್ ಗೆಂದ್‌ದೆರ್.

ಪುಟ್ಟು

ಸ್ಪಪ್ನಾ ಪಶ್ಚಿಮ ಬಂಗಾಳದ ಜಲಪೈಗುರಿತ ಕೈತಲ್ದ ಗೊಶ್ಪಾರ ಹಳ್ಳಿಡ್ ೨೯ ಅಕ್ಟೋಬರ್ ೧೯೯೬ನೇ ಇಸಾವಿಡ್ ಪುಟ್ಟಿಯೆರ್.

ಜೀವನೊ

ಮೆರೆನ ಅಮ್ಮೆರ್ ಪಂಚನನ್ ಬರ್ಮನ್ ಒರಿ ರಿಕ್ಷಾ ಚಾಲಕೆ ಬೊಕ್ಕ ಮೆರೆನ ಅಪ್ಪೆ ಬಸಾನಾ ಮೇರ್ ಚಹಾದ ಎಸ್ಟೇಟ್‌ಡ್ ಬೇಲೆ ಮಲ್ತೊಂದಿತ್ತೆರ್. ಸ್ಟ್ರೋಕ್‌ರ್ದ್ ಬಳಳೊಂದಿತ್ತಿನ ಮೆರೆನ ಅಮ್ಮೆರ್ ಒಂತೆ ದಿನರ್ದ್ ಬೊಕ್ಕ ಹಾಸಿಗೆ ಪತ್ತಿಯೆರ್. ಬೊಕ್ಕ ನಾಲ್ ಜೋಕುಲೆನ್ ಸಾಂಕೆರೆ ಆರೆರ್ದ್ ಆಯಿಜಿ. ಸ್ಪಪ್ನಾನ ರಡ್ಡ್ ಕಾರ್‌ಡ್ಲಾ ಆಜಿ ಬಿರೆಲ್ ಇತ್ತಿನೇಡ್ದ್ ಮೇರ್ ಮಸ್ತ್ ಬೇನೆ ಅನುಭವಿಸಿಯೆರ್. ಅಥ್ಲೆಟಿಕ್ಸ್‌ಡ್ ಮೆರೆನ ಯಶಸ್ಸ್‌ನ್ ಗುರುತಿಸಾದ್ ೨೦೧೬ಟ್ ಮೇರ್ ಸರಕಾರಡ್ದ್ ೧,೫೦,೦೦೦ ರೂಪಾಯಿನ್ ವಿದ್ಯಾರ್ಥಿವೇತನವಾದ್ ಪಡೆಯೆರ್. ಇತ್ತೆ(ಪ್ರಸ್ತುತ) ಮೇರ್ ಕೊಲ್ಕತ್ತಾದ ಸ್ಪೋರ್ಟ್ಸ್ ಅಥೋರಿಟಿ ಆಫ್ ಇಂಡಿಯಾ ಕ್ಯಾಂಪಸ್‌ಡ್ ತರಬೇತಿ ಕೊರೊಂದುಲ್ಲೆರ್. ಮೇರ್ ೨೦೧೮ಟ್ ಏಷ್ಯನ್ ಕ್ರೀಡಾಕೂಟಡ್ ಬಂಗಾರ್‌ದ ಪದಕನ್ ಗೆಂದ್‍ದೆರ್.

ಸಾಧನೆಲು

ಸ್ವಪ್ನಾ ಬರ್ಮನ್ (ಭಾರತೊಗು ಬಂಗಾರ್),ಮೆಗ್ ಹೆಂಪ್ಹಿಲ್(ಜಪಾನ್‍ಗ್ ಬೊಳ್ಳಿ) ಬೊಕ್ಕ ಪೋರ್ಣಿಮಾ ಹೆಮ್ಬ್ರಮ್(ಭಾರತೊಗು ಕಂಚ್)

ಭಾರತೊದ ಪೊಂಜೊವುಲೆನ ಹೆಪ್ಟಾಥ್ಲಾನ್, ಅರೆನ ಕ್ರಿಯೆಡ್ ಸ್ವಪ್ನಾ ಬರ್ಮನ್

೨೦೧೭ ಏಷ್ಯನ್ ಅಥ್ಲೆಟಿಕ್ಸ್ ಚ್ಯಾಂಪಿಯನ್ಷಿಪ್ಸ್

ವರ್ಸೊ	ಜಾಗೆ	ಈವೆಂಟ್	ಅಂಕೊಲು	ಫಲಿತಾಂಶ
೨೦೧೭	ಕಾಳಿಂಗ ಸ್ಟೇಡಿಯಂ, ಭುವನೇಶ್ವರ್	ಹೆಪ್ಟಾಥ್ಲಾನ್	೫೯೪೨	ಚಿನ್ನ

ಪಟಿಯಾಲ ಫೆಡರೇಷನ್ ಕಪ್

ವರ್ಸೊ	ಜಾಗ್	ಈವೆಂಟ್	ಅಂಕೊಲು	ಫಲಿತಾಂಶ
೨೦೧೭	ಜೆಎಲ್ಎನ್ ಸ್ಟೇಡಿಯಂ, ನವದೆಹಲಿ	ಹೆಪ್ಟಾಥ್ಲಾನ್	೫೮೯೭	ಚಿನ್ನ

ಏಷ್ಯನ್ ಗೇಮ್ಸ್

ವರ್ಸೊ	ಜಾಗ್	ಈವೆಂಟ್	ಅಂಕೊಲು	ಫಲಿತಾಂಶ
೨೦೧೪	ಇಂಚಿಯೋನ್ ಏಷ್ಯನ್ ಮೈನ್ ಸ್ಟೇಡಿಯಂ	ಹೆಪ್ಟಾಥ್ಲಾನ್	೫೧೭೮	೫ ನೇ ಸ್ಥಾನ
೨೦೧೮	ಗೆಲೋರಾ ಬುಂಗ್ ಕರ್ಣೊ ಸ್ಟೇಡಿಯಂ	ಹೆಪ್ಟಾಥ್ಲಾನ್	೬೦೨೬	ಚಿನ್ನ

೨೦೧೮ ದ ಏಷ್ಯನ್ ಕ್ರೀಡಾಕೂಟಡ್ ಬಂಗಾರ್‌ದ ಪದಕ ಗೆಂದಿನೆಕ್ ಬಹುಮಾನೊಲು

• ಪಶ್ಚಿಮ ಬಂಗಾಳದ ಸರಕಾರಡ್ದ್ ಪತ್ತ್ ಲಕ್ಷ ರೂಪಾಯಿ(US $ 14,000).